وعليكم السلام الرقم ده لقيتو في إعلان وظيفه في شركه نجد للإستخدام الخارجي والتمويل..ايوه صح اتفضلي .. انا نور محمد 👩💼عايزه اقدم لوظيفه السكرتيره العامه طيب يانور حاليا اقفلي رسلي لي في الواتس حق الرقم ده صوري لي الشهاده ومعا صوره فتوغرافيه ليك .. حاضر ..مع السلامه 😊
جريت طوالي انا مشيت فتحته دولابي وطلعته الشهاده بتاعتي وفتشت لي صوره محجبه فيها وطوالي رسلته مشت الرسايل وبقيت قاعده منتظره الرد الخطين بقو كحلي في الواتس 😥😣 بعد ساعه كده رجع لي الرقم الو السلام عليكم نور .. ايوه انا اتفضل انتي الاتصلتي على قبلي شويه صح ايوه بس رقمي داك مكالمات وده فيه رقم الواتس ايواه تمام طيب يانور انتي اتخرجتي ٢٠١٧ زي مامكتوب في الشهاده.. ايوه صح .. اشتغلتي قبلي كده في مجال السكرتاريه .. لا ماحصل🙄 لكن نسبه لقرايتي ماعندي صعوبه فيها .. انا يانور عينتك والشركه جديده اساسا مقرها في السعوديه و ده أول فرع في السودان🇸🇩 ودا شغل الوالد انا هنا بعتباري موظف وعينو في السودان انا أحمد عبدالحليم ولدو والمدير للفرع ده .. بقيت مركزه شديد في كلامو صوتو فاهم وعميق شديد وفيهو صوت ارهاق .. انا يانور اساسا شغال تبع الجيش مهندس طيران 👨✈️وحاليآ انا في ماموريه في الجنيد لو سمعتي بيها .. قاطعتو طوالي وعملته فاهمه ايوه طبعآ بعرفه وانا ماعارفا اساسا واقعه وين دي😂😂 فركزي معاي يانور انا هنا في الخرطوم مؤكل ولد عمي علاء الدين هيكون مسؤل عن الإداره في غيابي انا حاليآ على تعين الموظفين وانا الصراحه بقيت عليك وعايزك من اللحظه دي تبدي معاي وانا حاليآ هقفل منك هيتصل عليك علاء الدين تعرفي باقي التفاصيل ☺
بقيت واقفه ماسكه التلفون بيد وارقص بتانيه 💁♂️ اول ماقلت مع السلامه نطتته واصرخ مامصدقه شغل ياخ واي انا واي جريت ل أمي يا ماما اشتغلت اشتغلت 🙆♂️🙆♂️ كيف ووين حكيت لماما قالت لي خلاص ماتمشي براك طبعآ ماما جريده الدار متحركه افكاره كلها خطف وغش 😂😂 الله يديها العافيه طوالي مديت بوزي يعني لبتين انتي هتعامليني زي الطفله انا ودي الحاله انا الكبيره ياخي😑😣 يابتي ماتبقي راسك قوي.. خلاص ياماما كدي زاتو لما الزول يتصل لي وافهم الحاصل واكيد طبعا ماهيكون الليله طوالي 🙄🙄🤗 خلاص كويس .. انا زاتي عايزه اتصل لفاطمه تجي تنضف لي وشي وحواجبي ديل .. اتصلت لفاطمه جاتني بت جيرانه ظريفه بتشتغل في الحاجات دي وفي نفس الوقت بقينا نتونس وتصاحبنا جاتني وقعدنا ومع فرحتي دي قالو ناس البيت دايرين قهوه قمته وعملته ليك ببخوره انا نور عاد 😎👧 لما اقوم صعبه مع انو😟 قامو غلو القهوه وزادو البن 🙄 ماعارفه مالن يعني شنو القهوه لونه اسود ماشي لأحمر اجي ماخلاص مويه ومعا بن 😏😏 مستهبلين ديل غلطانه انا عملتها 😑😑 قامت فاطمه ظبتت لي وشي وحواجبي واتونسنه ومشت رجع لي رقم كده مميز كلو اتنينات زين مع العصر كده رديت لقيتو ده علاء الدين 😆😆😆 ياسلام وحسيت ليك كده بالاهميه 😂 الو السلام عليكم نور محمد .. ايوه ايوه اتغضل انت متصل من جهه أستاذ أحمد.. ايوه صح انا علاء الدين ان شاء الله بكره الساعه ٩ تكوني في المكتب في شارع الأنقاذ جوار شركه..
