وصلنا الابراج مكان خرافي مهما أتكلم وأحكي ماحقدر اوصف أبدآ 😍 احكي عن الأبراج الشكلها زي العمود وفوق زي شكل كره ارضيه كانو زي تلاته جمب بعض والارضيه كلها نجيله ومصممه بشكل عجيب والجمال ده كلو فاتح على البحر ده كان اول مكان سياحي نشوفو لانو قريب للفندق النازلين في .. تاني استاذ عصمت و الموظفين المعانا قالو عايزين قهوه طبعآ انا مالي فيها ابدآ وبحاول اعمل زوله كبيره زيهم 😂😂 قلته ليهم ااي لازم نمشي نشرب 😂 طوالي مشينا كافي قريب لابراج الكويت رهيب شديد لونو زرعي وكلوووو مقفل بالقزاز شي راقي خلاص وجوه الاثاث بالزرعي برضو وفي إضاءه شكل دوائر موصله مع الأرض 😀 والمكان واسع شديد والناس دي راقيه والكويتيات ديل لابسبن لبس شي برا ..أسكيرتات قصيره وفنايل وفساتين فاتحه والشعر فاكي جميلات شديد كلنا نعاين طبعآ 😂😂 حتي النادل حلو ياخواني الشعر ده للعيون نازل ويش تشربون 😂 اشربك انت ياالسمح 😂😂 انا طوالي نسيت موضوع القهوه وطلبته شيس كيك وهم طلبو قهوه بقينا نتونس ونتصور قعدنا نص ساعه كده عشان نستفيد من الوقت قدر الامكان ونشوف مناطق كتيره لكن فجأه استاذ محمد ده ضمن الموظفين قال نمشي نحضر سينما 4d نزلت جديد وبتأكيد في السودان ماف قالو ليهو يازول قصدك 3d قال لا يلا براكم تعروو .. طلعنا طوالي مشينا مول فيه سينما ..طبعآ المول رهيب كبير شديد وكلووو محلات فخمه وفي محل بعرض ملابس صحراء بتاع المحل خاتي ضمن الديكور عربيه جيب بتاعت الصحراء ياخ عز رهيب وفخامه ومحلات لبس البنات دي ياخ عجيبه ولفت انتباهي فستان كلووو لون لحمي ومطرز ببنفسجي ياخ رهيب شديد ...طبعآ بحلقته فيهوو 😂😂 يلا بقينا نتفرج في المحلات لحدي وصلنا محل السينما في الطابق الرابع وقفنا شيلنا فوشار وبيبسي ومكسرات وادونا نظارات نفس ٣d لكن على اعرض .. وطلع مابتختاري الفلم حسب حظك بس دخلنا انا كنته قاعده يميني موظفه وشمالي استاذ عصمت الفيلم كان ساعه ونص بدا كان عن دراما ورمنسي في نفس الوقت ..وطلع 4d يعني الكرسي بتحرك تبع الفيلم ولو في مطر بجي رزاز نازل فينا 😂 ولو في ضرب الكرسي بتحرك شديد وبتطلع منو حاجه تضربك لكن براحه 😣 وتاني لو في ضباب القاعه تتملئ ضباب 😂😂 يلا بدأ الفيلم ولبسته النضاره4d طفو الإضاءه والشاشه كبيره الكرسي حسيت بيهو داخل جوه الشاشه اسمع ليك صوت استاذ عصمت ماتخافي طيب انا جمبك لو خفتي اقلعي النضاره حسيت قلبي عمل شح 🙈 يلا بس قبلته على الشاشه ياخ متعه شديده وجا رزاز رشه فينا 😂 وتاني ضباب وجات لقطه رقصه إسلو ياخ انا دخلته في ضغوري من الخجل وحسيت انا البرقص 😍 والموسيقي الجو كان رهيب تاني جات لقطه ضرب وانو في وحش جاي طالع المشهد كان مشوق وواضح جاي خوف للبت جمبي خافت وفي واحده كوريه قاعده قدام صرخت تعالو شوفو الهبله انا ميته من الضحك اصلو ماخفته 😂 لما أستاذ عصمت قال لي انتي مجنونه وعسل وضحك فيني .. وكان ماسك لي شنطتي لاني وقعتها من الضحك ... انتهي الفيلم وطلعنا مشينا مطعم عشان نتغدا ... مطعم كان عباره عن مشاوي كانك بتشوي براك لكن الاكل جاهز يعني!! ... تربيزه كبيره ومن النص الشوايات فيها قطع اللحمه والدجاج والنار فاتحه فيها وجمبها السلطات وشيبس بزعتر انت تقطع وتأكل اكلنا اكل شديد 😋😋😋 وبعدو اكلنا ايسكريم غايتو ماخلينا شي 😍😍 وبعداك مشينا شفنا مهرجان الطائرات الورقيه الناس كتيره ويطيرو واتسابقو بالطائرات الورقيه برضو نحنا شيلنا طيرنا لكن كلها زي ١٠ دقايق بس لانو بقي ماف زمن قربنا على وقت المؤتمر ببدا ٧ م تاني قالو اخر شي نمشي نركب في زي شكل طيارات لكن صغيره وفاتحه زي المنطاد بتشيل اتنين قالو نركب .. انا طبعآ بخاف من المرتفعات رفضته 😂😂 هم ركبو.. وطول الوقت كان انا واستاذ عصمت نوزع في الابتسامات بعده طوالي اتحركنا على الفندق عشان نجهز مشيت طوالي دخلته استحميت ولبسته وعملته مكياج خفيف وشلته ملفي وقلمي ... وصلنا مكان المؤتمر كان في نفس الفندق كان ممل خلاص وتعبته من الكتابه 😥😥 ماصدقته خلصنا كان الساعه ١٠ م بقت قالو نمشي نطلع تاني غيرنا الرأي لانو اي زول تعبان واي زول مشي يرتاح استاذ عصمت سمعتو قال طالع وجاي وانا دخلته قلته انوم بكره عندنا سفر راجعين السودان😍 قبلي انوم شبكته تلفوني مع الواي فاي بتاع الفندق اتصلته لناس البيت بالايمو وفتحته صفحتي في الفيس اريتني مافتحته لقيت مازن منزل كم منشور ولا كانو مرتبط ولا كانو في مشاكل الغياظ قفل لي مزاجي ولا في منو اي رساله لا واتس لا ماسنجر رسلته ليهو مسج في الواتس (لم اكن اعلم ان الوعود تقال لكي تنقض ) ... جاتني طوالي رساله منو( لازم نتقابل ماعندي حاجه اقوله غير كده ) قلته ليهو انا مافاضيه طبعآ ماقادره انسي شرتو لي 😡😡 وعدم احترامو قام ردا لي نتقابل الاربع رديت ليهو لا مافاضيه .. ردا لي اتمني انك تفصي حنتظر منك رد . وانتهت الرسايل بينا على كده ونمته ،صحيت الصباح واتظبطه لسفر .. نزلنا شربنا الشاي مع بعض كلنا وطلعته فوق ا
لجناح بتاعنا اجيب شنطتي واصلآ لسه ساعه حتي نطلع بعد شويه نسمع ليك الباب دقه مشيت فتحته القى موظف الخدمه قال لي (عساك بخير هذي لنور) .. قلته ليهو انا نور اداني كيس وخجلانه اقول كيس حاجه فخمه سوده يقال كيس 😂 قلته ليهو شكرآ طبعآ انتدهشت وقفلته الباب افتح ليك الكيس القى الفستان العجبني أمس اللحمي ببنفسجي وااااااي انا وكمان مع كعب عالي بنفسجي وشنطه 😀😀 ومعا كرت مكتوب فيه( لو بيدي إن نظرتي إلي النجوم ان أتي بنجوم إليكي ) عصمت . 😲😲😲
طبعآ قلبي بقي يضرب شديد ودخلته في حاله نطيط مع صريخ مع فرحه كده بالفستان على الحركه زاته فتحته الباب عايزه امشي ليهو تاني دخلته وقفلته الباب تاني فتحته ٩الباب تاني قفلتووو😂😂 شربته مويه واتشجعته طلعته لقيتو قاعد في الكافي بتاع الفندق مشيت على وقف بقينا نعاين لبعض هو يعاين لي وانا اعاين هو كان ملامحو جاده شديد زي الماهو الجايب الفستان هو وانا اتبكمته ... ومن غير مقدمات قال لي نور انا عايزك 😲 نور بجد ماقادر اكتم اكتر من كده من اول ماجيتي وقدمتي لتدريب من اول لحظه ابتسمتي فيها من اول لحظه اتبايختي على فيها ومن ماشفته دموعك قدامي وحسيت إني انا الببكي نور ..🙁🙁😟 وانا بقيت متنحه بعاين ليه ... تاني اسمعو ليك يانور قلته ليه ايوه 😟 انا معجب بيك جدآ ودايرك تكوني حلالي😲 ...
يتبع.....
