، ندمته اني مامشيت كان شغلته نفسي من مازن يعني خلاص داير يبدأ يتغير .. مسكته تلفوني وتحمقته اتصلته اصلو ماردا لي .. زعلته زعل قفلته تلفوني تاني فتحتو😥 ماف اي شي منووووو .. لحدي نمته صحيت الصباح قافله معاي لبسته اقرب شي جا في وشي تشيرت واسكيرت وصلته البنك شربته الشاي براي وقاعده ماطايقه زول😤 ماقعدته مع زول وعلى الهبشه واقفه وخاته تلفوني جمبي .. انت يامازن اصلك متصلته .. جا المدير عصمت سلم على وسلمته ببرود شديد راسي مارفعته زي الناس وقف وعاين لي مشتغلته بيه ودخل وقت الدوام كلووو لا اتصل في تلفون المكتب لا اداني شغل .. جا وقت الفطور ماأكلته شي ماكان عندي نفس جاتني رساله🤗( من مازن انا مضايق شديد واسف جدآ لعدم الرد بروق وبرجع ليك )
يلا الرساله دي فورتني اكتر ومارديت على اصلآ وبهنا استاذ عصمت ماأداني اي شغل وجات سكرتيره مكتب تاني دخلت ليه وشالت ملف ومشت شكلوو ده شغل الليله وطلع فيني مشي صلي .. وبرضو كاني ماموجوده لكن احرجني شديد لانو عاملني كويس ماضغط على عشان حساني مضايقه 😔 بعد جا من الصلاه دقيت باب المكتب سمعته أتفضلي .. طوالي أول مادخلته قلته ليهو بعتزر بس مضغوطه شويه .. ابتسم لي قال لي حسيت بيك ماتضايقي لو حابه تاخدي إذن اعتبري عندك واصلآ انتي بعتبارك موظفه معانه والتعينات بتبدا بدايه الشهر ده وانا حثبتك 👦 كلامو ده اداني طاقه رهيبه فرحته شديد شغل وفي مكان معروف ومرتب حلووو 💜 الحمدلله يارب فرحته شديد .. اتصلته على ناس بيتنا اتبسطوووو 🤗😍 .
كملته باقي اليوم عادي مااشتغلته شي وبعد الدوام انتهي فوته الترحيل.. وقاعده منتظره صحبتي اسراء متفقه معا تجيني ونمشي نتغداء في مطعم في شارع المطار ومنو احكي ليها زعلى مع مازن الداير يتقلبن ده.. وانتي ياإسراء اتاخري بقت الساعه ٥ والدوام انتهي من ٤ 😣.. جا طالع أستاذ عصمت استغرب مع بسمه في عيونو وقال لي الترحيل فاتك ؟؟ قلته ليهو طبعآ السبب قال لي اتصلي عليها .. اتصلته ليها قالت لي خلاص انا بنزل ليك هناك طوالي .. لما وريتو قال لي خلاص انا بوصلك 😀اتحرجته منو لكن اسوي شنوووو احسن ماأمشي براي .. مشيت ركبته معا ووصلنا ودخلني لحدي جوه المطعم وسلم على إسراء .. ومجرد زوق اسراء قالت ليهو اتفضل معانه قال ليها شكرآ مره تانيه وقال لي لما تخلصو وروني 🤗 قعدنا وطلبنه واكلنا واتونسنا وطلبنا شوكلت كيك وكملنا ونستنا كلهااا وطلبنا الحساب ..الويتر جا خته لي جكت بتاع الفاتوره ده فتحتو القي قروش كتيره .. قلته ليه ده باقي ناس انت لخبطته ومديتو ليه بكل ثقه .. قال لي لا .. الراجل الجا معاك قبيل اداني قروش قال لي أحاسب واديك الباقي😲😲😲😲 أتخلعته وإسراء اتخلعت معاي أكتر قمنا لحدي طلعنا مااتكلمنا .. مسااافه حتي قبلته على إسراء وضحكنا .. وفي نفس الزمن زعلته شلته تلفوني اتصلته ليهو قلت ليه أحرجتني شديد وليه كده .. بقي يقول لي طلعتو انتظرو انا جاي عليكم وبنتفاهم لما اصل الكلام ده بقي بعد المغرب 😣.. دخلنا انتظرنا جا بعد مسافه كده دقه لي طلعته ليهو ..لقيتو مغير القميص واللبس بتاع قبيل لابس تشيرت مبين عضلاتو أبيض وبنطلون اسود كان رهيب شديد .. طوالي برضوو اتحمقته وقلته ليهو الا توريني اديتو اصلآ كم عشان ارجعه ليك 😤 .. قال لي انا لوكنته معاكم كنته حخليك تدفعي قلته ليهو لا .. قال لي بس اعتبريني كنته معاكم وركبنا بقينا ماشين على بحري .. قال لي انا ساكن اركويت قريب لشغل .. وبقينا نتونس كلنا وقال لينا نمشي ناكل أيسكريم اعتزرنا ليه قلنا ليهو مره تانيه ... وبقينا نتونس لحدي وصلنا إسراء قريب من بيت اهله ومشي وصلني انا .. قلته ليهو لما تصل وريني .. قلته يعني على الأقل تعبير من شهامتو دي .. دخلته البيت مبسوطه الصراحه حركاتو عجبتني شديد بعد ساعه كده اتصل لي قال لي انا وصلتا 😊 وشكرتو تاني ..مشيت جهزته ملابسي وصراحه اتانيت في الاختيار وجا في بالي عصمت
يتبع.....
