ملاك: فتت من يمه خزرني على كدما خفت اريد اندل دربي ما اكدر لازم الجاكوج يدك ويخزر شردت للبيت ابويه كال ماكو دوام لا انتي ولا ايام منا من يروح اصلا راح نعطل ياخذون المدرسه للموكب مو كلش تضايقت بالليل اندكت الباب
الاب: سلام عليكم شلونك حيدر تفضل
حيدر: لا عمي بس جايك على سالفه
الاب: اي تفضل
حيدر: ملاك على اي اساس تداوم هي زعلت واني خطاء على عيني وراسي جبتهة لبيتك المفروض متطلع الا باذني هي بعدهة ذمتي
الاب: شوف حيدر اني ساكت مو اخاف منك لا قابل شراح تسويلي بس ساكت اخاف على بنتي انطيتكياهة ورده وانت حتى حالة نفسيه سويت بيهة ملاك مترجعلك بس تنسه وترجع ذيج ملوكة افتح الموضوع وتطلكون
حيدر: شوف يعمي وحق الرد يوسف لابو وموسى لامه ملاك اردهة اردهة وكلش كلش متريدني اخليها يمك وقف لا طايله سما ولا طايله كاع
الاب: شتريد تسوي سوي بنتي بس تجيها قسمه اطلكها وازوجها
حيدر: بعدك متعرفني وحق الي خله النفس يصعد وينزل ملاك محد يطخها غيري
ملاك: سمعت حجي حيدر حيل موت شسويت بيه
ايمن: اجيت ويه حيدر لكربلاء للحسينيه فاتت مرته من يم الجادر اعرفهة وراهة تمشي بنيه ناعمة عيونهة خضر ولابسه حجاب اسود تجطل السبع الحكني بويه شهالجمال كله بكوم ونزاكتها بكوم بوووويه رفعت عينهة عليه ابتسمت وكملت مشي
ايمن: بويه الحك على ابنك تفرهد من عرفت هاي اختهة لمرت حيدر ايست
ايام: اكولج ملوكه
ملاك: ها شتردين مدام ملوكة وراهة مصيبه
ايام: لا بس سؤال
ملاك: وهو
ايام: هذا ابو الدشداشه الزركه وعكال بيجي شسمه
ملاك: مممممممم خل اسال ابويه هو يجاوبج
ايام: لا عليج الله اصلا اني شكو بي
ملاك: يلا روحي اقري
ايام: كبر راحت يم حيدر صارت مسمومه
ملاك: 😤😤😤😤 ولي منا
حيدر: ثاني يوم اجت امي وياهة بناتي واصرت الا تروح لملاك اني مقبلت تالي خلت حسن ياخذها
ملاك: اندكت الباب رحت اشوف منو
ام حيدر: فتحي يبعد عمتج
ملاك: اول مفتحت الباب شبكتني زنوبه وزهراء بيد حسن ماده ايدهة تريد اشيلها الفرحة ما وسعتني من شفتهن
ام حيدر: ما تكولين اجي اشوف عمتي
ملاك: والله اشتاقيتلكم
زينب: لعد انتي مو كلتي ما اعوفج ليش رحتي اني كل الامهات يعوفوني وميحبوني
ملاك؛ حبيبتي لا تحجين هيج اني اموت عليج
زينب: اني بعد ما احب بابا هو ضربج وانتي رحتي منوراه
ملاك: لا حبيبتي مو منورة بابا عيب هيج تحجن بس امي مريضه من تطيب ارجعلكم
زينب: ارجعي حبابه والله بعد ما ابدي الشكر ولا اغسل الماعين واكسرهن وما ابجي من تكعديني الصبح
ملاك: حبيبتي كافي مو كطعتي كلبي شبكتهة سكتت وزهراء حاطة اصبعها بحلكها ونامت بحضني
ام حيدر: ما نويتي تردين يمه
ملاك: عمه اني اريد اطلك تعبت حيدر مراح يتغير ومالي طاقه اتحمل بعد علمود سوء تفاهم حتى ابني راح
ام حيدر: والله مجان هيج ليش تغير ما ادري حتى ايناس من الخوف لسه طايحة بالفراش
ملاك: ليش شبيهة
ام حيدر: والله ما ادري حار ابوهة ما خلة طبيب وما عرفوا شنو علتهة
ملاك: الله يشافيهة نص ساعه راحت ام حيدر بس البنات ما قبلن يروحن واني كيفت كلش تعلقت بيهن
حيدر: وين البنات يمه
ام حيدر: بقيتهن يم ملاك خطيه تشوفهن
حيدر: شلونهة
ام حيدر: تريد تتطلك
حيدر: اي مو بكيفهة هي
ام حيدر: اوف منك ما ادري شتريد جانت يمك شابعهة كتل راحت تريدهة انهجم بيتك تحل مشاكل العشيرة وبنيه شبرين متعرف تتصرف وياهة
حيدر: سكتت ما بيه اجاوب
ملاك؛ البنات نامن يمي ثاني يوم اجت عمتي اخذتهن حيدر واكف وراهة يباوع صفح معاجبه
حيدر: جانت بالبيت تلبس دشداشة وتمرد كلبي نوب لابسه تراك اسود بووويه اريد افوت والله لو مو محرم وحسينه جان طبيت سحلتهة وشردت بيهة للبيت اووووف اطلع ضيم فراكهة نعرض بيت بصف بيتهم اشتريته كبل اخلي النه من نجي
مرام: كعدت لكيت روحي بالمستشفى ورسول حاط أيده على خدة وكاعد
رسول: شلون صرتي الحمد لله
مرام: رجعنه للبيت وتلكتني ست الحسن
زهراء: ي عيني خو ممتي خربتي احلى يوم بحياتي
مرام: ما بيه احجي سكتت
رسول:, كافي زهراء تره تعبانين وباجر ورانه سفر
زهراء: لخاطرك راح اسكوت حبيبي
مرام: سمعت رسول راح تسكوووت
رسول: دهر طرج باسوء حالاتج تحششين
مرام: رحت نمت ثاني يوم ودعنه رسول وراحوا وما رجعوا الا اول يوم محرم
رسول: من كثر ما اشتاقيت لمرام احس روحي تريد تطلع وهاي زهراء بس تطلع فرت السوك كله وميعجبهة شي والله اذكر مرة طلعت ويه مرام شتكولهة امي تاخذ وهاي راوتني نجوم الضهر ومتقتنع من صار وكت الرجعه رجعت طاير
مرام: اجه رسول من السفر اول ما طب اجه بوسني كدام اهله وزهراء مجلبه بي كلسا جارته
ابو رسول: بما انو ما اخذت مرام اول زواجكم هسة شتطلب تنفذلها
رسول: مرام تامر
مرام: يباوع صفح ويحجي اني كتله اريد اشوف اهلي كلش اشتاقيتلهم وانت متقبل اروح
رسول: انشاء الله متت اصلا اكره حتى بيت اهلها تريد تسترجع الذكريات ويه حبيب الكلب اكيد
مرام: من خزرني عرفت ضاج بس شسوي ابويه شكد حاول وياه ميقبل يوديني صعدت لغرفتي ربع ساعه فتح الباب وطب
رسول: اي حقج تريدين تتذكرين شلون اخذج ابن المطي مووووو
مرام: يعني شلون ما اشوف اهلي انت مو تزوجت اعتقني عوفني بحالي
رسول: اوديج الصبح ارجعج العصر
مرام: نص ساعه كافي
رسول: مممممممم اكولج اخاف اني ما انام وياج تروحين تدورين النومة ويه غيري
مرام: استغفر الله لك شدور بقه بيه احساس حتى ادور اصلا اكره شكو رجال بالدنيا
رسول: هممممم الله كريم
ايمن: حيدر
حيدر: شكو
ايمن: لو اريد اخطب اخت مرتك ينطوني
حيدر: من سابع المستحيلات
ايمن:، ليش شبيه شناقصني
حيدر: مناقصك شي بس انت صديقي بالنسبه الهم سبب كفيل يخليهم ميوافقون
ايمن: ازاعلك اخطبهة ونرجع نصالح
حيدر؛ وك شبيك تخبلت هيج عجبتك
ايمن: وك كلبي مو بصدري والله يمهة
حيدر: امشي اغسل هدومك روميو لا يطلعلك ابوهة يسويلك كلبك معلاك
مرام: ثاني يوم رحت لبيت اهلي شفت ملاك وامي ابويه واخوتي اخذتني ملاك للغرفه ووحدة تشكي للثانيه ولا وحدة منه سعيدة
ملاك: ياااا لعد المليون الاخذته شنو الله لا ينطيهة بس والله رسول كبر بعيني ما كال لاحد بس ليش تزوج
مرام:يريد يحرك كلبي بس والله محترك بكثر ما احترك كلبي على شعرج شكد جان حلو ليش هيج
ملاك: غير حيدر المخبل اشتغل حلاق براسي
مرام: 😂😂😂😂 ولج كاعدين نحشش على روحنه
ملاك؛ من الضيم
مرام: بس حبيتي موو
ملاك: وج شلون ما احبه وهو حتى من يضرب حاضني
مرام: رومانسي مو بيدة
ملاك:😂😂😂😂 وج ورسول
مرام: وج جابلي وحدة هيج تحجي صوووووبوووح تسكووووووت وتريد مشروب غازي خاف يصير وجه اصفر متدري هي حتى لو صار اصفر ميبين من كثر ما جلحة بس شلون معتنيه بروحهة اضافر واتكيت
ملاك:, وج الرجال لو يحب وحدة ميهمة شتلبس والله بس انتي شلعي كلبه لرسول خلي يتوسل
مرام: وج شيتوسل ميباوع بوجهي
ملاك: مدام ما قبل يطلكج يحبج والا هو ليش مبقيج
مرام: زين شسوي علميني
ملاك: لبسي حطي مكياج صبغي شعرج نضفي وجهج ولبسي ملابس مو مال نوم بس تغري شورت وبدي ستريج ثوب قصير ولا تتنازلين عن حقج ابد
مرام: وانتي
ملاك: اني ما اكدر اعيش ويه حيدر بعد يختي تعبت
مرام: ارجعيليه بس مو هسة خلي يتربه ورجعي
ملاك: الله كريم
