مرام: مرت عمي تقبلت الموضوع
ابو رسول: عمي الرجال يحتاج ابن يسندة من يكبر بس مو هسة ازوجه انتي بعدج عروس خلي تمر كم سنه ويتزوج
مرام: لا عمي شريد منه خلي يتزوج ويفرح بجهاله
رسول: قنعت كل البيت اوووف يا مرام تعاي قنعي كلبي يكرهج وانتي كلج اذيه الي
مرام:صعدت للغرفه ضليت اصلي واقره قران
حيدر: كلما افتح الباب تنز وتضل تبجي
حسن: لك انت متخبل مدتصرف بوعيك تخبلت شمسوي بالبنيه
حيدر: لو تشوف رجال نازل من غرفه مرتك وتصعدلها تلكاها بالحمام بلا ملابس شتسوي
حسن: اي غير تفتهم السالفه اول
حيدر: شفتهم متكلي
ام حيدر: الله يكسر أيده انشاء الله هاي شمسوي بيج
ملاك: احس كل كتر من جسمي يشكي من ضربه تعبت ما اريد اعيش بعد اووووف يا يمه شسويتي بيه هو هذا الشيخ
حيدر: تعبت من التفكير و تأنيب الضمير يا ربي شسوي اهديني رحت لبيت عمي اريد اعرف السالفه من ايناس ليش جذبت طلعت اختهة كالت متخربطة واخذوها للمستشفى رجعت شفت ملاك تريد تصعد الدرج ومتكدر شلتهة وصعدت ضلت تبجي
ملاك: وخررر نزلني
حيدر: ششششش حبابه اسكتي
ملاك: ليش هيج سويت بيه هاي هيج تحل مشاكل العشيره توني عرفت ليش الكل يخاف منك والله لو تكلي عبدي البقره ما اكلك لا شسويتلك حتى تسوي هيج بيه
حيدر: ملاك اني
ملاك: ما اريد اسمع منك حباب وديني لاهلي اقبل كوللهم على مرام تعبت بعد ما اكدر
حيدر: انتي صدكتي اكدر افضح بنيه ما عندي عرض ما اخاف من الله والله مستعد اسوي التردي بس سامحيني
ملاك: وديني لاهلي مبري الذمه دنيا واخره
حيدر: اوديج ترتاحين اي بس طلاك ماكو
مرام: راحت عمتي خطبت لرسول كلبي انقبض اتمنى ابجي حتى ارتاح بس ماكو دمعه تسعفني بوقتهة طلعت زوالي البيت المتروكه غسلتهن جلفت الارضيه والمطبخ شكو شغل سويته حتى غرفة عمي وعمتي كلبت البيت ع البطانه حتى السطح كنسته وغسلته ما خليت شي يعتب عليه
ام رسول: وج يمه ابجي زعلي كافي دمرتي نفسج والله راح تموتين
مرام؛ لا عمه ليش ابجي والله فرحانه
رسول: جانت مرام تكعد شويه بالغرفه هسة ماكو كله شغل خطبت الجانت ويايه بالشركه بس طلباتهة متخلص
ابو رسول: رسول انت وين حتكعد مرتك الجديده
رسول: فوك بالغرفه الزغيره هي باجر تجي تشوف الغرفه والبيت وتتعرف عليكم
ابو رسول: الله كريم
مرام: شلت هم شلون حيجيبهة صعبه شكد ما اكول صعبه قليل
ام رسول: لعد جيب سمج وفواكه
رسول: عليمن بعد هي من اهل البيت سو كلشي الجان
ام رسول: اني عندي واجب ما اكدر اطبخ جيب جاهز
رسول : خلي مرام تطبخ
مرام: اي شكو بيهة اسويلكم دولمه وبرياني
رسول: شنو من بشر شكد اريد احرك كلبهة ولا يمهة
مرام : طلعت حركتي بالطبخ والحلويات ثاني يوم اجتي مو مرة لعابه اضافرهة والمكياج تصفن
زهراء: هاي الاكل من اي مطعم
ام رسول: هذا من ايد مرام
زهراء: مممم بس ماصخ شويه
مرام: تباوعلي صفح وما عاجبهة خلصنا اكل صبيت جاي
زهراء: اني ما اشرب جاي يسوي وجهي اصفر ورة الاكل اشرب مشروبات غازيه
مرام: حافضي على وجهج وخلي ينزل كرشج
زهراء: شنو كلتي
مرام: لا مو وياج هسة ادز واحد من الولد يجيبون قنينه غاز قصدي مشروبج
رسول: اسمع مرام واضحك وهاي كاعد تتفيك
زهراء: حبيبي خلي نصعد اشوف الغرفه
رسول: يلا
مرام؛ ربع ساعه ونزلوا يتعاركون
زهراء: اني لو اموت ما اكعد بهاي الغرفه خليهة للدجاج احسن
رسول: والله هذا الموجود عجبج اهلا وسهلا ما عجبج طبج مرض
ام رسول: استهدوا بالرحمن يمه صلوا على محمد شبيكم
زهراء: عمه شنو هاي الغرفه زغيره خواتي من ازوجن كل وحدة بسويت واني غرفتي بكد حمامهم بنت عمه وحد غرفتهة تسرح بيهة الخيل
رسول: لسانج لا اكصه
مرام: اذا على الغرفه اخذوا غرفتي
زهراء : ي حتى جهال بالمستقبل ماكو شسوين بيهة هالكبرهة
مرام: تبسمت بالكوه ورحت للغرفة اصلي واقره قران تعبت
رسول: غرفه مرام تضل لمرام وانتهى النقاش
حيدر: ملاك بس تصفن ومن افتح الباب تنز خايفه وبس تبجي
حيدر: بس كليلي شسوي حتى ترضين
ملاك: اريد ابويه حباب
حيدر: باجر الصبح اوديج
ملاك: اي حباب اخذني يمهم
حيدر: ملاك طلاك ماكو سكتت ثاني يوم طلعنه من الخمسه وصلنه بالليل وديتهة لاهلهة طلع ابوهة رحب بينا طبت ملاك كامت تبجي اهلها سالوا سولفتلهم السالفه كلهة ساعه وياي وساعه عليه بس من نزعت الربطة ابوهة شاف شعرها مكصوص تخبل كال عوفهة ترتاح فتره والله كريم رجعت للعماره الغرفه تختك من دونها ريحتها احس اختفت شفت شعرها شكد جان حلو اجوي زينب وزهراء خطيه شكد تعبت نفسيتهن من هنه وزغار لا ابو بي حظ ولا ام ادميه اووووف يا ملاك وينج
مرام: زهراء اصرت تاخذ الغرفه اني قنعت عمتي حجت ويه رسول واخذت الغرفه وراهة تريد العرس بالقاعه سوت سالفه انطيت ذهبي لعمتي بدون علم رسول هو عندة فلوس بس يكول تبذير عمتي باعت ذهبي وكالتله هديه عرسك حجز القاعة اني التهيت بهاي الفترة صلاتي وشغل معليه باحد
رسول: قبل العرس باسبوع لاحضت مرام هواي ضعفانه وقليله الكلام
رسول: مرام
مرام: ها
رسول: ليش ضعفانه شنو متاكلين
مرام: لا بس اشتغل اكثر من قبل
رسول: كلش ضعفانه اكلي لا يروح يصير بيج شي
مرام: مممممم
رسول: شنو مممممم شدسوين
مرام: لا بس اشيل التمن للمخزن واجي
رسول: اني اخذه اصلا معندي شي علما تجي زهراء نروح نشتري الفرشه
مرام: خنكتني العبره كلش بعد ما اكدر اريد اجر النفس بالكوه اتصلت عليه طلع اني من حركت كلبي وما اكدر ابجي ضليت اضرب على وجهي اريد ولو دمعه وحدة تريح كلبي ماكو تعبت رحت نمت
حيدر: البيت احسه سجن مو بيت صادفت بدايه سنه وبنتي اول سنه الهة تسجل قررت اعيش لبناتي والعشيرة وانعل ابو النسوان لا التزوجتهة ريحتني ولا الحبيتهة
ملاك: كصيت شعري كاري وبدت المدرسه وقررت ارجع اداوم رجعت للمدرسه ابويه ما اعترض كال كيفج وحيدر تناسيته داومت بس اروح وارجع مالي علاقه باي احد
مرام: صارت الحنه اصعب يوم بحياتي جان ورسول احسه ينتقم مني جاب الحنه وكلي انتي تحنيني متتت بيومهة وما قبل يروح فندق الزفه بالبيت من سمعت صوت المزيقه احس تدك بكلبي كل هذا اني واكفه على حيلي بس من سمعت صوت قفلت الباب نهاريت بعد ما كدرت حسيت روحي انسحبت مني ووكعت محسيت على شي
رسول: شكد ردت احرك كلب مرام وهي تقاوم اخر شي كلت اني ورطت روحي بزواج وهي مو يمهة بس من طبيت للغرفه قفلت الباب سمعت صرخة امي واختي طلعت ركض شفتهة واكعه شكد حاولت اصحيهة ماكو متصحة اخذتها للسيارة وللمستشفى كالوا هبوط بالضغط والسكر نايمه كأنما ملاك كلش خايف عليهة زهراء جبيره تعرف شلون تاذيها هاي طفله وينها وين الضرة اووووف شديصير. بحياتنه وليش
ملاك: صار شهر محرم اجه حيدر واخوته فتحوا الحسينه بطريق الدوام شفته دينصب الجادر اوووف شكد اشتاقيتله اريد دفو حضنه اريد اسمع صوته
