صحيت الصباح كان يوم جمعه وحيويه الدنيا دي كلها جواي ومعاي ياخ مبسوطه وشايفه الدنيا وردي 💜 طوالي مشيت حكيت لماما قلته ليها أحمد شال رقمك وعايز يتصل عليك ماما فرحت شديد بتحب الراجل المتعلم كويس واكيد اي ام بتتمني لبتها تعيش مرتاحه اتونسته مع ماما وشيلنه وختينا الموضوع رجعته غرفتي لقيت كم مكالمه من أحمد 😍 اتصلته عليه قال لي صباح الخير عليك ياأجمل صباح انتي ..صباح النور عليك يااحمد كيفك قال لي بخير انا ماما فاضيه اتصل عليها اسي قلته ليهو ايوه اتصل عادي قال لي تمام حقفل منك واتصل عليها جريت جري جبته تلفون ماما ختاهو في شنطته من امس ماجايبه خبرو وين.. حركات الامهات دي التلفون في حته وهي في حته ياخ بابا مامسجله رقمو😂😂 المهم على بال لقيتو في الشنطه لقيت من رقمو مكالمه انتظرنه تاني اتصل قعدته ماما في الكرسي وانا قاعده في رجل الكرسي اسمع .. ماما فتحت الخط قال ليها السلام عليكم ياخالتي اول ماردت ليهو السلام قال ليها انا احمد عبدالحليم موظف مع نور (شوفو التواضع ياخواني 😎😍 ) وصراحه حابي اتقدم لنور وانا حاليآ في ماموريه اول مااجي الخرطوم ان شاء الله بعد ازنك عايز اصل البيت واقابلك انتي والوالد ماما قالت ليهو ان شاء الله الفيه خير ربنا يعملو لحدي ان شاء الله تصلنا وقفلت منو .. واي انا في واحد وبالمواصفات دي طلب يدي ابتسامتي لاخر ضرس 😀😀 طوالي جريت لتلفوني منتظره اتصل رجع لي وقال لي يلا انا مامقتنع كده الا اتصل لابوك برضو طبعآ ماما قالت لي نكلم ابوك بعد هو يأكد جيتو وكلامه صح .. قلته ليهو لا ياأحمد بابا اتصل عليه بعد تصل الخرطوم وبالمناسبه انت جاي بتين قال لي دعواتك بس وبقينا نتونس وقال لي انا مستعجل العرس بالكتير بعد اجي يكون بعد شهرين بس 😲😲 تلاته شهور كيف يعني ياأحمد انت قايل العرس ده لعبه كدي بعد تصل لبابا ونشوف امكن اسي يرفضك 🙄 قال لي اتفائلي خير .. بالمناسبه اي حاجه عايزاها تتعمل للعرس جهزيها لما اتصل عليك المكالمه الجايه القاك مجهزه الصاله عايزاه وين وعايزه تحجزي في ياتو كوفير وتفاصيل البنات البتعملوها دي ..فرحته شديد معناها كريم بعد خلصته مكالمتي معا مشيت أقيس نبض ماما ورايه شنو حسيت انو ماف مجال انو يرفضو وطلبت تشوف صورتو وعجبه شديد .. اتصلته لسوسو حكيت ليها فرحت شديد لي وكيف ماتفرح هي أعزه من اختي 💜 يومي كلو كان مكالمات مع أحمد ..تاني يوم مشيت الشغل ومع الونسه الكلام جا قلته لداليا والاء انا شكلي حخلي الشغل بعد شهر لاني حتحبس قالو لي انتي مخطوبه قلته ليهم والله موضوع فجأه جا وبتعرفو استاذ احمد قامت داليا ضحكت وبستهتار قالت لي بالله 😏 قلته ليها والله حبيبتي 🙄🙄 استغربته شديد من أسلوبه ده ولما رجعته البيت اتصلت على قالت لي عايزاك في موضوع رجعته ليها ماردت تاني يوم في الشغل قالت لي لالا ماعندي حاجه معينه وتاني سكتنا من بعض .. المسا كنته بتكلم مع احمد وجبته ليهو سيره الموضوع ده وقلت ليهو هي خطيبه صحبك منو وبقينا نتونس وحكي لي عن شغلو والمامؤريه واجوا الجيش مره أسبوع على الروتين ده اهتمام واتصالات وقرر ياخد إذن ويجي الخرطوم قال لي حرسل إشاره لناس الخرطوم اني عايز اجازه اول مايردو على بوريك ..طبعا بهنا ماما كلمت خالاتي وحبوبتي والناس عملتني مخطوبه رسمي 😂😂 مشينا جبنه مناظر للبيت
عده يومين كده في الشغل نهايه اليوم التاني ده جاني استاذ علاء الدين قال لي كلمي الموظفات اليومين ديل مايجو لحدي تتصلي عليهم انتي لانو عايزين نغير الموقع لانو صغير قلت ليهو تمام وزاته جات معاي حلوه عشان لما احمد يجي يلقاني نايره 💃💃 اتصلته ل احمد وطبعآ لقيتو عارف لانو القرار جا منو لكن علاء ماوضح لي صح طلع صاحب العماره عايز يزيد قروش الايجار عشان ناس الكرين مصرين دايرين المكتب ..كلمته البنات وطلعنه ماكملنا الدوام لانو حيجيبو عرييه كبيره تشيل الاثاث..المسا كده اتصل على رقم رديت لقيتو ده عمو صاحب العماره الماجرين منها لشركه كان شال رقمي مع الارقام حقت احمد وعلاء سلمته عليهو قال لي معليش يابتي لكن قالو معاك نسخه من المفاتيح عايزه.. الله اي والله ياعمو نسيت قال لي لا مامشكله .. قلت ليهو ماركزته مع انو كلموني انو عايزين يغيرو المكان .. قال لي مامشكله المهم جيبي لي المفتاح .. وقفل مني .
مره كم يوم ولسه احمد كل ماعلاء يصور ليهو مكان مايعجبو ولاهو سمحو ليهو ناس الشغل اجي 😣😣 . وابو زعل منو شديد انو استهتر هو وعلاء من البدايه قال ليهم كان تختارو مكان كويس اسي ضيعتو شغل كتير وقرر ابو يجي من السعوديه اعمل الشغل ده برا لحدي اتاكد انو استقره ويرجع
قال لي انا بحاول مع ناسي ديل عشان لما ابوي اجي اصلك معا .. قال لي وكل شي لخير هدا ابوي جاي يعني جيتي ل ابوك حتكون مقدره شديد وياسلام ل ابوك اداني الموافقه طوالي ارسل لناس امي اجو ونعقد 😀😀 بقينا قريبين انا وهو شديد في الايام دي مع انها بسيطه لكن هو كلامو حلو شديد وحنين وراقي شديد وبهتمه بي شديد وبقينا نتكلم عن المستقيل حنعمل شنو والعرس وين طبعا انا لاغنيه اليسا ولابعد سنين اخترتها لدخله 😂😂 وأغنيه ياحبيبي ل شيرين اخترتها للاسلو 😍😍 .. لكن احمد كان عندو حركات بضايقني بقي شابكني رسلي لي صوره انا يعني لااكون جمبك لااشوف حتي صوره وانا مابحب ارسل صور كلو ..كلو بقيت ارسل من الصور الفي التلفون ويوم قال لي لابسه شنو قلته ليهو لبس بيت قال لي الا ترسلي لي ورفضته طبعآ تماما اني ارسل وحسيتو زعل واليوم داك مااتصل لي باليل قلته يكون عندو شغل لكن كان متصل في الواتس رسلته ليهو بقي مابرد ارسل مابرد عرفتو انو زعل وعايز يضغت على وحركتو دي زهجتني شديد مسكته التلفون رسلته ليهو رساله فيها يعني انت عشان مارسلته ليك صوره بلبس البيت زعلته برضو ماردا لي غلبني النوم بقيت اتصل مابرد اتصل مابرد اتعودت انوم على صوتو وكلامو الحلو والرومنسي 😢😢 بقيت اتصل واتصل الساعه كانت ١ ص قام ردا لما قلبي طار من مكانو قلته الو اسمع ليك صوت مرأه ألوووو وبزعل كمان قالته 😲😲
يتبع.....
