،بعد قريت رساله مازن وكنته بطلع في الكعب العالي وملابسي وصليت مشيت فتحته التلفزيون تاني مليت قفلتو مشيت اقرا كتاب من كتبي برضو حسيت ماعندي رغبه في نهايه مشيت نمته .. لما جا الصباح بقيت ماقادره اقوم من سريري حاسه باحباط شديد ماعندي اي سبب يخليني اقوم مضايقه شديد لا قادره ابكي ولا انسي .. في نهايه غلبته الاحاسيس دي😣 وقمته كالعاده رتبه البيت ولفيت شعري .. عده على كم يوم بالروتين ده .. لحدي قررته انزل تدريب في بنك ... ، قمته لبسته قميص شفون مشكل ماقفلتو ولابسه جوه اسكيرت وتشيرت زرعي وجزمه وطرحه منقاوي وشنطه زرعي وساعه وحلق كبير مدور😍😍 ورجعته لعاداتي الفرفشه والضحك مالي ومال الزعل 🤗🤗يلا وشلته اوراقي الرسميه ومشيت وقفته في مع الهدف في الأستقبال كان عايز يطغش لي موضوعي وقال لي بدخل لي ورقك قلته ليهو لا عايزه ادخل بنفسي لمدير الفرع .. وفعلآ دخلته في ممر طويل بطلع لسلم طلعتو تاني تمشي يمين تلقي مكتب المدير دقيت الباب المره الاوله المره التانيه اسمع أتفضلي دخلته اول مافتحته الباب عيني وقعت على كراسي جلوس فخمه لونه بني غامض وفي نص تربيزه ويمين تربيزه زي الصغره دي 😂😂 ماعارفه بقولو ليها شنو دي المهم للاجتماعات المكتب كان كبير شديد طبعآ دي نظره كامله مع السلام عليكم بتاعتي وعاينته للمدير قاعد ماشاء الله في مكتبو شاب يكون عمرو ٣٣ او زياده شويه لابس قميص ابيض وكرفته سوده وماسك قلم في يدو ولابس الساعات الفضيه البلبسوها الرجال دي وانا ماشه على قام وقف وسلم على محترم الظاهر عليه😎 سلمته وقعدته وقدامي مكتوب اسمو المدير العام عصمت احمد .. قال لي اتفضلي طوالي دخلته في الموضوع وانا بتكلم تلفوني رنه صمتو وكملته كلامي .. ومديت اوراقي قال لي تمام ماعندك مشكله ان شاء الله انا بشوف خانه ليك معانه هنا اامده بتاعت التدريب حتكون شهر ، (وتكون شهر انا احسن من اقعد في البيت ساي لاشغله لا مشغله) طبعآ بطنطن جواي براي اصلا مافي شي مغتسني الا جني وطرطشتي دي 😂😅
رديت ليهو .. خلاص تمام قال لي اكتبي رقمك هنا اداني الورق الملون البكون مربع صغير ده كتبته رقمي واسمي معا .. واستاذنته طلعته .. وانا نازله القي المكالمه من منو من مازن وااااااي مااااازن 😍😍 رجعته ليهو طوالي طبعآ سلمنا على بعض قال لي ، كيفك يانور اخبارك شنو ..والله الحمدلله يامازن انت كيفك .. بخير انا وين انتي والحاصل عليك .. قلته ليهو انا اسي في الخرطوم في بنك.... قالي بجد انا قريب شديد منك خليك مكانك .. طبعآ طوالي قعدته في الأستقبال كيف ماانتظر وده بفوتو 😂😂 لكن طول شكلو ماكان قريب قال كده سااي وده مؤاشر لحبكانيه عايزه تحصل .. جريت طبعآ طوالي اتصلته على صحبتي سرو حكيت ليها ومنو لأني مابحب اقعد براي .. مرت زي ربع ساعه جا المدير عصمت وهو طالع ابتسم لي .. ابتسمته ليهو وطلع شايل اوراق طلع بالباب ،ماشاء الله طويل اسمراني ملامحو جميله .. قلته ماشاء الله ديل الناس الناجحه في عمر زي ده ومدير عام ولبنك كمان🤑🤑 ..
