الساعه بقت داخله على واحده البنات بدو يجو وواحده فيهم
اسمها داليا قدر ماوصفنه ليها🙄 ماعرفت المكان لحدي نزلت ليها اسراء تحت ومشت ليها مسافه من المكتب جابته وجات في المسافه دي وصلت واحده اسمها ميسون والاء .. الاء دي متزوجه سلمو على وقعدنا في مكتبي منتظرين الباقين فاضل زي واحده بس ديل القالو جاين بعد نص ساعه كده شلته الشهادات من اي واحده واستاذ علاء اتاخر شديد بقت الساعه ماشه على ٢ض والمواعيد ١ض طبعآ في الوقت ده البت الاسمها ميسون جايه لوظيفه الشئون القانونيه عملت معاي تحقيقات عديل الشركه اتأسست بتين وطلبت تشوف ورقه التأسيس وبالفعل انا عندي ضمن الورق الاستلمتو من استاذ علاء الدين وطلبت تشيل نسخه وماشفته فيها حاجه خليته تشيله وقالت لي وللبنات المعاي طبعا قبلي كده كنا شغالين مع واحد واتخيلو كان خطيب صحبتنا نزلنا معا شغل نصب علينا وسافر 😣😣 .. وخطيبتو طيب وين اسي ياميسون ..دخلت في نفسيات في بدايه الموضوع لكن اسي هي عاديه وبقي محور الونسه كلو عن النصب والشركات الوهميه وقطعت داليا كلام ميسون لا لكن انا متاكده من الشركه دي انا بعرف المدير أستاذ أحمد عبدالحليم واساسآ دي شركه ابو مقيمين في السعوديه اهلو قمت انا بدون أشعر سالتها بتعرفي من وين قالت لي صاحب خطيبي حتي لاقيتو قبلي يسافر المأموريه ..اها يعني خطيبك في الجيش برضو ..ااي ضابط برضو👨✈️وقالته بفخر شديد ..😏 وقطع لينا صوت تلفون المكتب الونسه ده أستاذ علاء وصل وقال لي دخلي لي البنات واحده واحده .. جاتنه داليا راجعه بعد دخلت وقالت لي انا قال لي أستاذ علاء امسك المكتب الإداري وحبدا معاكم اسي طوالي بت حماسيه شديد وكان بتجيها تلفونات طوالي وبتطلع ترد وتجي خطيبه شكلو 😎
الباقين قالو بنزلو معانا من بكره تقريبآ انا واسراء وداليا نفس العمر ٢٢ ميسون يكون عمرها زي ٢٦ سنه كده والاء اكبر منها بسنتين .. اتصل على أستاذ علاء تاني وناداني مشيت على في مكتبو .. اتفضلي اقعدي يانور اتصلو عليك عملاء ؟ .. ايوه ياأستاذ علاء وكاتبه في الدفتر ده اسم اي عميل وتفاصيلو وزي ماقلته لي حددت معاهم مواعيد للاسبوع الجاي .. خلاص تمام اتفضلي انا حاليآ طالع طبعآ دوامكم بخلص ٥ بعدين عمو جعفر بقفل هو بس انتي نادي قبلي تطلعي هو بقفل الكهربه والابواب والمفاتيح حتكون عندو وانا خليت نسخه عندو خليها معاك.. خلصته كلامي اتفضلي 😑😑
طبعآ أستاذ علاء ده بحسو غريب غريب 🙄🙄 بديت احسو ممل مشيت رجعته ل اسراء وداليا لقيت داليا قاعده في مكتبي الكرسي بتاعي زاتو بتاع المكتب أجي يادي عرفت من بتين لما دخلته لحدي وصلتها حتي فكرت قامت أصلو ماارتحته ليها 😣😏🤔 اسراء قالت عايزه تستأذن تطلع قلته ليها طوالي شوفي يااسراء ااي نحنا صحبان واي شي لكن الشغل شفل يعني اسي لو اتصل على أستاذ احمد او علاء اقول ليهم صحبتس العينته معاي بدت تعمل حركات 😡😡 اقعدي ماتطلعي حسيته شمتني 😂😂 لكن قعدت وبقت ترد لما تجي مكالمه وداليا تتونس بتلفون 😏 ومشت قعدت في المكتب التاني احسن اصلا ماحبيته 😤
