مرام: لعد وين جان زوجي من شردت منه بنصاص الليالي وين جان من رادوا يكتلوني هسة صار زوجي من تزوجت
ام رسول: اغضب عليك منا ليوم الدين لو متطلكهة
علي: الدين التحجين بي ميقبل بكلامج ومرام احبهة ومراح اطلكهة
رسول: وك شتحب حاط عينك على وحدة جانت مرت اخوك
علي: جانت مرت اخوية
رسول: اخذهة بالعافيه عليك شبعت منهة اخذ فضالتي كافي اني مطلع على كل جسمهة
علي: وهذا حجيك ما ضوجني بالعكس اكدلي انت متستاهلهة بعينك هي بس جسم مو روح وهي مسوت شي خطاء انت رجلهة جنت واذا تشوفها فضالة فاسكت ولا تحجي بعد اني اريدها
مرام: رسول يحجي واني صافنه شحبيت منه شكلت لروحي من حبيته طلعهم علي وضل يهز برجله وضايج وراهة طب سبح ونام
علي: كلما اذكر حجي رسول اموت هسة اني شكو ضايج واذا حجة ليش هالكد ضجت هم جانوا مزوجين قابل شيسون يلعبون دعبل اكيد اكو بينهم هواي اشياء صارت هاي شبيه اني تفكيري تفكير مراهق طبيت سبحت ونمت
مرام: متت جوع بالليل بس ما طلعت خفت من رسول وعمي وهذا علي غافي ضليت افتر وراهة توضيت صليت رحت ع الجربايه وشغلت التلفزيون اباوع علي لا حس ولا نفس معقولة ما كمشت ايدة دافيه لا عايش شبي هذا ميطلع صوت
علي: غافي حسيت مرام كمشت ايدي اني نومي كلش خفيف لهذا حسيت بسرعه
مرام: رحت حطيت اذني يم وجهة
علي: بسم الله شكو شبيج تخبلتي
مرام: والله عبالي متت شبيك لا حس ولا نفس
علي: هو اني هيج شلون شسوي
مرام: لا تسوي ارجع نام
علي: ضليت اتكلب اخر شي ضليت اباوع وياهة مشغله فلم رعب مال رجل الجحيم اسخف فلم شفته بحياتي وهي كلسا نازة ووجهة اصفر كومي طفي عابت
مرام: لا حلو
علي: كومي عيني لا تروح تتمرضين كله شد اعصاب وخوف على شنو شوفي فلم وثائقي تعليمي خو مو هذا
مرام: كلبه على مسرحية العيال كبرت صدوك نفسيتي تغرت متت ضحك صارت ساعه ٣ واحنه كاعدين
علي: امشي نروح ناكل متتت جوع اكلت بالعيادة خفيف
مرام: اني اخاف اطلع
علي: ليش طالعه ويه صاحبج غير رجلج امشي نطلع سوه
مرام: طلعنه فتحت الثلاجه ماكو اكل والسنك فارغ
علي: شراح ناكل
مرام: شفت لحم مثروم تريد كباب
علي: تلحكين
مرام: ربع ساعه
علي: يلا واني اسوي زلاطة
مرام: لا جاي خاف انام مو زين حموضه ناكل
علي: هم صدوك
مرام: طلعت بصل وطماطة وبذنجان وشجر وبتيته وكرفس
علي: كتلج كباب مو دولمه
مرام: هو من كل نوع وحدة
علي: اني شايف الكباب لحم بصل وبتيته
مرام: اذا ما عجبك شتريد اسويلك برشتهن كلهن وضفت اللحم كركم وملح وبديت اكلي بيهن وهو خدر الجاي نشف الكباب من الدهن ورحنه ناكل ليش هيج مردت الكباب بالله
علي: اني اصلا ما اكل بس بزيت الزيتون لو الجوز لو زيت بذرة العنب
مرام: ليش
علي: حتى مينزل كرشي
مرام: ههههههه خو العب رياضه
علي: ما عندي وقت
مرام: ليش
علي: الصبح مستشفى الحكومي العصر بالاهلي والخميس والثلاثاء عيادة وين الحك بس الجمعه استراحتي
مرام: مو جنت تدرس بالجامعه ما اعرف شنو
علي: هناك مو هنا هنا ميناسبني
مرام: مدري انت اعرف
علي: شلت كلاصي رحت غسلته وغسلت المبراشة وغسلت السنك
مرام: عوفهن روح نام اني اغسلهن
علي: لا شكو بيهة اساعدج عادي ترى
مرام: هااا اي عادي خصلت كلاصي ورجعت للغرفه هو كعدت يدور بالكنتور ما ادري شنو
علي: شفتي لابتوب
مرام: اي بالسيارة يمكن بجنطة سودة
علي: يبوووو شيطلعني
مرام: نام باجر شوفهة
علي: عدي شغل بي
مرام: كيفك
علي: تحبين رسول
مرام: شنو ليش
علي: هيج سؤال
مرام: جنت احبه كزوج وبعد الي سوا كرهتة
علي: جنتي تحبين الي قبله ما اعرف شنو اسمه امير يمكن
مرام: لا جنت معجبه بي ومراهقة وبنات شجعني ما جنت اعرف معنى الحب
علي: باجر نروح نجيب غسق
مرام: صدوك كلش اشتاقيتلها زين ودوامك
علي: احتمال اخذ اجازة
مرام: اوك حنام حضرت هدومك كوتهن بالكنتور
علي: شوكت كويتيهن
مرام: من طلعت للعيادة
علي: هاااا زين يلا نامي
مرام: نمت كعدنه الصبح تريكنه وطلعنة لسليمانيه وصلنه للبيت رحت دكيت الباب
معز: هلا خيتي شلونج شلون صحتج
مرام: زينه الحمد لله الجهال شلونهم
معز: يبوسون ايدج ما عرفتينه منو وياج
علي: علي زوجهة تشرفت بمعرفتك
معز: الي الشرف الف مبروك انشاء الله زواج الدهر تستاهلين كل الخير
علي: بس صيحلنه غسق مستعجلين
معز: ليش غسق ما اجتي
مرام: وين هي مو يمك واتصلت من جهازك
معز: البارحة جلال اخذهة بالليل خسة وصلت لكربلاء
مرام: متاكد جلال اخذهة
معز: اي كالت خابرت امي
مرام: لا خابرت ولا شي
علي: انت شلون تخليهة تطلع امانه يمك هاي
معز: هي كالت اتصلت بامي
علي: جلال منو انوب
مرام: الي طلعلهة الهوية
علي: مشكور خوية امشي
مرام: وين
علي: عندج رقمه
مرام: اي اتصلنه عليه دك دكتين وجاوب
جلال: طلعنه الصبح من وكت وصلنه العصر او الغروب هيج شي وديت غسق لبيتي مشتري يم اختي فارغ طلعت اشتريت مسواك رقم غريب دك الو
علي؛ الو سلام عليكم جلال
جلال: اي تفضل منو ويايه
علي:اني زوج امهة لغسق رحنه لمعز كال انت اخذتهة
جلال: اي يمي
علي: وين انتو
جلال: بكربلاء
علي: احنه جاين
جلال: باتوا هناك الطريق مو امان باجر ارجعوا
علي: انشاء الله دير بالك عليهة
جلال: بركبتي لا تخاف اوووف شحب من هاي البنيه
غسق: فرحانه احس انتقمت من امي بهاي الطريقه اجه جلال جايب العلاكه مالتي اكلت جلال
جلال: ها
غسق: انت ليش تحبني
جلال: ما ادري
غسق: كملت اكلت كعدت كباله شوف اني كتلك نتزوج ست اشهر وطلكني حتى امي تعرف انو اكدر اعيش من دونها
جلال: وانتي كدرتي
غسق: لا
جلال: اول متجي ماما بوسيهة حتقبل والله تدرين اني ما شفت امي جنت اشوف اختي تكعد جهالهة يمهة تحطلهم الاكل وتقربة الهم وتضربهم حتى الضربة اتحسر عليهة امج اليوم يمج باجر مو اكيد موجودة هواي يسولفون على حضن الام الي ما مجربه بس يكولون دافي وامج حنينه وتحبج تعبت علمودج
غسق: امي جذبت عليه ضليت ابجي
جلال: بشنو وبعدين يجوز لمصلحتج
غسق: سمعت خالوا يكلهة واذا طلب يشوف غسق هو ابوهة متكدرين تمنعي وهي تكولي ابوج مات ليش تجذب منو ابويه اريد اشوفه
جلال: يجوز ياذيج لو شفتي
غسق: لو كتلك امك عايشة وتاذيك لو شفتهة شتسوي
جلال: اروح انام بحضنهة
غسق: جلال اخذني لابويه
ذكريات العزوف 💔💔
