مرام: من بعد ما سوه هيج ضليت ابجي من الوجع بعدين نظفت المكان ورحت نمت ثاني يوم رحت للمدرسه بس ما حجيت شي للبنات اخر شي اختنكت رحت حجيت لانوار
انوار: ولج عمت عينج شلون تسلمي نفسج
مرام: شنو يعني شراح يصير
انوار: انتي ثوله لو تستثولين معقوله وصلتي صف اول ومتعرفين عذراء والله يعلم احتمال تحبلين اكو عاقله هيج تسوي
ملاك: شفت اختي تبجي وكاعده يم انوار هذي الايام متعجبني احوالها لو صافنه لو تبتسم وهسة تبجي رحت تقربت منهن اسمع الحجي تخبلت طبعا اني اعرف شنو عذريه صح اني اصغر من مرام لكن من اسمع حجي الكبار اخلي ابالي واضل افكر بي عكس مرام متفكر بشي والتسمعه يطب منا يطلع منا بوقتها احس بخنكة ع خوفه اول شي اجه ابالي ابويه هواي يتعب ميستاهل نسوي بي هيج شي تالي عمره سمعت انوار تكولهة سوي عمليه ترقيع بمليون وناجحة هواي بنات سونهة
مرام: انتي شنو دتحجين يعني اذا مسويتهة شنو راح يصير
انوار: انتي ما معقوله محد فهمج شبيج ثول يعني يذبحوج تموتين لو تزوجتي زوجج راح يعرف انتي نمتي ويه غيره
ملاك: رحت لاختي ركض جريتة من يم انوار ودموعي بعيني انوار حبابه لا تحجين شي
انوار: اني هم بنيه وعندي سمعه اخاف عليهة واخاف من الله
ملاك: شكرا طببت مرام للصف ورحت اشتريتلها من الحانوت ورجعت هي رادت تحجي كتلهة بالبيت اسكتي خاف يسمعوج مرت الدروس واحس الوقت ميمشي ياربي حلهة هي اكبر مني بس عقلهة عقل طفله ومنين راح تعرف امي متحجي بس شغل ودراسه ولو صادقنالنا بنيه يبطلونه هسة هي اكيد لو تعرف متسويها بس هم صوجها اكو وحده تطبب واحد للبيت يا ربي ساعدنا انت الستار استرنا يا الله
مرام: رجعنه الطريق كله ابجي واشهك الناس كلهة تباوع علينا اخر شي سحبتني ملاك يم الحسينيه قريبه ع بيتنا
ملاك: مرام تمشي وتبجي فضحتنا اخر شي سحبتهة يم الحسينيه متاكده مسدوده لا تبجين كافي حجيت بكل برود مثل ما كالت انوار راح تسوين العمليه وتتزوجين كافي اسكتي
مرام: شلون يعني اضحك على الولد الي راح اتزوجه يعني اغشه شبيج تخبلتي
ملاك: انتي سويتي هالشي قبل متعرفي صح مو مبرر بس صارت وهسة لازم نتصرف بحكمه شتريدين يموت ابويه لو امي وبعدين اكو متزوجات وينامن بحضن غيره وعادي ولا كانوا مسويات شي لو يتصلن بغيره والمكرن ميدري وراهة سمعنه صوت بالحسينيه عزززززه بس لا احد سمعنا ركضنه للبيت طبينه للبيت ورحت اشتغل حتى امي متحس اهم شي البيت نضيف عدهة ومن سالت ع مرام كتلهة ضهرهة ونايمه هي سكتت محجت شي خلصت شغل البيت طبيت للغرفه لكيت ادويه فارغه بالكاع ومرام شفتهة بيضه وواكعه صحت امي اخذناهة للمستشفى سولها غسل معده وخلوهة ترتاح همزين بيومها بابا جان طالع لبغداد بشغل امي ضلت تسال اني ساكته اخر شي مرام فقدت كام تلطم وتحجي اصعب لحضه بحياتي ما ادري شكول لامي شنو احجي احس اني مذنبه لو كايله من اول موقف بينهم مجان صار هيج العرفته من مرام انو من عفتهة بالغرفه راحت لبيته وما لكت احد عايف البيت وطالع وهي انتحرت لان عرفت غدر بيهة
الام: ولجن بشنو قصرنا وياكم ليش ابوجن شسوالجن ليش تريدن تموتنه مو يطلع من الصبح لل ليل حتى يعيشجن يشيل اللكمه من حلكة لحلكجن
ملاك: امي ضلت تدك وتلطم ولسه كلمتهة ترن باذني اويلي عليك حيدر قصدهة ع ابويه ضلت تبجي وتعاتب مرام بس ابد مضربتهة اني بس ابجي اجت أيام مفهمناهة شكو لان بسرعه تحجي اني كلت لامي على حجي انوار والعمليه راسا طلعت الذهب بيبيتي وانطتنياه وتبوس بايدي وتكلي بس خلي ترجع اختح مثل مجانت الام الي لازم ابوس رجلهة تبوس ايدي ودموعها مثل الشلال رفعت راسي للسما ( اللهي اذا دموعهة عزيزة وهي من نسل رسولك رايده منك امير يوكع ومحد يشيله ويعينه )
وراهة طلعنه بعنا الذهب واخنا مرام ويانه نخاف تسوي شي بروحها رحنا لبيت انوار سالتها ع العمليه طلعت صديقت امهة تسوي اخذنا مرام ورحنا
مرام: طبيت يم المره كالت اذا تردون هسة نسوي العمليه ويصير بيوم العرس
؟؟؟: لازم متتحرك 10 ايام ومتشيل شي ثكيل لان الغشاء المخيط بسرعه ينفتح
الام: لو تضل كاعده لحد متتزوج اقبل بس خل ترجع مثل مجانت
ملاك: سوت مرام العمليه ورجعنه للبيت بتكسي بعد ما امي اخذت رقم المرة خاف يصير شي وصلنه لفرعنا شفت شيخ حيدر طلع من الحسينيه خزرني اني متت خوف دنكت وراهة طبينه للبيت صار وجهة مرام اصفر وداخت لزمناهة اني وامي كامت تتشاهد
الام: ولج يوم مرام ليش هيج تسوين بيه حبابه اصحي ولج ملاك جيبي الموبايل
ملاك: اتصلت ماما ع المره كالتلهة هاي اثر البنج مبيهة شي فعلا وره ربع ساعه تقيأت ورجع وجهة لطبيعته بس امي كالتهة بعد ماكو مدرسه اول وتالي متكدرين 10 ايام تداومين تفوتج الدروس واخاف عليج يصير شي اني يوميه اداوم ونضرات الشيخ حيدر الي بأستحقار معقوله سمع حجينه بس الاضويه مال الحسينيه جانت مطفيه يا ربي بس لا سمع دخلت للبيت من بعد الدوام سمعت الباب اندكت فتحت الباب شفت شيخ حيدر يمه متت كتله شرايد
حيدر: اريد ابوج صيحيلياه
ذكريات العزوف
وهسة شيخ حيدر شيريد ارئكم تهمني تصويت وتعليقات للقصه ادعوا لمرام لان حاليا حالتها خطره ادعولها بالشفاء العاجل
