وده كلوووو حمسني اشوف مازن بعد يشوفني حيعمل كده زيهم وزي معجبين الليله ديل ..
وكل شويه اعاين لساعه بتين ٣ تجي متعوده مازن بتصل لي قبلي المواعيد بساعتين يشوفني جاهزه ولا لا ويوريني المكان او بجيني .. ومتوقعه ٣ دي اكيد مازن بتصل فيها واسي الساعه ٢ بقت يااااااا اخيرآ فاضل ساعه 😀😀
مرت الساعه وماف خبر عن مازن قلته امكن حيجي تحت ويتصل لي لكن كيف متأكد كده اني في البنك 🤔 قلته ادي نص ساعه ماردا اتصل انا.. مسافه اصلى واظبط المكياج لومالقيت مكالمه اتصل .. مشيت عملته الحاجات دي وجيت مالقيت اي مكالمه .. معقول وصلت معا لبياخه زي دي قلته اتصل ... اتصلته مكالمه كامله ماردا وكانو كان منتظرني اتصل اول ماقفلته المكالمه جاتني رساله منو ( بعتزر ماحقدر الاقيك في فرصه غريبه حنتلاقه )😲
وماقدرته امسك نفسي طبعآ بكيت معقوله وصلت معا استخفاف بي معقول ده مازن ياخ عيب عليك ياخ .. زعلته زعل لدرجه ماقدرته اصلآ ارسل ليهو الومو احبطني وأستحقرته نفسي شديد اني اتجهزته وجهزته شعوري لواحد حتي ماكلف نفسو إلغي المواعيد الا لما انا اتصلته 😔 احبطته إحباط مابعدو ولسه ابكي في مكتبي ... قدر ماحاولته اوقف دموعي ماقدرته حرق لي قلبي ياخ 😟 عمري مانسي ليك حركتك دي يامازن زعلان في سبب تافه ومابتسأل ومابتتصل وكمان تلغي المواعيد بعد انا أتصل يعني اصلآ شنو المهم في حياتك اكتر مني ، وبقيت اتكلم مع نفسي زي المجانين اصلآ جنني خلاص ... واخر موقف ممكن اتعرض ليه وناقصني انو جا استاذ عصمت ولقاني بمنظر بيت العزاء ده 🤤🤤😭😭😭🙁 واتخلع شديد لاني بكيت من جوه ... جا طوالي وجرا كرسي جابو جمب الكرسي بتاعي وعدل لي كرسيني على لكن كان بعيد مني قال لي اول شي وشال منديل اداني ليهو امسحي دموعك مالك في شنو ...طبعآ ماف شي اقولو أقول شنو حبيبي اتغير ومامحترمني ولا اصلآ انا بقيت واهمه نفسي وشكلو اصلآ طلعني برا حساباتو ولا اقول شنو مالقيت نفسي الا قلته ليهو صح انا قلته ليك عندي مناسبه قال لي ااي الا صحباتي مفروض يجوني بهنا مشو وفاتوني عشان كده زعلته لكن بمشي بترحال😦😦 طبعآ ماعندي كذبه جات في راسي غير دي ويادي التدبيسه قال لي انا بوصلك 😲😲 وااااي يوصلني وين اجيب لي بيت مناسبه من وين اسي .. تاني جاتني كذبه سريعه 😰قلته ليهو طبعآ البيت اصلآ قريب مننا لكن مفروض اغشي إسراء اول اتزكرتها الكانت معاي يوم المطعم وانت وصلتنا قال لي ااي متزكره يعني ماشه ليها انتي اسي ... ااي ماشه ليها وماتتعب نفسك بمشي براي بترحيل ... قال لي لا انا عايز اوصلك ممكن 😊 ( طبعآ كان على منظر كئيب احسن يوصلني هو واكون على الاقل مع شخص ولا ترحيل والناس تسألني كتير ولو سألني زول حنفجر من البكي ) ماقدرته ارفض طلبو وافقته ... طوالي طلعنا ولاحتي انتظر الدوام يخلص شهم خلاص 😍 تقول لي مازن ياخ حتي ماردا على اكتفي بمسج ياخ على الاقل شوف الحاصل على مغيوظه منو 😡😡😡
