ﺃﺣﺒﺒﺘﻚ_ ﺣﺘﻰ 23
ﺍﻧﺘﻲ ﻛﻞ ﺣﺎﺟﻪ ﺑﺠﺪ ﺍﻧﺘﻲ ﻣﻠﻴﺘﻲ ﺍﻱ ﻓﺮﺍﺍﻍ ﻛﺎﻥ ﻓﻲ ﺣﻴﺎﺗﻲ ﺣﺎﻟﻴﺎ ﺍﻧﺎ
ﻡ ﻋﺎﻳﺰ ﺷﻲ ﻣﻦ ﺍﻟﺪﻧﻴﺎ ﺩﻱ ﻏﻴﺮ ﺍﻧﻮ ﺭﺑﻨﺎ ﻳﺪﻳﻢ ﻧﻌﻤﺘﻮ ﻋﻠﻲ ...
ﻣﺴﺤﺘﻪ ﻋﻠﻰ ﺭﺍﺳﻮ ﻭﻗﻮﻟﺘﻪ ﻟﻴﻬﻮ ﻱ ﺑﻴﺒﻲ ﺍﺻﻼ ﺩﻱ ﺣﺎﺟﻪ ﻡ ﺑﺘﻐﺎﻟﻄﻮ
ﻓﻴﻬﺎ ﺍﺗﻨﻴﻦ ﻭﻛﻞ ﺣﺎﺟﻪ ﺑﺘﺤﺼﻞ ﻟﻲ ﺧﻴﺮ ،ﺍﻟﺼﺒﺎﺡ ﻗﺎﻡ ﻃﺎﻟﻊ ﻗﻮﻟﺘﻪ ﻟﻴﻬﻮ
ﻳﻮﺳﻒ Wait ، wait ﻭﻗﻒ ﻭﺍﺗﻠﻔﺖ ﻋﺎﻳﻦ ﻟﻲ ﻣﺴﺎﺍﻓﻪ ﻭﻗﺎﻝ ﻟﻲ
ﺗﺎﻧﻲ ﺭﺟﻌﺘﻲ ﻟﺤﺮﻛﺎﺗﻜﻚ ﺍﻧﺎ ﻣﺶ ﻗﻮﻟﺘﻪ ﻟﻴﻚ ﻡ ﻟﻲ ﻓﻲ ﺍﻹﻧﺠﻠﻴﺰﻱ
ﺑﺘﺎﻋﻚ ﺩﺓ ﻗﻮﻟﺘﻪ ﻟﻴﻬﻮ ﻱ ﺑﻴﺒﻲ ﻭﻳﻦ ﺍﻝ problemﻓﻲ
ﺍﻟﻤﻮﺿﻮﻉ ﻳﻌﻨﻲ،ﻗﺎﻝ ﻟﻲ Wait ﻭ Problem ﻛﻤﺎﻥ؟ﻡ ﺣﺎﺳﻪ
ﺑﻨﻔﺴﻚ ﻻﻋﺒﻪ ﻣﻌﻲ ﺿﺎﻏﻂ؟ ﻗﻮﻟﺘﻪ ﻟﻴﻬﻮ
ﺍﻭﻛﻴﺸﻦ ﻃﻴﺐ ﺣﺄﺗﻜﻠﻢ ﻋﺮﺑﻲ ﻋﺎﻳﺰﺓ ﺍﻗﻮﻝ ﻟﻴﻚ ﺣﺎﺟﻪ Very
important ﻋﺎﺍﺍﻳﻦ ﻟﻲ ﻛﺪﺍﺍ ﻭﻗﺎﻡ ﻣﺎﺷﻲ ﻣﺴﻜﺘﻮ ﻣﻦ ﻗﻤﻴﺼﻮ
ﻭﻗﻮﻟﺘﻪ ﻟﻴﻬﻮ ﺧﻼﺹ ﻭﺍﻟﻨﻌﻤﻪ ﺧﻼﺹ ﻗﺎﻝ ﻟﻲ ﺍﻫﺎ ﻗﻮﻟﻲ ﻓﻲ
ﺷﻨﻮﻭﻭ،ﻗﻮﻟﺘﻪ ﻟﻴﻬﻮ ﺍﻣﻤﻤﻤﻢ ﺣﺘﺮﺟﻊ ﺍﻟﺒﻴﺖ ﻣﺘﺄﺧﺮ؟ﻗﺎﻝ ﻟﻲ ﻭﺍﻟﻠﻪ ﻋﻠﻰ
ﺣﺴﺐ ﺍﻟﺸﻐﻞ ﻭﻛﺪﺓ، ﺑﻮﺳﺘﻮ ﻭﻗﻮﻟﺘﻪ ﻟﻴﻬﻮ miss you ﻗﺎﻝ
ﻟﻲ ﺩﻱ ﺍﻟﺤﺎﺟﻪ ﺍﻟﻤﻬﻤﻪ؟ ﻗﻮﻟﺘﻪ ﻟﻴﻬﻮ ﺍﺍﺍﻳﻮﺓ ﻗﻔﻞ ﺍﻟﺒﺎﺏ
ﻭﻣﺴﻜﻨﻲ ﻭﻗﺮﺑﻨﻲ ﻣﻨﻮ ﻭﻗﺎﻝ ﻟﻲ ﺍﺧﻠﻲ ﻣﺸﻲ ﺍﻟﺸﻐﻞ ﻳﻌﻨﻲ
ﻗﻮﻟﺘﻪ ﻟﻴﻬﻮNooo ﺍﻣﺸﻲ ﺷﻐﻠﻚ ﺳﺎﺍﺍﻱ ﻗﺎﻝ ﻟﻲ ﻭﺍﻟﻠﻪ ﺑﻌﺪ No
ﺩﻱ ﻛﺎﻥ ﺣﻨﺴﺘﻴﻨﻲ ﺍﻗﻌﺪ ﻡ ﺑﻘﻌﺪ ﻳﻼ ﺳﻼﻡ،ﻗﻮﻟﺘﻪ ﻟﻴﻬﻮ ﺗﻴﻚ ﻛﻴﺮ،ﻗﺎﻝ
ﻟﻲ ﺣﺎﺿﺮ ﻭﻃﻠﻊ ﻣﺸﻰ،ﺑﻌﺪﻫﺎ ﺟﺎﺗﻨﻲ ﺍﻻﺀ ﻗﺎﻟﺖ ﻟﻲ ﺍﺭﺡ ﻣﻌﻲ ﺑﻴﺖ
ﺍﻟﺠﺒﻨﻪ ﺍﻟﻴﻮﻡ ﻋﻨﺪﻧﺎ ﺻﻨﺪﻭﻕ ﺟﺒﻨﻪ ،ﻗﻮﻟﺘﻪ ﻟﻴﻬﺎ ﺍﻣﻤﻤﻢ ﺻﻨﺪﻭﻕ ﺟﺒﻨﻪ
ﻛﻴﻒ؟ﺿﺤﻜﺖ ﻗﺎﻟﺖ ﻟﻲ ﺍﺭﺡ ﻭﺍﻧﺘﻲ ﺑﺘﻔﻬﻤﻲ ﻗﻮﻟﺘﻪ ﻟﻴﻬﺎ
ﺍﻭﻛﻴﻴﻴﻪ ،ﻟﺒﺴﺘﻪ ﻭﻗﻔﻠﺘﻪ ﺍﻟﺒﺎﺏ ﻭﻃﻠﻌﺘﻪ ﻣﺸﻴﺖ ﻣﻌﺎﻫﺎ ﺍﺗﻌﺮﻓﺘﻪ ﻋﻠﻰ
ﻧﺴﻮﺍﻥ ﺍﻟﺤﻲ ﻭﻛﺪﺓ ﻣﻊ ﺍﻧﻲ ﻡ ﺍﺗﻜﻠﻤﺘﻪ ﻣﻌﺎﻫﻢ ﻛﺘﻴﺮ ﺑﺲ ﻗﺎﻋﺪﺓ ﺑﻌﺎﻳﻦ
ﻟﻴﻬﻢ ﻭﺳﺎﻛﺘﻪ ﺳﺎﺍﻱ،ﺑﻌﺪ ﻡ ﺭﺟﻌﺘﻪ ﺍﻟﺒﻴﺖ ﻟﻘﻴﺖ ﻣﻜﺎﻟﻤﺎﺕ ﻛﺘﻴﺮﺓ ﻣﻦ
ﻟﺪﻥ،ﺭﺟﻌﺘﻪ ﻟﻴﻬﺎ ﻏﺮﻳﺒﻪ ﻃﺒﻌﺎ ﻫﻲ ﺍﺻﻼ ﻡ ﻗﺎﻋﺪﺓ ﺗﺘﺼﻞ ﻋﻠﻲ،ﻗﻮﻟﺘﻪ
ﻟﻴﻬﺎ ﻟﺪﻥ ﻛﻴﻔﻚ ﺗﻤﺎﻡ؟ﻗﺎﻟﺖ ﻟﻲ ﺍﻟﺤﻤﺪﻟﻠﻪ ﻭﺍﻧﺘﻲ؟ﻗﻮﻟﺘﻪ ﻟﻴﻬﺎ ﺍﻧﺎ ﺑﺨﻴﻴﻴﺮ
ﻣﻌﻠﻴﺶ ﺑﺲ ﻛﻨﺖ ﺑﻌﻴﺪﺓ ﻣﻦ ﺍﻟﺘﻠﻔﻮﻥ ﻟﻘﻴﺖ ﻣﻜﺎﻟﻤﺎﺗﻚ،ﻗﺎﻟﺖ ﻟﻲ ﺣﺎﺻﻠﻪ
ﻣﺸﻜﻠﻪ ﻓﻲ ﺍﻟﺒﻴﺖ،ﻗﻮﻟﺘﻪ ﻟﻴﻬﺎ ﻣﺸﻜﻠﻪ ﺷﻨﻮ ﺧﻴﺮ؟ﻗﺎﻟﺖ ﻟﻲ ﻣﺠﺎﻫﺪ
ﻭﺭﺍﻣﻲ ﺍﺗﺸﺎﻛﻠﻮ،ﻗﻮﻟﺘﻪ ﻟﻴﻬﺎ ﺍﺗﺸﺎﺍﻛﻠﻮ ﻟﻴﻪ ﺧﻴﺮ ﻓﻲ ﺷﻨﻮ ﻣﺎﻟﻬﻢ؟ﻗﺎﻟﺖ
ﻟﻲ ﻭﺍﻟﻠﻪ ﻡ ﻋﺎﺭﻓﻪ ،ﻗﻮﻟﺘﻪ ﻟﻴﻬﺎ ﻭﻣﺎﻣﺎ ﻭﻳﻦ ﻭﻛﻴﻒ ﻳﻌﻨﻲ ﻡ ﻋﺎﺭﻓﻪ؟
ﻗﺎﻟﺖ ﻟﻲ ﺍﻟﻤﺸﻜﻠﻪ ﻛﺒﻴﺮﺓ ﻱ ﺷﻬﺪ ﻭﺻﻠﺖ ﺑﻴﻬﻢ ﻟﺪﺭﺟﻪ ﺍﻧﻬﻢ ﻛﺎﻧﻮ
ﻋﺎﻳﺰﻳﻦ ﻳﺘﻀﺎﺭﺑﻮ ،ﻗﻮﻟﺘﻪ ﻟﻴﻬﺎ ﺍﺳﻲ ﻭﻳﻦ ﻫﻢ؟ﻗﺎﻟﺖ ﻟﻲ ﻣﺠﺎﻫﺪ ﻗﺎﻋﺪ
ﻭﺭﺍﻣﻲ ﻣﻊ ﻣﺎﻣﺎ ﻓﻲ ﻏﺮﻓﺘﻮ،ﻗﻮﻟﺘﻪ ﻟﻴﻬﺎ ﺍﻧﺎ ﺟﺎﻳﻪ ﻋﻠﻴﻜﻢ ﺍﺳﻲ ﺗﻤﺎﻡ؟
ﻗﺎﻟﺖ ﻟﻲ ﻻ ﻡ ﺗﺠﻲ ﻗﻮﻟﺘﻪ ﻟﻴﻬﺎ ﻻ ﺟﺎﻳﻪ،ﻟﺒﺴﺘﻪ ﻣﻼﺑﺴﻲ ﻭﻡ ﻛﺎﻥ ﻋﻨﺪﻱ
ﻭﻻ ﻗﺮﺵ ﻓﻲ ﻳﺪﻱ،ﻣﺸﻴﺖ ﺷﻠﺘﻪ ﻣﻦ ﺍﻻﺀ ﻗﻮﻟﺘﻪ ﻟﻴﻬﺎ ﻟﻤﺎ ﻳﻮﺳﻒ ﻳﺠﻲ
ﺣﺄﺷﻴﻠﻬﺎ ﻣﻨﻚ ،ﻗﺎﻟﺖ ﻟﻲ ﻃﻴﺐ ،ﺭﻛﺒﺘﻪ ﻟﻲ ﺍﻣﺠﺎﺩ ﻭﻣﺸﻴﺖ ﺑﻴﺘﻨﺎ،ﺩﺧﻠﺘﻪ
ﻟﻘﻴﺖ ﻣﺠﺎﻫﺪ ﻃﺎﻟﻊ ﺳﻠﻤﺘﻪ ﻋﻠﻴﻬﻮ ﻭﻣﺴﻜﺘﻮ ﻗﻮﻟﺘﻪ ﻟﻴﻬﻮ ﻣﺠﺎﻫﺪ ﻓﻲ
ﺷﻨﻮ؟ﻗﺎﻝ ﻟﻲ ﻣﺎﻑ ﺷﻲ،ﻗﻮﻟﺘﻪ ﻟﻴﻬﻮ ﻻ ﻓﻲ ﺧﻴﺮ ﻣﺎﻟﻚ ﻣﻊ ﺭﺍﻣﻲ؟
ﻗﺎﻝ ﻟﻲ ﻟﺤﻘﻮ ﻳﺤﻜﻮ ﻟﻴﻚ؟ﻗﻮﻟﺘﻪ ﻟﻴﻬﻮ ﻭﺍﻧﺎ ﻏﺮﻳﺒﻪ ﻳﻌﻨﻲ؟ﻓﺠﺄﺓ ﺭﺍﻣﻲ
ﺟﺎ ﻃﺎﻟﻊ ﻣﻦ ﺍﻟﺒﻴﺖ ﻭﻗﺎﻝ ﻟﻴﻬﻮ ﺩﻗﻴﻘﻪ ﺗﻌﺎﻝ ﺍﻧﺖ ﻗﻮﻟﺘﻪ ﺍﻧﺎ ﺳﺎﺣﺐ
400 ﻣﻠﻴﻮﻥ ﻣﻦ ﺣﺴﺎﺏ ﺍﻟﺸﺮﻛﻪ؟ﺍﻧﺎ ﺩﺓ ﺷﺨﺼﻴﺎ؟ﻣﺠﺎﻫﺪ ﻗﺎﻝ ﻟﻴﻬﻮ ﺍﻱ
ﺷﻠﺘﻬﺎ ﻭﻡ ﺗﻨﻜﺮ،ﺭﺍﻣﻲ ﻗﺎﻝ ﻟﻴﻬﻮ ﻱ ﺯﻭﻝ ﻡ ﺗﺘﺒﻼﻧﻲ ﻡ ﺍﻧﺖ ﻣﻦ ﻳﻮﻡ
ﺍﺑﻮﻱ ﺩﺓ ﻣﺎﺕ ﺑﺘﺘﺤﺮﻣﻦ ﻓﻲ ﻗﺮﻭﺵ ﺍﻟﺸﺮﻛﻪ ﺩﻱ ﺍﺷﺘﺮﻳﺖ ﺑﻴﻮﺕ
ﻭﻳﻮﻣﻲ ﻣﻐﻴﺮ ﻋﺮﺑﻴﺘﻚ ﻭ %80 ﻣﻦ ﺍﻟﻘﺮﻭﺵ ﺩﻱ ﺻﺎﺭﻓﻨﻬﺎ ﻭﻣﺘﺤﻜﻤﻴﻦ
ﻓﻴﻬﺎ ﺍﻧﺖ ﻭﺍﺧﻮﻙ ﻋﺜﻤﺎﻥ ﻭﻛﻞ ﻭﺍﺣﺪ ﻓﻴﻜﻢ ﻣﺠﺮﻡ ﻣﻦ ﺍﻟﺘﺎﻧﻲ ﻓﻲ ﺯﻭﻝ
ﺳﺄﻟﻜﻢ؟ﺟﺎﻱ ﺗﺤﺎﺳﺒﻨﻲ ﺍﻧﺖ؟ﺍﻭﻝ ﺷﻲ ﺍﻣﺸﻲ ﺣﺎﺳﺐ ﻧﻔﺴﻚ ﻭﺷﻮﻑ
ﺍﻟﻘﺮﻭﺵ ﺩﻱ ﻗﺎﻋﺪﺓ ﺗﻤﺸﻲ ﻭﻳﻦ،ﻣﺠﺎﻫﺪ ﻗﺎﻝ ﻟﻴﻬﻮ ﺍﻟﻘﺮﻭﺵ ﺍﻻﻧﺖ
ﺑﺘﺘﻜﻠﻢ ﻋﻨﻬﺎ ﺩﻱ ﺍﻧﺎ ﺗﻌﺒﺘﻪ ﻓﻴﻬﺎ ﻭﻣﺘﺤﻤﻞ ﻣﺴﺆﻟﻴﺘﻬﺎ ﻭﻭﻗﻔﺘﻪ ﻓﻴﻬﺎ ﻣﻦ
ﻭﻓﺎﺓ ﺍﺑﻮﻭﻭﻙ ﻱ ﺣﻴﻮﺍﻥ ﺍﻧﺖ ﻛﻨﺖ ﻭﻳﻦ؟ﻟﻮ ﻡ ﺍﻧﺎ ﺍﻟﺸﺮﻛﻪ ﻭﺍﻟﻤﺼﻨﻊ
ﺍﻻﻧﺖ ﺑﺘﺘﻜﻠﻢ ﻋﻨﻬﻢ ﺩﻳﻞ ﻡ ﻛﺎﻥ ﻟﻘﻴﺘﻮﻫﻢ،ﺭﺍﻣﻲ ﻗﺎﻝ ﻟﻴﻬﻮ ﻭﺍﻗﻒ ﻓﻴﻬﻢ
ﻋﺸﺎﻥ ﺯﻭﻝ ﻡ ﻋﺸﺎﻥ ﻣﺼﻠﺤﺘﻚ ﺍﻧﺖ ﺣﺎﺟﻪ ﻟﻮ ﻡ ﻋﻨﺪﻙ ﻓﻴﻬﺎ ﻣﺼﻠﺤﻪ
ﺑﺘﻘﻴﻒ ﻓﻴﻬﺎ ﻡ ﺗﺘﻜﻠﻢ ﻋﻦ ﺍﻟﺘﻌﺐ ﻭﺍﻧﺖ ﻛﻞ ﺣﺎﺟﻪ ﺍﺗﻘﺪﻣﺖ ﻟﻴﻚ ﻓﻲ
ﻣﻠﻌﻘﻪ ﻣﻦ ﺩﻫﺐ ،ﺟﺪﻭ ﻭﺣﺒﻮﺑﻪ ﺟﻮ ﻃﺎﻟﻌﻴﻦ ﻭﻣﻌﺎﻫﻢ ﻟﺪﻥ ﻭﻣﺎﻣﺎ،ﻣﺎﻣﺎ
ﺑﻘﺖ ﺗﺘﻜﻠﻢ ﻣﻌﺎﻫﻢ ﻭﺑﺘﻘﻮﻝ ﻟﻴﻬﻢ ﻱ ﺍﻭﻻﺩﻱ ﺍﻟﻠﻪ ﻳﺮﺿﻰ ﻋﻠﻴﻜﻢ ﺧﻼﺹ
ﺑﻄﻠﻮ ﺍﻻﻧﺘﻮ ﺑﺘﻌﻤﻠﻮ ﻓﻴﻬﻮ ﺩﺓ ﻭﺍﻧﻌﻠﻮ ﺍﻟﺸﻴﻄﺎﻥ،ﺭﺍﻣﻲ ﻗﺎﻝ ﻟﻴﻬﺎ ﻱ
ﺍﻣﻲ ﺑﺎﻟﻠﻪ ﺑﻼ ﺷﻴﻄﺎﻥ ﺑﻼ ﺯﻓﺖ،ﻃﺒﻌﺎ ﺍﻧﺎ ﻭﺍﻗﻔﻪ ﻭﺑﻌﺎﻳﻦ ﻟﻴﻬﻢ
ﻣﺨﻠﻮﻋﻪ،ﻣﺠﺎﻫﺪ ﻗﺎﻝ ﻟﻴﻬﻮ ﺍﻧﺎ ﻓﻜﺮﺗﻪ ﻓﻲ ﻣﺼﻠﺤﺘﻲ ﻭﺗﻌﺒﺘﻪ ﻭﻭﻗﻔﺘﻪ
ﻓﻲ ﺍﻟﺤﺎﺟﻪ ﺍﻟﺤﺘﻔﻴﺪﻧﻲ ﺍﻓﻀﻞ ﻡ ﻧﺎﻳﻢ ﺳﺎﺍﺍﺍﺍﻱ ﻭﺑﺼﺮﻑ ﻗﺮﻭﺵ ﺑﺎﻟﻬﺒﻞ
ﻋﻠﻰ ﺍﻟﺸﻤﺎﺳﻪ ﻭﻣﻘﻀﻴﻬﺎ ﺳﻔﺎﻫﻪ ﺳﺎﺍﻱ ،ﺟﺪﻭ ﻗﺎﻝ ﻟﻲ ﻣﺠﺎﻫﺪ ﻱ
ﻣﺠﺎﻫﺪ ﻱ ﻭﻟﺪ ﺍﻧﺖ ﺣﺎﻟﺘﻚ ﺍﻟﻜﺒﻴﺮ؟ﺍﻧﺎ ﻣﺶ ﺍﺗﻜﻠﻤﺘﻪ ﻣﻌﺎﻙ ﻭﻗﻮﻟﺘﻪ ﻟﻴﻚ
ﺧﻼﺹ ﺍﻟﻤﻮﺿﻮﻉ ﺩﺓ ﺍﻧﺘﻬﻰ ﻣﺶ ﻭﺭﺛﻪ ﺍﺑﻮﻛﻢ ﺩﻱ ﺑﻜﺮﺓ ﻧﻘﻌﺪ ﻣﻊ
ﺍﻟﻤﺤﺎﻣﻲ ﻭﺍﻱ ﺯﻭﻝ ﻋﻨﺪﻭ ﺣﻖ ﻳﻄﻠﻊ ﻟﻴﻬﻮ ﻭﺧﻼﺹ،ﺭﺍﻣﻲ ﻗﺎﻝ ﻟﻴﻬﻮ
ﺍﻟﻮﺭﺛﻪ ﺩﻱ ﻱ ﺟﺪﻱ ﻧﺤﻦ ﻡ ﺣﻨﻘﺴﻤﻬﺎ ﺑﻲ ﺍﺧﻮﻱ ﻭﺍﺧﻮﻙ ﻧﺤﻦ ﻧﺪﺧﻞ
ﺍﻟﻤﺤﻜﻤﻪ ﻭﻟﻮ ﻓﻲ ﻣﻠﻌﻘﻪ ﻣﻮﺭﻭﺛﻪ ﻣﻦ ﺍﺑﻮﻱ ﺗﺪﺧﻞ ﺍﻟﻤﺤﻜﻤﻪ ﻭﺍﻟﻘﺎﺿﻲ
ﻳﻔﺼﻞ ﺑﻴﻨﺎ ﻋﺸﺎﻥ ﺍﻧﺎ ﺍﻭﺭﻳﻚ ﺍﻟﻌﻔﺎﻧﻪ ﺩﻱ ﻛﻴﻒ ﻱ ﺣﺮﺍﻣﻲ،ﻣﺠﺎﻫﺪ ﻋﺎﻳﺰ
ﻳﻀﺮﺏ ﺭﺍﻣﻲ ﻣﺎﻣﺎ ﻭﻗﻔﺖ ﻓﻲ ﻧﺼﻬﻢ ﻭﻗﺎﻟﺖ ﻟﻴﻬﻮ ﻣﺠﺎﻫﺪ ﺍﻧﺖ ﺟﻨﻴﺖ
ﻱ ﻭﻟﺪ،ﻗﻮﻟﺘﻪ ﻟﻴﻬﻢ ﻣﺎﺷﺎﺀﺍﻟﻠﻪ ﻭﺍﻟﻠﻪ ﻳﻌﻨﻲ ﺍﻧﺘﻮ ﺍﺳﻲ ﺑﺘﺘﺸﺎﻛﻠﻮ ﻋﻠﺸﺎﻥ
ﺍﻟﻘﺮﻭﺵ؟؟؟ﻣﺠﺎﻫﺪ ﻭﺭﺍﻣﻲ ﻣﻌﻘﻮﻟﻬﻪ؟ﺑﺎﺑﺎ ﻣﺎﺕ ﻭﺍﻧﺘﻮ ﺑﺘﺘﺸﺎﻛﻠﻮ ﻓﻲ
ﺍﻟﻘﺮﻭﺵ ﺍﻟﺨﻼﻫﺎ ﻭﺭﺍﻫﻮ ﺍﻟﺤﻠﻮ ﻟﻴﻜﻢ ﺷﻨﻮﻭﻭ ؟ﻣﺒﺴﻮﻃﻴﻦ ﺑﻴﻬﺎ ﻳﻌﻨﻲ؟
ﻟﻮ ﻫﻲ ﺩﺍﻳﻤﻪ ﺑﺠﺪ ﻡ ﻛﺎﻥ ﺑﺎﺑﺎ ﺣﺎﻟﻴﺎ ﺍﻧﺪﻓﻦ ﺧﻼﻫﺎﺍ ،ﻗﻮﻟﺘﻮ ﻟﻲ ﺷﻨﻮ
ﻭﺭﺛﻬﻪ؟ﻭﺗﻘﺴﻴﻢ ﻭﻣﺤﺎﻛﻢ؟ﺣﺘﺨﺴﺮﻭ ﺑﻌﺾ ﻋﻠﺸﺎﻥ ﺍﻟﻘﺮﻭﺵ؟ﺩﺍﻣﻜﻢ
ﺑﺘﺤﺒﻮ ﺍﻟﻘﺮﻭﺵ ﺩﻱ ﻛﺪﺓ ﻟﻴﻪ ﻡ ﺑﻘﻴﺘﻮ ﺭﺟﺎﻝ ﻭﺗﻌﺒﺘﻮ ﻭﺟﺒﺘﻮﻫﺎ ﻣﻦ ﻋﺮﻕ
ﺟﺒﻴﻨﻜﻢ؟ﻋﻠﻰ ﺍﻟﻌﻤﻮﻡ ﺍﻧﺎ ﺃﺣﺐ ﺍﺑﺸﺮﻛﻢ ﺍﻧﺘﻮ ﺍﺣﺮﺍﺭ ﻗﺴﻤﻮﻫﺎ ﺑﺮﺍﺣﺘﻜﻢ
ﻭﻟﻮ ﺑﺘﺸﺒﻌﻜﻢ ﻭﺑﺘﻐﻨﻴﻜﻢ ﺣﻼﻝ ﻋﻠﻴﻜﻢ ﺑﺲ ﺍﻧﺎ ﺷﻮﻓﺘﻮ ﻓﻲ ﻃﺮﻑ
ﺍﻟﻤﻌﻠﻘﻪ ﻡ ﻋﺎﻳﺰﺓ ﻭﻗﺮﻭﺵ ﺑﺎﺑﺎ ﺩﻱ ﻛﺎﻥ ﺑﻘﺖ ﻣﺎﻝ ﻗﺎﺭﻭﻥ ﺍﻧﺎ ﻡ
ﻋﺎﻳﺰﺍﻫﺎ ﺍﻧﺘﻮ ﻋﺴﺎﻫﺎ ﺗﻐﻴﺮﻛﻢ ﻭﺗﺨﻠﻴﻜﻢ ﺗﺒﻘﻮ ﻧﺎﺱ ﻡ ﺗﺒﻘﻴﻜﻢ ﺣﻴﻮﺍﻧﺎﺕ
ﺑﺘﻨﻬﺸﻮ ﻓﻲ ﻟﺤﻢ ﺑﻌﺾ ﻭﻣﻦ ﺍﻟﻴﻮﻡ ﺍﻧﺎ ﻡ ﺍﺧﺘﻜﻢ ﻭﻻ ﺑﻌﺮﻓﻜﻢ ﻭﻗﻤﺘﻪ
ﻣﺎﺷﻪ،ﺣﺒﻮﺑﻪ ﻟﺤﻘﺘﻨﻲ ﻭﻗﻔﺘﻨﻲ،ﻗﺎﻟﺖ ﻟﻲ ﺍﺳﺘﻨﻲ ﻱ ﺑﺘﻲ ﻣﺎﺷﻪ ﻭﻳﻦ؟
ﺩﻣﻮﻋﻲ ﺟﺎﺭﻳﻪ ﻗﻮﻟﺘﻪ ﻟﻴﻬﺎ ﻣﺎﺷﻪ ﺑﻴﺘﻲ ﻱ ﺣﺒﻮﺑﻪ،ﻗﺎﻟﺖ ﻟﻲ ﻱ ﺑﺘﻲ
ﺍﻗﻌﺪﻱ ﺍﺷﺮﺑﻲ ﻟﻴﻚ ﻣﻮﻳﻪ ﺳﺎﺍﻱ،ﻗﻮﻟﺘﻪ ﻟﻴﻬﺎ ﻻﻻ ﻱ ﺣﺒﻮﺑﻪ ﻣﺎﺷﻪ
ﻭﺍﻟﻠﻪ ﻳﻼ ﻣﻊ ﺍﻟﺴﻼﻣﻪ ﻭﻃﻠﻌﺘﻪ ﻣﺸﻴﺖ ﻭﺑﻘﻴﺖ ﺍﺑﻜﻲ ﺑﻄﺮﻳﻘﻪ ﺧﻴﺎﻟﻴﻪ
ﺑﺘﺎﻉ ﺍﻷﻣﺠﺎﺩ ﺍﻟﻤﻮﺩﻳﻨﻲ ﻟﻤﻦ ﺍﺳﺘﻐﺮﺏ ﺍﻧﺎ ﺑﺒﻜﻲ ﻛﺪﺓ ﻟﻴﻪ ﺑﺲ ﻡ
ﺳﺄﻟﻨﻲ،ﻳﻌﻨﻲ ﺍﺳﻮﺃ ﺣﺎﺟﻪ ﺗﻠﻘﻰ ﺍﺧﻮﺍﻧﻚ ﺑﺨﺴﺮﻭ ﺑﻌﺾ ﻋﻠﺸﺎﻥ ﺣﺎﺟﻪ
ﻫﺎﺍﻳﻔﻪ ﻭﻡ ﺑﺘﻘﺪﻡ ﻭﻻ ﺑﺘﺄﺧﺮ ﺍﺑﺪﺍ،ﻭﺍﻟﻠﻪ ﺍﺗﻮﺟﻌﺘﻪ ﻭﺟﻌﻪ ﻟﺪﺭﺟﻪ ﺍﻧﻲ ﻡ
ﻗﺪﺭﺗﻪ ﺍﺗﺤﻜﻢ ﻓﻲ ﻧﻔﺴﻲ،ﻭﺻﻠﺘﻪ ﺍﻟﺒﻴﺖ ﻟﻘﻴﺖ ﻳﻮﺳﻒ ﻣﻮﻗﻒ ﺭﻛﺸﺘﻮ
ﻭﻗﺎﻋﺪ ﻓﻲ ﺍﻟﻜﺮﺳﻲ ﺑﺮﺓ ﻭﺑﺎﻳﻦ ﻟﻴﻬﻮ ﻣﺘﻀﺎﻳﻖ،ﻟﻤﺎ ﺷﺎﻓﻨﻲ ﻭﻗﻒ ﻋﻠﻰ
ﺣﻴﻠﻮ ،ﺍﺩﻳﺖ ﺑﺘﺎﻉ ﺍﻷﻣﺠﺎﺩ ﻗﺮﻭﺷﻮ ﻭﻣﺸﻴﺖ ﻋﻠﻰ ﻳﻮﺳﻒ ﻗﺎﻝ ﻟﻲ
ﺷﻬﻬﻬﺪ ﻓﻲ ﺷﻨﻮ ﻭﻣﺸﻴﺘﻲ ﻭﻳﻦ ﺍﻧﺘﻲ؟ﻡ ﺭﺩﻳﺖ ﻟﻴﻬﻮ ﺩﺧﻠﺘﻪ ﺍﻟﺒﻴﺖ
ﻭﻋﻠﻰ ﻃﻮﻝ ﺩﺧﻠﺘﻪ ﺍﻟﺤﻤﺎﻡ ﻭﺑﻘﻴﺖ ﺍﺑﻜﻲ ﺑﻄﺮﻳﻘﻪ ﺧﻴﺎﻟﻴﻪ ﺑﺴﺘﺤﻤﻪ
ﻭﺑﺒﻜﻲ ﻭﻳﻮﺳﻒ ﻭﺍﻗﻒ ﻟﻲ ﺑﺮﻩ ﺍﻟﺤﻤﺎﻡ ﻭﺑﺘﻜﻠﻢ ﻣﻌﻲ ﻭﺑﻘﻮﻝ ﻟﻲ
" ﺣﺒﻴﺒﻲ ﻓﻲ ﺷﻨﻮ ﻡ ﺗﻘﻠﻘﻴﻨﻲ ﻋﻠﻴﻚ ﻣﺸﻴﺘﻲ ﻭﻳﻦ ﺍﻧﺘﻲ ﻭﺍﻟﺤﺼﻞ ﺷﻨﻮ
ﺍﻃﻠﻌﻲ ﺍﻧﺎ ﺑﺘﻜﻠﻢ ﻣﻌﺎﻙ ﻓﻬﻤﻴﻨﻲ،ﻃﻠﻌﺘﻪ ﻣﻦ ﺍﻟﺤﻤﺎﻡ ﺩﺧﻠﺘﻪ ﻏﺮﻓﺘﻨﺎ
ﻭﻣﺸﻴﺖ ﻓﺘﺤﺘﻪ ﺍﻟﺪﻭﻻﺏ ﺟﺎ ﻣﺴﻜﻨﻲ ﻭﻗﻔﻞ ﺍﻟﺪﻭﻻﺏ ﻗﺎﻝ ﻟﻲ ﺍﻧﺎ ﻣﺶ
ﺑﺘﻜﻠﻢ ﻣﻌﺎﻙ ﺧﻮﻓﺘﻴﻨﻲ ﻗﻮﻟﻲ ﻓﻲ ﺷﻨﻮ ﻱ ﺑﺖ؟؟؟ﻗﻮﻟﺘﻪ ﻟﻴﻬﻮ ﺍﻧﺎ
ﻣﺸﻴﺖ ﺑﻴﺖ ﺍﻫﻠﻲ، ﻗﺎﻝ ﻟﻲ ﻭﺩﻱ ﺣﺎﺟﻪ ﺑﺘﺒﻜﻲ؟ﻓﺎﻛﺮﺓ ﺍﻧﺎ ﺣﺄﺯﻋﻞ ﻣﻦ
ﺍﻟﺤﺎﺟﻪ ﺩﻱ ﻳﻌﻨﻲ؟ﻫﺰﻳﺖ ﻟﻴﻬﻮ ﺭﺍﺳﻲ ﺑﻤﻌﻨﻰ ﻷ،ﻗﺎﻝ ﻟﻲ ﻃﻴﺐ ﺍﻟﺤﺼﻞ
ﺷﻨﻮﻭ ﻫﻨﺎﻙ ؟ﻗﻮﻟﺘﻪ ﻟﻴﻬﻮ ﻟﻤﺎ ﻣﺸﻴﺖ ﻫﻨﺎﻙ ﺭﺍﻣﻲ ﻭﻣﺠﺎﻫﺪ ﺍﺗﺸﺎﻛﻠﻮ
ﻗﺎﻝ ﻟﻲ ﺧﻴﺮ ﻟﻴﻪ ﻣﺎﻟﻬﻢ؟ﻗﻮﻟﺘﻪ ﻟﻴﻬﻮ ﻋﻠﺸﺎﻥ ﺍﻟﻘﺮﻭﺵ ﺗﺨﻴﻞ ﻫﻢ
ﺑﺘﺸﺎﻛﻠﻮ ﻓﻲ ﻭﺭﺛﻪ ﺑﺎﺑﺎ ﺍﻟﺤﺎﻟﻴﺎ ﻫﻮ ﺗﺤﺖ ﺍﻟﺘﺮﺍﺏ ﻭﻓﺎﺗﺤﻴﻦ ﻧﻔﺴﻬﻢ
ﻭﺑﻘﻮﻟﻮ ﺍﻧﻬﻢ ﺣﻴﺸﺘﻜﻮ ﺑﻌﺾ ﻭﺣﻴﺪﺧﻠﻮ ﻣﺤﺎﻛﻢ،ﺿﻤﺎﻧﻲ ﻭﻗﺎﻝ ﻟﻲ ﻻ
ﺣﻮﻻﺍﺍ ﺧﻼﺹ ﺑﻄﻠﻲ ﺑﻜﻰ ﻭﺍﻟﺴﺒﺐ ﺍﻟﺨﻼﻫﻢ ﻳﻌﻤﻠﻮ ﻛﺪﺓ ﺷﻨﻮﻭ؟ﻗﻮﻟﺘﻪ
ﻟﻴﻬﻮ ﻡ ﻋﺎﺍﺭﻓﻪ ﺑﺲ ﺍﻧﺖ ﻡ ﺷﻔﺘﻪ ﺷﻜﻠﻬﻢ ﻭﻫﻢ ﺑﺘﺸﺎﻛﻠﻮ ﻛﺄﻧﻬﻢ ﻡ
ﺑﻌﺮﻓﻮ ﺑﻌﺾ ﺑﺎﺳﻨﻲ ﻓﻲ ﺭﺍﺳﻲ ﻭﻗﺎﻝ ﻟﻲ ﺧﻼﺹ ﺣﺒﻴﺒﻲ
ﺑﻄﻠﻲ ﺑﻜﻰ ﺍﺻﻼ ﺍﻟﺒﻜﻰ ﻋﻤﺮﻭ ﻡ ﺑﺤﻞ ﻣﺸﻜﻠﻪ ﻭﺑﻌﺪﻳﻦ ﺭﺍﻣﻲ ﻭﻣﺠﺎﻫﺪ
ﻋﺎﻗﻠﻴﻦ ﻭﻫﻢ ﺍﻛﺒﺮ ﻣﻦ ﻛﺪﺓ ﺑﺲ ﻳﻤﻜﻦ ﺍﻟﺸﻴﻄﺎﻥ ﺩﺧﻞ ﺑﻴﻨﻬﻢ ﺍﺻﻼ
ﺣﺘﻜﻮﻥ ﺩﻱ ﻟﺤﻈﻪ ﺷﻴﻄﺎﻧﻴﻪ ﺑﻜﺮﺓ ﺑﺮﺟﻌﻮ ﺑﺘﺼﺎﻟﺤﻮ،ﻗﻮﻟﺘﻪ ﻟﻴﻬﻮ ﻡ ﺍﻇﻦ
ﻳﺮﺟﻌﻮ ﺑﻌﺪ ﺍﻟﺤﺎﻟﻪ ﺍﻟﺸﻮﻓﺘﻬﻢ ﻋﻠﻴﻬﺎ ﺩﻱ،ﻗﺎﻝ ﻟﻲ ﻻ ﺍﻥ ﺷﺎﺀﺍﻟﻠﻪ
ﺣﻴﺮﺟﻌﻮ ﻡ ﺗﻘﻮﻟﻲ ﻛﺪﺓ ﺍﻧﺘﻲ ﺑﺲ ﺭﻭﻗﻲ ﺍﻋﺼﺎﺑﻚ ﻣﺎﺷﻲ؟ﺑﻌﺪ ﺍﻟﺤﺼﻞ
ﺩﺓ ﺍﻧﺎ ﺑﻘﻴﺖ ﻣﻬﻤﻮﻣﻪ ﻭﻋﻠﻰ ﺍﻟﺪﻭﺍﻡ ﺑﻔﻜﺮ ﻓﻲ ﺍﺧﻮﺍﻧﻲ ﻭﺍﻟﺤﺎﺻﻞ
ﻋﻠﻴﻬﻢ ﺷﻨﻮ،ﻭﻳﻮﺳﻒ ﺷﻐﻠﻮ ﻡ ﻛﺎﻥ ﺗﻤﺎﻡ ﺍﺑﺪﺍ ﺑﺎﻟﻌﻜﺲ ﻛﻞ ﻳﻮﻡ ﻛﺎﻧﺖ
ﺑﺘﺘﻌﻜﺲ ﻋﻠﻴﻬﻮ ﺍﻛﺘﺮ ﻭﺍﻟﺮﻛﺸﻪ ﻳﻮﻡ ﺗﺘﻌﻄﻞ ﻭﻳﻮﻡ ﺗﺸﺘﻐﻞ ﻭﻛﻞ
ﺍﻟﻘﺮﻭﺵ ﺍﻟﺒﺸﺘﻐﻠﻬﻢ ﺑﺮﺟﻊ ﺑﺼﻠﺢ ﺑﻴﻬﻢ ﺍﻟﺮﻛﺸﻪ،ﺍﺣﻴﺎﻧﺎ ﻛﺎﻥ ﺑﺠﻲ ﺭﺍﺟﻊ
ﺍﻟﺒﻴﺖ ﻣﻦ ﻏﻴﺮ ﻗﺮﻭﺵ ﻭﺍﻟﺤﺎﺟﻪ ﺩﻱ ﻛﺎﻧﺖ ﺑﺘﺨﻠﻴﻬﻮ ﻣﺘﻀﺎﺍﻳﻖ ﺷﺪﻳﻴﺪ
ﻭﻳﻮﺳﻒ ﻣﻦ ﻧﻮﻭﻉ ﺍﻟﻨﺎﺱ ﺍﻟﻤﺴﺘﺤﻴﻞ ﻳﺤﻮﺝ ﻧﻔﺴﻮ ﻟﺰﻭﻝ ﺍﻭ ﻳﻄﻠﺐ ﻣﻦ
ﺯﻭﻝ ﻗﺮﺵ ﻋﻨﺪﻭ ﻛﺮﺍﻣﺘﻮ ﻭﻋﺰﺓ ﻧﻔﺴﻮ ﻓﻮﻕ ﻛﻞ ﺷﻲ ﺍﻱ ﻧﻌﻢ ﻫﻮ
ﻣﺴﺘﻌﺪ ﻳﺸﺘﻐﻞ ﺍﺍﺍﻱ ﺷﻐﻠﻪ ﻡ ﻋﻨﺪﻭ ﻣﺸﻜﻠﻪ ﺑﺲ ﻡ ﺑﺤﻮﺝ ﻧﻔﺴﻮ ﻟﺰﻭﻝ
ﻭﺍﻛﺘﺮ ﺷﻲ ﻛﺎﻥ ﺑﺨﻨﻘﻮ ﺍﻧﻮ ﻧﺤﻦ ﺑﻘﻴﻨﺎ ﺍﺣﻴﺎﻧﺎ ﺑﻤﺮ ﻋﻠﻴﻨﺎ ﻳﻮﻡ ﺣﻖ
ﺍﻟﺼﺎﺑﻮﻥ ﻋﻠﺸﺎﻥ ﻧﻐﺴﻞ ﺑﻴﻬﻮ ﻏﻴﺎﺭﺍﺗﻨﺎ ﻡ ﺑﻜﻮﻥ ﻋﻨﺪﻧﺎ،ﻓﻲ ﻳﻮﻡ ﻗﺎﻋﺪ
ﻭﺑﺘﻜﻠﻢ ﻣﻌﻲ ﻗﺎﻝ ﻟﻲ ﺍﻧﺎ ﺣﺄﺳﺎﺍﻓﺮ ﺩﻱ ﻡ ﺣﺎﻟﻪ ﺩﻱ،ﻗﻮﻟﺘﻪ ﻟﻴﻬﻮ
ﺗﺴﺎﺍﻓﺮ ؟ﺣﺘﺴﺎﻓﺮ ﻭﻳﻦ؟ﻗﺎﻝ ﻟﻲ ﺍﻱ ﻣﻜﺎﻥ ﺑﺮﺓ ﺍﻟﺴﻮﺩﺍﻥ ﺍﻥ ﺷﺎﺀﺍﻟﻠﻪ
ﺩﻭﻝ ﺍﻭﺭﻭﺑﺎ ﺗﻬﺮﻳﺐ ،ﺧﺘﻴﺖ ﻳﺪﻱ ﻓﻲ ﺧﺸﻤﻮ ﻭﺑﻘﻴﺖ ﺍﻋﺎﻳﻦ ﻟﻴﻬﻮ ﻗﻮﻟﺘﻪ
ﻟﻴﻬﻮ ﻭﺣﺘﺨﻠﻴﻨﻲ ﺍﻧﺎ؟ﻗﺎﻝ ﻟﻲ ﻡ ﺍﻧﺎ ﺣﺄﻣﺸﻲ ﻋﺸﺎﻧﻚ ﺍﻧﺘﻲ،ﻗﻮﻟﺘﻪ ﻟﻴﻬﻮ
ﻭﺍﻧﺎ ﻡ ﻋﺎﻳﺰﺍﻙ ﺗﻤﺸﻲ ﻋﺎﻳﺰﺍﻙ ﺗﻜﻮﻥ ﻣﻌﺎﻱ ﻭﺍﻟﺤﺎﻟﻪ ﺩﻱ ﺍﻥ ﺷﺎﺀﺍﻟﻠﻪ
ﺣﺘﺘﻐﻴﺮ ﻟﻸﺣﺴﻦ ﺍﺻﻼ ﺩﻱ ﻛﻠﻬﺎ ﺍﻣﺘﺤﺎﻧﺎﺕ ﻣﻦ ﺭﺑﻨﺎ،ﺳﻜﺖ ﻭﻡ ﻗﺎﻝ
ﺷﻲ،ﺍﻻﺀ ﺍﺣﻴﺎﻧﺎ ﺑﺘﺸﻴﻞ ﻓﻄﻮﺭﻫﺎ ﻭﺑﺘﺠﻲ ﻋﻠﻰ ﺍﺳﺎﺱ ﺍﻧﻮ ﻧﺎﻛﻞ ﻣﻊ
ﺑﻌﺾ ﻭﺍﻧﺎ ﻡ ﺑﻜﻮﻥ ﻋﺎﻣﻠﻪ ﺷﻲ ﻛﻨﺖ ﺑﺪﺧﻞ ﻓﻲ ﺍﻇﺎﻓﺮﻱ ﻣﻦ ﺍﻟﺨﺠﻞ
ﻭﻫﻲ ﺑﺘﻜﻮﻥ ﺣﺎﺳﻪ ﺑﺎﻟﺤﺎﺟﻪ ﺩﻱ ﻭﺑﺘﻘﻮﻝ ﻟﻲ ﻋﺎﻳﻨﻲ ﻡ ﺗﻌﻤﻠﻲ ﺍﻱ ﺷﻲ
ﺍﺻﻼ ﺍﻟﻔﻄﻮﺭ ﺩﺓ ﺑﻜﻔﻴﻨﺎ ﻭﺍﻛﺘﺮ ﻭﺑﺘﻔﺘﺢ ﻟﻲ ﻣﻮﺿﻮﻉ ﺑﺘﺎﻉ ﻭﻧﺴﻪ
ﻭﺿﺤﻚ ﻋﻠﺸﺎﻥ ﺍﻧﺎ ﻡ ﺍﺗﺤﺴﺲ،ﻗﺎﻟﺖ ﻟﻲ ﻱ ﺷﻬﺪ ﺍﻧﺎ 15 ﺳﻨﻪ ﺭﺑﻨﺎ ﻡ
ﺍﺩﺍﻧﻲ ﻋﻴﺎﺍﻝ ﻭﺍﻧﺘﻲ ﻭﻳﻮﺳﻒ ﻭﺍﻟﻠﻪ ﻣﻌﺰﺗﻜﻢ ﻋﻨﺪﻱ ﻛﺒﻴﺮﺓ ﻭﺑﻘﻴﺘﻮ ﻟﻲ
ﺯﻱ ﺍﻭﻻﺩﻱ ﻭﺍﻛﺘﺮ ﻛﻤﺎﻥ ﻋﺸﺎﻥ ﻛﺪﺓ ﺍﺑﺪﺍ ﻡ ﺗﺨﺠﻠﻲ ﻣﻨﻲ ،ﺍﻱ ﻧﻌﻢ
ﻳﻮﺳﻒ ﻋﻼﻗﺘﻮ ﻣﻊ ﺍﺧﻮﺍﻧﻮ ﻣﻜﻬﺮﺑﻪ ﻭﻫﻢ ﻇﺎﻟﻤﻨﻮ ﻭﻣﻌﺎﻫﻮ ﺣﻖ ﻳﻘﻄﻊ
ﻋﻼﻗﺘﻮ ﺑﻴﻬﻢ ﺑﺲ ﺍﻧﺎ ﻡ ﺑﻘﺪﺭ ﺍﺷﻮﻑ ﻳﻮﺳﻒ ﺩﺓ ﻣﻬﻤﻮﻡ ﻭﺍﺧﻠﻴﻬﻮ
،ﻗﻮﻟﺘﻪ ﻟﻴﻬﺎ ﻳﻮﺳﻒ ﻫﻮ ﻣﺎﻟﻮ ﻣﻊ ﺍﺧﻮﺍﻧﻮ ؟ﻗﺎﻟﺖ ﻟﻲ ﻳﻮﺳﻒ ﺩﺓ ﻱ
ﺷﻬﺪ ﻓﻮﻕ ﺍﻟﻈﻠﻢ ﺍﻻﺗﻈﻠﻤﻮ ﻭﻫﻮ ﺻﻐﻴﺮ ﺑﻌﺪ ﻛﺒﺮ ﺍﺧﻮﺍﻧﻮ ﻇﻠﻤﻮﻫﻮ ﻓﻲ
ﺍﻟﻮﺭﺛﻪ ﻡ ﺍﺩﻭﻫﻮ ﻭﻻ ﻣﻠﻴﻦ ﺍﺣﻤﺮ ﻭﻛﻠﻬﻢ ﻣﺎﺷﺎﺀﺍﻟﻠﻪ ﻓﻲ ﻣﻨﻬﻢ ﺍﻟﺪﻛﺘﻮﺭ
ﻭﻓﻲ ﻣﻨﻬﻢ ﺍﻟﻤﻐﺘﺮﺏ ﻓﻲ ﻗﻄﺮ ﻭﻓﻲ ﻣﻨﻬﻢ ﺍﻟﻌﺎﻳﺶ ﻫﻨﺎ ﻭﻋﺎﻳﺶ ﻣﻦ
ﺧﻴﺮ ﺍﺑﻮﻫﻮ،ﻗﺴﻤﻮ ﺍﻟﻮﺭﺛﻪ ﺯﻳﻴﻴﻦ ﻭﺷﺎﻟﻮ ﺍﻱ ﺣﺎﺟﻪ ﻭﻳﻮﺳﻒ ﺩﺓ ﻡ
ﻃﻠﻌﻮ ﻟﻴﻬﻮ ﻭﻻ ﺷﻲ ،ﻭﺍﺳﻲ ﺍﻟﺼﺎﻟﻮﻥ ﺍﻻﻧﺘﻮ ﻗﺎﻋﺪﻳﻦ ﻓﻴﻬﻮ ﺩﺓ ﻋﻤﺘﻲ
ﻗﺎﻟﺖ ﻋﺎﻳﺰﺍﻫﻮ ﻟﻠﻀﻴﺎﻓﻪ ﻳﻌﻨﻲ ﺑﻌﺪ ﻓﺘﺮﺓ ﺣﺘﻄﻠﻊ ﻳﻮﺳﻒ ﻣﻨﻮ،ﻗﻮﻟﺘﻪ ﻟﻴﻬﺎ
ﻭﻳﻮﺳﻒ ﻡ ﻃﺎﻟﺒﻬﻢ؟ﻗﺎﻟﺖ ﻟﻲ ﺍﺗﻜﻠﻤﺘﻪ ﻣﻌﺎﺍﻩ ﻭﻗﻮﻟﺘﻪ ﻟﻴﻬﻮ ﻗﻮﻝ ﺩﺍﻳﺮ
ﺣﻘﻚ ﻟﻜﻦ ﺣﻠﻒ ﻡ ﻳﺎﺍﺧﺪ ﻣﻨﻬﻢ ﻭﻻ ﻗﺮﺵ ﻭﻻ ﺩﺍﻳﺮ ﻣﺸﺎﻛﻞ ﻣﻌﺎﻫﻢ
ﺍﻧﺘﻲ ﻋﺎﺭﻓﻪ ﻱ ﺷﻬﺪ ﻳﻮﺳﻒ ﺩﺓ ﻗﺒﻞ ﻓﺘﺮﺓ ﺳﺠﻨﻮﻫﻮ ﺗﻘﺮﻳﺒﺎ ﺷﻬﺮ
ﻋﺸﺎﻥ ﻋﻨﺪﻫﻢ ﻗﺮﻭﺵ ﻭﻡ ﻟﻘﻮﻫﺎ ﺗﻘﺮﻳﺒﺎ 40 ﻣﻠﻴﻮﻥ ﻛﺎﻧﺖ ﻋﻨﺪ ﺍﺧﻮﻫﻢ
ﺍﻟﻜﺒﻴﺮ ﻣﺘﻮﻛﻞ ﺭﺍﺟﻞ ﻣﻬﺎ،ﻭﺍﻇﻦ ﻫﻮ ﺧﺘﺎﻫﺎ ﻓﻲ ﺍﻟﺼﺎﻟﻮﻥ ﻭﻗﺘﻬﺎ ﻛﺎﻥ
ﻳﻮﺳﻒ ﻋﻼﻗﺘﻮ ﺑﻴﻬﻢ ﻛﻮﻳﺴﻪ،ﻭﻳﻮﺳﻒ ﺩﺓ ﺑﻄﻠﻊ ﺍﻟﺼﺒﺎﺡ ﺑﺠﻲ ﺭﺍﺟﻊ ﻧﺺ
ﺍﻟﻠﻴﻞ ﺑﺼﺤﻰ ﺍﻟﺼﺒﺎﺡ ﺑﺴﺘﺤﻤﻪ ﻭﺑﻠﺒﺲ ﻭﺑﻄﻠﻊ ﺷﻐﻠﻮ،ﻣﺘﻮﻛﻞ ﺟﺎﺏ
ﺍﻟﻘﺮﻭﺵ ﻭﺧﺘﺎﻫﺎ ﺑﺪﻝ ﻡ ﻳﻮﺩﻳﻬﺎ ﺑﻴﺖ ﻣﺮﺗﻮ ﻭﺩﺍﻫﺎ ﺍﻟﺼﺎﻟﻮ ﻭﻫﻮ ﺧﻠﻰ
ﺍﻟﺼﺎﻟﻮﻥ ﻓﺎﺗﺢ ﻭﻣﺸﻰ ﻧﺎﻡ ﻓﻲ ﺑﻴﺘﻮ ﻭﻳﻮﺳﻒ ﺍﺳﺎﺳﺎ ﻣﺎﻑ ﺍﻟﺸﻲ
ﺍﻟﻄﺒﻴﻌﻲ ﻳﺠﻲ ﺣﺮﺍﻣﻲ ﻳﻠﻘﺎﻫﺎ ﻳﺸﻴﻠﻬﺎ ،ﻟﻤﺎ ﺟﺎ ﻭﻡ ﻟﻘﺎﻫﺎ ﺳﺄﻝ ﻳﻮﺳﻒ
ﻳﻮﺳﻒ ﻗﺎﻝ ﻟﻴﻬﻮ ﻡ ﺷﻮﻓﺘﻬﺎ ﻭﺍﺗﺸﺎﻛﻠﻮ ﻣﻌﺎﻫﻮ ﻭﻋﻤﻠﻮ ﺟﻮﻃﻪ
ﻭﺳﺠﻨﻮﻫﻮ ﻭﺣﻴﺎﺓ ﺍﻟﺨﻠﻘﻨﻲ ﺍﻧﺎ ﻣﺶ ﺳﻴﻒ ﺍﻟﺪﻳﻦ ﺩﺓ ﻣﺶ ﺭﺍﺟﻠﻲ؟ﺍﻧﺎ
ﺑﻜﻴﺖ ﻟﻴﻬﻮ ﺑﺪﻣﻮﻋﻲ ﻋﺸﺎﻥ ﻳﻄﻠﻊ ﻳﻮﺳﻒ،ﻭﻣﺎﻑ ﺯﻭﻝ ﻭﻗﻒ ﻣﻌﺎﻩ ﻣﻦ
ﺍﻷﻫﻞ ﺩﻳﻞ ﻛﻠﻬﻢ ﻏﻴﺮ ﺻﺤﺒﻮ ﻣﺤﻤﺪ ﻣﺸﻰ ﻛﻔﻠﻮ ﻭﺩﻓﻊ ﻟﻴﻬﻮ
ﺍﻝ 40 ﻣﻠﻴﻮﻥ ﺗﺨﻴﻠﻲ ﻓﻲ ﺻﺎﺣﺐ ﺑﻌﻤﻞ ﻛﺪﺓ؟ ﻭﻓﻲ ﺍﻟﻨﻬﺎﻳﻪ ﺍﻟﻘﺮﻭﺵ
ﻃﻠﻌﺖ ﺷﺎﻟﺘﻬﻢ ﻣﻬﺎ ﻣﺮﺕ ﻣﺘﻮﻛﻞ ﺯﺍﺗﻪ ﺍﺗﺨﻴﻠﻲ ﺑﺲ ﻣﺸﺖ ﻭﺩﺕ ﻧﺼﻬﻢ
ﻟﻲ ﺍﻫﻠﻬﺎ ﻭﻧﺼﻬﻢ ﺩﻗﺖ ﺑﻴﻬﻢ ﺩﻫﺐ ﻭﺑﻌﺪ ﺩﺓ ﻛﻠﻮﻭ ﺷﻲ ﻡ ﻋﻤﻠﻮ ﻟﻴﻬﺎ
ﻭﻣﻦ ﻳﻮﻣﻬﺎ ﻳﻮﺳﻒ ﻗﻄﻊ ﻋﻼﻗﺘﻮ ﺭﺳﻤﻲ ﻣﻊ ﺍﺧﻮﺍﻧﻮ ﻭﻋﻤﺘﻮ،ﻗﻮﻟﺘﻪ
ﻟﻴﻬﺎ ﺳﺒﺤﺎﻥ ﺍﻟﻠﻪ ﻳﻌﻨﻲ ﺷﻮﻓﻲ ﻋﻠﺸﺎﻥ ﺍﻟﻘﺮﻭﺵ ﺍﻟﻨﺎﺱ ﺩﻱ ﺑﺘﺨﺴﺮ
ﺑﻌﺾ ﻋﺎﺩﻱ،ﻗﺎﻟﺖ ﻟﻲ ﻋﺎﺍﺩﻱ ﻭﺍﻟﻠﻪ ﻱ ﺷﻬﺪ ﺍﺑﺪﺍ ﺑﻘﺖ ﻣﺎﻑ ﺣﺎﺟﻪ
ﺑﺘﺼﺪﻡ،ﻗﻮﻟﺘﻪ ﻟﻴﻬﺎ ﻓﻌﻼ ﻭﺍﻟﻠﻪ ،ﺍﻛﺘﺮ ﺷﻲ ﻛﺎﻥ ﻣﻀﺎﻳﻘﻨﻲ ﺍﻧﻮ ﺍﻧﺎ ﻗﺎﻋﺪﺓ
ﻭﻳﺪﻳﻨﻲ ﻣﻜﺘﻔﺎﺕ ﻭﻡ ﻗﺎﺩﺭﺓ ﺍﺳﺎﻋﺪ ﻳﻮﺳﻒ ﺩﺓ ﻭﻻ ﺑﺄﻱ ﺷﻜﻞ ﻣﻦ
ﺍﻷﺷﻜﺎﻝ ﻭﻣﻦ ﺍﻟﻬﻢ ﻟﻤﻦ ﻣﻼﻣﺢ ﻭﺷﻮ ﺍﺗﻐﻴﺮﺕ ﻭﻧﺎﺩﺭﺍ ﻡ ﺑﻘﻴﺖ ﺍﺷﻮﻓﻮ
ﺑﻀﺤﻚ،ﻭﺻﻠﺖ ﺑﻲ ﺍﻟﻤﺮﺣﻠﻪ ﻟﺪﺭﺟﻪ ﺍﻧﻮ ﺍﻧﺎ ﺑﻘﻴﺖ ﻋﻴﺎﻧﻪ ﻭﻡ ﻛﻨﺖ ﻋﺎﻳﺰﺓ
ﺍﻣﺸﻲ ﺍﻟﻤﺴﺘﺸﻔﻰ ﻭﻟﻮ ﻡ ﻫﻮ ﻻﺣﻆ ﻟﻲ ﻭﺑﻘﺖ ﺗﺠﻴﻨﻲ ﺣﻤﻪ ﻣﺒﺎﻟﻎ
ﻓﻴﻬﺎ ﻡ ﻛﻨﺖ ﺣﺘﻤﺸﻲ ﺍﻟﺪﻛﺘﻮﺭ ﻟﻤﺎ ﺍﻟﺪﻛﺘﻮﺭ ﻗﺎﻝ ﻟﻲ ﺗﺎﻳﻔﻮﺩ ﻭﻡ ﻗﺎﻋﺪﺓ
ﺗﺎﻛﻠﻲ ﻭﺟﺴﻤﻚ ﻓﺎﻗﺪ ﺷﺪﻳﺪ ﻳﻮﺳﻒ ﺩﺓ ﻣﻼﻣﺢ ﻭﺷﻮ ﺍﺗﻐﻴﺮﺕ ﻛﻠﻬﺎ
ﻋﻠﻰ ﺑﻌﻀﻬﺎ ،ﺑﻌﺪﻫﺎ ﺭﻛﺒﻮ ﻟﻲ ﻓﺮﺍﺷﻪ ﻭﺍﺩﻭﻧﻲ ﺍﻟﻌﻼﺟﺎﺕ ﻭﺭﺟﻌﻨﺎ
ﺍﻟﺒﻴﺖ ﺍﻧﺎ ﺍﻭﻝ ﻣﺮﺓ ﺍﺷﻮﻑ ﻳﻮﺳﻒ ﺑﺒﻜﻲ،ﺍﻳﻮﺓ ﻛﺎﻥ ﺑﺒﻜﻲ ﻡ ﻗﺪﺭ
ﻳﻤﺴﻚ ﻧﻔﺴﻮ،ﻗﺎﻝ ﻟﻲ ﺍﻧﺎ ﻣﻘﺼﺮ ﻱ ﺷﻬﺪ ﻭﻣﻘﺼﺮ ﺷﺪﻳﺪ ﻭﻳﺪﻱ
ﻣﺮﺑﻄﻪ ﻭﻡ ﻋﺎﺭﻑ ﺍﻋﻤﻞ ﺷﻨﻮ ،ﺍﻧﺘﻲ ﻟﻮ ﺍﺳﺘﻤﺮﻳﺘﻲ ﻣﻌﻲ ﺑﺎﻟﻄﺮﻳﻘﻪ ﺩﻱ
ﺣﺘﻤﻮﺗﻲ،ﻗﻮﻟﺘﻪ ﻟﻴﻬﻮ ﻳﻮﺳﻒ ﺍﻧﺖ ﺑﺘﺒﻜﻲ؟ﻳﻮﺳﻒ ﺍﻧﺎ ﺷﻜﻴﺖ ﻟﻴﻚ ﺍﻧﻮ ﺍﻧﺎ
ﻣﺘﻀﺎﻳﻘﻪ ﻣﻦ ﺍﻟﻮﺿﻊ ﺩﺓ؟ﺍﺑﺪﺍ ﺑﺎﻟﻌﻜﺲ ،ﻗﺎﻃﻌﻨﻲ ﻗﺎﻝ ﻟﻲ ﻡ ﺿﺮﻭﺭﻱ
ﺗﻀﺎﻳﻘﻲ ﺑﺲ ﺍﻧﺘﻲ ﻡ ﻣﺠﺒﻮﺭﺓ ﺗﺘﺤﻤﻠﻲ ﺗﻌﻴﺸﻲ ﻋﻴﺸﻪ ﺯﻱ ﺩﻱ،ﻗﻮﻟﺘﻪ
ﻟﻴﻬﻮ ﺍﻧﺎ ﻃﻠﻌﺘﻪ ﻣﻌﺎﻙ ﻣﻦ ﺑﻴﺖ ﺍﻫﻠﻲ ﻭﺍﻧﺎ ﻋﺎﺭﻓﻪ ﻭﺿﻌﻚ ﻛﻴﻒ
ﻭﻣﻘﺘﻨﻌﻪ ﻭﺭﺍﺿﻴﻪ ،ﻓﻲ ﻳﻮﻡ ﻣﺸﻴﺖ ﻟﻲ ﺍﻻﺀ ﻓﻲ ﺑﻴﺘﻬﺎ ﻭﻗﻌﺪﻧﺎ ﺍﺗﻮﻧﺴﻨﺎ
ﻃﻮﻭﻭﻝ ﺍﻟﻴﻮﻡ ﻓﺠﺄﺓ ﺍﻻﺀ ﻏﺎﺯﻫﺎ ﻗﻄﻊ ﻗﺎﻟﺖ ﻟﻲ ﺍﺭﺡ ﻣﻌﻲ ﺑﻴﺖ ﻋﻤﺘﻲ
ﺃﺧﺖ ﺣﻠﺘﻲ ﻓﻲ ﺑﻮﺗﺠﺎﺯﻫﺎ،ﻗﻮﻟﺘﻪ ﻟﻴﻬﺎ ﻃﻴﺐ،ﻃﺒﻌﺎ ﺑﻴﺖ ﻋﻤﺘﻬﻢ ﺩﺓ ﻫﻮ
ﻛﺒﻴﻴﺮ ﺑﺲ ﺍﻟﻤﺮﺓ ﻣﻘﺴﻤﺎﻫﻮ ﻋﻠﻰ ﻋﻴﺎﻟﻬﺎ ﺍﻷﺭﺑﻌﻪ ﻭﻧﺴﻮﺍﻧﻬﻢ ﻭﻫﻲ
ﻣﺨﻠﻴﻪ ﻟﻴﻬﺎ ﻣﻜﺎﻥ ﺟﺰﺅ ﺻﻐﻴﺮ ﻛﺪﺓ ﺳﺎﻛﻨﻪ ﻓﻴﻬﻮ ،ﻣﺸﻴﻨﺎ ﻧﺴﻮﺍﻥ
ﺍﻭﻻﺩﻫﺎ ﺍﻭﻝ ﻡ ﺷﺎﻓﻮﻧﺎ ﻗﻌﺪﻭ ﻳﺘﻬﺎﻣﺴﻮ،ﺍﻻﺀ ﻗﺎﻟﺖ ﻟﻲ ﺷﺎﻳﻔﻪ ﻫﺴﻲ
ﺑﻘﻄﻌﻮ ﻓﻴﻚ،ﻋﺎﻳﻨﺘﻪ ﻟﻴﻬﻢ ﻭﺳﻜﺘﻪ،ﻗﻌﺪﺗﻪ ﻣﻌﺎﻫﻢ ﺑﺮﻩ ﻓﻲ ﺍﻟﻤﻈﻠﻪ ﻭﺍﻻﺀ
ﺩﺧﻠﺖ ﺍﻟﻤﻄﺒﺦ ﻗﺎﻣﺖ ﻣﻬﺎ ﻗﺎﻟﺖ ﻟﻠﺘﺎﻧﻴﻪ ﻓﻼﻧﻪ ﺩﻱ ﺍﻟﻤﻮﻳﻪ ﺟﺎﺭﻳﻪ ﻣﻦ
ﺗﺤﺖ ﺭﺟﻠﻴﻨﻬﺎ ﻭﻫﻲ ﻡ ﻋﺎﺭﻓﻪ ﻭﻗﻌﺪﻭ ﻳﻀﺤﻜﻮ،ﺗﻮﺳﻞ ﻗﺎﻟﺖ ﻟﻴﻬﺎ ﺧﻠﻴﻬﺎ
ﺍﺻﻼ ﻫﻬﻬﻪ،ﺍﻻﺀ ﺟﺎﺕ ﻃﺎﻟﻌﻪ ﻭﻗﻌﺪﺕ ﺗﺘﻮﻧﺲ ﻣﻌﺎﻧﺎ ﺟﺎﺕ ﻋﻤﺘﻬﻢ ﻛﺎﻧﺖ
ﺑﺘﺼﻠﻲ ﻋﺎﻳﻨﺖ ﻟﻲ ﻣﻦ ﻓﻮﻕ ﻟﺘﺤﺖ ﻭﻗﺎﻟﺖ ﻟﻲ ﺍﻫﻼ،ﻗﻮﻟﺘﻪ ﻟﻴﻬﺎ
ﺍﻫﻠﻴﻦ،ﻗﺎﻟﺖ ﻟﻲ ﺍﻧﺘﻮ ﻡ ﻧﺎﻭﻳﻦ ﺗﺮﺣﻠﻮ ﻭﻻ ﺷﻨﻮ؟ﺍﻻﺀ ﻗﺎﻟﺖ ﻟﻴﻬﺎ ﺍﺟﻲ
ﻱ ﻋﻤﺘﻲ ﻳﺮﺣﻠﻮ ﻭﻳﻦ؟ﻋﻤﺘﻬﺎ ﻗﺎﻟﺖ ﻟﻴﻬﺎ ﻳﺮﺣﻠﻮ ﺍﻟﺮﺣﻮﻝ ﺍﻟﻮﺍﺣﺪ ﺩﺓ
ﺍﻟﺼﺎﻟﻮﻥ ﺩﺓ ﺣﻖ ﺍﻟﻀﻴﻮﻑ ﻧﺤﻦ ﻛﺎﻥ ﺣﺼﻠﺖ ﻟﻴﻨﺎ ﻓﻴﻬﻮ ﻣﻨﺎﺳﺒﻪ ﻭﻻ ﻛﺪﺓ
ﺑﻨﻔﺮﺷﻮ،ﺍﻻﺀ ﻗﺎﻟﺖ ﻟﻴﻬﺎ ﻱ ﻋﻤﺘﻲ ﻛﺎﻥ ﺟﻴﻨﺎ ﻟﻠﺤﻖ ﺍﻟﺒﻴﺖ ﺩﺓ ﺑﻴﺖ ﻭﺭﺛﻪ
ﻭﻳﻮﺳﻒ ﻋﻨﺪﻭ ﺯﻱ ﺑﺎﻗﻲ ﺍﺧﻮﺍﻧﻮ ﺍﺩﻭﻫﻮ ﺣﻘﻮ ﻓﻲ ﺍﻟﺒﻴﺖ،ﻋﻤﺘﻬﺎ ﺳﻜﺘﺖ
ﻭﻡ ﺍﺗﻜﻠﻤﺖ،ﻗﻤﺘﻪ ﻋﻠﻰ ﺣﻴﻠﻲ ﻗﻮﻟﺘﻪ ﻟﻴﻬﺎ ﺍﻻﺀ ﺍﻧﺎ ﻣﺎﺷﻪ ،ﻗﺎﻟﺖ ﻟﻲ
ﺍﻧﺘﻈﺮﻱ ﺍﺷﻴﻞ ﺣﻠﺘﻲ ﺍﻭﺩﻳﻬﺎ ﺍﺷﺪﻫﺎ ﻓﻲ ﺑﻴﺘﻜﻢ،ﻣﻬﺎ ﺿﺤﻜﺖ ﺿﺤﻜﻪ
ﺧﺒﻴﺜﻪ ﻭﻗﺎﻟﺖ ﻟﻴﻬﺎ ﻋﺎﺩ ﺩﺓ ﻡ ﺑﻴﺖ ﻳﻮﺳﻒ ﻛﻴﻒ ﻡ ﺑﺘﻤﺸﻲ ﺗﺸﺪﻱ ﻫﻨﺎﻙ
ﻫﻬﻬﻬﻬﻬﻬﻬﻪ،ﻋﺎﻳﻨﺖﻩ ﻟﻴﻬﺎ ﻭﺍﻧﺎ ﻣﺨﻠﻮﻋﻪ ﻣﻦ ﻃﺮﻳﻘﻪ ﻛﻼﻣﻬﺎ ﻫﻲ
ﺑﺘﺤﺎﻭﻝ ﺗﻠﻤﺢ ﻟﺤﺎﺟﻪ ﺑﺲ ﺷﻨﻮ ﻡ ﻋﺎﺭﻓﻪ،ﺭﺟﻌﻨﺎ ﺍﻟﺒﻴﺖ ﻗﺎﻟﺖ ﻟﻲ ﻋﻤﺘﻲ
ﺩﻱ ﻡ ﺗﺸﺘﻐﻠﻲ ﺑﻴﻬﺎ،ﻗﻮﻟﺘﻪ ﻟﻴﻬﺎ ﻡ ﻣﺮﻛﺰﺓ ﻣﻌﺎﻫﺎ ﺍﻧﺎ،ﺑﻌﺪ ﺍﺳﺒﻮﻭﻉ ﻓﻲ
ﻳﻮﻡ ﺑﻌﺪ ﺍﻟﻔﻄﻮﺭ ﺑﺎﺏ ﺍﻟﺸﺎﺭﻉ ﺩﻕ ﻭﺍﻧﺎ ﺍﺻﻼ ﻗﺎﻋﺪﺓ ﻓﻲ ﺍﻟﻤﻈﻠﻪ ﺑﺮﺓ
ﻷﻧﻮ ﺍﻟﻜﻬﺮﺑﻪ ﺑﺘﺼﺮﻑ ﺑﻘﻴﺖ ﻡ ﺑﻔﺘﺢ ﺍﻟﻤﻜﻴﻒ ﺍﺑﺪﺍ،ﻣﺸﻴﺖ ﻓﺘﺤﺘﻪ ﻟﻘﻴﺘﻬﻢ
ﺗﻮﺳﻞ ﻭﻣﻬﺎ ﻭﺭﻏﺪﺓ،ﺍﺳﺘﻐﺮﺑﺘﻪ ﻃﺒﻌﺎ ﻡ ﺣﺼﻞ ﺟﻮﻧﻲ ﻓﻲ ﺍﻟﺒﻴﺖ ﺍﺑﺪﺍ ﻻ
ﻭﻛﻤﺎﻥ ﺍﻟﻈﺮﻳﻔﻪ ﺷﺎﻳﻠﻴﻦ ﻟﻴﻬﻢ ﺑﻦ ﻭﺳﻜﺮ ،ﻗﻮﻟﺘﻪ ﻟﻴﻬﻢ ﺍﻫﻠﻴﻦ ﺍﺗﻔﻀﻠﻮ
،ﻓﻀﻠﺘﻬﻢ ،ﻗﺎﻟﻮ ﻟﻲ ﺍﻻﺀ ﺍﻟﻠﻴﻠﻪ ﻡ ﺟﺎﺗﻚ؟ﻗﻮﻟﺘﻪ ﻟﻴﻬﻢ ﻟﻮﻻ ﺍﻟﻴﻮﻡ ﻗﺎﻟﺖ
ﻣﺎﺷﻪ ﻋﻠﻰ ﺍﻫﻠﻬﺎ ﻭﻛﺪﺓ،ﺍﺑﺘﺴﻤﻮ ﻟﺒﻌﺾ ﺍﺑﺘﺴﺎﻣﻪ ﺧﻔﻴﻔﻪ ﻭﺑﻨﻈﺮﺍﺕ
ﻏﺮﻳﺒﻪ ﻃﺒﻌﺎ،ﻗﻌﺪﺗﻪ ﻋﻤﻠﺘﻪ ﻟﻴﻬﻢ ﺍﻟﺠﺒﻨﻪ ﺯﻳﻴﻴﻦ ﺑﻌﺪﻫﺎ ﻣﻬﺎ ﻗﺎﻟﺖ ﻟﻲ ﺍﻻﺀ
ﺩﻱ ﻡ ﺗﻐﺮﻙ ﻃﻴﺒﺘﻬﺎ ﺩﻱ ﺍﻭﻭﻭﻋﻰ،ﻗﻮﻟﺘﻪ ﻟﻴﻬﺎ ﺑﺈﺳﺘﻐﺮﺍﺏ ﻛﻴﻴﻒ؟ﻗﺎﻟﺖ
ﻟﻲ ﻋﺸﺎﻥ ﺍﻛﻮﻥ ﺻﺮﻳﺤﻪ ﻣﻌﺎﻙ،ﻗﻮﻟﺘﻪ ﻟﻴﻬﺎ ﻭﺍﻟﻠﻪ ﺍﻧﺎ ﻗﻌﺪﺗﻪ ﻣﻌﺎﻫﺎ
ﺍﻟﻔﺘﺮﺓ ﺩﻱ ﻛﻠﻬﺎ ﻡ ﺷﻮﻓﺘﻪ ﻣﻨﻬﺎ ﺣﺎﺟﻪ ﻛﻌﺒﻬﻪ،ﺗﻮﺳﻞ ﻗﺎﻟﺖ ﻟﻲ ﻡ
ﺍﻟﻤﺸﻜﻠﻪ ﻫﻲ ﻡ ﺑﺘﻌﻤﻞ ﺍﻟﺸﻲ ﺍﻟﻜﻌﺐ ﻓﻲ ﻭﺷﻚ ﻫﻲ ﺑﺘﺤﻔﺮ ﻟﻴﻚ ﺑﻲ
ﺗﺤﺖ ﺑﺲ،ﻃﺒﻌﺎ ﺍﻧﺎ ﺑﻘﻴﺖ ﺍﻋﺎﻳﻦ ﻟﻴﻬﻢ ﺑﺲ،ﻣﻬﺎ ﻗﺎﻟﺖ ﻟﻲ ﻭﺍﺣﺪﺓ ﻭﻻﻓﻪ
ﺳﺎﺍﺍﻱ ﻭﺑﺘﺎﻋﻪ ﺭﺟﺎﻝ ﻫﻲ ﻓﻲ ﺍﺧﻮﺍﻥ ﺭﺍﺟﻠﻬﺎ ﻋﻨﺪﻫﺎ ﺭﺍﻱ ﻋﺸﺎﻥ ﻛﺪﺓ
ﺍﻣﺴﻜﻲ ﺭﺍﺟﻠﻚ ﻋﻠﻴﻚ ﻗﻮﻱ ﻱ ﺑﺖ ﺍﻣﻲ ﻭﺍﻟﻠﻪ ﻭﺍﺣﺪﺓ ﻭﺧﺮﺍﺑﻪ ﺑﻴﻮﺕ
ﻭﺍﻷﻛﻌﺐ ﻣﻦ ﻛﺪﺓ ﺑﺘﺎﻋﻪ ﺷﻴﻮﺥ ﻭﻟﻤﺎﺻﻴﻖ، ﺭﻏﺪ ﻗﺎﻟﺖ ﻟﻴﻬﻢ ﺍﻧﺘﻦ ﻡ
ﺗﻘﻌﺪﻥ ﺗﻠﻔﻦ ﻭﺗﺪﻭﺭﻥ ﺳﺎﺍﺍﻱ ﻭﺭﻧﻬﺎ ﺍﻟﺤﺎﺻﻞ ﻋﺪﻳﻴﻞ ﻭﻡ ﺗﻘﻌﺪﻥ
ﺗﺴﺘﻐﺒﻨﻬﺎ ﻟﻮ ﻡ ﻗﺎﺩﺭﻳﻦ ﺗﺘﻜﻠﻤﻦ ﺍﻧﺎ ﺑﻮﺭﻳﻬﺎ ﺍﺳﻤﻌﻲ ﻱ ﺑﺖ ﺍﻟﻨﺎﺱ
ﺃﻟﻨﺎﺱ ﻭﺍﻟﻠﻪ ﺍﻻﺀ ﺩﻱ ﻗﺒﻞ ﻡ ﺍﻧﺘﻲ ﺗﺠﻲ ﻛﺎﻧﺖ 24 ﺳﺎﻋﻪ ﻣﻊ ﺭﺍﺟﻠﻚ
ﻭﻡ ﻛﺪﺓ ﻭﺑﺲ ﺷﻮﻓﺘﻲ ﺑﺎﺏ ﺍﻟﻨﺺ ﺍﻟﺒﻴﻨﻜﻢ ﺩﺓ ﻛﺎﻥ ﻓﺎﺍﺍﺗﺢ ﻭﻫﻲ ﻧﺺ
ﺍﻟﻠﻴﻞ ﺗﻠﻘﻴﻬﺎ ﻃﺎﻟﻌﻪ ﺍﻻ ﺑﺎﻟﺠﻠﺒﺎﺏ ﺍﻟﺨﻔﻴﻒ ﻣﻦ ﻫﻨﺎ ﻳﻌﻨﻲ ﻋﻼﻗﺘﻬﻢ ﻛﺎﻧﺖ
ﺑﺎﻟﺒﺎﺍﺍﺍﺍﺏ ﻋﺪﻳﻴﻞ ﻛﺪﺓ ﻭﺍﺳﻲ ﺣﻜﺤﻜﺘﻬﺎ ﻓﻴﻚ ﺩﻱ ﻡ ﺳﺎﺍﻱ ﻡ ﺗﻨﺒﺴﻄﻲ
ﺑﻴﻬﺎ ﻳﺨﺘﻲ ﻭﺍﺻﻼ ﺍﻇﻦ ﻳﻮﺳﻒ ﺩﺓ ﻋﺮﺳﻚ ﻋﺸﺎﻥ ﻳﺪﺍﺭﻱ ﻋﻠﻰ ﻋﻤﺎﻳﻠﻮ
ﻣﻌﺎﻫﺎ ﻣﺮﺓ ﺭﺍﺟﻠﻬﺎ ﻣﻐﺘﺮﺏ ﻭﻗﺎﻋﺪﺓ ﺑﺮﺍﻫﺎ ﻭﺍﺧﻮ ﺭﺍﺟﻠﻬﺎ ﻛﻞ ﺍﻟﺒﻨﺎﺕ
ﻧﻔﺴﻬﻢ ﻓﻴﻬﻮ ﻭﻫﻮ ﺳﺎﻛﻦ ﺟﻨﺒﻬﺎ ﻭﺑﻴﻨﺎﺗﻬﻢ ﺑﺎﺏ ﺩﺍﻳﺮﺓ ﺷﻨﻮ ﺍﻛﺘﺮ ﻣﻦ
ﻛﺪﺓ،ﻃﺒﻌﺎ ﺍﻧﺎ ﻭﻫﻢ ﺑﻘﻮﻟﻮ ﻓﻲ ﺍﻟﻜﻼﻡ ﺩﺓ ﺣﺴﻴﺖ ﻛﺄﻧﻮ ﻓﻲ ﺭﺍﺳﻲ ﺩﺓ
ﻓﻲ ﻛﺘﻞ ﺣﺠﺎﺭ ﺑﻲ ﻓﻮﻕ ﻟﻴﻬﻮ،ﺍﻧﺎ ﺳﺎﻛﺘﻪ ﻭﺑﻌﺎﻳﻦ ﻟﻴﻬﻢ ﺑﻌﺪﻫﺎ ﻗﻮﻟﺘﻪ
ﻟﻴﻬﻢ ﻭﺍﻧﺘﻮ ﻃﺎﻟﻌﻴﻦ ﺑﻌﺪﻳﻦ ﺍﻗﻔﻠﻮ ﻭﺭﺍﻛﻢ ﺍﻟﺒﺎﺏ،ﻣﻬﺎ ﻗﺎﻟﺖ ﻟﻲ ﻱ ﺑﺖ
ﺍﻟﻨﺎ ...ﻗﺎﻃﻌﺘﻬﺎ ﻗﻮﻟﺘﻪ ﻟﻴﻬﺎ ﺷﻜﺮﺍ ﻋﻠﻰ ﺍﻟﻨﺼﻴﺤﻪ ﻭﻭﺻﻠﺖ ﻭﺍﻟﻠﻪ ﻭﻡ
ﺗﻨﺴﻮ ﺗﺸﻴﻠﻮ ﺳﻜﺮﻳﻪ ﺍﻟﺴﻜﺮ ﺣﻘﺘﻬﻢ ﻡ ﻋﻨﺪﻱ ﺻﺎﺑﻮﻥ ﺍﻏﺴﻠﻬﺎ ﻟﻴﻜﻢ
ﻭﺍﻟﻠﻪ،ﺗﻮﺳﻞ ﻗﺎﻟﺖ ﻟﻴﻬﻢ ﻗﻮﻣﻦ ﺍﺭﺡ ﻱ ﻧﺴﻮﺍﻥ ﻧﺤﻦ ﺍﻟﻐﻠﻄﺎﻧﻴﻦ ﺍﻟﺒﻨﺠﻲ
ﻧﺴﺎﻋﺪ. ﻣﺶ ﻛﻠﻤﺘﻜﻦ ﺍﻧﺎﺍ؟ﻃﻠﻌﻮ ﺑﻲ ﺑﺎﺏ ﺍﻟﻨﺺ ﻭﺧﻠﻮ ﺍﻟﺒﺎﺏ ﻓﺎﺍﺗﺢ
،ﻓﻲ ﺍﻟﻠﺤﻈﻪ ﺩﻳﻚ ﺍﻧﺎ ﻣﺴﻜﺘﻪ ﺭﺍﺳﻲ ﻭﻗﻌﺪﺗﻪ ﻓﻲ ﺍﻟﻜﺮﺳﻲ ﺑﺎﻟﺠﻼﻟﻪ ﺍﻧﺎ
ﺑﻘﻴﺖ ﻡ ﺷﺎﻳﻔﻪ ﺍﺍﺍﺍﻱ ﺷﻲ ﺑﺲ ﺿﻼﻡ ﺑﻘﻴﺖ ﺍﻫﺒﺶ ﻳﻤﻴﻦ ﻭﺷﻤﺎﻝ
ﻭﻓﺠﺄﺓ ﻣﺮﻩ ﻋﻠﻰ ﺑﺎﻟﻲ ﻛﻞ ﻣﻮﻗﻒ ﺣﺼﻞ ﺑﻴﻨﻲ ﻭﺑﻴﻦ ﺍﻻﺀ ﻭﻳﻮﺳﻒ
،ﻭﻃﺮﻳﻘﻪ ﺗﻌﺎﻣﻞ ﻳﻮﺳﻒ ﻣﻊ ﺍﻻﺀ ﻭﺍﻻﺀ ﻣﻊ ﻳﻮﺳﻒ ﻭﻃﺮﻳﻘﻪ ﺍﻫﺘﻤﺎﻡ
ﺍﻻﺀ ﺑﻲ ﻳﻮﺳﻒ ﻭﻛﻼﻣﻬﺎ ﺍﻟﺪﺍﻳﻢ ﻋﻨﻮ ﻭﺍﻧﻮ ﻫﻲ ﻋﺎﺍﺍﺭﻓﻪ ﺍﻱ ﺣﺎﺟﻪ ﻋﻨﻮ
ﺣﺘﻰ ﺍﺻﻐﺮ ﺗﻔﺎﺻﻴﻠﻮ ﻭﻛﻼﻡ ﻳﻮﺳﻒ ﻟﻲ ﻳﻮﻡ ﻡ ﺟﺎﺑﺖ ﻟﻴﻨﺎ ﺍﻟﺸﺎﻱ
ﺍﻟﺼﺒﺎﺡ ﻭﻗﺎﻝ ﻟﻲ ﺩﻱ ﻣﺮﺗﻲ ﻭﺑﻌﺪﻫﺎ ﻗﻠﺐ ﺍﻟﻤﻮﺿﻮﻉ ﻫﻈﺎﺭ ﺑﻘﻴﺖ
ﺍﺗﺨﻴﻞ ﻛﻞ ﻣﻮﻗﻒ ﻟﻴﻬﻢ ﻣﻊ ﺑﻌﺾ ﻭﺍﻧﺎ ﺑﺒﻜﻲ ﻭﻏﻴﺮ ﺍﻟﻀﻼﻡ ﻡ ﺷﺎﻳﻔﻪ
ﺣﺎﺟﻪ ﻭﺟﺴﻤﻲ ﻛﻠﻮ ﺑﺮﺟﻒ ﻭﺑﻘﻴﺖ ﻡ ﺑﻴﻦ ﻣﺼﺪﻗﻪ ﻭﻡ ﻣﺼﺪﻗﻪ ﺑﺲ ﺍﺑﺪﺍ
ﻋﻘﻠﻲ ﻡ ﻛﺎﻥ ﻗﺎﺩﺭ ﻳﻜﺬﺏ ﺍﻟﻤﻮﺿﻮﻉ ﺩﺓ ...
# ﻧﺘﻼﻗﻰ
