،وصلنا فوق انا ومازن وماتتخيلو بس المكان جميل كيف🤗 خضره كلوووو وشجر .. الشجر ماكتير متفرق وزراعه كلوو ولسه هو ماشي قدامي وانا ورا .. وقف ليهو جمب حجر كبير شديد ومنحوت فيه تاريخ والحجر ده قصادو شجره وقعد تحت الشجره دي في طوبه صغيره كده الارض 😲 وبقي ساكت طبعآ اختكم مشيت طوالي اتربعته ساي انا في الارض مابقدر على قعدت الرجال دي جمبو وضحك فيني لما اتربعته وقال لي بجد من الحاجات الاحظتها فيك انك طفوليه وبريئه شديد .. قلته ليه المكان حلووو شديد (واتخطيط كلامو الحلو لي ده .. كفايه المكان المقطوع ده كمان غزل 😂 اصلو ماوقتو) قال لي ايوه ودي زراعه عندنا فيها جزو لكن ده ماالسبب الجابنا هناا .. طبعآ وصل لنقطتي 🤗 انا يانور شبه اتربيت هنا كنته بجي مع ابوي كتير نشوف الزراعه وكتير بساعد العمال وابوي زاتو كان بشتغل كتير براه .. والتاريخ القدامنا ده كتبنا أنا وابوي كنا مبسوطين شديد اليوم داك لانو كان جا مطر بعد مده من الجفاف وانا وابوي كنا اصحاب شديد .. قلته ياربي ابو ميت ماقدرته اسالو اجرحو ساي سكته .. برا جابه قال لي والحمدلله انا وابوي مازلنا بنجي سوا ..( ابوي عايش معناها الحمدلله ) انا يانور جبتك هنا عشان عايز اقول ليك كلام موترني شديد وانا المكان ده برتاح في نفسيآ بجي لما اضايق لما أكون عايز ابعد من الجوطه ومن الناس😣 .. بقيت بعاين ليهو بس .. بقي يدنقر كتير فجأه عاين في عيوني انا يانور أعجبته بيك من شفتك وانتي جايه على في الكافي ارتبكته جدآ ربكتيني ومقدر السبب الوصلك لي وانك حتكوني مجروحه وده سبب عدم اتصالي الايام الفاتت دي لكن ماقدرته اتناساك نهائي وحاسه بدت تبدا جواي حاجه اتجاهك وسكت .. (طبعآ انا معجبه بيه لما ظاهر في عيوني لكن ماقدرته اتكلم ) قام قال لي انتي عندك الاحساس ده جواك قلته ليهو ايوه 😊 قال لي حلو الخجل عندك شديد 🙈 نحنا يانور في بدايه طريق جميل الناس تتعرف على بعض اكتر وان شاء الله الفيه خير يحصل ..( كلامو عاقل شديد) لانو لوكان قال لي بحبك كان ماحصدق ماف حب بسرعه دي
خلصنا كلامنا وقمنا ركبنه المعديه ووصلنا بهناك وقال لي نقيف مع بعض نحضر الغروب سوا 😍 ووقفنا كان منظر الشمس رهيب شديد وهي بتغيب ولون البحر حاجه خرافيه واليوم ده اساسآ من اولو كان خرافي 😍😍 وتاني وصلني لحدي شارع البيت لما جيت انزل قال لي انتي اميره خلي لي بالك من نفسك خجلته وقلته ليهو تسلم انت كمان خلى بالك لما توصل وريني .. هو ساكن أمدرمان الناس الراقيه السمحه واي من امدرمان الفيها مازن 😂اريتني ساكنه امدرمان .. المهم دخلته البيت حاسه بيتنا ده كاني اول مره ادخلو حاسه بسعاده مابتتوصف دخلته عشان استحمه حتي الحمام شايفه مختلف ياخي الصابون ريحتو دي حسيته غير حاسه اني اميره بس .. مشيت جبته كريماتي الليلي والترطيب والنضافه كلووو مسحتو ولبسته احلى بجامه عندي ..بعد نص ساعه كده جاتني مسج منو .. انا وصلته ياغاليه رديت بمسج حمدلله على السلامه . مشيت رقدته ياخي المخده والسرير غير حسيت براحه ماطبيعيه
الله يخليك لي يامازن انت لاتفوت لاتموت 💜 .. وزي الساعه ١١ م كده اتصل على قال لي تصبحي على خير تصبحي لى ومني 😍😍 طبعآ بالاول سكته من هول الموقف والرمنسيه الحاصله دي رديت ليه وانت من اهلي وناسي .. (هيييي أنا زاتي صعبه كان قمته زاتي ) واثنا مابطنطن مع نفسي قال لي وين مشيتي وقفلنا مع السلامه ..مع السلامه ونمته احلى نومه في عمري كلووو نمته نوم عميق .. صحيت الصباح بمكالمه منو صبح على وقمته طبعآ بنشاط رهيب وحيويه ورسل لي تاني مسج بضهر .. وينك ياجميل ❤ .
المهم بين الحبكانيات دي كلها ويومي مشي حلو واليوم البعدو برضوو بنفس الروتين صباحات ومساءات ونوم مرتاح اتصل على رقم رديت لقيت ده البنك المشيت قدمته لتدريب عندهم اتصلت على السكرتيره قالت لي ان شاء الله تجي من بكره انتي نزلتي معانه 😀😀 فرحته كيف اصلي مابحب قعاد البيت ده ومشيت طلعته دولابي كلووو رتبتو عشان اكون عارفه لابسه شنوو وكده 🤗 وجريت ماصدقته لقيت حجه كلمته مازن واتبسط وشجعني شديد وقال لي تمام حاجه جميله حتستفيدي شديد .
يتبع.....
