#أحببتك_حتى15
ي سجم في اي وقت حسيتي نفسك محتاجاني فيهو م تترددي اتصلي علي وم تخافي حأكون متوفر ليك على الدوام ماشي وانا جادي المرة دي؟يااااخي عن كميه الفرحه واللخبطه الحصلت جواي بالرساله دي،بالمساء كدة اتصلته عليهو لقيت رقمو مشغول،فصلته تاني رجعته اتصلته برضو رقمو طلع مشغول،قعدته مساااااافه تاني رجعته ليهو ردة،قولته خالط صح؟قال لي اي عندك مشكله؟قولته ليهو ويكون عندي مشكله ليييه بس حبيبتك خصص ليها شريحه علشان يمكن في ناس بتتصل عليك في حجات مهمه😡قال لي هههههههه ههههه هههه بس انا م عندي اهم منهااا،سكتته مسااافه طبعا اتغظظظته لمن دموعي جرت،قولته ليهو طيب مع السلامه ،قال لي انتظري ماشه وين؟قولته ليهو جهنم وانت مالك وقفلته الخط في وشو،تاني رجع اتصل لي م رديت عليهو فصلته المكالمه في وشو،رسل لي رساله قال لي ردي وحياة الخلقني في حاجه اهم من حبيبتي داير اقولها ليك،رجع اتصل،قولته ليهو نعم،قال لي عايني مالك انتي ؟قولته ليهو دي الحاجه المهمه؟قال لي شهد انتي بتغيري؟قولته ليهو نععععم من منو ان شاءالله،قال لي انا عارف من حركاتك طبعا،قولته ليهو عاين افصلها مني،قال لي ليه هي موصله بي كهرباء😂😁قولته ليهو ي دين النبييييي اسمع اختصر علشان وحياة الخلقني حأرزعك بلوك من...قاطعني قال لي اتصلته عليك عشان اقول ليك انو انتي بالنسبه لي اااهم من كل شي وماف شي بقارنو بيك فاااهمه؟سكتته مساااافه بعدها قولته ليهو بس انا م عايزة الإهتمام دة لأنو ضررو بالنسبه لي اكتر من نفعو،اذا انت فضلته تهتم بي كتييير كدة انا حأتعلق بيك اكتر واكتر ويمكن بسبب الإهتمام دة نخسر بعض،قال لي والمعنى؟قولته ليهو المعنى واضح م محتاج اشرح ليك اكتر بس م حأبقى جبانه وم حأقول ليك الفي قلبي ايوة انا بحبك ي يوسف ،وقفلته الخط،عدة ساعتين م رجع لي فيهم انا طبعا قعدته ابكي ايوة انا عارفه يمكن اكون خسرتو بس كدة افضل لي وليهو،فجأة جاتني منو مكالمه،م قدرته ارد تاني رجع اتصل اول م رديت من غير م افتح خشمي قال لي"قال لي عايني اول شي م عايزك تبكي اوكيه،بس انتي عارفه يعني احساس انو تحب ليك شافعه دة صعب خلاص ،يعني اسي مثلا لو قولته ليك بحبك حتقولي لي شنو؟قولته ليهو وانا كمان😿قال لي طيب خلاص انا كمان وانا كمان،قولته ليهو وانت كمان شنوووو م فهمت؟قال لي وانا كمان في واحدة كدة هبلهه حاسي بنفسي بحبها بس خايف عليها من نفسي لأني بعزها شديد وم بحب زعلها بس عيبها انها هبله شديد ،قولته ليهو هبله في عينك 😡قال لي بسم الله اسي انا قولته انتي؟؟؟سكتته مسااافه وقولته ليهو انت بالنيني😒ضحك قال لي طيب انا جادي والله ،قولته ليهو بالنسبه؟قال لي بالنسبه لموضوع الهبله انا بحبها بجد،قولته ليهو هي حلوة😿قال لي في نظري شديييد،بعدها سكتته وم قولته ليهو ولا كلمه،قال لي شهد،قولته ليهو ايوة،قال لي انا بحبك ،طبعا سكتتته سااااي محتاجه وقت علشان استوعب الكلام دة،بقى يقول لي الوو شهد ،ي بت ردي علي،لما مرديت عليهو فصل المكالمه وتاني رجع اتصل علي ،لما التلفون رن فتحته الخط،قال لي "حبيبي "
قولته لنفسي لا وكمان بقول حبيبي 😿😭😷قال لي ي بت انتي كويسه؟قولته ليهو ايوة😿قال لي فاكراني بكذب عليك مثلا؟قولته ليهو لا بسسسس م اتوقعتك ...قاطعني وقال لي م اتوقعتيني أحبك صح؟واديني حبيتك ي ستي ،قولته ليهو يعني انا كنت الكراش بتاعتك زي م انت كنت كراشي؟قال لي نعم نعم؟شهد انتي بديتي تتكلمي صيني شكلك نعسانه يلا امشي نومي،قعدته اضحك قولته ليهو ياخي م جادي😂💔قال لي انا حأقفل وحأرجع ليك بعدين،قولته ليهو ماشي وين؟قال لي اهاااا بدينا؟قولته ليهو م من حقي اسألك يعني😿قال لي طيب طالع ماشي النادي عندنا مباراة،قولته ليهو طيب حتتأخر؟قال لي والله يعني م شديد ،قولته ليهو طيب،قال لي على فكرة ااي نعم انتي مهمه بالنسبه لي شدييييييد بس م أهم من الكورة😂قولته ليهو نننننن وكمان بتقولها في وشي 😒قال لي عشان نكون واضحين من اسي الكورة خطييين حمرر😂قولته ليهو يوسف انا حأقفل الخط،قال لي طيب اسمعي قبل م تقفلي الخط عايز اقول ليك حاجه مهمه،قولته ليهو اها؟قال لي خلي بالك من نفسك تمام؟قولته ليهو حاضر،قال لي وكماااان...قولته ليهو وكمان شنووو،قال لي "بحبك"
طبعا لما قال كدة انا بقيت افتش للكلام،قولته ليهو طيب وانت كمان خلي بالك من نفسك،قال لي تمام حأتصل عليك لو رجعته بدري بس انتي نومي م تنتظريني،قولته ليهو حاضر😿قال لي يلا باااي حبيبي،وقفل الخط،طبعا انا بعد قفل رقدته في السرير وحضنته المخدة كأني بتخييل والبحصل دة كأنو حلم حلم كدة😂💔شلته تلفوني اتصلته على وسن،اول م ردت قعدته اصرخ قولته ليها قال بحبني قال بحبني اخيرا قالها ،قال احبك قالهاااااااا😻🙈💃💃💃💃💃💃قالت لي ي بت كدة قولي بسم الله منو القال ودة شنو الهبل دة؟قولته ليها يوسف يااااخ اعترف لي انو بحبني🙈قالت لي كذابه والله؟قولته ليها ورربي،قالت لي وااااي ي شهد انتي جادة؟يوسف قال ليك بحبك مرة واحدة؟قولته ليها ااااي🙈💔قالت لي عاااد قااادرة ي صحبتي خليتيهو يحبكك😂✊💔قولته ليها كيف بالله😆✋قالت لي لالا ماف كلام بس ي شهد ركزي معي م تندفعي في مشاعرك ،يعني م تكوني زي الزول الكان صايم على حاجه ولما جا فطر اندفع بي كلو ،اهدي وخلي مشاعرك تكون هاديه وم تاخدي الأريحيه وتديهو كامل ثقتك فيهو علشان وحيااة الخلقني الرجال ديل م بتوثق فيهم،قولته ليها خلصتي محاضرة،قالت لي يب،قولته ليها يلا هسسسس 😒👊💔بعد كدة فضلنا انا ويوسف متواصلين على الدوام وطول اليوم مكالمات ،وهو اهتمامو بي كل يوم زايد وبنطلع مع بعض كتير ،يعني انا اتعلقته بي يوسف لدرجه كدة فظيعه،في يوم طلعنا مشوار مع بعض ،اثناء م نحن لافين بالعربيه قام قال لي بالمناسبه اليوم عيد.ميلادي،عاينته ليهو مخلوعه وقولته ليهو انت جاااااادي ي يوسف؟قال لي بالجد،قولته ليهو وليه م كلمتني من بدري ؟قال لي عشان م مهم،قولته ليهو بالنسبه ليك بس بالنسبه لي مهم وشديد كمان،قال لي حتعملي شنو مثلا؟حتجيبي لي هدايا؟حبيبي اصلا انتي احلى واغلى هديه اداني ليها ربنا تاني م عايز حاجه من الدنيا دي ابدا،وبقى يعاين لي مساااافه،قولته ليهو Happy birth day حبيبي وبوستو في خدو،بعد م بوستو بقى يعاين لي مساااافهه وهو ساكت،قولته ليهو حركته م حلوة كان تكلمني ياخي،قال لي عايزة تديني هديه؟قولته ليهو لو كان كلمتني من بدري كنت حأعمل اكتر من هديه،قال لي طيب اسي انا طالبك هديه بسسسس..قولته ليهو اها شنو ؟قال لي حترفضي لو قلتها ليك؟قولته ليهو مش عيد ميلادك اطلب وطلباتك اوامر 😆✋سكت مسااافه بعدها قال لي حتوافقي تمشي معي بيتي؟سكتته مسااافه وبقيت اعاين ليهو،بقى بعاين لي بنظرات استفهاميه،صراحه م عرفته اجاوبو بس كمان م بقدر ارفض ليهو طلبو ،قال لي م بتثقي فيني؟قولته ليهو حبيبي لا م كدة والله،قال لي سكاتك بدل على كدة طيب ي ستي م مشكله ،أوصلك البيت؟حسيت في زعل في طريقه كلامو،قولته ليهو طيب انا بمشي معاك،عاين لي،قولته ليهو م تعاين لي ايوة حأمشي معاك 💜قال لي طيب تمام،اتحرك مشينا وقفنا قدام عمارة كدة نزل ومسكني من يدي انا لغايه اللحظه دي م حسيت بي خوف او قلق ابدا،طلعنا بالسلالم لغاايه الطابق التالت وقفنا قدام باب الشقه،قولته ليهو دة بيتكم؟قال لي لالا دي شقه صحبي،فتح الباب دخلنا مسكني من يدي،قال لي اتفضلي،قعدته في الكنبه قال لي دقايق واجيك راجع ؟قولته ليهو طيب،قبل م يجي راجع طلعته تلفوني اتصلته على وسن وقولته ليها"وسن عايني لو ماما سألتك مني قولي ليها شهد معاي تمام؟قالت لي نعم؟ليه وين انتي ي مجنونه؟قولته ليها قولي القولتو ليك وخليك ساكته ،قالت لي شهد،قفلت الخط في وشها ورسلته رساله لماما محتواها انو انا مع وسن وكدة،وقفلته تلفوني،يوسف جا راجع شايل صينيه فيها مويه وجك عصير،شلته المويه شربته جا قعد جنبي وقرب مني قريب شديد،وشويه كدة بدأ يلعب في شعري،من اللحظه دي انا خلاص اتجمدته ودخلت فيني خوفه كدة غريبه،ويوسف كل شويه بقرب مني اكتر واكتر ،وبقى يمشي يديهو في رقبتي وأول حاجه باسني في راسي وبقى نازل شويه شويه،قولته ليهو يوسف ممكن ادخل الحمام شويه وأرجع؟قال لي طيب حبيبي في الغرفه دي في حمام وأشر لي بي يدو،قمته مشيت دخلته الحمام دموعي جات جاريه ،مسحته دموعي وغسلته وشي ولقيت عطر كدة بخيتو في نفسي وطلعته من الحمام اول م طلعته لقيت يوسف في وشي،مسكني قال لي اتأخرتي انتي كويسه ؟قولته ليهو انا تمام،قرب مني شم ريحه العطر وقال لي دة عطري البحبو،عاينته ليهو مساافه وقولته ليهو وانا اتعطرته بيهو علشانك،قال لي بجد ؟بقيت اعاين ليهو وساكته،قرب مني اكتر،دقات قلبي بدت تضارب،قولته ليهو يوسف؟؟قال لي ايوة،قولته ليهو في حاجه انا عايزهه اقولها ليك!قال لي قولي حبيبي،قولته ليهو انا اول مرة أمر بي حاجه زي واعمل كدة،يمكن انت م تصدقني بس وحياة الخلقني انت اول زول اثق فيهو للدرجه دي وأول علاقه ادخلها في حياتي واعيشها،،اي نعم عشته في امريكا بس عمري م وصلته للمرحله دي الا معاك انت،انا بقول ليك كدة م علشان م واثقه في نفسي وكذاا،لا ابدا بس علشان عارفه انو بعد الحاجه دي تحصل بيناتنا واسلم نفسي نظرتك لي حتختلف وحتكون شايفني انا وجزمتك واحد،انا عارفه انو دي طريقه تفكير المجتمع الانتو عايشين فيهو انو البت طالما سلمتك نفسها معناها هي سلفا م كويسه وحتكون عملت كدة مع غيرك كتيير وانا بس حبيت اوضح ليك م اكتر وبعد كدة انا كلي ملكك وحتى لو نظرتك لي اختلفت بعد اللحظه الحنعيشها مع بعض دي م حأندم عليها لأني عملته كدة وانا كلي ثقهه فيك فبعد كدة انت ورجولتك،طبعا بتكلم وببكي،مسح لي دموعي ورجع خطوة لي ورا من جنبي وقال لي وطلع من الغرفه،صلحته ملابسي وطلعته لقيتو بشرب في سيجارة في البلكونه،بقيت واقفه وبعاين ليهو،قال لي شيلي شنطتك عشان نطلع،قولته ليهو يوسف انت زعلته مني😿قال لي لا ابدا يلا نطلع اللحقيني وطلع،شلته شنطتي وتلفوني وطلعته وراهو ركبنا العربيه فضل ساكت،قولته ليهو يوسف!!!قال لي ي شهد انا كويس وم زعلان منك ابدا تمام ؟بعد م رد لي كدة سكته،وصلني جنب بيتنا ،قبل م انزل قولته عاينته ليهو م اتكلم معي ولا كلمه،نزلته مشيت بيت ناس وسن وقعدته ابكي،وسن دي تشيل وتسأل فيني وبقت اقول لي "ي بت انتي مشيتي وين؟انتي كويسه؟وليه قولتي لي اكذب على خالتو سوسن انتي كنتي وين؟قولته ليها كنت مع يوسف😭😭😭💔قالت لي نعم ؟وين مع يوسف؟قولته ليها في شقتووو😭💔ختت يدها في خشمو وقالت لي شنووووو؟شهد انتي جااادة مشيتي معاهو شقتو ليييه ي شهد ليه؟ليه كلمتيني قبل م تمشي؟الحصل شنو ي شهد اتكلمي ي متخلفه اتكلمي؟قولته ليها م حصل شي بس انا خسرتو خلاص خسرتو وربي😭😭😭😭😭😭💔قالت لي يعني م حصلت بينكم اي حاجه؟قولته ليها ابدا بسسس هو زعل مني ووصلني وم عارفاه اسي وين😭💔قالت لي انتي حيوانه وكمان بتبكي؟انا من البدايه مش حزرتك ؟والله كنت عارفه حيفكر يعمل معاك موقف زي دة عارفه ليه؟لأنو حاول يختبرك ي هبله ي هبله ولقاك عادي ممكن تديهو العايزو بي طلب منو بس ومت غير م يكلف نفسو،دي حركات اولاد.الزمن دة ي السمحه بختبرو البنات بالاسلوب دة واول حاجه ببداها بي هبشه لو شافك م اعترضتي او وقفتيهو في حدودو واتماشيتي معاهو بكمل وباخد العايزو منك وبعدين بتبقي في نظرو انتي والنفايات واحد ي بت انتي هبله؟ديل رجال شرقين بعقول سودانيه يعني نظرتهم للمرة على اساس انها شرف البتسلمهم نفسها دي بشوفوها رخيصه وتافهه سااي حتى لو كنتي بت ناس ومحترمه لو خليتيهو يهبش ظفرك سااي انتي حتكوني في القائمه السوداء وحالتي حزرتك وابدا م تلوميهو على خسارتك ليهو الغلطه غلطتك انتي ويمكن من البدايه هو نيتو م كانت سليمه تجاهك،قولته ليها خلاص الله يخليك خلاص ،بقيت ابكي بي حرقه واستصغرته نفسي شدييييد بعد اليوم دة،اذا انا احتقرته نفسي كدة هو حيكون نظرتو كيف،فضلته على الحاله دي اسبوع ابدا م جرب يتصل علي او يتكلم معاي،والاسبوع التاني برضو عدة وانا حالتي بقت اكعب من الأول معظم وقتي بعديهو بكى،م ندمته على الأيام القضيتها معااه على قدر م ندمته على العمله الكنت حأعملها معاهو وانا في لحظه ضعف وجهل مني وبديت اكرهو بجد لأنو عمل معي الحركه دي ،بس بالفعل زي م قالت وسن م كانت حتكون غلطتو هو كانت حتكون غلطتي انا وانا الحأتحمل نتيجتها م هو، عدينا شهرين ونحن منفصلين، حذفته كل حاجه بتخصو او حاجه خلتني اتواصل معاهو من تلفوني وغيرته شريحتي وانا دي نفسنته لدرجه فظيعه حتى ماما وناس بيتنا كلهم لاحظو ،يمكن علشان علاقتي معاهو كانت غير،معرفتي بيهو وحبي ليهو دي اكتر مرحله انا حسيت فيها اني عايشه حياة اسمها حياة بجد،وفي كسر من الثانيه اتلاشت كأني م عشتها ورجعته لنقطه البدايه،في يوم فجأة وانا قاعدة شغاله في المطبخ بعمل في بيتزا لي ياسمين بت اختي ،وهي كانت بتلعب بالتلغون فجأة جات مكالمه وقبل م افتح خشمي واقول ليها ناوليني التلفون فتحت الخط وقال الووو،منو معاي؟عايز خالتو شهد؟اي ياها قاعدة هاك ليها،قولته ليها القال ليك تفتحي منو الليله بجلدك،قالت لي مش انتي يديك وسخانهه،قولته ليها امشي لمن اخلص بتفاهم معاك،شلته التلفون قولته الووو...ماف زول برد،تاني قولته الووو؟فجأة اسمع صوت زول بقول لي
"يعني اذا م اتصلته وسألته م حتتصلي انتي؟وفكرك اذا غيرتي الشريحه وحذفتي كل حاجه ممكن تربطنا ببعض م حأقدر اصل ليك؟؟؟
#كسرهه
ي جماعه والله انا اليومين دي شغاله جامعه بطلع الصباح برجع المساء لما بديت القصه كنت مأجزة اسبوع وفاضيه واسي الوضع اختلف فما بيدي شي غير اقول ليكم اني اسفه على الشحتفه مع اني بحاول اللقى زمن اكتب ليكم فيهو ولكم العتبى حتى الرضى💜
#نتلاقى®♡
