مرام: گاعدة بالفورتات التوصل لحي العباس اباوع الناس شلون تشتغل بالحر الي يبيع مي وعصير والي يبيع احذيه والي يصيح رمان ورگي ع سچين والجو حار كلش علمود عيشتهم خطيه اوووف شوكت ينصلح حالنه التفتت شفت مرية حاطة خضرة ولبن ومبلله الخاولي وحاطته على راسهة تذكرت ايامي قبل ١٥ سنه من چنت حامل بغسق
....................................
رسول: كم يوم بشهرچ
مرام: ميت مرة سالت وگتلك اليوم اول يوم شبيك رسول
رسول: ادري بيج زعلانه على ملاك بس حبابه لا تبچين من تخابربهة احس بنتي راح تطلع بس تونن منوارچن
مرام: اوف يملاك ما ارتاحت بحياتهة ابد سودة عليه اخيتي
رسول: هذا امر الله الله يصبر گلبهة
زهراء: رسول الطبيب طلب منك هذا التحليل
رسول: والله لا اسوي ولا اروح هاي محبل مرتي وراح تجيب سليم ميه ميه
زهراء: رسول هذا التحليل علمود العمليه مو خاف فايروس او شي ثاني
رسول: هاي شلچ بيهة الفايروس يعوف صندگ مكياجچ ووجهچ يركض على استغفر الله
مرام: يااا رسول شبيك صدوك جذب شهالحجي
زهراء: انت تدري شگد راح نصرف على هاي العمليه ما اريد اي خطاء
رسول: ما اريد . اسوي تحليل دم ادرار خو مو تحليل استغفر الله
مرام: شكو بيهة سوي التحليل انت تعرف عمليه الانابيب كلش صعبه لو طلع شي لا سامح الله يعني تعبكم وفلوسكم بالشط
رسول: اسوي وامرلي لله حطيت حلكي يم اذن مرام ( والله العلميه قبلت بيهة لان بعد ميصير اقربلها وحنام يمچ كل يوم)
مرام: ضحكت على سوالفه تگول مراهق
رسول: طلعت لابو المختبر اخذ عينه وگال فديومين ومرلي رجعت للبيت قضيت ذني اليومين يم مرام ما اعرف ليش رغم اني اعدل بينهن وادوس على گلبي بس بذاك اليوم متحركت من فراشي مگابل مرام ابوس بيهة اشمهة حتى اخذت اجازة ما اعرف ليش بس اريد اشبع منهة عدن اليومين اخذت التحليل سالت ابو المختبر اكو شي
؟؟: صراحة لازم تاخذ علاج يلا تسوي العمليه
رسول: بس اني زوجتي حامل
؟؟: اااااا ما ادري والله
رسول: شنو متدري
؟؟: اسال الطبيب
رسول: احترك دمي جريته من قميصه احجي شكو
؟؟: بهاي النتيجة مستحيل تكون مرتك حامل منك
رسول: تخبلت بعد ما اعرف شلون انزل درج المختبر ركضت للسيارة گبل للبيت دفرت الباب وطبيت
ام رسول: يا ستار يمه شبيك
رسول: مراااام
مرام: طلعت من الحمام العصر صعدت للغرفه لبست هدومي تعطرت سمعت صوت الباب انفتحت قوي وصوت رسول يصيح نزلت اركض
رسول؛ شفتهة نزلت من الدرج لزمتهة من شعرهة للسيارة وامي تصيح هي واختي وزهراء لازمتني وادفع بيهن امي شمرت عبايه لمرام حطتهة على راسهة اخذتهة وگبل لبيت اهلهة
مرام: طول الطريق ابجي اسال شبيك ميباوعلي
نزلته يم اهلي دگ الباب واجه فتح باب السيارة جرني
ابو ملاك: بسم الله هاي شكو شبيك رسول شبيكم
رسول: عمي خلينه انطب مو هنا نحجي
مرام: جرني من زندي طبينه لاخر غرفه بالبيت طلع امي من الغرفه ملاك جانت لازمه عدة فما گدرت تطلع تشوفني
ابو ملاك: شكو هسة غير افتهم
رسول: شوف عمي هاي بنتك اول يوم اتزوجتهة اجتني مو شريفه ولاعبه من گايل الله بس سكتت وسترتهة لخاطر شيباتك بس تخوني وهي على ذمتي مستحيل ابقيهة يوم واحد بيتي اخذهة انت اغسل عارك اني ما اوصخ ايدي بيهة
مرام: اني صافنه بوجه رسول والله ما خنتك والله اني احبك ليش اخونك يعني تتوقع اني اگدر اخلي رجال غيرك يلمسني
رسول: شششششش گتلچ احبچ گتلچ حطيت شكو ثقه وامل بيج انتي شسويتي كسرتيني
مرام: حچة وخلة وطلع ابويه يباوعلي لا ضربني ولا حچة ويايه صاح امي گلهة بطانيه بروح ابوچ امي صافنه وراهة جابت بطانيه گعدت يم راس ابويه تمسح على راسه واقره ايات ما ادري شصار ابويه لزم صدره صاح مي وراهة كام شلون اليشخر وسكت اتخبلنه امي صاحت الجوارين اجوي اخذوا للمستشفى ملاك اجتي يمي
ملاك: لچ شبي رسول هيج يحجي
