،صحيت الصباح بكل نشاط الغريبه انا ومازن مختلفين لكن أنا ماشايفه ده سبب لمازن أبدآ زاده شديد .. وانا في ترحيل الشغل أتصل على مازن🤗 مارديت .. الناس المعاي حتسمع قلته بعد أنزل .. واول مانزلته قبلي أدخل البنك رجعته ليهو .. كنا باردين شديد في الكلام وبرر لي بمبررات تغيظ شديد قال لي انتي ليه بتستعجلي لو مارديت طوالي امكن عندي ظروف (طيب كلامك هنا كويس يامازن لكن الموضوع مامستاهل ده كلووو والله قال لي انا طبعي كده ( شلته هم نحنا في البدايه ومجرد اسئله عاديه مني كبره وعمل منها خلاف ودراما ) واخر المكالمه لسه مصر يكبر الأمور قال لي نحنا نوقف كلام عن الموضوع ده لحدي نتقابل (طيب كلام حلووو) بتين ؟ قال لي لما ربك يسهل 😏 .. رديت ليهو وخلاص وصلته الحد ايوه وقت ربنا يسهل لكن أنت حدد ليك يوم .. قال لي ان شاء الله بحدد وبوريك مع السلامه 😲. زعلته زعل هنا حسيت مازن ده يامدلع نفسو شديد ودي مشكله لاني اي شي احسووو بقولو ومعني كده حتحصل مشاكل كتير انا لساني متبري مني😢😓 ومابحسب كلامي وهو زول أي شي بحسب ليه😣 يعني مكبر الموضوع مازن ده شديد يعني شنو لو استفسرته ياخ ... وخنقتني ليك العبره دخلته المكتب لقيت أستاذ عصمت موجود .. سلمته وصبحته عليه ياخ رايق ورزين وبالو طويل واتزكرته حركات سلامي البارد يعني لو كان ده مازن كان خلاني عديل 😂😂😂 .
المهم بقيت على الروتين بتاعي ده خمسه ايام اجي الشغل ارجع من الشغل😣 اطلع مع صحباتي..ومازن نهائي لااتصل لافكر يلاقيني .. شكلو وواضح بفكر في الأرتباط ده من اول وجديد 😣😢😔 وكده معنا هو ماحباني البحب مابقدر يبعد كده بالأيام زعلته شديد منو غايظني شديد ياخ ماأتخيلتو قاسي 😔
قلته خلاص انا اتصل اشوفو بعمل كده ليه اتصلته ماردا على اتصلته قريب سته مكالمات متباعده معقول اصلو ماصادفت مكالمه التلفون في يدو وليه تصادف مايرجع لما يلقي مكالماتي 😏😡😡 رسلته ليهو مسج أنت معاقبني يعني؟ طيب أنا كمان حعاقب نفسي لاحأكل لاأشرب إلا أتكلم معاك ..اتصل على طوالي اول مستلم الرساله😍 يعني كان قاصد ماعايز يرد😞😞 قلته لما افتح الخط احلى لساني وأضبط اعصابي .. اول مافتحته الخط قلته ليهو حبيبي لسه مشغول بتين حنتلاقه ووين المشكله لو كنا متواصلين وعارفين اخبار بعض حتي لو برسايل 🤔 يعني مابهمك تعرف الحاصل على ؟؟.. قال لي انا مضايق منك عشان كده وماعايز المشكله تكبر لاني ماحقدر اتكلم بالأسلوب الانتي متعوده على .. قلته ليهو طيب نحنا في ارتباط يعني طبيعي نتكلم بكل الاساليب ،🤗اكيد حتجي ايام علينا حلوه وأيام كعبه قال لي ياستي كل شي في وقتو وان شاء الله نتقابل يوم الاتنين الساعه ٥ 😀مناسبه معاك قلته ليهو ان شاء الله وقفلنا على كده .. قدر مافرحته انو حنتلاقه قدر مافكرته يعني لو مااتصلته انا ماكان حيتصل اصلآ 😔وحسيت إني فارضه نفسي😟 والليله الأربع مايختار إلا الاتنين بعيد كده 😭استئته منو شديد 😢ومااتخيلته مازن ده يكون اسلوبو جارح كده في يوم وليه! ماأتخيل في النهايه هو راجل كل الأساليب متوقعه منو 😏
طبعآ الكلام ده كان في المكتب قبلي الدوام يخلص وكنته خاته راسي في تربيزه مكتبي و سرحانه في كلامي أنا ومازن واتزكر في اسلوبو كان كيف واسي كيف وياتو السايد في طبعو الرومنسي ولا القاسي ده 🙁🙁 لما رفعته راسي لقيت استاذ عصمت واقف في المدخل بين مكتبو ومكتبي 😲 وطبعآ انا لما كنته بتكلم مع مازن ..كان استاذ عصمت اتصل في تلفون المكتب وانا مارديت 😣😓
بقيت ساكته واعاين ليهو 🙁 طبعآ مابتعصب نهائي ماشاء الله عليه بالو طويل وطوالي معا ابتسامه جا قعد في الكرسي وقال لي اتصلته عليك.. قاطعتو معليش يااستاذ انا كنته بتكلم بتلفون 🙊 قال لي مامشكله .. نهايه الاسبوع الجاي في سفر لمؤتمر بخصوص اتفاقيه مع بنك في دوله الكويت .. تلاته ايام😊 اول يوم سفر وتاني يوم المؤتمر تالت يوم السودان ( قلته وانا مالي بيه بحكي لي في قصص حياتو ) اذا قال لي😲 طبعآ انتي بعتبارك السكرتيره العامه للمدير انا يعني مفروض تسافري معانه انا وفريق العمل الماشي من البنك بتاعنا وباقي الفروع 😲😲 سكته ماقلته شي دخلته في حاله زهول سفر وبراي والكويت🤤 واخر شي قال لي اديني ردك بكره عشان لو عندك اي ظرف انا اقدر انسق مع سكرتيره نائب المدير اخر سفره سافرت معانه .. ولو ماعندك جواز بقدر اطلعو ليك في الايام دي.. قلته ليهو عندي جواز لكن استشير ناس بيتنا نحنا ماعندنا قصص دي واديك الرد بكره 🤗🙂 ومشي طبعآ بقيت صانه شديد شي جديد على ..😟😟 اتحركته طوالي نزلته الطابق التحتنا لسكرتيره نائب المدير ظريفه معاي طوالي بنتلاقه في المصلى قلته استفسر منها 👧وصلتها وقالت لي كلام مطمن وجميل قالت لي طبعآ بحجزو فندق من هنا تبع التزكره البنات في غرف منفصله تمامآ 😀من الرجال وامن شديد وبتمشو مكان المؤتمر بعربات تابعه للفندق وانتي بتكوني عندك زي ملف تكتبي في الكلام المهم كلو وفي ارقام وحسابات والربح والحاجات دي كلها تكتبيها والأتفاقيه واساسه قالت لي ده كلو بشرحو ليك😊 وقالت لي على فكره كان اخدته حافز رهيب 👩 أنا من ناحيتي الفكره دخلت رأسي اكلم ناس بيتنا واشوف الرأي شنو ومن ناحيه ماشايفه فيها شي طالما انا والبت المعاي مفصولين منهم وكلها تلاته ايام اتحمسته شديد للفكره ماعشان السفر سافرته قبلي كده مع ناس البيت لكن احساس إني ماشه لشغل واكون في مؤتمر كبير كده فكره جميله ياخ .
وأول ماوصلته البيت قبلي اغير زاتو فتحته الموضوع مع ماما وبابا .. بابا بثق فيني شديد ومتفهم قال لي طبعآ البنك الانتي شغاله فيه ده اسم ومعروف وانا حصل مديرك وافهم منو وعمل كم تلفون مع معارفوو لقي الموضوع عادي ومنظم شبه وافق 😍😍 ... ماما خافت قبلي تفكر زاتو اعترضت وقالت لي الشغل ده لو داير يجيب ليهو سغر خلي😣😣 احبطتني مشيت زهجانه غرفتي اخدته لي دش وغيرته ونمته ماصحيت الا المغرب مشيت اكلته واظن بابا وماما اتكلمو في موضوعي ده .. ماما قالت لي ابوك بكره بجي لمديرك عشان يعرف انك من اسره .. قلته ليها هو عرس ماسفر لشغل 😂😂😂 .. حسيت بتفائل كالعاده لما طلعته جوازي ختيتو في شنطتي الماشه بيها بكره.
يتبع.....
