ملاك: من كال صيحي ابوج جمدت هو خزرني اني دخلت للبيت
الاب: منو
ملاك: رجال يريدك طلع بابا كال فتحوا بابا الاستقبال وسو طريق دخل سمعته كال المغرب وصلت امنت ودخلت للغرفه وره ساعتين اجو بيت عمي ابو رسول خطبوا مرام فرحنه كلش لان رسول كلش حلو ومؤدب وهو ابن عمها ستر وغطى مهما صار
رسول: اسمي رسول عمري 20 سنه مرحله أخيره لغات محبيت بحياتي مواصفاتي اسمر ملامح خليجي طولي 170 جسمي مرتب واشتغل شركه اهليه سياحه حالتنه ميسوره والحمد لله بعيد كل البعد عن الشرب والبنات لان التحجي ويايه اتجز نفسي منهة واكرها واخاف على خواتي كلش خاف الله يعابيني بيهن
ابو رسول: ابني انت كبرت وراح تتخرج وافرح بيك وراح ادز امك تخطبلك بنت عمك مرام
رسول: انشاء الله حجي
ابو رسول: ابني عاجبتك وحده احجي قبل منروح
رسول: لا حجي بنت عمي احسن من الغريبه
ابو رسول: لعد امك اليوم تروحلهم
رسول: الله كريم
رسول: اتصل ابويه بعمي وتحددت الخطبة بسرعه اني عندي فلوس راتب خمس سنين ضامه لان طبعي ما اصرف اضم اكول يجي يوم واحتاجهن فعلا راح اتزوج بدون مساعده احد بعرس مرتب امي راحت اجت كالت اكو موافقه من الام ومرام ثاني يوم رحت ويه امي لبيت عمي نشتري النيشان طلعنه ويه امهة بس هي مشفتها كلت معقوله متريدني ليش مطلعت اشترينه الذهب والشغلات الاساسيه
ام رسول: خلي نشتري الملابس فد مره
رسول: لا هي تطلع ويه امهة على ذوقها تشتري رجعنه للبيت دخلت الغراض هم مطلعت خواتهة موجودات بس هي ماكو
ملاك: من بعد ما اجه رسول وامه وطلعوا ويه امي كعدت اقره واحضر دروسي واسولف ويه مرام احاول اضحكها بس الانكسار مبين عليهة
مرام: شكد مستحقره روحي اهلي ميبينون انو صار شي بس اني كارهة نفسي ولمن اجت امي تراويني الذهب والشغلات الشتروهن وصلت لسيت النوم اني متت احس روحي راح تطلع اتذكرت كلشي امي سكتتني وصاحت لملاك
الام: ملاك تعاي احاجيج
ملاك: ها يمه
الام؟ ملوكة انتي كبرتي وصرتي مرة بعد والبنيه تجي فتره يخطبوهة وراهة بعد محد يدك بابهة فلازم تتزوج
ملاك: اي وشنو يعني اطلع ادور واحد يخطبني
الام: لا يمه هو اجه ميحتاج تطلعين شيخ حيدر اجه خطبج
ملاك: هاااا
الام: وجعا
ملاك: شتحجين يوم شيوديني للعماره
الام: يايمه انستري احسنلج لو طلعت احسنلج لو طلعت سالفه اختج محد بحالج بعد وهو جبير ومتفهم وشيخ يا يمه وافقي وبردي كلبي
ملاك: يمه شتحجين بكد ابويه يطلع عمره شنو اتزوجة وبس يخزر تخبلت اخذ هيج واحد
الام: يمه مال وجمال وينه وين ابوج الاكرع شنو ناقصه استري علينه وقبلي وكافي الي صار لو رجع هذا الحقير وهددج لو سوه شي بذاك الوقت متنفع الندامه اقبلي وستري على شيبات ابوج لو جاي لايام هم جان قبلت الرجال ابن اصول و مناقصه شي
ملاك: ما ادري
الام: طولي اي وخل نتوكل
ملاك: باجر اكولج اي لو لا
الام: يمه يرادلها تفكير اني اصلا كلت لابوج موافقه من البارحة وهسة اجيت اكولج
ملاك: يمه شلون هيج تسوين غير تكوليلي اول زين خاف يبطلني
الام: ليش شفادت الدراسه غير تعلمجن سوالف مكسره
ملاك: اروح انام احسنلي
ملاك: ثاني يوم طلعت شفت حيدر طلع من الحسينيه اني جنت دا اروح للمدرسة هو شافني ضل يخزر ومن وصلت يمه
حيدر: هي كم يوم اريد اشوف من يخليج تطلعين
ملاك: هذا شبي عشتوا عايش الدور
حيدر: سلام عليكم اسمي حيدر من محافظة العماره اني شيخ عشيره هناك استلمتهة من بعد ما ابويه كبر بالعمر تخرجت من الكليه بس هو مقبل اتعين اعتمد عليه بكلشي من الزغر ياخذني وياه بالكعدات لهذا اتعلمت منه هواي اشياء وابويه اختارني بين اخوتي رغم مو الجبير بس اختلف عنهم اصلا اني اشوف اطباعي غريبه لان ما بيوم تحرشت ببنيه او حطيت عيني ع وحده احس مو من حقي احط عيني او اتمنى شي مو الي حتى افلام ممثلات لو يجيبون ملكه جمال ما اعيرلها انتباه مو معناها معندي شهوة او مو رجال بس المو الي
ما احط عيني عليه واكدر اتحكم بنفسي الى ابعد الحدود والكل يحترمني الزغير والجبير كنت متزوج وعايش ويه مرتي عندي بنات 2 بس اخر اسبوع ويه مرتي بديت الاحظ مرتي تغيرت هواي كامت تدور طلايب حتى تزعل وتتطلك ويوم زينه يوم لا ما عرفت شنو السبب بس ضليت أراقبها لحد ما يوم سمعتها تحجي ويه واحد بالموبايل تخبلت طلكتها وخليتها تتنازل عن بناتها وكتلهة تحلمين تشوفيهن بعد الفهمته منهة هي تحبه قبل ما اتزوجها وهو سافر وهسة رجع وهي تريد تتطلك علمود ترجعله استغربت من تصرفها ما بيوم حسيتها متحبني او منزعجة من شي جان اليشوفنه يحسدنه ع تفاهمنه ما حجيت شي لخاطر بناتي ما اريد يتاذن بسبب خطا امهن بس النار البكلبي احس تحركني حرك مو لان أحبها بس حسيت انضحك عليه انطيتها ثقه ودللتها دلال ما شافته ابيت ابوها هيج تجازيني واليموتني قبل كم يوم تكلي ما ابدلك بزلم الدنيا كلهة شنو من جذب عدهن النسوان اخر شي كلت مالي غير كربلاء اروح ازور بلكي يبرد كلبي اني عندي حسينيه هناك رحت من وصلت اول مدخلت للحديقه شماغي صار على الشجره ضليت واكف اسحبه سمعت بنات 2 يحجن على عمليه وغشاء بكاره وواحد مدري شمصخم ومدري شنو واسمع وحده اسمهة ملاك حسب ما سمعت من اختها تكلهة عادي اصلا اكو متزوجات ويخونن ازواجهن اني تخبلت شنو من تربيه سز هاي مو صوجج صوج النطاج خبز ما انطاج تربية
