ابوملاك: عاذركم بويه
ملاك: اخذت هدوم الي ولزينب وزهراء
ام حيدر:لا تاخذين البنات هم بس هالفروخ من ريحة ابني لا تاخذيهم
ملاك: عمة انتي لو تگدرين قومين بواجبهن ابقيهن والله بس ادري بيچ مالچ حيلهن
اخت حيدر: اول مرة اشوف وحدة ميت رجلهة صالة 3 ايام تناقش وتجادل شلون عين صلفه
ملاك: أناقش واجادل لخاطرة وهاي اني راح احچي گبالچ وبحضور الكل حيدر ما مات ويجي يوم وتتاكدون من كلامي
حسن: يمة خلي البنات يروحن ويه ملاك محد يقوم بواجبهن مثلها
ملاك:. رحت ويه اهلي اول شهرين ما مصدگة حيدر توفى ويه كل دگة بابا اگول هو اجة ياخذني بس بعد ست شهور خاب املي بس هم ما مصدگة حيدر توفى وطلع من حياتي حملي كلش ثگيل اذاني كلش طلعوا ولد ثنينهم گاعدة افكر لو حيدر هنا يشوفهم شيصير بي اني يومية احلم بي اطبخلة واغسل هدومة كله بخيالي شكد اتمنة يرجع ولو لحضات چنت ما اريد الجهال بس من حسيت بحركتهم كرهت روحي خطيه شنو ذنبهم
حيدر: تمر الايام يوم بعد يوم والمكان خنگة احتصرت مرن ٩ شهور بطلعان الروح اسمعهم شلون يخططون واحد حچة على كتلتهم نصبولة كمين وقتلوا شگد حقراء الله يعلم كم طفل يتموا اجه محرم كل سنه اني اجي انصب چادر واشوف ملاك شلون تروح وتجي من قبل ما اتزوجهة چانت تجذبني شخصيتهة رغم موكب وهوسة البنات يضلن عينهن علينا الا هي متنتبه اصلا ماموجودين بالنسبه الهة اوووف يا ربي شلون حطلع منا شلون المصيبه شگد حقراء بس محفظتي على حطتها ميردون فلوس ومتهمهم
مرن التسع اشهر بطلعان الروح احسب حساب ويه كل يوم اشخط الحايط اسبوع جر اسابيع صارت سنه احس جاي اموت موت بطيئ
ملاك: بدايه شهر التاسع اجه رسول يتعارك ويتوعد ابويه من الصدمة توفى هنا خسرت سندي واملي شگد احب حيدر متاذيت من توفى گدما تاذيت بوفات والدي مدري لان توفى يمنه مدري لان ما مصدگة حيدر مات اخذتني امي للمستشفى ولادتي چانت كلش صعبه وتؤام طلعت روحي يلا جبتهم من حطوهم بحضني نسيت الدنيا وما بيها ملائكة مو جهال اجو اهل حيدر وحسن خطيه كله ويانه معافنه رغم مرتة كلش تغار بس هو مسيطر عليها كلش متسلط خزرة وحدة تسكت
حيدر: صاروا سنه وست اشهر طبعا نغسل كل شهر اكل ماكو بعد تعبت چان بوقتهة بشهر صفر هوسة ولطم محد يجي يمنه ملتهين والطريق مسدود ميگدرون يروحون للبيت ويرجعون فيباتون بالسجن قبل الاربعين بيوم اجه واحد سمين گعد هو يحرس المفاتيح يمه سمعت صوت شخيرة اباوع المفاتيح مختلفة اگدر اميز مفتاح الغرفه الي اني بيهة بس لو حس عليه انعلس ضليت صافن هي هاي عيشه شيريد يسوي يموتني خل يموتني مديت ايدي شلعت المفاتيح من البنطرون انوب اريد ادخل ايدي ما اگدر ايدي خشنه طلعن صوت فز سويت روحي نايم هو مد رجله ورجع نام وره ساعة تقريبا فتحت الباب ما اندل حتى منين اطلع بس امشي اجه صوت واحد منهم
!!منو انت شعدك هنا
حيدر: ما التفتت گبل ضليت اركض ويركض وراي شفت درج گبل صعدت وطفرت ما اعرف وين وما اذكر بأي اتجاه بس اعرف اني ابيت هاي ام زينب ورضا الماعرفت منو مشيب گلب مرته مدري امه ضليت خاتل هناك للصبح اسمع امهة تگعدهة ومتقبل تگعد وهاي المرة تفرفح خطيه ردت انهزم ما گدرت ضليت بمكاني عاد اتشمس شويه الضهر اتغدوا وراهة طلعوا وسدوا الباب اني نزلت على كيف اكلت شويه لان الريحة انصطرت منوراهة واخذت موس چان اكو بالحمام زينت خاف يشوفوني غسلت الحمام وطلعت للشارع بعد ما فكرت غير انو لازم اطلع من كربلاء لا فكرت اروح لبيت ملاك لا شي بس اريد اطلع من هالمكان المشؤم طلعت لكراچ الموحد وگبل للعمارة نمت بالسيارة حسيت على صوت الولد گال وصلنه امنت اني هنا يم اهلي بعد ميجون ارتاحيت ركبت تكسي لبيتنه وصلت گبل عبرت لان خفت اهلي يتخبلون امي وابويه كبار بالعمر مو مال هيچ صدمات اسمع امي تصيح باختي تگلهة عوبه متصيرلچ چارة لو حيدر هنا چان ردچ مشيت للدرج گبل لغرفتي توقعت ملاك بيهة بس ماكو احد طبيت غسلت طلعت الكنتور فارغ كلشي ماكو البس
اخت حيدر: يمه بسم الله يمممممه
ام حيدر: وغمه شبيچ
اخت حيدر: سمعت صوت بغرفه حيدر
ام حيدر: انچبي خايبه بس اني وياچ هنا ملاك يم اهلهة
اخت حيدر: يمه والله سمعت صوت دوش وراهة صوت كنتور
ام حيدر: هذا الجني الراكبچ
حيدر: رحت لغرفه ابويه اخذت دشداشه هو صح بطولي بس اضعف مني بهواي ضيگة كلش واگف حاير شلون انزل وشنو اگلهم
ام حيدر: اي والله صوت لچ روحي صيحي ابوچ لا يطلع حرامي
حيدر: نزلت وگفت براس الدرج امي واختي واگفات
ام حيدر: سلام قولا من رب رحيم العياذ بالله من كل شيطان رجيم يمه شتريد اذا نيتك اذيه الله يبعدك لو ملك صالحة انشاء الله خير
اخت حيدر: يممممممممه يممممه جني
حسن: مگعدين الحراس مال الباب نحچي وياهم لان وصلنه تهديد من بعد حيدر كلهة عادتنه وتريد تنهي وتأخذ منصب الشيخ اني گاعد احچي وسمعت اختي تصرخ ركضنه للبيت كلنه انصدمت شفت حيدر اريد امشي ما اگدر من الصدمه ابويه خطيه گعد بالگاع انت منو هاي كله من ملاك ما مرتاح بگبرك خويه كله تصيح ما مات حتى روحك معلعلة مو
حيدر: واحد يگول جني وانت سويتني روح بعد
حسن: هذا انت حيدر اي والله انت حزام ضهري يبعد اخوك عايش
حيدر: اجه صعد الدرج حضني ضل يحچي اني ضليت ابچي وياه نزلت لامي وابويه گاعدين بالگاع ابوس بأيد امي
ام حيدر: لطمت بفاتحتك يمه وانت عايش سولك گبر يبعد امك وانت موجود يبو طول الحلو بعدك عدل يمه مو حلم مو
حيدر: اي يمه مو حلم
ام حيدر: اوووووف يمه الله لا ينطيني اثوبلك وانت عدل انطينة ملابسك وگلنه مال ميت وانت عدل
حيدر: حجيه شمالچ اشتري غيرهن كافي تبچين لعد ملاك وين
حسن؛ يم اهلهة لان طهرت الولد ومتگدرلهم وحدهة
حيدر: يا ولد گلبي انخمش بس لا متزوجة
حسن: انت متدري من رحت ملاك طلعت حامل وجابت ولد ثنين
حيدر: گول والله
حسن: والله حيدر شبيك اجاك حيدروعلي
حيدر: انطيني السويچ
حسن:وين
حيدر: اروح اجيبهة
حسن: كل عقلك اخليك ترجع اني اروح اجيبهة
حيدر: عاد اروح اشتري ملابس دشداشه الحجي تگول سيت نوم
ابو حيدر: اسكت لا انزعك اخليك مصلخ
حيدر: صدگ چذب حجي تخلي ابنك مصلخ
ابو حيدر: ابني حاضن امه حتى سلام ما سلم
حيدر؛ اني لو هي حتى نفس ما اگدر اتنفس
ام حيدر: گوم گوم هاي لو ملاك تضل دهر بحضنهة
.................................
غسق: ماما معليه هسة تعاي اخذيني ما اريد ابقه هنا
مرام: لچ يا امي شبيچ يوميه. هوسة
غسق: ما اريد يمه ما اريدة حابسني وماخذ موبايلي
مرام: شسويتي هالمرة
غسق: هو گلي شدسوين گتله كيفي انت شكو
مرام: يا امي هو مو رجلچ ليش هالشكل تاذي
غسق: يبووووو كلكم تدافعولة
مرام: خل يجي عمچ علي واجي اخذچ عود من نوصل گولي بطلت اريد ابقه
ذكريات العزوف💔💔
