ملاك : اي نازله
حيدر: امشي اصعدي غسلي بحمام الغرفه
ملاك: صعدت غسلت ونزلت لكيته واكف
حيدر: ورة الصلاه صبو الغدة
ملاك: خلصنه كلشي بس روح شوف البنات خطيه من الصبح لسه يسالن عليك
حيدر: رايح رحت شفت بناتي اول مرة اشوفهن مرتبات ونضيفات شعرهن ضفيره مرتبات اكثر من جانت امهن موجوده رحت بوستهن دزيتهن بيد ابن عمي اشترالهن واجه
ملاك؛ عدة الغده على خير بس بنت عمه تباوع صفح واجت ذبت حجي ضوجني
ايناس: تره حرام انتي تاخذين حيدر لو تدرين مرته شلون جانت حلوة مدري شعجبه بيج
ملاك: والله بعد نعجب وهي مو بالجمال جانت حلوه بس ما عرفت تحافظ على بيتهة سكتت وراحت كعدت وراهة اجت يمي
ايناس: تدرين هو شيخ وراح يهدولة هواي نسوان يعني تعودي على هالاساس
ملاك: شيخ على روحة متجي مرة بعدي وانتي شكو اني ورجلي
حيدر: ملااااااااك
ملاك: درت وجهي شفت حيدر كبالي صوفر وجهي متت خوف
ملاك: صعدت بسرعه صعد ورايه ضربني على وجهي حسيت سنوني تحركن
حيدر: شوفي لا عبالج انتي فد شي مهم اكدر هسة اتزوج عليج واخليج جوة نعالي بس ما اريد
ملاك: احس دموعي مثل الشلال ليش شسويتلك هيج تعاملني بس كلي كاتله احد من اهلك تطلبني ثار لو ماخذني فصليه
حيدر: هيج حاطج خدامه عندج اعتراض وبعد حيدر ماكو اني شيخ حيدر غصبن على الخلفوج
مرام: من رجعنه لسه رسول ميحجي ويايه ابد اخذ مني الموبايل كل هذي الحرب بس بالغرفه يم اهلة لا غير انسان يختلف يضحك ويايه ويشاقه حاولت وياه بكل الطرق مقبل يحجي ويايه الا أن مرة من المرات كاعدة البس سيتات النوم هو مو بالبيت ضوجة كاعدة البسهن دخل موتني ضربني ضرب مو طبيعي
رسول؛ لج حقيره ذني الملابس بعد متلبسيهن وما اشوفج بيهن والا. افرك خشمج فرك
مرام: من يومهة ما اتقربت من رسول لا اراضي ولا احجي وياه وهو هم ممقصر حاكرني
ملاك: نزل حيدر ضليت وحدي ابجي اخر شي غسلت ونزلت بنت عمه تضحك بشماته عفتهة مر شهر على زواجنه اتوسل بي اتصل على مرام لو اي احد من اهلي ميقبل
حيدر: ملاك خلتني اغير نضرتي تجاهة معقولة تغيرت لو السمعته مجرد حجي ما ادري عشقتهة واخاف عليها من الهوا بس هي احسها باردة ويايه طلبت تتصل باهلها واني افور اخاف تسال على حبيب او هيج شي كلش اغار بعدين اصفن شيخ شطولني شكبرني اغار على ست ملاك
ام حيدر: كومي ملك كلي السمج وسوي اللبن هذا حويدر لو اذن يخبلنه لان عدهم زلم بالديوان
ملاك: بس اغير لزنوبة واجي
ملاك: غيرت لزينب وطلعت العين النكلي عليهة السمج لان امه متقبل اكلي بالبيت تصير ريحة مطيبه بي طب حيدر نار تطلع من عينه
حيدر: وين كاعدين بخان ابوج لو وين شفتيلج مرة سوت سوايتج
ملاك: واني شسويت كاعد اكلي وامي كالتلي شبيك
حيدر: ما بيه بس اليوم اريد اربيج
ملاك: ضليت ساكته اجه عمي وعمتي فكوني منه ما مد ايدة بس كل شوي يرفعهة يريد يضربني وينزلها
حيدر: عمي الجبير و الزغير متعاركين عزمناهم نصالحهم طلعت من الديوان اجيب مي واشوفلك ملاك لامه الدشداشه على خصرهة ووركهة وتريد تكعد تخبلت زين ماكو احد من الولد اريد اسحلها من شعرها بس ما اريد تكرهني اكثر
