ماصدقته الصباح جا قمته سريع جهزته حتي مكياج ماعملته ولبسته ..وصلته المكتب من ٨ وصورته الورقه رسلتها لزول البعرفو واتصلته عليه كم مكالمه شكلو نايم 😣😣 بقيت قاعده صوت الباب يخلعني لحدي وصلو البنات الساعه ٩وقت بدايه الدوام رجع لي الزول الاتصلته على قال لي انا قريت رسالتك ياخ ده شكلو ختم حقيقي خلي افكارك الغريبه دي 😊😊 ارتحته راحه بعد كلمتو دي .. جا استاذ علاء قال لي تعالي لي في مكتبي طلعته وراء طوالي قال لي أستاذ أحمد مفروض يصل في الأيام دي لكن هو في فتره عمليات ومابيدو إذن .. فإنتي اتصلي على العملاء واديهم مواعيد قريب مشيتو وقلته ليهو طيب وبقيت خاته كلام ميسون في راسي😟 قلته هي يانور لما يصل أستاذ أحمد .. وكملته يومي عادي وكان أستاذ أحمد متواصل معاي في الواتس المختلف انو نهائي ماجاب سيره شغل بس متواصل معاي صباح الخير اكلتي ..كويسه ماتضغطي نفسك ..المهم بين رسايلو المتواصله واتصالات رقم الشغل ومارجعته لي اي عميل واي عميل جديد قلته ليه برجع ليك احدد معاك مواعيد ..وبين جو البنات بقينا مندمجين شديد انا وظريفات شديد .. زي الساعه ٣ كده جاني عمو جعفر شايل كيس هدايه قال لي جا واحد قال ده ليك يانور 😲 لي انا ياعمو جعفر ايوه ليك وببتسامه كده طيب ياعمو منو الجابو قال لي راجل انا زاتي مابعرفو قال دي امانه مرسله معا ومشي مني جريت جري دخلته مكتبي فتحته الكيس لقيت فيهو علبه فيها شوكولاته ومعا كرت مكتوب فيه ( بخاف عليك من تعب الشغل ) استغربته شديد وبقيت اكل في الشكولاته😂😂 بعد شويه اتصل لي أستاذ أحمد رديت قطع لي جو الافلام الحاصل معاي ده واول مافتحته الخط اسمع ليك ان شاء الله طعم الشوكولاته يعجبك 😲😲😲 الله ..اجي شوكولاته واي
سكته ساي قال لي انا وصيت عليها عشانك .. شكرآ ياأستاذ احمد ماف داعي كان تتعب نفسك وتونس معاي شويه وقفل مني ورسل لي في الواتس صوره ليهو بلبس الجيش صراحه عجبني شديد 😁 اسراء قالت لي شكلو استاذ احمد ده معجب بيك 🙄 هي ياسرو ماف كلام زي ده هو يابت قرا بره نص عمرو راقي ساي قايله زي اولادنا النسونجين ديل 😒😒 خلصته يومي وطلعنا غشينا السوق اشترينا لينا حاجات انا واسراء واتصل على تاني أحمد أقصد أستاذ احمد🙈🙈 سلم على وقلته ليهو في شغل جديد ولا شنو نسيت شي انا قال لي لالا انا اسف بس حبيت اطمن عليك وصلتي ✋😶 اه شكرآ ياأستاذ أحمد لسه غشيت مكان وراجعه سالني وين الله .. الله مالو كمان وطبعآ وريتو.. كنته في السوق ياأستاذ أحمد قال لي محتاجه قروش قلته ليهو طبعآ لا شكرآ 😒ضايقني شديد بجد هو مالو بي بدا يتحشر شديد ياخ .. وبيني وبين نفسي مبسوطه محتاجه للاهتمام ده وصلته بيتنا وتاني المسا اتصل على أستاذ أحمد وقال لي تصبحي على خير ..قفلته منو ونمته صحيت بصوت تلفوني ٢ص أستاذ أحمد يتصل بك اتخلعته شديد الساعه٢ ص في شنو.. رديت ألووو اسمع ليك أستاذ أحمد نور .. نعم ..انا حبيتك من أول مره شفته صورتك نور بتقبلي تتزوجيني ؟😲😲 قلبي طار من محلو بسم الله بسم الله وقلبي بقي يضرب بدون أشعر قلته ليهو أيوه بقبل مستحيل أرفض شاب زي أحمد رومنسي وبهتمه وشغال ووضعو كويس ومحترم وده كلو كوم وجاي بالباب ده كوم تاني اتكلمنا ساعه كامله حكي لي عن أهلو وطلع فاتح الموضع مع أهلو وقال لي يانور اسي نومي ونتكلم الصباح وعايزك اسي ترسلي لي رقم أبوك .. طبعآ انا مع ماما صريحه شديد لكن مع بابا مابقدر بخجل قلته ليهو ياأحمد اتصل اسي لماما مبدئين اصره عايز رقم بابا مشيتو وقلته ليهو خلاص اول اتصل لماما قفل مني ورسلته ليهو رقم ماما في الواتس .. وصراحه اول يوم انوم مرتاحه كده لاني دايما علاقاتي مابتصل درجه البيت ياخ فرحته شديد 😍😍
يتبع.....
