#أحببتك_حتى17
قعدته اعاين ليهو ودخلته ليهو اصبعي في خشمي وقولته ليهو بصوت طفولي يعني انت بتغييير؟؟؟بقى يعاين لي مسااافه وقال لي في زول م بغير على حاجه بتخصو ؟....💜طبعا لما قال كدة وشي اتلون وم عرفته اقول ليهو شنو بالظبط ،وهو بعاين لي في عيوني ،قولته ليهو خلاص ياخ،قال لي حتسمعي الكلام؟قولته ليهو حاضر حأسمعو،قال لي طيب ندخل في الجد،قولته ليهو جد ولا حبوبهه😂😂😂😂😂😂💔🙊حمر لي عيونو لما ملامح وشي اتغيرت بإحساس الخوف كدة قام ابتسم قال لي خلاص خلصتي هبل؟قولته ليهو خلاص وقفلته خشمي بي يدي،عاين لي مساااافه وقال لي شهد انا زول يتيم ،ربيت نفسي بنفسي،انا بشتغل اظن من كان عمري 8سنه،واتعلمته بس م دخلته جامعه ابدا لأنو ظروفي م ماكانت بتسمح لي اقرا جامعه،واسي حتى العربيه والمحل بتاع سوق امدرمان م تابعين لي انا شغال فيهم بس،ومصروفي وعيشتي كلها اقل من عاديه،وم عندي بيت براي وحاجه للمستقبل م عندي ،وفيني عيوب كتييرة وأولها اني عصبي للأخر ،كنت خايف احبك وحبيتك بس الحب م كفايه لأني بجد عايز اكمل معاك ،زول بحالتي دي وبحبك لو جا اتقدم ليك ي شهد حتقبلي تتزوجيني ؟حتعيشي معاي عيشه زي دي؟طبعا انا فضلته اعاين ليهو بس،وهو ساكت ومنتظر جوابي،بعد مساااافه قولته ليهو انا بجد مصدومه فيك،فكرك انا ماديه؟القروش م كل حاجه،وبعدين يمكن القروش بتوفر ليك كل حاجه انت محتاجها بس عمرها م حتوفر ليك الراحه النفسيه،انا بحبك علشان انت انت م علشان قروشك ابدا،اذا نحن بالجد متمسكين ببعض عمرها القروش والاحتياجات الماديه م حتأثر على علاقتنا ببعض صح ولا لأ؟خته يدو بين حواجبو وفضل ساكت وبعاين لي،بعد مسافه فكرته ليهو وهو بعاين لي بالطريقه دي ومبتسم ،اتلخبطته قولته ليهو مالك؟😿قال لي بحبك،قولته ليهو يااااخي🙈قال لي وحيااااة الخلقني بحبك ي بت الناس،قولته ليهو يوسف بطل يااااااااااااااااااااااااااااخ خلاص 😂🙈فجأة جاتني مكالمه من مجاهد،قولته ليهو الليله دة مجاهد اخووووي،اسكت هسسس خليني أرد،قولته ليهو الووو،اهليييييين ،انا تمام انت كيفك؟قال لي الحمدلله وين انتي؟قولته ليهو عندي حجات محتاجاها،قال لي شهد انا مش قولته ليك م تطلعي من البيت م لم تكلميني،قولته ليهو مجاهد انا بس،قال لي ارجعي البيت،قولته ليهو حاضر،قال لي سرعهه،قولته ليهو طيب حاضر ،قفلته الخط قولته ليهو يوسف رجعني ،قال لي في شنو؟قولته ليهو مجاهد عرف انو انا بره البيت واسي حيشاكلني لأنو محزرني اطلع من غير إذنو،قال لي طيب جيبي التلفون انا حتكلم معاه،قولته ليهو شنوووو؟؟تتكلم معاهو بصفتك شنو،قعد يعاين لي وساكت،قولته ليهو وصلني سرعه ي يوسف الله يخليك،إتحركنا مشينا ،قولته ليهو نزلني بعيد من البيت ي يوسف،قال لي اسي انتي خايفه كدة مالك ي شهد؟قولته ليهو م اخاف كيف انت مزعااارف مجاهد اخووي لما زول يكذب عليهو شكلو بكون كيف،قال لي طيب ي شهد انا حأوصل معاك لغااايه البيت،قولته ليهو شنووو؟جنيت انت لأ طبعا ،اول م وصلته نزلته وقولته ليهو يلا باااي وجري مشيت دخلته البيت،المساء انا بتكلم معاهو في التلفون قال لي بالمناسبه م انسى اقول ليك،قولته ليهو اها؟قال لي يوم الجمعه انا جايييكم في البيت،قولته ليهو نعم؟قال لي زي م سمعتي،قعدته اضحك قولته سمح تأنس وتشرف بس حتتسكهه بالمفراك وعصايه جدو😂✊💔قال لي نحن بتخوفنا مفراك وعصى كمان😂قولته ليهو يعني م حتجري لو اتسكيت؟قال لي طالما عايز اصلك واحصل عليك حأتحمل اي شي فداك حبيبي😘قولته ليهو احلف كدة🙈😂قال لي م تصدقي م تصدقي هههه،عدت الأيام وجا يوم الخميس،قام قال لي هااا جاهزة ليوم بكرة؟قولته ليهو بالنسبه ؟قال لي لحقتي تنسي الله ي شهد مش قولته ليك انو انا عايز اجي اقابل اهلك وكدة؟قولته ليهو انت صجك؟قال لي ي دين النبي قلبتي خليجي وبديتي تتعاوري خلاص 😒💔قولته ليهو طيب حبيبي صدقتك هههه ههههه هههههههههه😂💔قال لي تصدقي وتأمني بالله متوتر من اسي😂💔قولته ليهو لو متوتر خلي انا بجي بتقدم ليك حبيبي اصلا انا م بخجل🙈😂قعد يضحك قال لي ي شيييخهه😂قولته ليهو و...قبل م اتم كلامي قال لي طيب بحبك،لما قال كدة انا خلاص حسي اتقطع ،قال لي خلاص لسانك اتبلع اسي في زول كان بقول انو م بخجل😁😂 قولته ليهو يوسف ياخ خلاص بطل حركاتك دي،قال لي طيب حأبطل بس قولي لي بحبك،قولته ليهو ابيت،قال لي عايني بكرة انا جاي بيتكم على فكرة م تنسي بعد تبقي حقتي تاني حأسمعها منك كتيير 😂💔قولته ليهو ابقى حقتك؟قال لي اي مالك عندك اعتراض؟قعدته اضحك 😂🙊بعدها اخدنا الليل كلووو ونحن بنتكلم ،الصباح اتصل علي وانا كنت نايمه ،صحيت لقيت المكالمات رجعته ليهو لقيت تلفونو مشغول،تاني رجعته وبرضو نفس الشي،الأفكار في راسي بقت تودي وتجيب ،وبقيت اقول لنفسي اكيد بتكلم مع واحدة طبعا طبعا الخلى عادتو قلت سعادتو بما انو انا م رديت عليهو لازم يلقى ليهو واحدة تملى ليهو فراغو العاطفي دة،اثناء م انا بتكلم مع نفسي كدة هو اتصل،في البدايه م رديت تاني لما رجع اتصل فتحته الخط وقولته ليهو خيير؟قال لي ي فتاح ي عليم ي رزاق ي كريم دة شنو الرد الجافي دة من الصباح كدة ؟كدة قولي صباح الخير أول،سكته م رديت عليهو،قال لي حبيبي في شنو مالك منفسنه من الصباح؟قولته ليهو منفسنه؟لا ي شيخ انت شايف كدة يعني؟قال لي شهد؟؟قولته ليهو م انت م فاضي علشان كدة،قال لي فعلا ن فاضي يعني انا عندي اسبوع بجهز نفسي عشان اقدر اقعد قدام اخوانك هههه،قولته ليهو دة غير زحمه المكالمات البتجيك طبعا،قال لي مكالمات؟سكت مسااافه وقال لي اهاااااا وقعد يضحك ،قولته ليهو م بقول في نكته انا كيف م تضحك،قال لي حبيبي الغيووووووووور 😻وقعد يضحك وقال لي اطمني م كنت خالط واحدة كنت بتكلم مع محمد صحبي لأنو هو الحيجي معاي بعدين،وبعدين اليوم الجمعه ي ساااتر معقوله الواحد يرتكب ذنوب من اصبحت كدة استغفر الله العظيم ي رب المفروض الواحد يطلع ليك بسماعه التلفون دي اسي ويديك كفين في راسك دة عامله جضومك السمحات ديل ،ابتسمته شويه وقولته ليهو مولانا الذي غشانا😏قال لي بالمناسبه انا مرسل ليك في الواتساب من سته صباحا ،قولته ليهو احساس انو حأصدق انو انت صاحي من سته وكدة،قال لي وربي صاحي من سته اصلا م قدرته انووم طووول الليل اتقلب ومقلق،قولته ليهو لييه بس؟قال لي كيف ليه اتخيلي انا اقعد قدام اهلك واقول ليهم عايز بتكم يعني النوقف دة اصعب من عمليه الولادة الطبيعيه في حد زاتهاا،قعدته اضحك قولته ليهو احلف كدة،قال لي وربي وازيدك من الشعر بيت مشيت المسجد صليت وقريت قرءان كدااا عسى ولعل ربنا يسهل اليوم،قعدته اضحك ،قال لي اي اضحكي اضحكي اسي وحنتحاسب بعدين اصبري بس يوم م نتقفل في غرفه واحدة حتكملي الضحك دة هااا قولي لي انتي جاهزة؟قولته ليهو بالنسبه لشنوو؟قال لي شهد عندي اسبوع بلوك ليك في موضوع انو انا جاي بيتكم اقابل اخوانك واقعد معاهم بطلي غباء ،قولته ليهو يوسف يعني انت م بتهظر؟قال لي اهظظظظظظظر؟شهد بطلي استهبال في زمتك دة موضوع بهظرو فيهو،طبعا انا غيرته ملامح وشي على طول ،قولته يعني انت م كنت بتهظر بجد ي يوسف؟قال لي شهد انتي فاكراني بهظر يعني؟لو بهظر بجد حأقعد ارقي في الموضوع دة اسبوع كامل؟قولته ليهو انا وربي متوقعاك بتهظر م افتكرته الحكايه جد والله ي يوسف،سكتت مسااافه ،قولته ليهو انا اسفه ،قال لي انا حأجي،قولته ليهو تجي وين انت مجنون؟انت عارف انو ناس بيتنا م عندهم خلفيه عن الموضوع ومحتاجه شهر علشان اقنعهم واحد واحد،قال لي دي م مشكلتي انا كلمتك قولته ليك جاي أقابل اخوانك اوكيييه ؟ودة الحأعملو اذا عندهم خلفيه او لا تمام،بعد صلاة الجمعه انا حأكون قدام باب بيتكم تمام؟قولته ليهو يوسف انت بالطريقه دي حتختني في موقف بايخ شديد،،قال لي انا زول جااي بالباب وعايز اتقدم لا عايز ألف ولا عايز ادور ماف ااااي بياخه في الموضوع يلا سلام وقفل الخط، بقيت اصل عليهو كتير وارسل ليهو رسايل بس م كان برد،اتصلته على وسن حكيت ليها قالت لي وااااااي اريتها عصبيه اخوك علشان يختني في موقف زي دة😻🙈بس صراحه اخوانك صعبه عليهم يتقبلو الموضوع بالسهوله دي الموقف صعب شديد لكن حاولي فاتحي امك في الموضوع يمكن تنجاوب،قولته ليها انتي م عارفه انو المشكله حتكون ماما بزات نفسها،قالت لي حاولي معاها م حتخسري حاجه،نزلته وانا خايفه مشيت لقيتها في المطبخ بتجهز في الفطور مع حبوبه،م قدرته اتكلم معاها،شويه كدة جاتها مكالمه طلعت فوق تبعتها خليتها بعد خلصت مكالمه قولته ليها ماما،قالت لي نعم،قولته ليها عايزة اتكلم معاك في موضوع مهم،قالت لي خير؟قولته ليها خير بس م عايزاك تفوري فيني تمام؟قالت لي قولي ي بت،قولته ليها اممم في واحد عايز يجي يتقدم لي،ضحكت قالت لي بقيتي تهلوسي بالعرس هههه ان شاءالله تكوني اخيرا وافقتي بماذن؟هزيت ليها راسي بمعنى لا،قالت لي منو؟قولته ليها بس واحد كدة عايز يجي يقعد ويتعرف عليكم وكذااا،قالت لي وانتي دايراهو؟سكتته م رديت عليها،قالت لي سمح بعد نكلم اقعد مع اخوانك واشاورهم براحه بعداك نشوف رايهم شنو ،قولته ليها بس هو قال جاي الليله،قالت لي نعم؟جاي الليله وين ي بت ؟قولته ليها زي م قولته ليك،قالت لي انتي مجنونه في عقلك دة؟فاكرة الحكايه سايبه سااااي من غير وليان وشوره؟يجي كيف واخوانك م عارفين بالموضوع؟قولته ليها ماما هو كلمني من بدري بس انا كنت فاكراه بهظر م اتوقعتو يطلع جادي كدة،علشان كدة اسي هو أصر وقال الا يصل البيت ،قالت لي سمح كان وصل البيت يقعد مع الكراسي مثلا؟قولته ليها ماما كلمي رامي ومجاهد،قالت لي اكلمهم كيفن يعني؟اعزمهم اقول ليهم تعالو في واحد داير يتقدم لي اختكم تعالو اقعدو زي الطراطير معزومين عزومه؟قولته ليها ماما طيب اعمل شنو اقول ليهو م تجي؟هو حيسمع الكلام وحيجي،قالت لي انا طلعيني من الموضوع دة كلمي اخوانك براك واتحملي النتيجه،قولته ليها مامااا،قالت لي ولا كلمهه،قولته ليها طيب،رجعته غرفتي اتصلته على يوسف تاني بس م ردة ،رسلته ليهو رساله قولته ليهو يوسف الله يخليك م تجي،برضو م ردة،بعد محاولات كتيره اتصلته على مجاهد وانا خااايفه خووف الجن،قولته ليهو مجاهد اناااا في واحد عايز يجي يتقدم لي اليوم ،قال لي نعم؟قولته ليهو واحد،قال لي واحد منو؟وبتعرفي من وين؟وجاي عايز يتقدم ليك من منو بالظبط؟قولوه ليهو مجااهد الله يخليك افهمني وقعدته احكي ليهو بسؤ التفاهم الحاصل،قال لي متصله علي تعزميني؟قولته ليهو ابدا ي مجاهد بس وربي الغلطه غلطتي وربي،قال لي بتعرفي من متين ؟قولته ليهو قبل فترة،قال لي انتظريني لمن اجيك في البيت اتفاهم معاك،لما قال كدة انا خلاص حيلي اتهد،شويه كدة باب غرفتي اتفتح،عاينته مخلوعه بإتجاه الباب لقيتو رامي،دخل وقفل الباب ال لي قولتي لي الليله حيحصل شنوو؟سكتته ساااي،قال لي بتكلم معاك انا ردي،قولته ليهو واحد😿قال لي يعني كل طلعاتك دي كنتي بتستغبينا فيها صح؟شهد انا اديتك الثقه الكامله ،قولته ليهو رامي وربي انا م عملته شي غلط😭قال لي وكمان م شايفه روحك عامله حاجه غلط صح؟بتعرفي من وين وشغال شنو واصلو وفصلو شنو؟قولته ليهو هو شغال تاجر،ضرب يديهو مع بعض قال لي تاااجر ي شهد تااجر في زمتك؟قعدته اعاين ليهو وابكي،قال لي وقتك دة كلوو لافه معااهو صح؟اتكلمي،قولته ليهو ابدا وربي ي رامي😭قال لي خليك متأكدة لو جا ماف زول حيستغبلو فاهمه؟وانا لو استغبلتو م حيحصل خيير،ماما جات داخله لقتني ببكي،قال ليها ي امي اسمعي كلامي دة زول بتك الجايباهو دة لو جااا م عندنا بت بنديها ليهو لأي سبب من الأسباب،نحن بناتك عاملننا اصنام وطراطير في البيت دي خاربه بيتها ولافه على كيف كيفها ،ودي جايبه لينا عريس من الشاارع وعايزانا نستقبلو،دة كلو من الدلع والفارغه لكن من اليوم تاني الفارغه دي حتنتهي،جات لدن قالت ليهو هي عامله فيها الشريف الرضي وهي م مخليه تاجر لافي ،قال ليها انتي اسكتي م اسمع صوتك سوقي عيالك وامشي غرفتكم،قعدته في الغرفه بكييت كداا جا مجااهد وجااط كداا في راسي وطلع،اليوم دة انا لا اكلته فيهو ولا شربته كلو عديتو بكى ردة فعل اخواني كانت فظيعه وبتخوف وهم متعصبين شديد م عاارفه ليه كل دة،بعد صلاة الجمعه بي سااعه كدة جاتني رساله ،فتحتها لقيتو يوسف كاتب لي فيها انا قدام باب بيتكم،وبالفعل مع الرساله دي جرس الباب ضرب،انا خلاص حيلي مات،ورامي وجدو ومجاهد كانو قاهدين بره في الهول بشربو في الشاي على حسب كلام الشغاله طبعا،بعد ربع ساعه من الحاله دي حسيت انو بقى في هدؤ حاصل في البيت والغريبه ماف اي صوت،نزلته بالبجامه برااحه وانا بقول اشهد ان لا اله الا الله وان محمد رسول الله،فجأة لاقتني الحبشيه وانا نازله ،قولته ليها تحت في شنوو؟قالت لي ضيوف،قولته ليها منو؟قالت لي م عارفاهم ،قولته ليها طيب جيبي التوب حقك دة شلتو منها واتلفيت بيهو ونزلته،وصلته غريب من الهوول بس اشوووف ليك يوسف لابس على الله كدة وقاعد واظن معاهو واحد صحبو وجدو ومجاهد قاعدين،وفجأة اسمع ليك رامي بقول :"يعني والله ياااخي ي محاسن الصدف والله وبضحك...
#نتلاقى®♡
