،مشيت طوالي فتحته دولابي طلعته لي اقرب اسكيرت وبلوزه وقعت عيني عليهم ومشيت قلته لماما انا طالعه الاقي لي ناس ماما بقت متوتره معاي وشيلته معاي نسخ من الاوراق العندي قالت لي والاوراق دي ماشه بيها وين قلته ليها انا خليت الشغل ده وماشه اسلم الحاجات دي لناس ديل قالت لي ناس كيف يعني قلته ليها موظفه ياماما 😣 قالت لي خلاص كويس ماتمشي معاهم مكان لو قالو ليك ارح معانه طبعآ المره دي مااستغربته لكلام ماما ده ولا اتزهجته وبقيت اتزكر من البدايه كلامه وكلام كم زول لي استحقرته نفسي مهما كنته بريئه مالدرجه الغباء لكن 😔😔
أحي بس طلعته وقفلته وراي الباب وقغته لي ركشه مشيت مطعم قريب لينا ورجعته اتصلته على داليا وبقيت حتي فيها شاكه وماوريته اسم المطعم الا لما وصلت قريب لي 😏 ومغيوظه منها شديد انا لانو من البدايه مافي داعي لامور الغتاته .. وصلت ومعا راجلين سلمو على وعرفتي على واحد فيهم اسمو محمد ده زوله وقعدو شغالين الاتنين في جهاز الأمن حكيت ليهم القصه من جهتي وهي حكت لكن منقصه كتير واحد فيهم اتكيف مني شديد قال لي والله تنفعي تشتغلي معانا عديل 🤓 قلته ليهو ماكان من الأول اتغشيت ومحروقه شديد انا لازم العصابه دي نصل ليها قال لي نحنا لو وصلتو الكلام ده قسم البلاغات المعلوماتيه كده بكون الموضوع رسمي ونتبع الارقام والمواقع قلته ليهو شوف الزول ده بغير الشرائح والوسيله الوحيده الممكن توصلنا لخيط الجماعه ديل مراه الراجل الاسمو عاصم ده ،قال لي تمام انا ممكن اعملو بلاغ رسمي لكن لازم تمشو تبلغو بنفسكم 😣😣 سكته ساي لاانا لااهلي ماقدر الجرجره دي قال لي خلاص انتي اسي بعتبارك الموضوع بتاع الأبتزاز ده طلعتي منو باقي داليا دي .. طلع انو داليا ماخد معا مواعيد الليله انو تدي ٩الف .. الرقم البتصل ليها مغلق ، بتصل بتابع معا وبقفل بكون خارج النطاق المهم حسيته ليك متوتره شديد وليها حق سقتها بجمبه كده وسالتها انتي هو شايل منك صور كيف عادي ممكن تنتشر قالت لي لا 😔😔 قلته ليها بالغتي شديد ياخ وقالت لي انا زولي ده ما فاهم موضوع الصور وكده وبقت تحكي لي طبعآ أحمد ..عاصم😏 حاكي ليها نفس السناريو المختلف انو كان اتصلت ليها واحده من السعوديه على اساس دي اختو .. معني الكلام ده الناس دي قادره في كل حته عندهم زول .. بعد شويه اتصل عليها رقم قال ليها انتي وين يازوله ماخايفه على روحك ولاشنو .. قالت ليهو انا كنته بتصل تلفونك مابدخل معاي بقت ترجف شديد 😣😣 قام قال ليها انتي وين سكتت بقيت اسمع معا ختيت أضاني قالت ليهو انا في بحري قال ليها خلاص تعالي لي في الزراعه ورا بعد نص ساعه تكوني هنا وانتظري مني مكالمه وكدي بس ماتجي والقروش ماتنقص جنيه 😑😑 اشرته ليها قلته ليهااا لا قالت ليهو كويس خلاص 😣 قفلت منو قلته ليها بالغتي شديد ياداليا الزراعه دي حته شبه مقطوعه وتخوف ياخ .. قلته ليها نكلم الناس ديل لانو خطر علينا شديد نمش برانا واسمعي ياداليا اتاكدي لو اديتيهم القروش دي حيبتزك أكتر وأكتر .. قالت لي كيف قلته ليها انتي زاتك صعبتيها بصورك الكعبه دي اسي كما كده كان طنشنه ساي قالت لي لا قال بعده بمسح الصور قدامي .. قمته قلته ليها دقيقه طوالي مسكته تلفوني اتصلته على أحمد رقمو خارج النطاق كنته عايزه أقول ليهو حاجاتي انا زيد عليها حاجات داليا او نصل الكلاكله 🙄🙄 تهديد عديل لكن مع الأسف ماردا 😣 قامت مشت للراجلين وقالت ل محمد انا ماشه مع نور اشيل منها حاجه نسيته ايام الشغل معا انتو خلاص امشو قام محمد قال ليها انا بوصلكم قالت ليهو لا بيت نور قريب بركشه وبجيك هنا .. 😲 وطلعت وساقتني من يدي قلته ليها ده شنو انتي جنيتي دايرانا نمشي للمجرم ده برانا قالت لي انا مابقدر أقول لمحمد ده حاجه عشان حيقول لي انتي مخوفك شنو وانا مستحيل اخسرو ووقفت الركشه قالت ليهو ماشين الزراعه ورا بتاع الركشه قال ليها ماشين الجامعه قالت ليهو لا بس وقفنا بدايه شارع الزراعه وركبنا ..
يتبع.....
