#أحببتك_حتى25
،قال لي شهد انا م داير منك شي بس اديني كيس الحبوب اوصلو لي اسيادو باخد عمولتي وبجي راجع لأنو اسياد الكيس ديل انتي م بتعرفيهم ي شهد انا بتعامل معاهم وعارفهم كويس هم شنو دي ناس م بتتفاهم ولا بترحم و لو علي انا م مشكله انا خايف عليك انتي 💔قولته ليهو خايف علي؟ودامك بتخاف علي كدة شغال معاهم الشغله دي لييه؟مدخل نفسك في متاهات زي دي ليييه بس كدة قوول لي ؟قال لي م تدخلي انتي انا حر اشتغل اي شغله عايزها مالك انتي انا عاارف نفسي بعمل في شنو ،قولته ليهو لا م عارف ي يوسف ابدا م عارف لو زول عاقل بجد م بتعمل في روحك كدة حبوب ومخدرات وكلام فااارغ انت ي يوسف انت؟قال لي طلعي كيس الحبوب اديني ليهو ومش البيت دة تاني زاتو م بجيك فيهو راجع بس اديني كيس الحبوب دة ي شهد،بقى يتكلم بي صوت كدة فيهو رجفهه خووف غريبه ،شلته تلفوني وطلعته وقفلته عليهو الباب،بقى ينادي فيني م رديت عليهو ،تلفوني كان رصيدو بسييط اتصلته على محمد اول م قال الووو ،قولته ليهو محمد كيفك،قال لي اهلين شهد كيفك،قولته ليهو وانا ببكي م تمام والله ي محمد وفجأة الرصيد قطع،شويه كدة رجع لي قال لي شهد في شنو مالك بتبكي،قولته ليهو محمد م بقدر احكي ليك مممن تجينا في البيت اسي؟قال لي طيب بي في شنو مالك ان شاءالله خير؟قولته ليهو لما تصل بحكي ليك،قال لي طيب تمام مسافه الطريق بكون عندك،قعدته بره ويوسف قافلاهو جوة وبتكلم وبدق الباب،انا منتظره تقريبا 45دقيقه يوسف دة جوة بتكلم برااه وبدق في الباب وبحلف فيني علشان افتح ليهو الباب،بعدها باب الشارع حقنا دق مشيت فتحته لقيتو محمد،لقى دموعي جااريه قال لي شهد في شنو ان شاءالله خير ومالك بتبكي؟بعد كلامو دة انا زدته في البكى زيادة بقيت ابكي بي حرقه شديدة،قعدني في السرير قال لي روووقي كدة واحكي لي مالك متشاكله مع يوسف؟مالو عمل ليك شنو وريني انا بتكلم معاهو مدة يدو عليك؟قولته ليهو ابدا،قال لي طيب قولي مالك ؟قولته ليهو يوسف صحبك ببلع حبوب مخدرة لا والأكعب من كدة بتاجر فيها ،قال لي نعم يوسف بعمل كدة؟قولته ليهو اقسم بالله ي محمد انا حصل كذا وكذا و...وبقيت احكي ليهو الحصل بالتفاصيل الممله ،خته يدو في راسو قال لي يوسف وين اسي هو؟قولته ليهو قافللهو في غرفتنا علشان م يطلع،مشى فتح الغرفه لقاهو نااايم،صحاهو لما شافو يوسف قال ليهو اووووو صحبي ياااخ وين انت ي مااان،محمد طبعا بقى م عارف يقزل شنو بس فضل سااكت وبعاين ليهو،قال ليهو اااسمع شربته مويه؟محمد قال ليهو اااي ،يوسف قال ليهو كدة جيب سيجارة،محمد قال ليهو م عندي اسي والله،يوسف قال ليهو م عندك؟خلاص اسي نمشي البقاله نشتري ليك انت واحدة وانا واحدة ظااابط؟قام على حيلو محمد مسكو قال ليهو الزمن اتأخر البقالات قفلت،يوسف قال ليهو اااسمع ي مااان كويس انك جيت اتكلم لي مع الزوله دي عليك الله انا عندي كيس فيهو حجات مهمه والحجات دي حجات ناااس انا مهمتي بس اوصلها اسيادها وباخد عمولتي منهم اها هي جات شالتهم ودستهم في محل م عارفو وين المهم انت كلمها لي تديني ليهم الناس ديل هي م بتعرف اتكلم معاها،محمد قال ليهو الحجات دي هي عادبارة عن شنو بالظبط؟يوسف قال ليهو حجات بس،محمد قال ليهو وانت بتوصلهم بصفتك شنو؟يوسف قال ليهو شغال معاهم ،نحن فضلنا صااحين ومساهرين للساعهه 6صباحا ،ابدا يوسف دة م نام ولا خلانا ننوم بس لافي طول الليل وشويه يحنس محمد علشان يخليني اديهو الكيس وشويه يقعد يتكلم،وهو بتكلم ومقلق شديد وكلامو كلو عن الناس الشغال معاهم وقلقو علينا منهم،بعد الساعه 6اخدنا غفوة شويه كدة لما جات الساعه 9بالظبط محمد صحي وشال مويه من التلاجه وكشحها فيهو انا زاتي لمن اتخلعته،يوسف دة قام مخلوع،محمد ولا اتفاهم معاهو واداهو كف طاااخ وعدلو بالتاني،يوسف زاتو لمن بقى مخلوووع ،انا بقيت مصدومهوختيت يدي في خشمي ،محمد قال ليهو دي اخلاقك كدة ي يوسف في زمتك اخر عمرك تبقى كدة ي يوسف؟يوسف بقى خاتي يديهو في جبهتو ومنزل راسو تحت في الأرض ،قال ليهو محتاج لشنو انت ؟انا مش اخووك ؟تعال قول لي من متين نحن بيناتنا في حسابات؟البخليك تدخل نفسك في متاهات وتجارة زي دي شنو ي يوسف عارف لو اتقبضته الحيحصل ليك شنو؟انت مجنون في عقلك دة ي يوسف؟مجنون؟انا مش بضرب ليك وبقول ليك لو محتاج لحاجه اتصل علي؟عاين لي مرتك دي ساااي كان حصلت ليك حاجه تقول ي منو ؟وانت كيف نفسك تسمح ليك تدخل عليها قروش حرام؟لا وانت بتبلع زاتك معقوله ي يوسف وصلت بيك للدرجه دي ي يوسف؟انا بقيت ابكي والله كلام محمد دة بكاني بكى،قال ليهو اسي ولا بعدين كمان نشيل الزفت الجايبو معاك البيت دة ونطلع من هنا وانا بمشي معاك حجل بالرجل محل م داير توصلو نوصلو سوا ونجي راجعين وتاني ولا بالغلط ي يوسف م اللقاك ماشي في السكه دي فاهم ولا لأ؟يوسف قال ليهو ي محمد افهم ماف طريقه تمشي معاي لأنو...محمد قاطعو وقال ليهو لأنو شنوو مش الموت دة ؟كان في موت خلي نموتو سوا ماف زول بموت ناقص عمر وانا م بخليك تمشي براك عاين لي وقال لي قومي ي شهد جيبي لي الكيس ،عاينته ليهو،قال لي جيبيهو،مشيت جبتو واديتو ليهو،لما شاف الكيس قال لي لا حول ولا قوة الا بالله انت ي يوسف م بتخاف على نفسك؟لو الحجات دي اتقبضت جوة بيتك عارف الحيحصل شنوو؟قوم ارح اطلع قدامي،أول مرة انا اشوف يوسف راسو مكسور للدرجه دي واول مره احس بنفسي كارهه يوسف ومحتقراهو لدرجه حتى انا م قادره اتصورها ، بعد م قامو طالعين محمد قاال لي م تحكي شي لي اي زول تمام؟قولته ليهو حاضر،بعدها انا بقيت ابكي بطريقه كدة جنونيه وبقيت اقول انفسي انا استحاله بعد كدة اقعد معاه ،استحاله اعيش معاهو ابدا نزلته شنطتي من الدولاب وفتحته الدولاب وبديت انزل في ملابسي وابكي فجاة بديت اتزكر شكلو وهو م واعي كان عامل كيف واتخيل حيحصل ليهو شنو لو انا طلعته خليت ليهو البيت بعدها قعدته في السرير وبقيت ابكي ومن جواي بقول"م بقدر اتخلى عنو،م بقدر اخليهو في الحاله دي يمكن اذا خليتو يتمادى ويمشي في الطريق دة على طول،يمكن دي اكتر فترة هو محتاج اني اقيف معاهو فيها كيف امشي واخليهو وهو بالحاله دي؟فضلته قاعدة وانا ببكي،لما جات الساعه 12 شلته تلفوني واتصلته على محمد علشان اتطمن عليهم بس م ردة،تاني رجعته اتصلته برضو م ردة وانا خلاص قلقته،بعد ساعه رجع اتصل علي،قولته ليهو وين انتو؟قال لي جاين على البيت،رتبته البيت زي م كان وقعدته منتظراهم،بعد م جو راجعين البيت محمد دة اول م دخل وقعد بقى يبكي بطريقه مبالغ فيها لمن بتنهد ،انا صراحه خوفته ويوسف برضو ببكي معاهو وبسمح دموعو علشان انا م اشوفها وكدة،محمد قال ليهو انا قاااعد وحي في الدنيا دي كدة ي يوسف انت تشتغل شغل زي دة ومع اشكال زي ديل؟يوسف تدخل مكانات زي دي وانت وراك مسؤليات؟انت عارف انو الناس ديل طريقهم واتجاهم واحد والدخل معاهم م بطلع بسهوله ودخلته فيهم؟انا م قاعد مشيت وين انا ياخي احتجته تعال قول لي ياخ داير وين المشكله م في النهايه نحن اخوان،كلمتك ي يوسف تعال اشتغل معاي في الوكاله ،انا م عارف انت رافض ليه ،اسي بس كدة ارفع راسك وعاين لي مرتك دي اتقبلت وضعك وخلت بيت اهلها داك كلو وجات عاشت معاك عشان في النهايه تبقى ليها تاجر مخدرات ومتعاطي؟م حسبتها صح ولا مرة واحدة في عقلك م حاولته تحسبهااا؟ياخي المكان الدخلناهو دة والأشكال الشوفناها دي اقسم بالله لو زول عاقل وعندو مخ بفكر بيهو صحي م بدخلو ولا بتعامل مع ناس زي دي يوسف حكم عقلك واتصرف صح لو م عشان نفسك عشان مرتك دي والله ي يوسف وحاة خوتي معاك دي لو رجعته للشغلانيه دي تاني لا بيني لا بينك ولا تقول عندي صاحب اسمو محمد اساسا،محمد دة بكى كدااا واتكلم معاهو اظن اكتر من ساعه بعدها قام طالع ،يوسف وصلو جنب الباب محمد طلع ليهو بطاقه قال ليهو امسك دي م ترجعها لي ولا اي شي ختها عندك وقت م لقيت نفسك مزنوق ومحتاج لقروش امشي اصرف وقضي حوجتك ،يوسف قال ليهو لا م بشيلها ،محمد قال ليهو تشيلها،يوسف قال ليهو خليها عندك لو عدة على يوم واحتجته ليها بجي بشيلها،محمد قال ليهو طيب تمام يلا بجي عليك بكرة واوعك ترجع تعمل حاجه كدة ولا كدة تمام ؟يوسف قال ليهو طيب تمام ان شاءالله،يوسف وقف مسااافه بره بعدها جا راجع لقاني بصلح في الملايات وببكي،اول حاجه وقف وراي وسكت ساااي،اتلفته عليهو عايزة اتحرك مسكني مسح لي دموعي قال لي اسف،لفيت وشي منو بالإتجاه التاني،باسني في راسي قال لي اسف وبقى يبوسني في جبهتي وخدودي وهو بقول لي اسف اوعدك م تتكرر تاني،قولته ليهو زح مني لو بتعاين لي بالجد م بتعمل كدة م بتتعاطى ي يوسف م بتاجر في حجات زي دي ي يوسف،قال لي انا عارف انو انا غلطته بس المرة دي امسحيها في وشي كلنا بشر ي شهد وبنغلط وانتي عارفه الشيطان شاااطر ،قولته ليهو انا في اللحظه دي م عايزة اتكلم معاك يلا فكني وزحيت منو,كان لازم اخليهو يحس بغلطو ويندم عليهو علشان م يجرب يكرر نفس العمله ، لازم اخليهو يحس بإنو بدأ يخسرني بسبب تصرفاتو علشان يتعدل،ودة كلو م علشاني انا ابدا والله علشانو هو زاتو وبعدين حتى انا كنت محتاجه وقت ارجع اتقبلو بعد العملو دة،بقيت اتعامل معاهو بجفااف خالص حتى صباح الخير لما يقولها لي م بر د عليهو ،وبنوم قبليهو ،بجهز ليهو الأكل وبخليهو ليهو لو جعان يمشي يفتش الحلل ياكل لو م أكل هو حر،بقى بمشي الشغل وبجي راجع نص الليل بنوم بس م بعمل اي شي ولما يقوم طالع بخت لي القروش في التسريحه وبمشي ،بتزكر كان داخل علينا خريف والجو بكون مغمم كدة ،مشيت لي الاء على اساس اكوي عندها ملابس وكدة،لقيتها قااااعدة وماسكه ليها حاجه كدة،قولته ليها بتعملي في شنووو؟؟قالت لي بعجن في حنتي تعالي اخت ليك حنه عااد الراجل المسكين دة عرسك عشان تبقي زيك زيو واحد،قولته ليها لالا شكرا،قالت لي عروس كدة وماشه رجلينك غبش لا حنه لا دخان ي كافي البلا تعالي الليله الا تقعدي احننك،قولته ليها لا،قالت لا في عينك تعالي يلا وأصرت علي،قولته ليها عندي مكوة،قالت لي انا بكوي ليك قومي،قعدتني حننتني حنه عااديه يديني ورجولي،قولته ليها انا م بعرف عشان كدة هههه،قالت لي لو م بتعرفي تعالي كل م تطلع انا بحننك اصلا الرجال دي عواليق خلاص الواحد كان مرتو م اتجيهت ليهو في البيت بفتش بره،ولما تحف ليهو ويطلقها أهلو يطلعو اشاعهفي المرة يقولو وسخانه وعفنه لا بتتحنن لا بتدخن عشان كدة الواحدة نهاائي م تدي راجلها ولا أهلو فرصه يتكلمو في نضافتها لنفسها وراجلها ونضافه بيتهاا، ضحكته قولته ليهو هو في الحالتين بفتش بره وهم حيقولو فيها💔😂قالت لي اي لكن م زي لما يكون عندو مرة في البيت وم مهتمه بيهو،بعد م حننتني وطلعتها لي جابت لي حاجه كدة مسحته لي في رجولي ويدي وقالت لي انتظري شويه كدة،قولته ليها دة شنوو؟قالت لي دة نشادر بخلي ليك الحنه تبقى سوداء زي كلامي دة وبالفعل زي م قالت يااخ طلعت حلوة حلا فظيعه حتى انا بقيت اتبسم ساااي وانا بعاين ليها،عايزة اقوم امشي قالت لي هي هي انتظري ماشه وين انتي؟قولته ليها ماشه البيت،قالت لي حنه بدون دخان دة كلام شنو دة اقعدي،قولته ليها دخاان؟لا والله انا ماشه ،قالت لي لا م بتمشي اقعدي اخدي ليك في الحنه دي بوخه ساااي ان شاءالله م بتمشي كدة والله انا جهزته ليك الحفرة جااهزة النبي كان تقعدي حلفتك،قولته ليها طيب م تحلفيني مع اني Don't likeوالله😂💔،قالت لي بلا دونت لايك بلا بطيخ اقعدي سااي هي المرة بدون دخان شنو كمان وكورة النشاء في جمبك كمان اها م قصرته منك تب تاني ،قعدته ،اثناء م انا بتدخن شعري اتطاير وضايقني قولته ليها الاء معليس بدون صغرهه كدة ممكن تلمي لي شعري دة؟قالت لي سمح وجات لمتو لي وبقت تونس فيني ونضحكك،لغاايه م حسيت انو في غمام كدة في السماء ،قولته ليها زي الفي غمام كدة ولا مطرة جايه صح؟قالت لي اي السحاب شااايل الليله شكلها حتجي غزيرة،قولته ليها عندي ملابس في السلك امشي المهم ،قالت لي اقعدي شويه،قولته ليها لا والله كفايه علي كدة،قمته ماشه عاينت لي قالت لي عااد ماشاءالله حنه ودخان يقولو ي ليل ،قولته ليها تسلمي ي لولا بي فضلك انتي والله وبعدين انتي م اتحننتي،قالت لي اصلا راجلي ماف كان اتحننته الليله ولا بكرة م بتفرق😂💔قولته ليها طيب يلا انا ماشه ،عايزة امشي بي باب الشارع قالت لي تعالي هنا ي بت انتي عويرة حنه ودخان وريحه فايحه وماشه بي باب الشارع عيب عيب امشي بي باب النص دة،ضحكته قولته ليها طيب شلته ملابسي ومشيت البيت لميت حجاتي ودخلته البيت اتزكرته اني عايزة نار ،ناديت الاء بالباب قولته ليها جيبي لي نار هنا،ادتني نار مشيت فتحته الدرج على اساس اني اطلع علبه البخور فجأة رميت فتيل الريحه وكسرتو وخلاص الريحه ملت البيت كلووو بقى عباره عن ريحه ومع المكيف دة خلاص البيت زي م بقولو الريحه عتقت فيهو،اثناء م انا بلم في القزاز جرحتني قزازة ،يااخي نزفت نزيف غريب،دخلته الحمام استحميت وربطتها وبعد م غيرته ملابسي لسهه ريحه الريحه معلقه معي،بعدها فجأة المطرة بدت تنقط انا دخلته جوة وشغلته التلفزيون وفضلته قااعدة منتظرة يوسف علشان مع المطرة دي ممكن يتأخر وانا قافله علي الباب اصلا بخاف من الرعد واصوات المطرة الغريبه ديك،والمطرة كل شويه ماشه تزيد ويوسف م جا وتلفوني م فيهو رصيد علشان اتصل ليهو ،فضلته قاااعدة ومنتظراهو شويه كدة سمعته الباب بدق ،جريت فتحته لقيتو هو خاتي ليهو زي مشمع كدة في راسو،قال لي مساء الخير قولته ليهو مساء النور ادخل من قبيل منتظراك انا المطرة دي لاقتك وين؟قال لي اييييك كنت بعيد وبعدين المطرة دي هنا خفيفه عديل قدام غرق عديل،قولته ليهو بالجد؟قال لي والله عندي مشوار وديتو والله المويه داخله جوة للركشه،قولته ليهو طيب غير ملابسك دي،قال لي لا داير استحمه،قولته ليهو في المطرة دي؟قال لي اي م عندي مشكله مشى استحمه وجا راجع لبس ليهو ملابس جافه،قولته ليهو اجهز ليك الأكل؟قال لي لالا م جعان بس بردان،قولته ليهو دقيقه ،النار حقتي ديك ختيت فيها بخور وخليتو في نص البيت،فجأ رفعته راسي لقيتو بعاين لي ساااي،عاينته لروحي لقيت الجلباب قصير م عرفته اعمل شنو سكته سااي قرب مني ومسكني من يدي المجروحه قال لي مالك؟قولته ليهو جرحتني قزازة،قال لي قزازة لاقتك وين حقت شنوو ؟قولته ليهو فتيل الريحه وقع من الدرج واتكشح لما جيت ألم القزاز جرحني😿قال لي طيب م كان تلمي كان تخلي لي انا بجي بلمو،عاينته ليهو كداا قولته ليهو م مشكله وجريت منو يدي،مسكني وقرب مني شدييد.قال لي بتوجعك؟هزيت ليهو راسي بمعنى لا،قال لي اسف لأني خليتك تنتظريني وتقلقي علي مفروض كان اتصل،؟سكته م رديت عليهو ،قال لي شهد انتي لسسسه زعلانه مني م نفسك نرجع زي زمان؟ وبالمناسبه الحنه يحردوها ليك اتحننتيها براك ، هزيت ليهو راسي بمعنى لا وقولته ليهو حننتني الاء ،مشى يدو في راسي وقال لي والتسريحه؟قولته ليهو كمان الاء، قربني منو اكتر وقال لي اممممم وكمان الدخان لاء،عاينته ليهو مخلوعه عايزة ابعد مني مسكني وقال لي شهد انا اعتزرته ليك وبالفعل عرفته غلطي خلاص حبيبي كفايه زعل وبعدين بالمناسبه انتي اليوم لييه زايدة حلا كدة وخته يديهو في خدي وباسني فيهو وكمل كلامو" حبيبي انا اشتقته ليك بجد م بتتخيلي فترة الإسبوعين دي انا قدر شنو حسيت بفراغك،اي نعم كنتي قريبه مني وقدام عيوني بس كنت شااايفك بعيدة شدييد لأنو انتي م طايقاني اتعودته اجي داخل البيت واول حاجه تعمليها تحضنيني ،اتعودته على هبالتك وثقالتك البتعمليها لي،لما قال كدة عاينته ليهو بي تحميرة على طول فصل وبقى يعاين لي وهو ساكت😂💔 بعدها قال لي م هبله ي ستي وكان هبله انتي هبلتي انا البحب هبالتهااا، وحضني وهو ساااكت،طبعا انا للحظه اتجمدته وبقيت م قادرة ابعد منو ولا قادرة ابعدو مني بعد مسااافهه اتفكيت منو وزحيت قولته ليهو يوسف خلاص،قال لي حبيبي،مشيت رقدته في السرير واتغطيت قولته ليهو يوسف تصبح على خير،طبعا هو بعد م يئس مني قال لي وانتي من أهلو💜😊جا عايز يرقد قولته ليهو يوسف ممكن تخفض المروحه دي شويه؟قال لي طيب حاضر،خفض المروحه وعاين لي قال لي كدة اوكييييييه؟قولته ليهو يب،طبعا انا كنت برداانه لدرجه وبعمل حركات بي يدي وخشمي،يوسف لما لاحظ فتح الدولاب طلع ليهو بطانيه تقيله كدة جا غطاني بيها وانا سااكته وبعاين ليهو طبعا،جا رقد جنبي قولته ليهو انت م بردان؟قال لي لا وسكت،سكتتته مساااافه حسيتو سااافهني زحفته من مكاني مشيت على اتجاهو ،هو لما حسه بي اتلفت قال لي لسسه بردانه اجيب ليك حاجه تاني؟قولته ليهو لا بس م جايني نوووم،قال لي. دقيقه فكه لي شعري قال لي يمكن عشان متعودة وشعرك منكوش ههههه اها كدة كيف؟بقيت اعاااين ليهو وانا ساااكتهه،قال لي مالك؟سكتته مساااافه بعدها قولته ليهو انا كمان اشتقته ليك ي يوسف،طبعا المرة دي السكوت كان من ناحيتو هو،قولته ليهو فاكرني م اشتقته ليك مثلا؟ولا ساهله علي اشوفك قدامي وم اقرب منك ولما يجي الليل انوم بعيدة منك فااكر الحجات دي سهله علي؟ابدا ي يوسف بس انتبسبب العملتو دة م...قفل لي خشمي بي يدو وقرب مني وقال لي م ترجعي تفتحي الموضوع تاني ي شهد الله يخليك،عارفه انا ليه م حاسي بالخجل لأني عملته كدة؟لأنو انا كنت حأعمل كدة عشانك انت،كيف عايزة ضميري يكون مرتاح وانتياحيانا بعدي عليك يوم م بتاكلي فيهو ولا شي وبتقضي اليوم كلو منتظراني على امل انو اجي داخل البيت وشايل ليك حاجه تاكليها،م بتتخيلي فكرة انواجي داخل البيت ويدي تكون فاضيه دي صعبه علي كيف،انااجوع م مشكله بس انتي لا ي شهد،غير انو البلد وضعها صعب الحياة بقت م بترحم انا فكرته في الطريق دة لأني م لقيت غيرو ،قفلته خشمو بي يدي وقولته ليهو يوسف علاقتنا مبنيه على الأكل والشراب بس؟لو على الأكل والشراب ي يوسف خلينا نجوع سوا عمرو الجوع م موت زول،انت قولته انو انت دخلته الطريق دة عشاني انا ،بس الشي الماعرفو انو انت "شأني"لو حصلت ليك ااي حاجه بسبب الموضوع دة انا حأعمل شنوو م فكرته في الحاجه دي؟قرب مني شديد حتى انفاسنا اختلطت مع بعض بعدها قال لي اوعدك ي شهد انا ان شاءالله الحاجه الحتخليني اخسرك حتى في مخيلتي م حأخليها تمرر،قولته ليهو بحبككك،باسني🙈وضماني عليهو وغطاني كويس بالغطى وبقى ضاغط على شديد وقال لي "لسه بردانهه؟رفعته راسي وعاينته ليهو وانا مركزة مع تفاصيل وشو "قولته ليهو فكرك بعد كدة حأحس بالبرد؟؟"...
جيبو الساهلهه وم تركزو ئهه ديل قليلين سااي😂✊💔
#نتلاقى®♡
