ملاك: يا غزال دشوف كرشي
حيدر: غزال مكرش اموت على الكرش اني
ملاك: هو هم يموت عليك
حيدر: نشرد لكربلاء
ملاك: والله گلبي يوجعني من تذكر كربلاء اخاف تاخذك مرة ثانيه
حيدر: هو شبقه بالعمر وياخذوني مرة ثانيه
ملاك؛يروحلك فدوة شباب الدنيا كلهم
حيدر: يبووووو بچت عمي نروح ايران لو لبنان فترة ونرجع
ملاك: والجهال
حيدر: نعوفهم يم حسن
ملاك: بس اسبوع
حيدر: لو يومين هم قابل
ملاك: حضنته اووووف من اذكر ايام فراگه
............................................
حيدر: يوم النزلت لكربلاء اول شي سويته من وصلت رحت زرت ابا الفضل وراهة الامام الحسين عليه السلام ورحت شفت السيد الگال اكو سحر بيتك
السيد: بس ما خلصت لهنا
حيدر: شلون مفتهمت
السيد:, هذا سحر فراگ وانت ما بطلت السحر واذا ماتت الدخلته للبيت اخذت جزاتهة بس تسخير جن وسحر فراگ على خشب تابوت مو بسهوله ينفگ
حيدر: والحل
السيد: حتى لو انطيتكياه مراح يفيدك لان مراح تستعمله
حيدر: لا ليش شغله تضرني ليش ما اوخرهة
السيد: روح ابني ما افيدك اني هسة لو من اول مرة ردت حل چان ساعدتك بس هسة تاخرت
حيدر: ضليت احچي وياه ما فاد عفتة وطلعت اشتريت للبنات ولملاك ورحت لاهلهة اشوفهم وارجع وصلت للمخيم يم مطعم (.......) انگلبت الدنيا طلق وهوسة الناس بس تركض شفت ابو ملاك هاي شكو عمي
ابو ملاك: ضربوا جامع (.......) امشي خل نروح للبيت نارهم تاكل حطبهم
حيدر: دنروح اني وعمي شفت طفله تجنن والناس من تركض تدوس عليهة صارت زينب گبال عيني گتله عمي شويه واجي ركضت شلت الطفله اتلفت اريد اشوف امهة ابوهة ماكو محد اجه اتجهت على عمي اجت سيارة گبالي دخنت وانفجرت مو انفجار تام وانما طلعت صوت واحترگت واحنه الي من جهة الجامع جابوا سيارات لمونه كلنه سحلوني اني والعلاليگ.
احچي وياهم اصيح ميفيد دخلونه لسرداب جوة الگاع وعافونه نمت ثاني يوم گعدت الطفله ماكو اصيح اعيط محد يجاوب السجن مختلط نساء اطفال وعجزة كلشي اكو انفتحت الباب طببوني بغرفه ضواهة خافت
!! اي عيني سولفنه ليش ضربتوا الجامع منو دزكم وليش
حيدر: اني شكو وبعدين اعوف الدنيا كلهة اجي ارمي جامع هسة لو ملهة گهوة هم بيهة مجال من ارمي وافجر اني اصلا مو منا
!! اي منين
حيدر: من العمارة جاي زيارة
!! سيارة خاصه لو كروة
حيدر: سيارتي الخاصة
!!واليجي زيارة ميجيب لا هوية لا اوراق على الثقه دخلوك مثلا
حيدر: كلهن بالسيارة
!! ما فكرت سيطرة توگفك صخام
حيدر: اني اجيت ازور ما عندي شي حتى يوگفوني
!!انت الضاهر راح تشلع گلبي روح قنع غيري بسالفتك اصلا حچيك بي من بغداد. اكثر من شروگي
حيدر: بلي اني دارس اربع سنين بمحافظة بغداد
!! شباب شوفوا شغلكم وياه مالي خلگة
حيدر: شفت انواع التعذيب على ايدهم بس اني اهون من غيري الي متأكدين منهم اخر شي واحد منهم ضربني على راسي ما حسيت بعد على شي
ملاك: عمة حيدر ما اتصل
ام حيدر: لا والله اني گلبي يمه كل مرة يتصل اول ميوصل يسال على البنات
ملاك: يومين منعرف شي على حيدر وحسن يروح ويجي واحد يسال الثاني ومحد يعرفله خبر رابع يوم سمعت صوت عمتي تصيح نزلت الدرج كل اربع درجات سوة شلون وصلت يم عمتي ما اذكر بس اريد افهم شكو التفتت خوات حيدر كلهن واگفات ويبچن شوكت وصلن ما اعرف عمة شبيچ فهميني حسن واگف منزل راسه ودموعة تجري گمت اصيح فهموني شبيكم
حسن: ابوچ اتصل گال حيدر انطاچ عمرة
ملاك: لك انت شدتحچي مصار كم يوم يمي شنو شبيك هو اليوم بالليل يوصل لان ما معقولة يضل هناك صوتهم علة ويبچون اني تخبلت بس ما بچيت بس اعيط بيهم يسكتون زهراء چانت دتنزل الدرج هي تعرف بس اني اخاف عليهة مشيت وصلت يمهة حضنتهة ابچي وينك حيدر تعال حباب وين تعوفني وحدي ربي گتلك لا تختبرني بفراگة اموت اللهي شلون تغمض عيني وهو مو يمي ما عندي صبر لهيچ امتحان ربي ليش مكتوبلي التعب بدنياي چنت گاعدة يم اهلي كافة الناس خيري شري ليش خليته يدخل حياتي ويروح هيچ ليش المن اذيت ربي هيچ تجازيني بچيت لحد ما اختنگت صعدوني للغرفه ما ادري اغمى عليه مدري نمت ما اذكر شصار فزيت ويه اذان الضهر اخذت دشداشه وفانيلا لحيدر والشحاطة ونزلت كل عقلي راح يجي حيدر يريد يلبسهن ويطلع للديوان تفاجئت نسوان وصوت اليبو
ام حيدر: يمه راح راعي البيت المن مطلعتهن ادري بيچ متعودة عليه يجي ما غمضت عينچ وكت جيته ادري بيچ
ملاك: تذكرت الصار احس بعد تعبت ما اگدر مالي حمل هيچ مصيبه فترت بيه الدنيا فزيت لگيت روحي بالمستشفى
الدكتورة: مبروك ماما
ملاك: مو گتلهم يرجع ما صدگوني وينه
الدكتورة: شنو
ملاك: مو دتباركيلي رجع حيدر مو
الدكتورة: لا ماما انتي حامل بتؤام
ملاك: شنو لا ما اريدهم ابوهم راح ما اريد شي بعد احچي بدموع بس لسة مامصدگة كل عقلي ارجع اشوف حيدر بالبيت
الدكتورة: بالعكس خلي هدفچ بالحياة تربيتهم امي حرام هيچ تحچين
ملاك: رجعت. للبيت فاتحة ضليت گاعدة بالباب انتضر حيدر صار الليل ضليت نايمة هناك ويه اول خيط شمس بالسما حسيت على ايد دافيه على چتفي فزيت حيدر اجيت
ابو ملاك: لا بابا اني البقيه بحياتچ بابا الله يرحمة ويعوضچ بجهالة
ملاك: بابا حيدر راح بعد ميجي شلون يدفنوا بعيد عني حباب گوللهم لا يدفنوا اموت لو راح اقبل يضربني يگص شعري بس خل يرجع مال غيرة بهالدنيا ليش عافني وراح
ابو ملاك: بابا اترحميله لا تحچين هيچ تأذي
ملاك: بوية والله احس اكو نار بيه محد يحس بيه زينب لو سألت عليه شنو اگوللهة زهراء لو ضلت تفتر بالبيت تدور عليه منو يجي يشيلها ما طلبت من الله بس لا يختبرني بفراگة ابوية حضني ضليت ابچي لحد ما نمت ابويه خطية شالني وداني لغرفتي سحبت دشداشته حضنتهة ونمت
حيدر: گعدت لگيت راسي كله دم اكو ولد گاعد يمي اريد ارفع راسي ما اگدر من الوجع والالم صوت الاذان قريب لدرجة تحس انت گاعد بالجامع حاچيت واحد من الحرس اريد اصلي بس مي اتوضة واغسل الدم
!! تيمم
حيدر: اريد اروح للحمام
!!يمك اكو سطله شتريد تسوي سوي
حيدر: جزعت ولعبت روحي اكل كل 3 مرة لو خبز وبصل لو خبز وطماطة بالي يم امي ملاك هسة شصار بيهن زينب وزهراء سودة عليه بنيتي گلتلي لا تروح وصلت مچلبه برجلي ضليت گاعدة على گد ما اگدر الي چان ينطيني امل الغرفه الحاطيني بيهة بصف بيت اسمع مرة دائما تصيح ويه بناتهة وحدة زينب متاكد من اسمهة وتفرفح ويه رضا ما اعرف منو رضا بس تفرفح وياه
ابو ملاك: ملاك حضري هدومچ بابا حتى تجين ويانه
ملاك: لا بابا والبنات ما اعوفهن جيبيهن وياچ
حسن:: لا حجي ملاك حامل ولدنا يربون يمنه
ابو ملاك: هسة هي بيا حال من گلك ناخذ ولدها خل تخلص عدة وين تريد تبقه خل تبقه عندي ثقه بيهة واعرفهة شنو من شنو ،
حسن: اعذرني عمي بس ذولة من ريحة الغالي
نص ساعه انزل البارت الرابع مچان عندي نت فعلت بالليل بس مينشر بسرعه
ذكريات العزوف💔💔
