مرام: انتي شدتحجين شبيج
ايهم: هاي شكو ليش بالباب صوتجن امشي طبن
مرام: شوف مرتك حاطة هدومي بالباب تطردني حضرت جنابهة
ايهم: مرام دا اكولج طبي جوه منا عالم صوتج
مرت اخ: وشسوينه فوك ما ساعدتج كضيت عمري مثل السمج ماكول مذموم
ايهم: خره بيجن وخرب هيج عيشه خره الجيران شيكولون امشي فوتي سحلت مرتي من شعرها طببتهة ورحت لمرام كتلهة امشي فوتي لا احرك البيت
مرام: عود تمثل دور الرجال الغيور لو عندك غيرة جان ما قبلت اختك تنطرد احجي واعصاب ما حسيت الا راشدي فر راسي من ايهم
ايهم: لا مو رجال عمري كله ما صرت رجال كامل والسبب انتي مجنت اكدر اوكف بين جماعتي و اكول هاي زينه وهاي مو زينه لان منو واني واقيم اني اخو الشردت وعافت اهلها اخو الطببت واحد للبيت وزنت اخو الجابت طفله الله يعلم منين اني الي انحرمت من ابويه اني النحرمت من حبيبتي بسبب سمعتج النسبت الي عرفتي منو اني
مرام: احس رصاص يصبون باذني مو حجي اسمعه احس بهتت روحي اسودت الدنيا بوجهي بعد ما حسيت ع شي
علي: من مرام وكعت احس رجلي رخت شكد معالج بالمستشفى مرضى بس مرام يمهة صرت عاجز الا ان ايهم ضل يصيح بوجهي يلا وعيت جيبلي شيشة عطر ومي ضليت اصحي بيهة بس تبجي منهارة ما اعرف شلون اصبرهة وهو ايهم دمرهة بس خطئهة جبير ما جنت اشوفه من هيج منضور صدوك اذتهم بس هي جانت طفله والبنيه بحجاية حلوة تتقشمر حجيت وياهة
مرام: صحيت على ايد علي شربت مي ورحت لغرفتي ويه علي ضليت صافنه
علي: شبيج وين صافنه
مرام: دا افكر شنو السويته بحياتي الله ديعاقبني عليه ما اذكر سويت شي غير لمن امي تكلي سوي هيج اتعاجز وما اسوي وتضوج مني معقولة علمود هيج اتعاقب هيج عقاب عضيم لا بنيه وكفت وياي لا رجال شبيهم ادري مو الدنيا دوارة مو يكولون ناعور اشو بس اني على حالي لافني القهر والضيم ميتحرك حضي
علي: يحتاجلة دهن علمود يتحرك مجيم
مرام: شنو منو يحتاجله دهن
علي: الناعور
مرام: هههههههه استغفر الله انوب اجاني واحد مخبل جانت عايز التمت
علي: منو مخبل ولج احترمي يلا بدلي خل نروح ولمي غراضج زين ولو مرت اخوج خوش تعزيله مسويه
مرام: ههههههه ليش وين حنروح
علي: نضغط رسول شويه لما الكه بيت اشوف اشتري ااجر ما ادري
مرام: بس ما اريد مشاكل احتمال امك تاكلني
علي: اني وين رحت حتى تاكلج
مرام: معقولة وسكتت ما حجيت شي
علي: معقولة شنو
مرام: بعدين مو هسة
علي: يلا كومي غسلي ورتبي وضعج وتعاي منتضرج
مرام: غسلت وكلمات اخوية ترن باذني شلون خطاء طفولي دمرة سودة عليه يا ريت ميته ولا ااذيك هيج
طلعت اجه ايهم حضني
ايهم: خويه عذريني والله مو قصدي هيج احجي واهم شي سعادتكم بهاي الدنيا انتو وصيه امي بس اني صرت عصبي صوتكم يم الجيران
مرام: سكتت حضنته وابجي
ايهم: كافي شعندي غيركم انتي وملاك
علي: لعد وايام
ايهم: ذيج بيضه وعيون ملونه واني اجلح ما احس بالاخوة تجاهة
مرام: ها واني جلحة تحس تجاهي
علي: ههههههههه دمشي عيني اميرة ديانا
مرام: طلعنه واني اطكطك من الخوف رسول امه زهراء عمي شلون راح اوجههم ما ادري ليش اني هسة مرت علي شنو صار ليش تزوجنه افكر
علي: كافي وجهج اصفر لا تخافين ولا تفكرين وما اريد مشاكل هنه اسبوعين ونعوفهم
مرام: انشاء الله
علي: طببت الجنط للبيت ضهر كلهم بالبيت
ام رسول: مالمن هاي الجنط
علي: يلا طبي شبيج
مرام: سلام عليكم
رسول: جنت كاعد علي طب وطبب جنط وياه ما اهتميت درت وجهي وراهة سمعت صوت مرام جمدت معقولة جابهة حتى ترجع درت وجهي
ام رسول: لا هلا شعدج جاية خاف اهلج عافوج سايبه ما ذبحوج اني اذبحج واغسل عارج انتي وبنتج النغله
علي: يمممممه كل انسان يغلط بس مو كلشي يصير نشمر عليه
رسول: اني ما اريدها شكو جبتهة ما استقبلها لو تموت
علي: ومنو كلك جبتهة حتى انت تستقبلها
رسول: لعد شكو جايبهة تسترزق عليها
مرام: رسول حجة على هجم عليه لوة ايدة
علي: هاي مرتي يعني صارت عرضي واذا سمعت حجايه عليها انهيك فهمت
رسول: شنو انت شتحجي
علي: اي مرتي شرعا وقانونا
ام رسول: ها ام الرجولة لفتي على اخو شعدج ويه ابني ما اخلص منج اني
علي: يمه قسما بذات الله والخلق الخلق اي حجاية اسمعهة هسة اطلع لفندق بس فلس متشوفون مني
ام رسول: حقك عيني عوف اهلك علمود هاي الجلبه ام السحورة
علي: مرام روحي للغرفه بدلي هسة اجي
مرام: رحت للغرفه طبيت مجرشة باردة رحت للجربابيه حطيت راسي كبل نمت ما حسيت الا على اذان المغرب
علي: شوفي يا يمه هي كلمتين ما عدي غيرهن مرام خط احمر سمعتي خط احمر محد يدنالهة
رسول: لك عار شنو من اخو انت هاي مرتي مرتي
علي: طليقتك مو مرتك لا تخربط وعود روح نشز ابوك غمزتلة ورحت للغرفه لكيت مرام نايمه بحجابهة لابسه تنورة وقميص زين من نزعت جواريبهة بدلت ورحت بصفهة غفيت كعدت العصر طلعت للعيادة شغل
مرام: كعدت بالغرفه ما طلعت توضيت بالحمام وكعدت اصلي وكلبي يلوب على غسق
غسق: من اتصلت على امي وردتني خابرت جلال كتلة تعال
جلال: بس كالت تعال رحت والله هاي تطلع ساحرتلي اني تالي عمري تمشيني هاي الزعطوطة وصلت بالليل رحتلهة كتلهة طلعي
معز: لج غسق خل اخابر امج شبيج وين موليه متطلعين
غسق: بابا والله كتلهة يلا طالعه بوسته وطلعت
جلال: اي وهسة وين نروح
غسق: تتذكر مرة كتلي شنو تتمنين بس اطلبي واني انفذ
جلال: اي
غسق: متاكد اي شي
جلال: اي
غسق: اريد تتزوجني ست اشهر وتطلكني
جلال: شنوووو
غسق: ها تكدر لو اشوف غيرك
جلال: شتشوفين ولج شبيج تخبلتي
غسق: لا عقلت
جلال: والله اكسر راسج انجبي وامشي
غسق: يبوو لو ادري ممخابرتة هذا ميقبل قررت نمشي واتيهة
جلال: اشوفه تمشي وتتسحب اني هم درت وجهي عود ما اشوفهة خلت وركضت اني امشي يمهة وهي تدير وجهة ليورة وتركض اخر شي جريتهة وين موليه
غسق: ما اريد ابقه وياك انت مثل امي
جلال: شبيج غسق
غسق: امي طردتني متريدني خابرتهة تكولي امج ماتت
جلال: انتي السويتي بيهة مو قليل
غسق: محد يريدني لا اهل بابا ولا ماما وحتى انت هسة تقبل نتزوج
جلال: ليش تحسسيني الزواج علج ابو السهم
غسق: هو بس اكول نعم وانت وكيلي نتزوج غير
جلال: دتعاي نكول نعم وانت وكيلي وانعل ابو الدنيا اخذتهة عقدنه بس ما متاكد من صحة العقد لان هي قاصر وصار وكيلهة رجال غريب ما اعرف عود بعدين اعيدة رحنه للفندق اخذت سويت بي غرفتين وقفلت الباب الرئيسي خفت تشرد بالليل
علي: رجعت من العيادة ب٩ لكيت مرام كاعدة ع سجادة تذكرت اني صليت بس صلاة المغرب ما الحك توضيت ووكفت قبلهة صليت دنصلي فتح ابويه ورسول الباب خلصت صلاة هم واكفين
مرام لمت السجادة ووكفت وراية
مرام: اصلي وشفت عمي شلون يخزر متت خوف لبدت ورة علي كامشة قميصه من جوه
ابو رسول: انت شلون تاخذ مرت اخوك
علي: شبيك بوية حتى انت ترى طليقته مو مرته
ابو رسول: وك انت مو صوجك هي العار شلون قبلت تاخذ اخو رجلهة
ذكريات العزوف 💔💔
اذا التصويت والتعليقات بكد المشاهدات انزل بارت جديد العصر 🙄🙄متاكدة ماكو هيج شي 😂😂
