غسق: هسة تجي امي واروح وياهة
جلال: اي طبچ وجع شسويلچ يعني هي مرتي وام جهالي
غسق: لعد واني شنو بحياتك مجرد انسانه تفرغ بيه غضبك وطاقتك السلبيه
جلال: من احضنچ واشكيلچ صرت افرغ طاقتي السلبيه
غسق: اني اكرهك انت اكبر مني ما اريدك اريد واحد يحبني يسمعني كلام حلو يلبس لبس حلو يسشور شعره مو بس اسود احس روحي بمسلسل وادي الذئاب
جلال: والله لبسي عاجبني مو الا البس حصر واني ما منتضر منچ تنعجبين بيه بس يا حيف حبيت وحدة مثلچ
غسق: اي لا تحبني منو گلك تعال حبني طلگني
جلال: انتي طالق
غسق: لميت هدومي منتضرة امي وعمي
مرام:ها شكو هالمرة
جلال: انتهينه كلمن يروح بطريق وديهة بفد مول خلي تختارلهة واحد يحبها ويسشور مو اني التذلني وحدة زعطوطة
غسق: اني مو زعطوطة عمري ١٦ سنه انت الچبير
جلال: شوفي لچ اذا ما بچيتچ دم ميطلع اسمي جلال وما الچ مكان بحياتي
غسق: امشي يمة خلي نروح
مرام: غير نفتهم شكو
جلال: تاخذ الموبايل وتطلع تخابر برة اسالها ويامن تگلي انت شكو
علي: سلام عليكم ها عمو شبيچ
غسق: مابيه اريد اجي وياكم
علي: يلا لبسي وتعاي عازمچ نتعشى بركن السلطان مو تحبي انتي
غسق: لا وديني لريحانه
علي: يفدوه لهل الخدود يلا لبسي دنطلع
مرام؛ هسة غير نفتهم شكو وين راح تاخذها
علي: اني ماخذ بنيتي گعدي تفاهمي ويه نسيبچ
غسق: بدلت وطلعت طبينه للمطعم هف واخيرا شفت ناس
علي: شيتعشى الحلو
غسق: لعد الجهال وين
علي: بيت جدهم عوفي الجهال شبيچ ويه جلال
غسق: مرته اجت للبيت تصيح هي واخته اخذتي وهامل جهالة منوراچ خلي يروحلهن
علي: انتي تردي يروح
غسق: مو مهم صح ارتاح وياه بس مو شي مهم
علي: انتي متاكدة دتحچين على زوجچ
غسق: جلال بعمرة ما كان زوج الي عوضني حرماني من ابويه الله يرحمة اي بس مو زوج ماكو حب بينه
علي: يعني لو بقيتي شهرين متشوفي عادي
غسق: مو شهرين هواي شهرين
علي: لعد شلون مو مهم
غسق: تدري عمو حيدر وخاله ملاك لو يطلع من الباب تگول اشتاقيتله اريد واحد يحبني مثل عمو حيدر يبين بعيونهم الحب رغم عمو حيدر چبير بس احسة يرجع شاب من تحضر خالة ملاك
علي: مو كل انسان يگدر يبين حبه هسة اني اعشق امچ بس ميبين هذا الشي اصلا من نكون مكان عام مستحيل يتوقعون هي زوجتي بس بالبيت ادللهة واسمعهة حچي حلو
غسق:, يي اني ماكو كلام حب بينه كل عراك
علي؛ يعني جلال شيصيحلچ جبار هيچ جفاف عندچ
غسق: عموووو😒😒
علي: اي غير افتهم
غسق: يعني مرات حبي مرات حبيبتي
علي: وانتي شتصيحيله
غسق: باسمه
علي: منو يحقله يعترض هو لو انتي
غسق: هو
علي: انتي مشكلتچ تعودتي على حب جلال وتمردتي بس راح تخسري ومحد باقيلچ امچ تعبت منوراچ كافي يا بابا ديري بالچ على زوجچ وعلى بيتچ.
مرام: اي جلال شو ساكت
جلال: شحچي يعني اني فوج يوگفلي استعداد تجي غسق تالي عمري تذلني ما اگدر ما اريدها بعد صدوگ احچي اخذي ملابسهة تعبت ما بيه والله مرتي تحلم احبهة نص ربع حبي لغسق
