#أحببتك_حتى20
طلعته مشيت ليهو اول م ركبته بقى يعاين في وشي وانا ملامح وشي متغيره ومتنرفزة وبعاين ليهو بي تكشيرهه كدهه،قال لي مرتي السمحهه اشتقته ليك يعني م عندي صلاحيه اشوفك لما اشتاق ليك😁؟؟؟طبعا لما قال كدة انا خلاص فصلته 😂🙈قال لي شكلي انا براي البشتاق☹قولته ليهو انا كمان وربي مشتاقه ليك وانت طول اليوم مشغوول وم بتتكلم معي اكتر من ربع ساعه😿قال لي حبيبي وحياة ربي اليومين دي بس الحمدلله على كل حال لكن مضغووط لدرجه،قولته ليهو حتى ملامح وشك مرهقه،قال لي بطلع الساعه 7 وبرجع متأخر شديييد ،قولته ليهو حبيبي حتى لو مضغوط خلي بالك من نفسك حت...قاطعني قال لي حبيبي لازم اتعب واجري عشان اقدر اتم عرسنا وبعدين كلها فترة قصيرة وانتي حتخلي بالك مني عشان كدة طالما انتي حتكوني معاي يبقى م حأحس بالتعب دة اساسا،قفلته وشي بي يدي قولته ليهو ياااخي🙈قال لي طيب يلا امشي البيت عشان اهلك م يقلقو عليك او يجي مجاهد يشاكلك،قولته ليهو يعني حتمشي؟😿قال لي لو كنتي خليتيني أصل البيت كنت قعدته معاك فترة اطول،قولته ليهو م انت فاجأتني ي يوسف☹قال لي طيب حصل خير ي ستي المهم انا شوفتك واتطمنته عليك م عايز اكتر من كدة،قولته ليهو طيب يلا انا حأمشي،قال لي انتظري،نزل وفتح باب العربيه الورا نزل منو كيس كبير كدة،قولته ليهو دة شنووو؟قال لي مش نحن عقدنا؟والمفروض اجيب ليك حجات في العقد بس كل حاجه حصلت سرعه وم لحقنا نجيب شي،قولته ليهو حبيبي م ضروري والله،قال لي ماف حاجه اسمها م ضروري دة واجبي ي سجم،وكمان امسكي هاك دخل يدو في جيبو وطلع قروش،قولته ليهو يوسف انت م جااادي طبعا؟؟قال لي ي بت انتي هبله؟شكلك ناسيه انو انتي مرتي ،قولته ليهو حتى لو واجبك انا م محتاجه لي شي،قال لي شهد عاارفك م محتاجه وم ضروري تكوني محتاجه عشان اديك قروش ختيها عندك على جنب بس سااي كدة وبعدين انتي ليه عايزة تختي حواجز بينا وم عايزة تديني احساس انك مرتي ؟؟يلا امسكي القروش دي وخليها معاك ،قولته ليهو طيب ،شلته القروش والكيس قمتهوماشه قال لي انتظري،وقفته قولته ليهو اها،صلح لي توبي وغطى لي شعري كويس قال لي م اوصيك على نفسك ماشي؟قولته ليهو طيب وانت كمان،رجعته البيت فتحته كيس الهدايا لقيتو جايب لي حجات كتييببرة عطور وكريمات وميكب ومعاهم ملابس بسيطه كدة بس حجات حلوة شديد ياااخ انبسطته بيهم بسطهه،🙈😻شلته التلفون اتصلته عليهو قولته ليهو حبيبي ياااخي الحجات بجد حلوة م عااارفه اقول ليك شنو بس،قال لي مش انتي انبسطتي؟يلا انا م عايز حاجه غير كدة مع اني م عندي خبرة في حجات البنات بس حاولته😂💔قولته ليهو لا بجد خنفشاريات الله م يحرمني منك ي قلبي🙈💜قال لي ولا منك انتي 💜اليوم التاني وريت امي الحجات الجابهم لي وقولته ليها جاب لي معاهم مليون جنيه،جاطت وبقت تقول ئه اسي انتي محتاجه للكيس بتاعو الما تامي كيس مع اكياس الرجال دة؟ولا محتاجه للمليون حقتو دي نحن المليون دي الفكه البنجدعها في بيتنا دي ساااي كان لميناها بتم اكتر من مليون ،محتاجه لمليونو دي انتي كان عرستي الرجال الجد جد البجوك ديلك زي الزمن دة كان جايبين ليك الحجات الا بالشنط والقروش الا بالدولار ماشه جايبه لي تاجر تاجر شنو وعفن شنو كمان،وجات لدن قالت ليها ي ماما الحجات دي اسي كلها م فايته ليها مليون وغالبا م يكون لقى عليها جرد واشتراها وبس هههههه ههههخههههههه ،ماما قالت لي م شوفتي الجيب الجابوهو لي اختك في خطوبتها سااي كان كيف،قولته ليهو وأريتو دام ليها؟؟قالت لي لغايه الأن م مقصر منها عاااد لكن الكلام ليك انتي بكرة تسفي التراب،شلته حجاتي وعاينته ليها وانا زعلانه زعل لمن غلط،ماما اتغيرت شديد من لدن اختي جات دي م ماما الأنا بعرفها م عارفه ليه،عمرها م كانت قاسيه علي او عاملتني بطريقه م حلوة زي م بتعمل اسي،اايوة انا مقتنعه انو هي قريبه من لدن شديد وحنينه عليها اكتر مني انا واخواني بس برضو م كانت كدة ياااخي انا بقيت احسها م بتطيقني ابدا وبتسمع كلام لدن اختي اكتر واي شي قالتو ليها لدن بتعملو،في يوم ونحن بنتغدا وعبدالله ود لدن اختي كان عيان عندو التهاب فظيع،ماما قاالت ليها ي لدن انتي م قاعدة تدي الولد دة علاجاتو في زمنها ولا شنوو؟لدن قالت ليها والله بديهو بس احيانا بنسى،حبوبه قالت ليها والله ي سوسن ي بتي الا شهد مخليه بالها منو وبتديهو علاجاتو امو ماشه في مشيها،لدن قالت ليها حبوبه اناااااا؟؟حبوبه قالت ليها اااي انتي زانك اسي اول امس م كان بلعب بالمويه في الحمام الا شهد جات طلعتو وغطتو وقفلت منو المكيف ولبستو كمان؟؟مع اني كلمتك قولته ليك الولد دة م تخلي يستحمه براه،ماما قالت ليها لدن انا كلمتك لكن انتي م بتسمعي الكلام نفسي اعرف انتي بتمشي وين؟المشي دة م حميناك منو امشي لكن برضو خلي بالك من اولادك ياخي، لدن قالت ليها ي ماما انتي زاتك شغل شنو ليك خلي شغلك دة وتعالي اقعدي مع عيال بتك وخلي بالك منهم معقوله شغلك يكون اهم من عيال بتك حبوبه التابا واليابا عااد،كلامها استفزاني م قدرته اسكت قولته ليها لو م انانيه منك معقوله تقولي ليها تخلي شغلها وكل المرضى المحتاجين ليها عشان تبقى ليك دادة لي اولادك؟ليه انتي الوالداهم مالك محننهه؟ماما م تخلي شغلك علشان شافع زول وغلى قول حبوبه الجاب لي دبيبي يلوي في صلبو ،قالت لي انتي حقدك وقلبك المقلقك دة ختيهو في الأرض يختي مالك خاته نقرك من نقري وانتي بتتحشري ليه اساسا دي امي وانا وجهته ليها الكلام شخصيا انتي مالك انتي؟قولته ليها والله لما تعتبريها امك بحق وحقيقه مش تستغليها بعدها تعالي قولي امي اوكييييه،ماما قالت لي شهد اسكتي ولا كلمه م اسمعها منك اختك بتتكلم معي انا انتي الدخلك شنو مش اتكلمت معي انا شايفاني م عندي خشم اتكلم؟لدن عاينت لي وضحك قالت لي اتعلمي م تحشري مناخيرك وتدخلي بين الفوله وقشرتهااا،قولته ليها ايوااا ي ماما طالما الموضوع كدة انا اسفهه لأني اتدخلته وان شاءالله تاني م تتكرر😊قمته على حيلي من صفرة الغداء،حبوبه قالت لي اكلي ي بت،قولته ليها انا شبعته ي حبوبه وجريت دخلته غرفتي وقفلتها علي وقعدته ابكي لدرجه انو صوتي بقى مسموع،حبوبه تحت قالت ليها ي سوسن البت كلامها م كان كعب لدن ابدا كلامها م منطقي ،ماما قالت ليها شهد انتي م بتعرفيها اكتر مني ي عمتي ،شهد بتي دي حمقاء شديد وبتزعل سريع،قالت ليها انتي في عيالك زاتك ي سوسن م يكون عندك خيار وفقوس،العيال ديل كلهم شلتيهم في بطن واحدة ووجعه ولادتهم واحدة ،ماما قالت ليها والله ي عمتي العيال ديل كلهم عندي واحدانا،حبوبه قاالت ليهم المهم دي نصيحه انا اديتك ليها اقبليها مني..وقامت مشت خلتهم قاعدين
