اتحركته عايزه امشي وقفني من يدي وجابني عليه انا عشقتك يانور عشقتك واعصابي كلها باظت زحيت منو ومشيت بقس ماشي وراي قال لي انتظري يانور وقولي بسم الله الوقت اتاخر وانا مابخليك تمشي براك يلا اركبي ( طبعآ كلامو صح ماناقصه اقيف للمواصلات حصل متاخره مع زحمه الكبري 😣😣)مشيت ركبتا كنته ساكته وهو يتكلم.. انا يانور مضغوط شديد وعندي مشاكل وعندي شيك مفروض اسددو وعندي امور كتيره جايطه مفروض تتفهمي الحته دي .. قلته ليهو ماف ظروف بتمنعك تتصل دقيقه ماف ظروف بتمنعك ترسل رساله مازن انا فاهمه اني ماشي اساسي في حياتك وده واضح من تصرفاتك يعني اسي لو ماجيتك كنته عايز تتكلم بتين لغيت انت المواعيد مرتين ده استهتار منك ... قال لي ماموضوع استهتار ولا شي ... انتي اسي عايزه شنو عايزه اعاملك كيف ( ماانا يامازن البوريك تعاملني كيف بدايه ارتباطنا الوراك منو ماقلته ليك بطل استهتار) طوالي وقف العربيه وقبل على باس لي يدي وقال لي انا اسف انتي هنا (اشر على قلبو ❤) كلنا بنغلط وانا اعتزرته كنته مضغوط وعندي حاجات بسيطه حنتهي منها وحنرجع احسن من اول 😊😊قلته ليهو ولو مارجعنا يامازن زي اول قال لي بنرجع قلته ليهو انا حاسه اني اتفرضته عليك ادي نفسك فرصه فكر يامازن خلينا في الفتره دي متواصلين كاصدقاء او مجرد معارف.. قاطعني قال لي انا عارف اني دايرك دي مادايره تفكير اصلآ الا اذا انتي عايزه تقعدي مع نفسك ( حقيقه حسيت اني دايره اقعد مع نفسي مشوشه لو كان اللقا ده جا من طرفو ماكان اتشوشته لكن اسي لو ماكنته جيت ماكنا اتلاقينا اصلا ) سرحته في تفكيري ده وماطلعته منو الا بصوتو وهو بقول لي يانور اديني فرصه ... قلته ليهو انا محتاجه افكر يامازن واقعد مع نفسي اديني اسبوع افكر بس عايزه اسالك لو ماكنته انا جيت كان بحصل شنو ... قال لي كنا حنتلاقه لكن ماالليله .. سالتو تاني يعني كان حتتصل او ترسل قال لي طبعآ كنته حرسل واتصل كمان 😊 ردو ده طمني شويه لكن برضو كان في تشويش وقال لي انتي برضو غلطانه انك بتسرعي وبتفهمي غلط واسلوبك مستفز غلطني وصح كلامو واعتزرته عن غلطي ... اخر شي قالو لي وكنته خلاص عايزه انزل ممكن اتواصل معاك حتي في اسبوع تفكيرك ده قلته ليهو ممكن ااي ... نزلته دخلته بيتنا واخدته شكله معتبره من ماما والحمدلله بابا كان مافي كان الناقص تمه 😭😭 دخلته ماعملته اي شي غير طلعته جزمتي ورقدته وبكيت لاني فاهمه بقيت مازن انا ببهبرو بس لكن هو ماشكلو متأكد من شعورو اتجاهي لو متاكد ما كان بتحجج بظروف ماكان بلغي المواعيد مرتين 😔😔 حاجه صعبه على استوعب كم احساس في نفس الوقت اني بحبو اني زعلانه منو انو شكلنا انتهينا وفي نفس الوقت تصرفو الاسي ده في تناقض رهيب )😣😣 لكن متاكده اني بحبو لكن بقيت مقتنعه انو في خلل احي ياخ قلبي واجعني يعني الرمنسيه والاحاسيس المعا دي عابره معقوله انتهت وطيب اسي كلامو لي ده شنو امل ولا عشان شاف حالتي واني منهاره قال احسن اطمنه حيرني وحير قلبي ....قلته اخير اقوم اصلي بدل الباقي من عقلي يطير بعد ساعه كده من الدوامه الانا فيها دي تلفوني ضرب لقيتو ده عصمت أبتسمته ورديت عليه سلم على وبقي يتونس معاي موضوع بجاي وموضوع من هناك والزمن سرقنا اتكلمنا ساعه كامله 😉 ونهايه المكالمه سالني قال لي وصلتي وين في تفكيرك ..قلته ليهو الحاجات دي مافيها استعجال وقفلنا على كده
