#أحببتك_حتى31
قولته ليهو يعني ي عمو صلاح قصدك بابا اتقتل في الخرطوم 😭💔
قال لي والله ي بتي علمي علمك بس انا داير ابرد ضميري دة لأنو بكرة بموت وربنا حيسألني من الحاجه دي،قولته ليهو طيب ليه م اتكلمته ي عمو صلاح ليه من ساعتها م اتكلمته ؟قال لي ي بتي هوووي انا قبل كدة كلمتك كلمتك نحن ناس اكل وشراب والمحتمع النحن عايشين فيهو دة وسخ شديد تتكلم الحقيقه تلقى روحك انت الخسران،سكتته بعدها قولته ليهو طيب ي عمو صلاح شكرا ليك،ومن هنا انا تاني النوم غلبني بديت افكر وابكي في اللحظه ديك انا الدنيا مسخت علي حسيت بتفاهتها بجد،اذا بابا جا الخرطوم هنا ،كيف جثتو تتلقي في الغرب؟ودة منو صحبو اللي نزل معاهو وعازمو عشاء دة؟واذا هو اتقتل هنا؟اترحل خلال الساعات القليله دي الفاشر كيف؟الصباح ماما قالت لي لمي شنطتك نحن اليوم راحلين ،قولته ليها ماشين وين؟قالت لي اجرته لينا شقه مفروشه جنب المستشفى هناك نمشي نقعد فترتنا دي هناك هنا ي شهد ي بتي اختك دي مع بطنها دي بتتعرف والله وحبوبتك دي م بفوت عليها شي احسن نبعد ي بتي لمن نستر على اختك دي بعدين البسوي الله كل كويس ،قولته ليها م تتعرف كيف وهي بتلبس في ملابسها الخفيفه دي قدام الناس كلميها تلف توبها دة حواليها كل الوقت وم تطلع قرفتنا الله يقرفها،وبالفعل المساء رحلنا مشينا الشقه اثناء م انا جارة شنطتي من الأصانصير حسيت بنفسي دايخه ووقعته،صحيت لقيت نفسي في المستشفى ومركبين لي دريبات،قولته لي ماما الحصل علي شنو؟قالت لي وقعتي بس لكن الحمدلله اسي كويسه ليه م كلمتيني انك حامل؟سكتتع،جات الدمتورة سلمت علي قالت لي شهد حنتضطر نرقدك عندنا اسبوع لأنو حملك م مستقر كنتي متابعه وين انتي؟قولته ليها م متابعه عند زول،قالت لي معقوله ي شهد دي حاجه بوصو عليها كمان،نحن حنتضطر نمسكك لأنو في علاجات لازم تاخديها تمام؟قولته ليها في البيت م ممكن؟قالت لي ابدا،قولته ليها طيب،عدة الإسبوع ورجعته البيت،كان معي رامي وماما لما رجعته البيت،ماما كانت متضايقه من حملي دة لدرجه غريبه اول م وصلنا بقت تهرج وتقول "حمل شنو زاتو ليك؟هو وينو الراجل العندو مستقبل لمن بتحملي منو؟اصلو الله دة م اداك عقل تفكري بيهو،بت صغيرة وجاهله دايرة بالولادة شنو؟مالك ومال العفن؟اسي م ياهو طلقكك كان راجل صحي كان مسكك م رماك زي الكلبه،لما اتضايقته بقيت م قادرة امسك نفسي قولته ليها ماما على فكرة الفي بطني دة انا م جايباهو من الشارع تمام؟ليه زعلانه كدة متضايقك في شنو انتي اذا انا م متضايقه منو،اذا انتي عايزة تضايقي بجد امشي شوفي صرفه لي ب...فجاة سكتته وم قدرته اكمل لأنو رامي قاعد وبعاين لي،قولته ليها على العموم م تخافي م بحملك مسؤليتو انا براي بتحمل مسؤليه ولدي الخايفه منو م حيحصل،مشيت دخلته الغرفه ورقدته في السرير ومسكت بطني وبقيت ابكي
"اصعب حاجه انو انت في كل حاجه صعبه تمر بيها م تلقى البقيف معاك وبسندك ،بكونو حواليك ناس كتااار بس ابدا م بتلقى زول يطبطب عليك،فجأة رامي جا داخل،قال لي شههد،مافي ام م بتخاف على جناها ونفس احساس الأمومه الحاسه بيهو انتي اسي امك كمان حاسه بيهو فهمتي؟يعني ابدا م تزعلي او تضايقي منها في النهايه دي امك انا عارف لما تفوري م بتشوفي قدامك لكن حاولي اتجاوزي واستحملي ي شهد،قولته ليهو حاضر،قال لي يوسف وين اسي هو؟لفيت منو وشي وقولته ليهو م عارفه،قال لي طيب انا طالع،قولته ليهو انت لسه زعلان مني في موضوع الشركه داك؟قال لي ابدا م بزعل منك انا انتي اختي ياخ في زول بزعل من اختو؟يلا خلي بالك من نفسك واخدي حبوبك في مواعيدها فاهمه؟قولته ليهو حااضر ،بعد م طلع اتصلته على وسن قولته ليها وسن انتي مش عندك ولد خالتك شغال في مطار الخرطوم؟قالت لي اي،قولته ليها عايزاه يساعدني في موضوع ضروري،قالت لي اللي هو شنو؟حكيت ليها جزؤ من الموضوع ،قالت لي لكن ي شهد الحكايه دي ليها تلاته سنه حيعرف كيف؟قولته ليها في ملفات المطار حتكون محفوظه بس هو كيف يوافق يساعدني،قالت لي واذا ساعدك حتعملي شنو؟قولته ليها ولا شي حتقدري تساعديني؟قالت لي بحنكو ليك وبعدين هو بالحيل بحب القروش فيعني لو نعنشتيهو م بقصر منك ،قولته ليها ظااابط م عندي مشكله انا،في الفترة دي انا الحمل كان متعبني شديد وكل اسبوع بمشي المستشفى بعمل الفحوصات وباخد ادويه وبجي راجعه يعني انا اخدته كميه من الأدويه والله تفتح صيدليه،عكس لدن حملها كان ماشي زين وسبحان الله عوجه م عندها،انا مجاهد وقفني من الشركه بعد رقدتي في المستشفى قال لي الشهور الأولى دي خليك في البيت بعد تتحسني تعالي راجعه،بقيت مقفوله في البيت وطبعا م مقفوله سااي حارسه لدن علشان م تطلع ولا تمشي كدة ولا كدة وشغاله في البيت كل الوقت ارفع واخت واجهز ليها اكلها وشرابها ،وانا والله حالتي اكعب منها،اما ماما فهي شيلتني المسؤليه كلها انا وبقت تمشي دوامها الصباح وترجع نص الليل ،طبعا لدن وديناها مستشفى بعيدة لا في زول بعرفنا فيها لا نحن بنعرف زول فيها ،وغيرنا ليها اسمها علشان ماف زول يعرفها،لما سألوني من اسمها في اول مقابله ليها قولته ليهو اسمها سارة عبدالصمد،قالو لي حتلدي بي عمليه وحددو لينا مواعيد،ولدن دي كل م مواعيد ولادتها تقرب كانت بتتنفخ زيادة لدرجه انو انا بقيت اقول ليها لما مجاهد ورامي يجو م تطلعي ليهم ابدا،ولا ححى حبوبه م تطلعي ليها خليك جوة،الفترة الأخيرة انا بقيت اكون قاعدة في الهول طبعا فاتح في غرفتها يعني اي حركه منها انا بشوفها ،بدون مبالغه انا كنت بوديها المقابلات وبجيبها وكل مسؤليتها كنت شايلاها انا ،وماما دي حتى م بتسألني حصل شنو ولا الدكتور قال لينا شنو ولا غيرو،قبل اسبوع من مواعيد الولادة في يوم عبدالله قام رمى اختو من الكنبه وانا قمته جلدتو ،امو كانت نايمه ،جرى لي امو وهو ببكي قال ليها خالتو شهد دقتني وانا م عملته حاجه ،طلعت لي غضبانه وانا كنت في المطبخ بجعز ليها في الفطور ،قالت لي عيالي ديل م تمدي يدك عليهم فاهمه ولا لأ؟م لاقياهم انا في الشارع عشان انتي 24ساعه يدك ماشه فيهم عيال الحرام البتكرهيهم ديل بكرة ان شاءالله الفي بطنك دة يطلع ليك مشوه ومعاق رجل ويد يعذبك في دنيتك دي زي م بتعزبي عيالي بالضرب،طبعا انا مخلوعه من اسلوبها وكلامها تخيلو هي بتدعي علي انا الدعوة دي،وبكل قوة عين كمان؟اتلفته عليها وقولته ليها عمرها الإعاقه والتشوه الخلقي م كان شي يتعاب بيهو الإنسان دامو جاي من ربنا كدة،لأنو زي م جاب الناس الكاملين والكمال لله كمان جاب المعاقين لحكمه،وعلى الأقل المعاقين ديل معاقين جسد م عقل وي ستي كان انتي ملام ولا نبي ودعوتك بتستجاب خلي ربنا يديني ليهو دسته معاقين ابدا م حأعترض على حكمو في ناس حتى نعمه المعاقين دي ربنا حارمهم منها😊ساقت عيالها ورجعت غرفتهاجا يوم ولادتها مشينا المستشفى انا وهي بس وخلينا العيال لي ماما في البيت اتخيلو حتى يوم الولتدة ماما رفضت تمشي وخلتني انا امشي معاها،لما سألونا عن راجلها اتضطرينا نكذب ونقول ليهم راجلها مغترب وبعيد،قالو لينا الولادة الا بالقسيمهه ،قولته ليهم م عندنا قسبمه هنا ونحن والله اهلنا بعاد وانا جايه من جدة عشان اولدها و...المهم بعد تعب وافقو يولدوها دخلوها العمليه وانا واقفه طبعا في غرفه المراقبه وشايفه الدكاترة شغالين في غرفه العمليه شويه كدة قامو يتجارو فجأة جات الممرضه قالت لي انتي اختها؟قولته ليها اي،قالت لي امسكي الولد دة بسرعه،شيلتني البيبي وجرت دخلت تاني جا دكتور طالع ومعاهو ممرضه جسمو دة كلو ملان دم قال ليها اجري بنك الدم جيبي دم من فصيلتها وتعالي سرعه،عاين لي وقال ليهم الشافع دة مدنو ليها ليه دخلوهو الحضانه سرعه،وانا هلاص من الخوف خلاص قولته بس حتموت جوة ودخلته في حاله تاتيه،الممرضه جات طالعه قالت لي اختك دي تعبانه جوة تعالي ادخلي،دخلته الدكتور قال ليها بي نهرة طلعيها برة قولته ليك،انا بقيت ابكي واقول ليها اختي مالها مالها اختي الحاصل عليها شنوو😭💔بعد تعب وسله رووح وساعهه جوة طلعوها قالو بقت كويسه لكن حيخرجوها بعد تلاته يوم، م كنت حاسبه حساب انو هي اذا رضعت الطفل حتتعلق بيهو ابدا وخليتها ترضعو كان ولد حلاااتو وطالع سميين تقول م عمر يوم ماشاءالله عليهو ،طبعا انا في المستشفى دي م خليت دمعها م نزلتها لدرجه انو الناس بقت تهدي فيني وبقولو لي المات ليك منو،تمينا يومين،اليوم التالت اتصلته على ماما وقولته ليها في اللحظه دي انتي اذا م جيتي ي ماما انا حاتصل على رامي ومجاهد وحاحكي ليهم بالحاصل انا لغايه هنا Stopبعد كدة انتي التقيفي مع بتك وانتي الحتتصرفي فيهو،ماما جات وكانو مخرجننا،ماما شالت البيبي لدن بقت تبكي وتصرخ وتقول ليها "امي انتي شايله ولدي موديه وين؟عايزة تعملي شنو في ولدي ي امي؟عليك الله خلي لي ولدي ي امي انا بربيهو م عندي شغله بالناس اناا ي امي م تقطعي قلبي على ولدي ي امي انا عايزاهو،وامي دي تبكي وانا ببكي ،بس احيانا علشان تغطي على غلطه لازم تغلط غلطه تانيه تداري بيها على مصيبتك ،الحياة بتختك في مواقف صعبه وم بتديك خيارات و حلول كتيرة حيكون قدامك خيارين واحد منهم بتعلق بالمجتمع والتاني حيتعلق بيك انت وانت غالبا حتختار البخص المجتمع علشان المجتمع دة هو غالبا بكون محور حياتك كلها،زي م عملت ماما وصلتنا البيت وشالت البيبي ومشت بيهو التربيه قالت ليهم انها لقتو في الطريق و...حققو معاها لدرجه انو جو معاها البيت وشالو رقم البيت وفتحو بلاغ وقتي ،لدن كانت تستاهل تتخت في الموقف دة وتتحمل مسؤليه اخطائها ونحن م كان في يدنا شي ،صح هي صعبه عليها كأم بس كمان نحن عذاب الضمير كان حيموتنا،بعدها يااخي انا عشته حاله اكتئاب م بعدو اكتئاب عذاب الضمير كان حيموتني ،م كنت قادرة اتجاوز فكرة انو انا البيبي دة شلتو بي يدي وسمعته صوتو وهو ببكي،م كان صعب على لدن على قدر م كان هو صعب عندي ،وعلى الدوام انا كنت في حاله تفكير "هو كيف اسي ؟كويس؟بياكل وبيشرب؟ولما يبكي البسكتو منو والبهتم بيهو منو؟ولو صحى نص الليل وبكى غالبا بكون محتاج امو،"هو ذنبو شنو في غلطه زي دي؟ليه يتعاقب بالطريقه دي؟ليه هم بغلطو وبحملو الشفع البريئين ديل مسؤليه غلطهم؟ليه يحكمو عليهم انهم يعيشو يتامى لا أم لا أب ليه بس؟ليه يحرموهم من احساس الإنتماء كبشر طبيعين؟الأوسخ من كدة انو لدن مع مرور الأيام وهي لسه م تمت شهر رجعت لطبيعتها وبقت تهتم بي روحها وماما اخر اهتمام تعمل ليها الحليب تودي ليها محلها،والنشأ والفطور والغداء وكل احتياجاتها ولا حتى فكرت تتكلم معاها بخصوص العملتو دة ولا حتى ي لدن ي بتي انتي غلطتي لأ م قالتها ليها،دي اكتر حاجه كانت بتوجع يعني حتى انا قرفته منهم معقوله يرجعو يعيشو حياتهم بصورة طبيعيه كدة؟في يوم صحيت بالليل م كان جايني نوم وانا اساسا بقيت م قادرة انوم بصحى بصلي وبستغفر نص الليل،المهم وانا ماشه بجنب غرفه لدن كدة سامعه صوت همس كدة خفيف دخلته الحمام اتوضيت جيت طالعه سامعه صوت ضحكت لدن على طول فتحته الباب،فتحته سكتت ،قفلته الباب وسكتته مساافه بعدها سمعتها بتقول "ايوة معاك حبيبي"بس مع صوتها دة رجعته فتحته الباب ومشيت جريت منها الغطى ورفعته راسها جريت التلفون من تحت اضانها ورميتو وكسرتو ليها،واديتها كف قولته ليها حتفضلي تافه كدة لمتين؟فوق الذنب الشيلتينا ليهو وعذاب الضمير الدخلتيهو فينا لسسسه بتكابسي في الرجال ي حيوانه؟حتبقي بني أدمه متين انتي؟ماما جات جاريه قالت لينا في شنو؟قولته ليها شوفي بتك الخليتينا نحن نشيل ذنب وننضف ليها شوفي ياها رجعت تتكلم بالتلفونات انصاص الليالي مع الرجال شوفي ي امي يعني كأنك ي زيد م غزيت ولا كأنو هي عملت شي،رجعت تتصرف عادي حتى خجله منك انتي م خجلانه لكن تخجل كيف وانتي مسانداها،تخجل كيف وانتي لغايه الأن م غلطتيها ولا قولتي ليها عملتي ولا فعلتي،وابشرك ي امي بكرة تاني حتمشي تغلط مرة واتنين وتلاته لأنها واثقه في منو البنضف ليها ،كفايه علينا لحدي هنا نحن،البتتكلمي معاهم ديل ليه م وقفو معاك؟ليه م دفعو ليك تكاليف المستشفى؟ليه جدعوك زي الكلبه وريني ليه؟تكابسي لي الا في الشفع اريتهم كان نافعين تقلي ادبك معاهم وهم كل البخسرو فيك خدمه ارببا بجنيه واحد يساهرو بيها معاك علشان تعرفي روحك تافهه ورخيصهه كيف ياخي تفو عليك انا لغايه هنا وكفاني تعبته انا زاتي عذاب الضمير عايز يقتلني وانتي حضرة سيادتك ماكله وشاربه ومكمله حياتك عادي ولا كأنو عامله شي وامك بتهتم بيك تاني عايزة شنو انتي والطريق ممهد ليك علشان تغلطي مرة تانيه على العموم انتو احرار ان شاءالله ي امي تفتحوها حضانه انا م لي دخل بيكم وعلشان انتي لسسه م شايفه بتك عملت غلط ي امي استعدي وجهزي نفسك للمصيبه الجايه وبكرة تقولي شهد قالت ورجعتهه غرفتي شلته تلفوني اتصلته على ماذن،ردة قال لي شههد كيفك؟قولته ليهو م كويسه ي ماذن انا تعبانه وقرفانه من الحياة دي ونفسي اموت ي ماذن نفسي اموت وربي،قال لي شهد لا لا يااخي م تقولي كدة كدة قولي بسم الله مالك ؟قولته ليهو انا الحياة دي تعبته منها ي ماذن انت فاهمني تعبته منها بجد نفسي اموت وارتاح ،ليه انا بس البحصل معي كل دة؟ليه الحياة دي م بتتعكس على زول الا انا😭💔قال لي شهد ي قلبي كدة استغفري م كدة الحياة دي اصلا هي كدة ياما حتتعبي وحتعاني فيها لكن لازم تستحملي وتعافري عشان تكملي،قولته ليهو لمتين بس قول لي لمتين ماذن انا بقيت م قادرة وربي م قادرة،قال لي انتي هدي اعصابك وروقي كل شي بتحل ان شاءالله والله ي شهد بتحل انتي عايزة تخليني اموت بالقلق عليك؟انا مش قولته ليك كتري من الصلاة والإستغفار؟قولته ليهو بصلي،قال لي اسي قومي صلي ليك ركعتين واستغفري وادعي وانتي ساجدة ي شهد ربنا م بخيب ظن زول فيهو طول م هو محسن الظن فيهو،قولته ليهو حاضر،قال لي قومي صلي وانا منتظرك تخلصي وبرجع ليك تمام؟قولته ليهو حاضر،صليت وقىيت لي كم ايه من القرءان كدة بعدها رجع اتصل قفلته المصحف ورديت،قال لي حسيتي براحه صح؟قولته ليهو ايوة،قال لي مش قولته ليك حترتاحي؟قولته ليهو ماذن انت م حتتخلى عني زي الباقين صح؟قال لي اتخلى عنك؟ي بت انتي مجنونه انا بقدر اتخلى عنك اساسا؟قولته ليهو ماذن انا محتاجاك شديييد،قال لي وانا معاك ي شهد حتى من غير م تقولي انا معاك،وبعدين انتي بتساهري ليه في حامل بتساهر؟نومي وم ترهقي نفسك تمام م عشانك انتي بس عشان البيبي كمان،قولته ليهو حاضر،قال لي بتاخدي ادويتك في وقتك؟قولته ليهو ايوة،قال لي متأكدة ولا كلام سااي؟قولته ليهو متأكدة،قال لي طيب اخدي راحتك ونومي وم ترهقي نفسك تمام؟قولته ليهو حاضر،قال لي وم اشوفك اون لاين في الفيس ولا غيرو،قولته ليهو حاضر ي ماذن،قال لي يلا تصبحي على خير حأتصل عليك بكرة خلي بالك من نفسك ماشي؟قولته ليهو تمام يلا سلام،قفلته منو ونمته،الصباح كان عندي مقابله مشيت الدكتورة قالت لي لسسسهه وضعك م تمام لكن م أكعب من الأول ،قولته ليها كيف م تمام؟قالت لي اوا شي التغذيه بتاعتك ضعيفهه، ووضعك الصحي م وضع حامل بالجد يعني انتي تغذيتك وحالتك النفسيه بتأثر على الجنين وبشكل مباشر كمان؟قولته ليها عارفه ،قالت لي طيب خلي بالك من صحتك ياخ لو م عشانك عشان البيبي دة نحن بنحاول بثبتو بالجلاله،قولته ليها حاضر ان شاءالله،طلعته منها مشيت لي ناس حبوبه سلمته عليهم ومشيت لي وسن ،قالت لي بالمناسبه حسن سأل منك,قولته ليها حسن منو؟قالت لي حسن ود خالتي،قولته ليها بالجد؟ان شاءالله لقى حاجه،قالت لي تقريبا،قولته ليها طيب اديني الرقم سرعه،ادتني الرقم اتصلته عليهو في نفس اللحظهه قولته ليهو "الوو كيفك؟قال لي وعليكم السلام،قولته ليهو معاك شهد صحبه وسن،قال لي مرحب ي شهد حبابك،قولته ليهو وسن قالت لي انو انت اتصلته عليها ان شاءالله تكون طلعته بحاجهه؟قال لي فعلا اتصلته عليها اليوم الصباح ولحسن حظي اتصلتي انتي المهم ي بت الناس انا راجعته الرحلات الجات من الفاشر في اليوم داك وراجعته اسماء الواصلين في الرحلات دي وبالفعل لقيت الإسم الانتي اديتيني ليهو دة وبالتحديد كان جاي بالرحله رقم 134676وصلو بالضبط حوالي الساعهه 10 ،قولته ليهو انت متأكد؟قال لي لو م متأكد م بقول ليك الكلام دة ابدا،قولته ليهو طيب شكرا ليك م قصرته يااخي،قال لي العفو ي اختي،اول م قفلته منو اتصلته على مجاهد قولته ليهو ضروري تجيني في بيت ناس حبوبه،قال لي في شنو انتي كويسه؟قولته ليهو تعال ي مجاهد وانا بحكي ليك😭💔انتظرتو لغايه م جا واتصل علي طلعته مشيت ليهو ،ركبته العربيه قال لي شهد مالك انتي؟قعدته ابكي،قال لي شهد مالك؟اتشاكلتي مع امي ولا لدن؟قولته ليهو لا ،قال لي طيب بتبكي مالك ي شهد؟قولته ليهو مجاهد قبل فترة عمو صلاح مدير المنظمه متزكرو ،قال لي اي مالو؟قولته ليهو اتصل علي وقال لي انو بابا قبل يوم من وفاتو جا الخرطوم هنا بالليل و......،قال لي شهد دة راجل كبير ومخرف سااي م تشتغلي بي كلامو بالمنكق كدة هو كيف يكون في الخرطوم هنا ويلقوهو ميت في الغرب؟،قولته ليهو مجاهد انا زاتي في البدايه م صدقتو وفي واحد ببقى لي وسن شغال في المطار انا اتصلته عليهو وطلبته منو يساعدني وبالفعل لقى اسم بابا في اسماء الركاب الواصلين ولو م مصدقني دقيقه شلته تلفوني دخلته الرقم واديتو ليهو قولته ليهو هاك اتكلم مع الولد،شال التلفون واتكلم مع الولد والولد أكد ليهو كلامي بالتفاصيل الممله حتى مجاهد قال ليهو بكرة انا عايز اقابلك تمام؟بعد م قفل فضل سااكت ومغطي وشو بي يدو،قولته ليهو مجاهد معناها بابا م قتلوهو قطاع الطرق ولا اي شي صح؟وهو مات هنا في الخرطوم واترحل الغرب عشان الموضوع م يكون ملفت للنظر صح ي مجاهد؟قال لي شهد اهدي روقي لي اعصابك عشان نفكر بي مهلتنا فهمتي؟اليوم التاني مشيت الشركه لقيت مجاهد ومعاهو عمو مختار قاعدين مع بعض في المكتب شويه كدة جا عمو عبدالباسط ورامي داخلين سلمو علينا ،رامي قال لي مجاهد في شنوو؟مجاهد قال ليهو نحن اليوم فتحنا قضيه قتل ابوي من أول وجديد عشان عايزين نعرف هو القتلو منو بالظبط لأنو قصه قطاع الطرق والأفلام الهنديه دي م ركبت راسنا،رامي قال ليهو جاي بعد تلاته سنوات تفتح القضيه ياخي ابوي مات وشبع موت،قولته ليهو ومات معذب م تنسى،قال لي الموت واحد ي شهد،مجاهد قال ليهم المهم انا حبيت اوريكم بس انا فتحته القضيه وحأخليها تصل للنهايه عشان نريح عقلنا دة من الشكوك الفيهو دو ولا انت رايك شنو ي عمي عبدالباسط؟عمو عبدالباسط قال ليهو بخلعه اي جدا ماف مشكله نهائي م عندي مشكله انا العايزنو انتو يبقى ي اولادي،طبعا م اتوقعتو يتجاوب مع الموضوع كدة بس قولته غرببه،عدت الأيام وانا والله تعبته تعب كل يوم حالتي بتبقى اسوأ مع الحمل وحياتي كلها بقت مستشفى يومي تعبانه ويومي باخد حقن علشان احافظ على الجنين،كنت متمسكه بالبيبي دة شديييد لدرجه انو كنت مستعدة اعمل اي شي بس م تحصل ليهو حاجه،انا وصلته لمرحله الدكتورة قالت لي ياخي انتي م تنزليهو وتريحي نفسك بس اصلا العيال بجو ياخي،بس انا رفضته ،لما دخلته في السابع قولته الحمدلله شويه كدة ارتحته بس بطني بقت كأنها بطن 9شهور،لما دخلته في ال9جهزته غرفتي كلها وحجات البيبي م خليت ليهو شي،مع انو م كنت عارفه بت ولا ولد لأنو حبيت تكون مفاجأة بس وكنت مقتنعه انو البجي من ربنا كلو كويس،في نص التاسع في يوم اتصلت علي وسن ،رديت عليها قولته ليها اهلين وسن كيفك،قالت لي واااي ي شهد واااااي وسن ماتت ،وسن م كويسه خالص ،وسن جاها شلل،خلعتني طبعا قولته ليها في شنو مالك ي بت ؟قالت لي في الفيس اللهم واااي،قولته ليها الفيس فيهو شنو ؟الله يقتلك خلعتيني قولته تكون حاصله معاك حاجه،قالت لي مرسله ليك حاجهوفي الواتساب اجري افتحيهو ،قولته ليها متخلفه اقسم بالله انتي حيوانه،فتحته الواتساب لقيتها مرسله لي صورة اول م فتحتها طبعا انا ربع ساعه بعاين للصورة،رجعت اتصلت علي قالت لي وااااي ي شهد شوفتي الأنا شايفاه؟شوفتيهو بقى سمح كيف؟وبعلي بس وبعلي على السماحه الفيهو زاد سماحه،قولته ليها I don't cearقالت لي شهههد اقسم انتي هبله انتي عارفه انو هو نزل السودان امس؟ومن م انفصلتو دي اول مرة يظهر فيها بعد غياب 7شهور تقرببا؟هو اختفى رسمي ي شهد م نفسك تعرفي وين كان والحاصل عليهو شنو؟،قولته ليها ههههه اختفى لأنو اتزوج البقرة بتاعتو دي ونعنشتو بقروشها وعيشتو في السعوديه وظبطت ليهو امورو عايز شنو تاني؟قالت لي بس الشي الفهمتو من البوست انو كان في قطر م في السعوديه،سكتته مساافه قولته ليها م بتفرق في النهايه سافر واتنعنش والله يكفيك شر الكان مقطع والدنيا نضفتو اصلا لازم يتجدع كدة مش بقولو الما بتلقاهو في بيت ابوك بخلعك؟اها ياها الخلعه العورة زاتها ههههه😊قالت لي شهد م تقولي كدة ياخي انتي شوفي بقى سمح كيف ؟قولته ليها سماحتو دي لنفسو م لي زول ويعني سماحتو حتدخلني الجنه مثلا؟يلا مع السلامه قفلته الخط في وشها،ياخي كل م اقول اني نسيتو خلاص وحأكمل بظهر زول بزكرني بيهو،دخلته الواتساب فتحته الصورة قبل م اعاين ليها كويس حذفتها علشان م اضعف بي شوفتو😿💔في يوم حبوبه جات ساقتني معاهم البيت قالت لي عشان انتي قربتي وماف زول بهتمه بيك امك دي جاريه في جريها ولدن اختك دي لا بتطقع لا بتجيب الحجار كان يوم بطنك دي وجعتك سااي تقولي ي منو اخير تقعدي معانا في البيت وتونسيني زاتو،عدت الأيام لغايه م في يوم صحيت العصر كدة حسيت بطهري بوجعني،مشيت دخلته الحمام سامعه صوت لدن بتتكلم مع حبوبه وبتقول ليها "نايمه زي الزمن دي ليها دة جو بنومو فيهو اسي دقيقه اصحيها،فتحت باب الغرفه لقتني طالعه من الحمام وخاته يدي في ضهري،قالت لي تنومي السهر نايمه ليها شنو كمان؟قولته ليها ضهري واجعني والله،قالت لي واجعك عديل اووعى تكون ولادة ي شهد؟قولته ليها م اظن يمكن من الغسيل الغسلتو امس دة هههه،قالت لي انتي زاتك البخليك تغسلي شنو ي شهد ؟قعدت تتونس معي كداا لغايه المغرب طلعت مشت بيتهم حسيت الوجع زاد زيادة ،نزلته كلمته حبوبه،قالت لي عندنا جارتنا دايه امشي اجيبها تشوف اذا ولادة او لا ،قولته ليها حبوبه م بقدر انتظر انا وديني المستشفى بس،شالت التلفون ضربت لي ناس امي وراميبعدها جهزت لي شنطتي وجدو جاب العربيه، جات وسن جاريه قالت ليها في شنو ي حبوبه؟قالت ليها صحبتك جاها الوجع ي بتي اركبي ضربته لي امك تلفونها مقفول عشان كدة ضربته ليكي انتي،وانا من الوجع م سامعه هم بقولو في شنو بس ببكي ووسن وحبوبه بصبرو فيني لغاايه م وصلنا المستشفى كانو حاجزين لي طبعا،دخلوني الدكتور قال ليهم مشوها في المستشفى،قولته ليهو بي صرخه يمشوني كيف وانا حاموت من الوجع،وسن مسكتني قالت لي لازم تمشي،ساقتني مساافهه وقفته وانا دموعي م عايزة تقيف قولته ليها وسن انا انا عايزة يوسف،جيبي لي يوسف😭مش انتي متواصله معاهو في الفيس؟مش عندك رقمو كلميهو خلي يجي انا عايزاه بجد محتاجهاهو انا ي وسن،قالت لي طيب روقي مع اني م عارفه اذا شغال بي رقمو القديم ولا لأ لكن بحاول،شالت تلفونها وانا واقفه وبمشي يمين وبمشي شنال،فجأة قالت لي فاتح لكن م برد ،قولته ليها كيف يعني م برد ليه م برد😭💔قالت لي مع انو كان اون لاين قبل تلت ساعه في الفيس يمكن بعيد،قولته ليها اتصلي عليه مسنجر طيب،اتصلت مسنجر وبرضو م ردة ،قالت لي رسلته ليهو رسايل كان دخل حيلغاها،قولته ليها جيبي انا حأرسل ليهو ريكورد،شلته منها التلفون ورسلته ليهو وانا ببكي"يوسف معاك شهد انا في المستشفى تعال حصلني انا محتاجه ليك وخايفهه،خايفهه شدييد الله يخليك تعال ي يوسف وربي م بلد لو انت م جيت 😭💔...
#نتلاقى®♡
