، صحيت الصباح ماخليت لبسه الا جريتها ليوم بكره ومشيت كويت شعري ومعنوياتي كانت في السما 😍😍 ويااااا يوم بكره ماتسرع .. اخيرآ ثبته على لبسه طلعته جكت بينكي خفيف وكعب قافل نفس اللون وفستان مع الجسم عجيب لونو بيج غامض وطرحه بينك وبيج وطلعته اكسسواراتي ست طقم لونو بينك غامض والمنكير لحمي .. جريت نمته عشان القي الصباح ده جاااا احي مازن اخيرآ واااي بس 😍😍وجريت غمضته عيوني غضب نمته😂😪😪 صحيت الصباح بكل حيويه والله فرحانه شديد وماعارفه عشان عايزه اصل لإنسان وانبهو ولا عشان انا معجبه بيه 🤔 مشيت فطرته الزمن ما جا مشيت نضفته الزمن لسه ٥ دي تجي بتين وكل شويه افتح رسايل مازن رسل لي الساعه ٢ ان شاء الله على مواعيدنا نتقابل في كافي ... ،وبعد إذنك رسلي لي رقمك عشان أكون متابع معاك 😍 واخيرآ ياااااسلام ،جات الساعه ٣ قلته امشي ابدا أجهز مشيت جهزته وسرحته شعري شقيتو من النص وختيت في الطرحه وعملته مكياج خفيف جات الساعه ٤ طلعته لانو الكافي في الخرطوم ومشيت بترحال عاد كيف مابترحال😂 جاني بتاع ترحال بعد ٥ دقايق اتصل على رقم وزي مااتوقعته ده مازن .. قلبي عمل شح لما سمعت السلام عليكم انا مازن قلبي عمل شح 😣 اتلخبطت مشاعري يعني نفس صور الزول البنيت عليها احلام وادمنته صوته طلع وهم ويطلع زول تاني واسي بسمع في صوتو بجد حسيت شعور غريب ومعاي حق 😔 وطول الطريق افكر لما أجي راجعه وخايفه شديد لانو الأحساس الأنا حاسه ده ماطبيعي 😔 عارفه حرجع وحواجه الواقع خسرته الشغل واصلا ياريتو لوكان حقيقي وعلاقه طلعت وهميه 😟 أنا اضعف من إني اواجه الشعور ده وللحظه رجعته لشعوري الكئيب وفجأه طلعته من السرحه دي بصوت السواق قال لي اتفضلي ده الكافي ... ، ونزلته منو اتصلت على مازن مساء الخير أنا بره انت وصلته قال لي ايوه انا جوه قاعد اول ماتتدخلي قاعد في النص قلته ليهو تمام قلبي بقي يضرب ويدي بقت بارده دخلته فتحته الباب وابواب القزاز دي بتوترني شديد الحمدلله فتحته بسلامه 😅 اول شي إضاءه الكافي تحكي عن قصه رومنسيه وقعت عيني في مازن لابس قميص لون ازرق خفيف مشيت عليه وقف سلم على وزح لي الكرسي وقال لي اتفضلي .. واي من مازن جميل شديد الصور كانت ظالمه بقيت ساكته زي خمسه دقايق كده وطبعآ مبتسم لي ابتسامه مهذبه وانا كنته خجلانه شديد وماعارفه ابدا القصه البايخه دي كيف جانه الويتر كسر الصمت الرهيب ده وشال طلباتنه وانا لما سالني حسيت كانو سؤال امتحان من صفحه ماقريته في النهايه طلبته مشروب شوكولاته اول ماادانه ضهرو ، ابتسمته وقلته ليهو انا اسفه جدآ اني داهمتك من غير مقدمات بس صراحه انا نزلته شغل و .... و..... ورسل لي صورو الي هي صورك ، قام انزعج كده وقال لي انا زعلته عشان واحد عديم زمه يلعب بشعور البنات انا صوري راجل مشت ولاجات لكن انتي كان تكوني حريصه شديد هنا طبعآ دنقرته راسي 😔كلامو صح انا اتخففته وتشالغته استاهل الصراحه حسيتو لما عينو وقعت في عيني وحسه اني اضايقته غير الموضوع قال لي كل شي لخير .. قلته ليهو انا حبيت انبهك عشان احتمال يكون مرسله لبنات وواحده تفتح بلاغ بصورك يفتكروك ده انت او تنزل في النت .. قال لي شكرآ ليك انتي زوله طيبه شديد .. تاني قفلنه الموضوع وبقينا نتونس عن المكان وعن الكتب وانا الصراحه عجبني شديد قميصو على الساعه الابسه ولا عطرو يحكي عن قصه ولا حلاقتو 😢 سمح شديد ياخ ..
جري الزمن كيف ماعارفه بقت الساعه ٧الا 😲 مفروض بعده اطلع .. قلته ليهو عن ازنك انا بعده مواعيدي جات لازم ارجع البيت قال لي تمام طلعنه قال لي اتفضلي وبيدو اشر 😍 فتح الباب وطلعته قدامو قال لي اتفضلي اوصلك قلته ليهو لا انا جيت بترحال وحطلب اسي بصلو سريع اصره وانا اصريت وطلبته ترحال انتظر معاي بعد ١٠ دقايق وصل وفتح لي الباب وقفلو لي 😍 وحلف الا يحاسبو احرجني شديد 😣
بعد دقايق بس جاتني مسج منو لما تصلي رسلي لي .. قريت الرساله (طبعآ حرسل ليك واي منك انت ظهرته من وين انت )😂😂 قلته ماارد على الرساله لحدي اصل اول مانزلته رسلته ليهو شكرآ كتير على وقتك .. انا وصلته.. رد لي انا سعيد جدآ بوقتي معاك .
يتبع....
