انا معجب بيك جدآ ودايرك تكوني حلالي😲 😲
...طبعآ ده كلو نحنا واقفين قمته قعدته قام جا قعد جمبي بقيت مدنقره .. رفعت راسي قلت ليهو فاجئتني 🙁 قال لي انا عارف لكن انا بجد عايزك تكوني زوجتي وام لاولادي حاسي معاك احساس مابتوصف انا بجد معجب شديد ... يااستاذ عصمت ( نسمع صوت موظفه العلاقات العامه يلا يااستاذ عصمت ونور العربيه الحتوصلنا المطار وصلت ) قمنا طوالي معا .. قال لي نواصل بعدين وانا كان على منظر لا يفسر🤤🤤... وانا وماشه اجيب شنطتي ولحدي وصلنا المطار حاسه إني بره الشبكه تمامآ ركبنا الطياره قعد جمبي وراقي جدآ مافتح الموضوع طيله الرحله لما وصلنا مطار أديس قال لي اخدي راحتك في التفكير ودي مامواضيع بستعجلو فيها،🤗 وردي لي قلته ليهو تمام .. ماعارفه ليه قلته كده يعني اديتو امل بالموافقه وفي نفس الوقت ليه ماادي امل الف من عايزه الفرصه دي طيب ومازن ومشاعري الله ياخ دي لخبطه شنو ووين اللخبطه مازن هو بهتمه بيك ولا مقدرك ( بقت الأفكار تلعب بي شديد ) وماشعرته بنفسي الا بعد وصلنا مطار الخرطوم واستقبلني اخوي😍 وحسيت احساس بايخ لما ودعته استاذ عصمت مع إني حلاقي في المكتب لكن جاني شعور غريب ماقادره افهمو .. وطلعني من الحيره دي ونستي مع ناس بيتنا ولقيت إسراء معاهم حكيت ليهم السياحه والبلد وتفرجنا على الصور ودخلته مع إسراء غرفتي حكيت ليها موضوع استاذ عصمت وشافت الفستان قالت لي انا غايتو شايفه انك توافقي الزمن ده ماف رجال جادين وبقينا نتونس ونحكي في الموضوع ده لحدي جا اخوها ساقه والوقت مشي شديد الساعه ١٢ ص مشيت نمته واحلى شي بكره ماخدين إجازه بننزل بعدو طلعته لناس حبوبتي وخالاتي وعماتي👵👩 اتصل على استاذ عصمت العصر سلم على بس ولا زادو ولانقص غريب خلاص 😣 ياخ بديت اعجب بغموضو ده وانتهي اليوم على كده .. مشيت المكتب تاني يوم وكان روتيني جدآ وأستاذ عصمت مافتح معاي الموضوع باي شكل كان عادي جدآ معاي وده شي مريح لاني مابحب الضغط .. واكتر شي شاغلني انو بعد بكره حلاقي مازن ايوه قررت الاقي واطلع الجواي واصلآ شكلو بايع فكرتي لو ماانا رسلته ماكان خاطره على بالو اصلآ اربع ولا غيرو 😔😠 بقيت افكر امشي ولا ارد حركتو طيب لو رديت الحركه ماحستفيد شي احسن ادي كلمتين حارين وعيني في عينو كده بتفشه لالا ياخ مازن ده كويس 😣😣 ياخ ماكويس عزبني ...و يوم التلات رسلته مسج ل مازن ( ان شاء الله على مواعيدنا ) رسلته ليهو المغرب لزوم تقيله وكده 🤗 ردا لي ١٢ص😂 ( ان شاء الله ربك يسهل على الساعه ٥ كده في كافي...) نفس الكافي الاتقابلنا فيه أول مره صحيت من النوم برسالتو دي ورجعته نمته ،صحيت بكل نشاط وتفائل وتظبطه بفستان احمر وجزمه بكعب ، وطرحه وشنطه بني 😎
والمناكير احمر والروج لماعجبتني نفسي وجهزته كلامي الدايره اقولو ( شوف يامازن امور الاستهبال واللف والدوران ..فاكرني مابفهم ..فاكرني مابعرف ..فاكرني غبيه ليك خلاص داير تعلقني وقت تجي وقت تمشي وانا في محلي ) ده كلو حقولو ليك واكتر كمان ... وجات الساعه ٣ استاذنته طلعته وصلته الكافي لقيت مازن قاعد 😍 احي ياقلبي انا اقسم بالله الأسود يخلو ليك وأحلام مستغانمي لما كتبت الأسود يليق بك كانت قاصداك انت ( بقيت أتكلم جواي وماشه عليه ) قام سلم على وعطرو كالعاده حكايه تانيه ياخي جميل واي انا اتمالكته اعصابي وهديت وقعدته جمبو بقينا نعاين لبعض بدون اشعر بكيت مسح لي دموعي .. بكيت اكتر 😭 ليه يامازن ليه تعذبني كده ليه انا ماشايفه ده كان سبب 😔 بقي ساكت تاني عاين لي في عيوني قال لي بحبك 🤤🤤 والحصل ده غصبآ عني انا زعلى كعب يانور انا جعلى أحمق خليك عارفه كده ... بس طوالي نسيت اي شي والله نسيت كلامي كلووو ... عديته معا ضحك وونسه واعتزر لي و مسك يدي باسه لي 🙈😅 وكملنا اليوم ورجعني وتصالحنا ماقدرته اقاوم الاحاسيس المعا دي 😣 ماقدرته حتى اعاتبو 😣 ياخ بحس احساس جميل جمبو .
بقيت أمشي الشغل بطاقه رهيبه بتصل لي مازن زي اول وبطمن على كل شويه 😍 وأستاذ عصمت مهتم بي شديد برضو ... ماالقي نفسي يلا صاحيه بصوت امي يابت زمنك انتهي فات اصحي 😲😲😲 صحيت مخلوعه لقيت نفسي بحلم واني فاتحه رساله مازن حقت المواعيد وده كلوووو حلم ماعرفته اضحك ولا ابكي 😣😢😭 .. المهم جريت سريع سريع لبسته فستاني حق الحلم ده😂 وكلفته شعري وشلته مكياجاتي في الشنطه اتمكيج لما اصل ولا لحدي اصل بتمكيج لما اكون ماشه لمازن 😍 وبقيت اجاره الترحيل فاضل لي نص ساعه بس ويجي .. وصلته المكتب مربوكه شديد وظاهر على التوتر وللحظ البايخ أستاذ عصمت عندو اجتماع حيخلص ٤:٣٠ وأكيد حدخل عشان اكتب المعلومات المهمه 😣 قلته خلاص ارسل ل مازن رساله اني حتاخر ساعه زياده اذا جاني ردو الصادم ( يبقي نلغي الموعد لاني عندي ارتباطات تانيه ) 😲 كيف يعني ده كلام شنو عشان اخرته ساعه بس داير يعمل مهم يلا طوالي مسكته تلفوني رسلته ليهو (يعني عشان ساعه طيب انا حتصرف وبجي في المواعيد) .اهنته نفسي برسالتي الأخيره دي لكن دايره اعرف اتغير ١٨٠درجه ليه😔😟 وحقيقه في حاجه بتحبو شديد جواي رغم عقلي بدا يرفضو ... ومع تفكيري ده ماشه على أستاذ عصمت اعتزر بحجه إني مرهقه او عندي وفاه او انا ذاتي مته😂 المهم امرق وقبلي اصلو جاتني رساله مازن ( أنا كلمتي واحده قلته نلغي الموعد ... يعني نلغي ) .... طبعآ قريت الرساله دي قريب خمسه مرات معقول ده اسلوب ومن مازن طالع ياخساره قايلاك غير ياخ انا غبيه خلاص وحتوقع شنو وهو عارف قصه العصابه وخفتي للعرس ياخ استاهل 😔 مشيت قاعده في مكتبي لا بكيت لا قادره اعبر عامله زي العصفور الجريح 😣 واخيرآ دخلته الأجتماع العارض ده كنته بعيده خلاص ووقفته استاذ عصمت في كم معلومه فاتتني من المدراء العا كنته بره الشبكه عديل حتي هو لاحظ ... وشكلو قايل ده موضوعو الفتحو لي 😟😓 كنته هاديه وطلع ده الهدوء ماقبل العاصفه شلته شنطتي ومشيت على الظلط مالقيت نفسي الا جمب مطعم في الخرطوم كان اتقابلته مع مازن في قال قريب للبيت ورسلته مسج ( انا يامازن جمب مطعم .... وواقفه في الشارع ماحدخل منتظراك ولو ماجيت حقعد لصباح وماتفتكر جايه بزل في نفسي عندي كلمتين عايزه اقوله ليك)
مجرد ماوصلت رسالتي وجاني تقرير الارسال تم اتصل على رديت قال لي خمسه دقايق وجاي عليك ،🙄 يعني في البيت يعني بمثل انو مشغول يعني توقعاتي كلها صح مازن قفل صفحتي😔 لسبب تافه جدآ مازن ماعندو لي شي نزلت مني كم دمعه ومسحتها مابحب انكسر 😿😿 بعد ربع ساعه اشوف عربيتو واقفه قدامي نزل القزاز وقال لي اركبي😐 ... ( مافي داعي ولابحتاج يامازن انزل انت كلها جملتين وماشه منك تاني وشي مابتشوفو ) نزل وكان لابس تشيرت وبنطلون بيت ماطلعه وشحاطه وعطرو غير لما يقدم وتحسو بعيد يلا هنا حسيت احساس الغربه 😳البقت بينا بدون أشعر بكيت ...بكيت شديد قال لي انا يانور ماكذبت عليك وكل احساس قلتو كنته صادق في (قاطعتو) انت كذاب ماف احساس بخلص سريع كده (دنقر راسو) قال لي انا ماقلته خلص 😔 لا يامازن خلص لما تستكتر على تلاقيني لما حتي صوتك يبقي غالي على يبقي انتهي ... انا ماجايه أشحدك شعور جايه اقول ليك انا لماجيتك مكسوره ثقه في موضوع البقي سبب عرفني بيك ... ماعشان تجي تزيد الكسر ماعشان تحطمني ... كنته جايه بس اوريك وامشي انت اخترته تدخل حياتي انت يامازن ماانا ايوه اعجبته بيك من اول لحظه لكن عمري ماكنته افرض نفسي عليك ... انت الجيتني كان تخليني كنته كويسه ياخي 😔😔😔 ( وبكيت ياخ في شارع وصوت العربات واذان المغرب وصوت العصافير خلونا واقفين بس نعاين لبعض هو متكل على عربيتو بصوره بائسه وفي عيونو كلام كتير وانا دموعي خذلتني قدامو تنزل ماعايزه تقيف ) طوالي اتحركته عايزه امشي وقفني من يدي وجابني عليه ..... انا عشقتك يانور عشقتك .....
يتبع....
