،حسيت بتفائل كالعاده لما طلعته جوازي ختيتو في شنطتي الماشه بيها بكره😀😀 .. وبدا يوم الخميس ومشيت بكل طاقه عاليه وزي الساعه ١١ كده جا بابا وقابل أستاذ عصمت واستفسر من كل كبيره وصغيره واستاذ عصمت وكل ناس البنك استقبلو بابا استقبال جميل شديد بجد احترمو وقدرو جيتو واصره استاذ عصمت انو بابا يفطر معا وفطرو سوا😁
وبابا قبلي يمشي جاني قال لي تمام ماف مشكله سافري😀😀😀😀 واااااي حسااااافر ياسلاااااام ياخ😀😀 واتخيلو استاذ عصمت طلع مع بابا لحدي الباب ياخ بقي كبير شديد في عيوني احترام مابعدو احترام ده .. اول ماأستاذ عصمت جا المكتب شكرتو شديد لحدي قربته ابكي احساس اني في المدرسه وجاتك امك او ابوك ومشو😣 حسيت كده والله .. المهم شكرتو وطوالي اديتو جوازي 😂😂 مع انو السفر لسه للاربع الجاي وفي نص اللخمه دي كلها منتظره يوم الاتنين يجي عشان الاقي مازن 😏😍😢 مازن حارق قلبي غياظ ياخ لا رساله ولامكالمه منو قساوه شديده ياخ طيب لو كنته عامله شي غلط بجد يعني كان حيعمل شنو اكتر من كده 😡 .
كملته يومي عادي في المكتب ورجعته البيت لقيت ماما ماخاله وصيه الا وصتني بيها وشغاله ليها انا ياماما لسه زمن السفر فاضل كم يوم السفر لحدي الاربع ياخ😣😣😥
وبعد محاضره طويله مشيت اشوف حشيل معاي شنو لموضوع اللبس والاناقه مابعيد السفر 🙈 بحب اكون استايل دايمآ في كل الحالات 😎🙆♀️ ومنو اشوف لو في شي ناقص امشي السوق الجمعه والسبت ديل لانو تاني ماف زمن للسوق .. وطلع كلامي صح عندي كان زي لبسه دايره ليها قميص شفون بلبسو شكل جكت واشتري ليها شبط وعندي فستان جديد لبستو مره بس رهيب لون زينب وفيه ورد صغير بلون البنفسج الغامض وفاضل لبسه واحده دي حشتريها 😉😉 قلته اشيل معاي تلاته لبسات اصلا تلاته ايام السفر .. وبرضو حشتري كم بجامه كده .. وضربته ل إسراء صحبتي كلمتها فرحت فرح 😍😙😙 الناقص بس تكوني معاي والله ياسرو قالت لي اشتغلي لي تصوير بالحته .. عاد التصوير ده انا سيتووو 😂
ومره يوم الجمعه والسبت وخلصته موضوع السوق كلووو ومشيت الاحد الشغل جيت راجعه زي المجنونه عشان يوم بكره حلاقي مازن مشيت غسلته شعري وعملته ليهو مكوه سيراميك اخد مني ساعتين قصه الشعر دي 😣😣 وجريت فتحته دولابي واقفه قدام المرايه اي لبسه اطلعه احسها بايخه عايزه لبسه تتناسب مع شغل وفي نفس الزمن بعد اخلص الدوام تنفع الاقي بيها مازن اتحيرته شديد في نهايه بقيت على اسكيرت مشكل زي نمري كده بيج بكحلي هاي وست ومعا قميص شفون كحلي وطرحه وجزمه بكعب بيجي وساعه واكسسوارات وشنطه بني 😀😀😀 مشيت غسلته مع انو نضاف لكن عشان مابحب ريحه الدولاب بس التقول العيد على قول ماما وكويت الملابس بمزاج للمنكير البني طلعتو في السرير ..الله كنته حنسي اللينسس... ويا بكره مااتاخرته ياخي 😣😣ومشيت فتحته اليوتيوب 😂😂 ماخليت موضوع عن كيف تعرف اذا يحبك ... وماذا تفعل لتكون زو شخصيه قياديه مع الشريك 😂😂😂 والحاجات دي ومشيت من ٩ م قلته انوم عشان مااكون مرهقه لاني صاحيه لشغل بدري 😣😣طبعآ كنته دايره اعتزر لكن قلته كده بكتر المحلبيه دي وماما حتشك فيني زاتو بعده😂 ماصدقته الصباح ده .. أظن مستحميه ساعه كامله واتمسحته والريحه دي والتسربحه لما عجبتني نفسي ياحظك يامازن ياحظ اهلك بي 😂😂 وجا الترحيل ناس الترحيل ديل كلهم من عمو السواق ل اخر زول فيه علقو على كنته خجلانه جايه اوفر شديد بنسبه لشغل لكن كلو يهون عشان خاطر مزوني حبيبي .. وطبعآ طوالي قلته ليهم عندي الليله عقد صحبتي بمشي من الشغل صحبتي اسراء 😂😂وسرو مسنغله سنغله عجيبه 😂😂 طالعه لصحبته طبعآ
ووصلنا البنك قلته سريع سريع ادخل عشان باقي الموظفين مايعلقو لي كتير .. وطبعآ كنته ناسيه تمامآ استاذ عصمت ولا في بالي من اساسو 😣 الساعه الدخلته وكالعاده فتحته شباك المكتب قلته اجدد الهواء حتي بفتح المكيف بعد قبلته من الشباك اشوف ليك استاذ عصمت بعاين لي بخلعه عديل 🙈 بس بعاين سلام ماسلم انبهر بي شديد لحدي سلمته انا وطوالي قلته ليهو عندي عقد صحبتي الليله .. وبدل يرد السلام قال لي👦 ( سبحان من خلق الجمال ..) 🙈🙈
طبعآ خجلته خجل شديد وطوالي رجعته قفلته الشباك لقيتو حجه تكسر الوضع ده 😂😂 ودخل مكتبو وعذبني عذاب اكتر يوم اتصل لي فيه ويدي فيني في الشغا اتصلي لفلان وودي لعلان 😂 وده كلوووو حمسني اشوف مازن بعد يشوفني حيعمل كده زيهم وزي معجبين الليله ديل ..
وكل شويه اعاين لساعه بتين ٣ تجي متعوده مازن بتصل لي قبلي المواعيد بساعتين يشوفني جاهزه ولا لا ويوريني المكان او بجيني .. ومتوقعه ٣ دي اكيد مازن بتصل فيها واسي الساعه ٢ بقت يااااااا اخيرآ فاضل ساعه 😀😀😀
يتبع.....
