#أحببتك_حتى14
بقى يعاين لي بإستغراب واصحابو بقو يعاينو لي ووسن دي ختت يديها في خشمها وبقت تتبسم وتعاين لي....💜قال لي انا تمام الحمدلله،بعدها ي دوووب انتبهته لروحي ،يعني على قدر م انا خايفه عليه م كنت حأصدق انو هو بخير لو م شوفتو وحتى وهو قدام عيوني م قادرة اتحكم في نفسي،وسن حبت تلطف الجو قالت ليهو كنت بتكلم مع اروى وحكت لي بالحادث فحبينا نجي نتطمن عليك،قال ليها تسلمو ياااخ م بتقصرو والله،قولته ليهو انا اتصلته عليك كتيير بس تلفونك بديني مقفول،لما قولته كدة وسن قرصتني في يدي شديد ،قال لي فعلا يمكن عشان شحنو خلصان فكرته لقيت اصحابو الأربعه بعاينو لي،لمن خجلته،شويه كدة قعدو يتونسو معاهو،وسن قالت لي تاني كان فتحتي خشمك اتكلمتي كلمه اتأكدي اسنانك القدام دي حتفقديهم فاهمه؟قولته ليها طيب،قالت لي يلا انقلعي خلينا نمشي،قولته ليها خلينا نقعد شويه😿قالت لي شههههههههد ووقفت على حيلها وقالت ليهو نستأذن نحن ي يوسف وعوافي مره تانيه يااخ،قال لينا ي جماعه م بدري،قبل م افتح خشمي قالت ليهو بدري من عمرك بس الزمن وكدة،قال ليها ايوااا طيب تمام تسلمو ي صبايااا م قصرتو،قالت ليهو العفو،اول م طلعنا قالت لي شههههد انتي كويسه؟😂💔قولته ليها مالي؟قالت لي وكمان بتسألي مالك؟الحمدلله انو انا معاك وكل م تتبظيها انا بعدلها 😂سكته م رديت عليها،طلعنا ركبنا العربيه قالت لي عاارفه ي شهد انا عرفته انو انا بحب رامي اخووك بجد متين؟وانا ساكته م رديت ليها ،قالت لي تتزكري يوم م كان عيان وجيتي سوقتيني عشان اديهو الحقنه؟يلا من لحظتها انا حسيت انو انا بالحقنه دي حأسبب الأذى لحاجه قريبه مني شديد،م بتتخيلي لحظتها كنت خايفه عليهو كيف وربي وانا بفرغ ليهو في الدواء وهو تعابير وشو كانت بتوحي على انو متألم بجد بس وحيااة الخلقني انا كنت حمووت من احساس الوجع الهو حاسي بيهو اول مرة كنت اكره فيها فكرة اني دكتورة وم قدرته اتحمل طلعته من الغرفه مبااشرة وم قدرته اتحكم في دموعي والله انا م عارفه وصلته بيتنا كيف انا م كنت شايفه قدامي من البكى،عاينته ليها وانا دموعي جاريه قولته ليها عايزة تصلي لشنو؟قالت لي انتي بتحبي يوسف صح؟ماف داعي تنكري او تبرري واضح اصلا التصرف الاتصرفتيهو دة م تصرف زول طبيعي ابدا،سكتته ،قالت لي وسكاتك وبكاك دة برضو م بفسر غير حاجه واحدة بس،قالت لي طيب هو مرتبط؟قولته ليها م عارفه،قالت لي متواصله معاه انت؟قولته ليها لا،قالت لي طيييب م مشكله حنعرف اذا مرتبط او لا بس حنجيبو متدردق كيف؟قولته ليها م عارفه،،بالليل حوالي الساعه12كدة اتصلت علي قالت لي نومتي؟قولته ليها لو نومته حأرد عليك؟قالت لي اسي كنت بتكلم مع اروى قالت لي هو من النوووع التقيييييل والمفتري داااك وانو هو م عندو حاجه للبنات مع انو جكسيهو كتييييير ، ومعظم علاقاتو سطحيه يعني م بتعمق في العلاقات واقصى علاقه ليهو م بتتم اكتر من تلاته شهوور يعني دة م زول الواحدة تعشم فيهو ي شهد انتي اختي وزول زي دة العلاقه معاهو في حد زاتها غلط انتي فاهماني؟دة م زول بمشي لي قدام،قولته ليها وانا م بفكر في قدام حيحصل شنو بالظبط،قالت لي شهد م تعاندي وم تكذبي على نفسك نحن البنات لما نحب بنرمي كل امالنا وبنبني احلامنا ومستقبلنا كلووو على الزول البنحبو دة ابدا م بنخت احتمال انو م نكوم لبعض،او احتمال الزول دة يخزلنا،بنعاين للنص الملان من الكبايه وبننسى الفاضي،قولته ليها وليه نعاين للجزؤ الفاضي ونحن قدامنا جزؤ ملان؟قالت لي الحب م كل حاجه ي شهد،قولته ليها وسسسسن،قالت لي انتي اختي وانا عايزة مصلحتك،لكن طبعا قلبك دة حاجه انا م بقدر اتحكم.فيها،قولته ليها بالظبط كدة المشكله في قلبي م فيني،قالت لي طيب خطه"A"رسلي ليهو في الواتساب على اساس انتي عايزة تطمني وكدة واياااااااك تتصلي فاهمه؟قولته ليها طيب،قالت لي عندك رقمو صح؟قولته ليها ايوة اليوم التاني بعد الساعه10كدة رسلته ليهو "ساالخير"ولحسن حظي كان اون لاين بعد 10دقايق ردة قال لي مساء مساء،قولته ليهو كيفك؟
قال لي الحمدلله
اتحسنت اليوم؟
قال لي الحمدلله ماشي تمام انتي كيفك؟
قولته ليهو بخييير الحمدلله
قال لي مستكينه؟
قولته ليهو اكييييد
وفضلنا نتكلم كتييير في حجات هايفه لغااايه م نمته ،اليوم التاني رديت على اخر رساله رسلها لي بالليل وبعدها قولته ليهو صباح الخير وفضلنا ندردش مع بعض كل يوم وانا كنت بتعمد م اختصر معاهو الونسه علشان الدردشه تستمر لغاااااايه م خرجوه من المستشفى دردشتي فضلت مستمرة ،في يوم ماما صحتني من النوم الصباح بدري قالت لي قومي،قولته ليها في شنو؟قالت لي اختك لدن دي امس جات بالليل مع عيالها،قولته ليها لدن جااااات؟ماما انتي جادة؟قالت لي جادة والله،قولته ليها مالها ان شاءالله خيير؟قالت لي والله م عارفه لكن اسي ضرب لي ياسر قال لي في مشكله بينهم مع انها م كلمتني،قولته ليها مشكلتهم شنو؟قالت لي ي زوله هيي ياسر دة قليل ادب ساااي ،دخلته المطبخ ساعدته ماما وحبوبه في الغداء بعدها جات ياسمين بت لدن قالت لي خالتووو،ضميتها قولته ليها حبيبه قلب خالتو وقعدته ابوس فيها،بعدها جات لدن اختي وسلمته عليها وولدها مجاهد طبعا مسمياهو على مجاهد اخوي،بعد تلاته يوووم من الكلام دة جا مجاهد ورامي قعدو يتكلمو مع لدن ومعاهم جدو وحبوبه ،مجاهد قال ليها شوفي ي لدن قوة الراس والعناد عمرو م بمسك بيت انتي بالطريقه دي بتضيعي حقك وحق اولادك،رامي قال ليها ي لدن انتي مالك مشكلتك شنو بالظبط ياااخي من عرستي لغايه اليوم دة دي المشكله الألف معقوله يااخي؟وبعدين في واحدة عاقله قدامها اطفال زي ديل بتمشي تشرب صبغه وتتسمم؟ي بت انتي مجنونه في عقلك دة مالك ياااخي ،ماما قالت ليهم هوووي ي اولاد هوووي ياسر دة اول راجل هو ولا اخر راجل؟تربيه الخيران هو كمان متين بقى زول مع الناس لمن بفتح خشمو ،مشاكلو بالحيل كترت وم لاقي زول يحسمو،مجاهد قال ليها ي امي لا اله الا الله؟قالت ليهو محمد رسول الله لكن م كلو يوووم واليوم التاني عامل معاها مشكله هي مقطعه ولا م عندها وليااان،رامي قال ليها م من عمايل بتك من شنو الراجل دة مش براااكم قولتو ليها عندو قروش و...وعرستو ليها اها اتحملو نتيجه افعالكم،ماما قالت ليهو بسسس لحدي هنا نحن كويسين مش انا عرسته ليها؟انا بعرف احل ليها مشاكلها انتو خليكم بعيدين بعيدين،مجاهد قال ليها طيب الدايراهو انتي وبتك اعملوهو بس بكرة بتمشي وبتجي راجعه لكلامنا دة،ماما قالت ليهو مسكتها وتربيه عيالها م بتغلبني وياسر خلي يجيب ليهو مرة وتلدي ليهو عيال زي ديل ،مجاهد شال مفتاح عربيتو وطلع،رامي قال ليها كويس ي امي البريحك اعمليهو ...بعد م مشو قولته ليها والله ي ماما كلام مجاهد ورامي م غلط دي الحقيقه وفعلا لدن بتك مشاكلها م بتنتهي وكل يوم الراجل دة شاكي منها وانتي كل مره بتدافعي ليها مرة واحدة بس قولي ليها انتي غلط،قالت لي ي بت هووووووي زولك دة كان كعب بتطلعو كعب للناس؟وبعدين ياس دة واحد بدنان وقليل ادب بس م اكتر م عندنا بت بنرجعها ليهو زاتو تاني،قولته ليها مشكلتكم بتكذبو الكذبه وبتصدقوها ،لدن قالت لي ي فلانه انتي متين بقيتي زول لمن بتقعدي في نص الناس وبتدي رايك؟عايني مشاكلي م تدخلي فيها تمام؟عاينته ليها كدااا وسكته،والغريبه كانت بتبكي قدام اخواني اصلا هي دموعها دموع تماسيح وسبحان الله بالرغم من انو نحن اخوات بس ابدا م بنتفق او بالأحرى هي م بتطيقني خالص ولا حتى في بينا الحنيه البتكون دايما بين الأخوات دي،بعد كلامها على طول اخدته بعضي ورجعته غرفتي وقفلتها،يعني كلامها بالجد كان جااارح بكيت كدااا ،شلته التلفون فتحته الواتساب رسلته لي يوسف قولته ليهو "يوسف!
