#أحببتك_حتى18
،وفجأة اسمع ليك رامي بقول :"يعني والله ياااخي ي محاسن الصدف والله وبضحك،قولته لنفسي ي ربي دة مش صوت رامي البضحك دة ولا انا بتخيل لي😨😳ماما جات ماشه وشايله العصير بجنبي،عاينت لي بي تحميره كدة،غيرته ملامح وشي احساس خوفتني وكدة 😂💔قالت لي امشي ساعدي حبوبتك في المطبخ سرعه،دخلته المطبخ لقيت حبوبه،قولته ليها حبوبه عايزاني اساعدك في حاجه؟قالت لي لا لا ي بتي ،قعدته ،قالت لي جدك بي زعلتو دي م يقوم يشرد.الولد كمان،سكته مسااافه قولته ليها جدو زعلان مني؟قالت لي زعلان وبس؟هو مااااا اتكلم لكن الله يكفيك شر سكتتو بس،قعدته اضحك قولته ليها شكلي الليله حأبقى ملطشه وحأتجلد😂😿😭💔قالت لي انتي زاتك عاد ي بتي اتلومتي،قولته ليها حبوبه ورررربي م اتوقعتو يكون جاادي ابدا ،قالت لي عاااد دايرة تسمعي الكلام الحلو الوقت كلو وتباري الفارغه وم دايراه يصل البيت و يكون جادي صح؟😂💔قولته ليها حبووووبهه لاااااا وربي م كدة😂قالت لي انتن بنات الزمن ديل دي حركاتكن الواحدة دايرة الواحد يحبها ويلف بيها ويسمعها في الكلام المعسول ويلف بيها المطاعم دي لا تخلي لحم ضان لا بقر ولا تخلي جدادة لافه تملن في كروشكن دي على حساب اولاد الناس المساكين لمن يجي صاحب النصيب وتفكو فكه الهواء للريشهه عاااد تتجازن 😂قولته ليها حبوبه هم الما بكونو جادين وربي😂قالت لي عااد هو كان م جادي كان بتلقيهو مرزوع اسي بره ؟الله يرحم زمنا الواحدة لا شافت لا مرقت لا لفت بجي صاحب النصيب ومن غير م يشاوروها بدوها ليهو😂💔قولته ليها لكن ي حبوبه في زمنكم داك العرس كان بالجبر عديييل😂قالت لي بري لا بالجبر ولا شي عشنا معاهم لا يوم واحدة فينا اتطلقت ولا عملت مشاكل ،قاعدين وساترين حالنا ولدنا وربينا وكبرنا وشوفنا اولاد اولادنا ولسسه مكملين الحمدلله،قولته ليها بس ماف حب صح؟😁🙊قالت لي حب شنو ي بت الحب دي قله ادبكن البتعملن فيها دي اسي بتسمنها حب؟نضمي طول اليوم في التلفون ومقابلات كل خمسه دقايق اسي دة حب ليكم؟قالت لي ي بت الحب الجد جد بتلقيهو من راجلك بعد العرس،اسي بغروكم بالكلام المعسول دة سااي اسأليني انا دي،وبعد العرس زاتو بتحصل بينكم الرحمه والمودة القال عليها ربنا عشان كدة الواحدة م تستعجل نصيبها بجيها برااهاا لكن انتن عااد صبرا ببل الأبري م عندكن😂😂😂😂💔
في الجانب التاني في الهول كان محمد صاحب يوسف بقول :طبعا ي جماعه نحن اسفين لأنو جيناكم فجأة او يمكن من غير سابق انذار بس شكلو في سؤ فهم حصل وكدة،اعرفكم انا محمد،ودة يوسف صحبي واقرب لي من اخوي،رامي قال ليهو حبابكم والله ،انا رامي ودة اخوي الكبير مجاهد،جدو قال ليهو حبابكم ي ولدي انا جدهم الكبير احمد،محمد قال ليهم تشرفنا ي عم احمد طبعا نحن جينا وقاصدين الخير،اخووي دة جاي وطالب يد بتكم شهد،لما قال كدة يوسف شفط ليهو مويه وبقى يمسح في العرق من جبهتو،مجاهد قال ليهو والله نحن زاتنا اتفاجأنا بالموضوع دة وم حاسبين ليهو اي حسابات دة غير انو نحن م بنعرف شي لا عنك ولا عن صحبك،وين امو وابوهو واهلو وفصلو و...رامي عاين لي مجاهد وقال "احم انا معرفتي بي يوسف سطحيه شديييد بس من خلال تعالمو واسلوبو باين عليهو ود ناس ومحترم جدا حسب تجربتي الشخصيه معاهو،مجاهد قال ليهو دة احتمال بس الواقع بقول يمكن يطلع العكس نحن بنحسبها بالمنطق ي رامي،جدو قال ليهو اسمع ي ولدي وين اهلك؟يوسف قال ليهو اهلي متوفين ،قال ليهو الله يرحمهم وانت عايش مع منو ي ولدي،قال ليهو والله ي عم احمد ممكن تقول انو انا ربيت نفسي بنفسي وجزؤ ربتني عمتي زوجه ابوي،جدو قال ليهو درسته شنوو؟يوسف قال ليهو م درسته جامعه والله ،محمد قال ليهو الظروف م كانت مساعداهو عشان يكمل دراستو وكدة،جدي سكتت مسااااافه وقال ليهو وشغال شنو؟يوسف قال ليهو شغال في محل بتاع ملابس في سوق امدرمان،جدو قال ليهو ااااسمع ي ولدي والله نحن م بندي بناتنا ساااي ،لكن داير اسألك سؤال بتنا دي انت شايف نفسك بتقدر تعيشها؟قبل م تجاوب لي فكر كويس؟يوسف قال ليهو ربنا ابواب رزقو فاتحه واذا ربنا كاتب لي فيها الخير ان شاءالله حأعمل البطلع بي يدي ،جدي سكت مسااافه وقال ليهو انت جاهز يعني ؟يوسف قال ليهو والله ي عم احمد انا م اكذب عليك انا زول عادي ووضعي المادي اقل من عاادي لكن طالما انا جاادي ودايرها على سنه الله ورسوله ماف داعي لللف والدوران جيت قولته اتقدم واذا اخدته الموافقه ابدأ اجهز نفسي بالعندي دة لمن بإذن الله اذا ربنا راد العرس يتم،جدي عاين ليهو مساااافه قال ليهو عن اذنكم طلع ونادى رامي ومجاهد ،يوسف قال لمحمد اسمع املأ لي الكبايه دي مويه،محمد ضحك قال ليهو انت عارف دي الكبايه الكم كدة؟😂💔يوسف قال ليهو لا حول يااخ اقسم بالله قعدة اصعب من امتحان المعادله حقت القانون العادفيها أشرف اربعه مرات وبرضو م نجح فيها،محمدقعد يضحك قال ليهو ي زول اتفائل خير ان شاءالله،يوسف قال ليهو والله وش جدها دة م ببشر بالخير ابدا م عارف ليه شكلو فاكرنا شماسه ساااي حيجي راجع يطردنا م شايف ملامح وشو عامله زي الكلب الأمريكي 😷💔محمد قعد يضحك قال ليهو وماف سبب حيخليهو يطردنا غير كلامك دة ي مان😂💔يوسف قال ليهو م متفائل م متفائل ابدا،اثناء م هم بتكلمو كدة ناس جدو جو راجعين قعدو،جدو قال ليهو اسمع ي ولدي انا اتشاورته مع اخوان البت دي واتشاورته معاهم،نحن م عندنا بنديها لزول غريب وم بنعرفو،يوسف فضل يعاين ليهو وملامح وشو بتوحي بي خيبه الأمل،جدو كمل كلامو وقال ليهو لكن برضو بنشتري رجال م بنبيع بناتنا،انا قعدتي معاك من قبيل دي كلها كنت بدرس اخلاقك وشكلك ود محترم وراجل ونحن م دايرين لبناتنا اكتر من انو الراجل يحترمها ويشيلها في راسو دة،عشان وهي زاتها دامها وصلتك البيت معناها زوله عرس،مجاهد قال ليهو نحن م عندنا مشكله لا في شغلك ولا في وضعك المادي طالما انت راجل معناها بتعرف تطلع قروش لكن مشكلتنا راجل يكون بتاع لف ودوران وكلام فارغ م بنفع معانا ابدا،محمد قال ليهو ان شاءالله ظنكم م حيخيب،جدو قال ليهو اها ي ولدي انت دامك جادي كدة وم زول لف ودوران نحن زاتنا م ناس مماطله والليله وبكرة نحن عندنا خير البر عاجلو وم عندنا حاجه اسمها فترة خطوبه والحركات دي وزي م البت دي اليوم ختتنا أمام الأمر الواقع وخلتنا نقابلك ونقعد معاك نحن زاتنا دايرين نختها امام الأمر الواقع ونعقد طوالي،محمد عاين لي يوسف بي خلعه ويوسف اتجمد في محلو بقى م عارف يقول شنو ،جدو قال ليهم اها ي ولدي انت رايك شنو ؟رامي قرب من مجاهد وقال ليهو احم اكون واضح معاك الله لا يختني في مو قف زي دة والله،مجاهد قال ليهو مع اني م مقتنع بي فكرة العقد دي ابدا لكن جدك ختانا نحن زاتنا امام الأمر الواقع ،يوسف عاين لي جدي وقال ليهو موافق م عندي مشكله ابدا،محمد عاين ليهو وقال ليهم طالما انتو م عندكم مشكله نحن كمان م عندنا مشكله،جدو قال ليهم طيب على بركه الله،،،انا طبعا كنت لسسه في المطبخ بحمر لي حبوبه في الفراخ،وماما كانت بتجهز في السلطه ،اصلا نحن جهزنا كل شي،وانا قلبي في يدي كل شويه اقول طالعه من المطبخ ماما بترجعني وانا الفضول عايز يكتلني،واقفه وبقول لنفسي اصلا من ناحيه حيرفضوهو حيرفضوه دي حاجه م بتكلمو فيها اتنين،لكن المشكله بتبقى في الحفله الحيعملوها لي و تاني حيكونو واقفين لي على الهبشهه😭💔فجأة جات لدن اختي داخله،ماما قالت ليها ناس جدك ديل لسسه بتكلمو م خلصو عشان نجهز ليهم الغداء؟؟قولته ليها ماما خلي امشي اشوفهم،قالت لي تعالي هنا ماشه وين مجاهد قال ليك م تطلعي ولا شبر من هنا،لدن قالت لي م تتخاففي سااي عارفه مجاهد اتجاهو واحد كيف اسي حيقول ليهو م عندنا بت بنديك ليها ههههه،عاينته ليها وسكته حبوبه جات داخله قالت لينا جهزتو الكاستر؟ ،ماما قالت ليها جهزنا اي شي الناس ديل نجهز ليهم الغداء بعد كدة؟حبوبه قالت ليها هم زاتهم طلعو مشو الصلاة الا تنتظروهم شويه كدة، ،ماما قالت ليها خلاص مسافه يجو من الصلاة نحن نجهز ليهم الصفرة م عليهم الا يجو ياكلو بس،حبوبه قاالت ليها برضو فكرة ،انا طلعته غرفتي فوق وشلته تلفوني اتصلته على يوسف بس تلفونو مقفول،فضلته ماشه وجايه في الغرفه لغااايه م في لحظه بس سامعه جوطه تحت نزلته مستعجله اثناء م انا في السلم سامعه ماما بتقول "بتي تعقدو ليها كيف من غير م تشاوروني الأداكم الحق بكدة منو وبتبكي،طبعا وانا نازله قبل م اصل ومع بكى ماما جاني هبوط نزلته السلمه الأخيرة وانا خلاص م قادرة اكمل،فجأة سمعته لدن بتقول ليها "دة الدايراهو بتك ي امي،وحبوبه بتهدي فيها وبتقول ليها اهدي ي بتي،ماما قالت ليها اهدا كيف ي عمتي بس كدة وريني؟اولادي انا م ختو لي ولا زرة احترام وقدام عيوني عقدو على اختهم لي واحد لا بعرفو اصلا لا فصلو،انا امها م شاوروني ولا اخدو راي،مجاهد قال ليها ي امي الولد لقيناهو ود حلال و...قبل م يخلص كلامو جدو جا قال ليها ي سوسن اسمعي كلامي دة وختيهو حلقه في اضانك بتك جابت الراجل دة براها بي يدها ماااف زول غصبها عليهو نحن عملنا واجبنا بس م عندنا فترة اسمها فترة خطوبه او غيرو وانا القولته ليهم تعقدو،ماما دي بقت تبكييي ،وانا قعدته في السلم وبقيت ابكي بعدها رجعته غرفتي وبقيت اتكلم مع نفسي ،رامي جا يتكلم معي قولته ليهو عملتو كدة ليه ختيتوني في موقف زي دة،ليه م سألتوني؟رامي قعد جنبي قال لي شهد انتي مش جبتيهو براااك ووصلتيهو البيت وفاجأتينا بيهو؟قولته ليهو واذا انا عملته كدة انتو تقومو تعملو زي الأنا عملتو ؟مجاهد جا داخل قال لي يعني انتي م عايزاه؟سكتته م رديت عليهو،قال لي ردي لو م عايزاه نطلقك منو طوالي والله ،رامي قال ليهو بالظبط كدة وقبل م يطلع من هناااا كمان،مجاهد قال لي اها ولا انتي رايك شنو قولي لو م عايزاه اتكلمي،قولته ليهو انا م قولته م عايزاه 😭رامي قعد يضحك ،مجاهد قال لي جدي قال زي م انتي ختيتيهو امام الأمر الواقع وجبتي الولد البيت من غير سابق انذار هو برضو عمل نفس الحركه وعقد ليك وختاك امام الأمر الواقع،مجاهد قال لي لكن بالجد ي شهد هو زول محترم شديد وراجل والله وانا أشهد على كدة عااارفه ، طبعا انا يوسف دة جمعتني بيهو صدفه خلتني احترمو جدا ،اظن هو عندو محل بتاع ملابس وانا جابو لي منو هديه،بس الحاجه الجابوها لي طلعت على اصغر شويه،في الكيس لقيت رقم المحل اتصلته عليهو استقبلني واحد كدة وحصلت بينا مشكله طويله على اساس انو م عندهم حاجه ترجع او تتبدل بعد تتأخد من المحل وكدة وم اكتفى بكدة قفل الخط في وشي،انا اتجاوزته الموضوع على كدة ،بعد ربع ساااعه رجع اتصل علي رقم واعتزر لي وقال لي انو حيوصل لي الجكت لحدي عندي بس اوريهو المقاس والمكان وين بالظبط ،تخيلي هو جابو لي من امدرمان لغايه الخرطوم وم اكتفى بكدة وعزمني قهوة ونحن قاعدين في مكان القهوة كان في زول كبير كدة جاي ماري في الشارع لابس وسخان شكلو مجنون وم مجنون وفجأة وقع والناس كلها بتعاين ليهو على اساس انو مجنون وكل زول خايف على نفسو هو على طول قام رفعو وركبو في العربيه ،وركب وانا تبعتهم بالعربيه ،وصلو المستشفى ودخلو عمل ليهو فحوصات قالو محتاج دم لأنو دمو ضعيف شديد ولحسن حظو فصيله دمو مطابقه مع فصيله دم الراجل اتبرع ليهو بالدم واخد ليهو العلاجات كلها وبعدها طلعنا انا مشيت بإتجاه وهم مشو بإتجاه بس من يومها م طلع من بالي فلما شوفتو وعرفته انو هو جاي يتقدم ليك م قدرته ارفض مع اني كنت متعصب شديد وزهجان منك وناوي اضربك كمان،بس هو كراجل وعامل الغريب بالطريقه دي فأكيد حيشيل البت البتزوجها في عيونو،لدن جات داخله وقالت ليهو مجاهد الناس ديل قالو طالعين،قال ليها طالعين كيف والغداء؟قالت ليهو والله م عاارفه انزل ليهم،بعد م طلعو من الغرفه لدن قالت لي"واااااي منهم الاتنين اي واحد احلى من التاني ولا العريس طول وحواجب مقرونه وعيون تقول ي ليل ،عاينته ليها وسكته،شويه كدة حبوبه جات داخله قالت لي شهد،قولته ليها ايوة ي حبوبه قالت لي خلاص كفاك بكى قومي غسلي وشك دة عشان العريس دة داير يشوفك،قلبي عمل شحح لما قالت كدة، قالت لي قومي ي بت وهاك اللبسي التوب دة ،قولته ليها طيب،دخلته الحمام غسلته وشي ،طبعا عيوني من البكر لمن بقو صغار،لبسته التوب ووقفته في التسريحه شلته فتيل العطر وبديت اتعطر كدة بس باب الغرفه دق،قولته ليهم طالعه ياخي طالعه ،تاني دقه،قولته يااااخي ومشيت بي زهج فتحته الباب واتفاجأته بي يوسف واقف قدامي،هو فضل واااقف ومتنح وبعاين لي،وانا بعاين ليهو بي حيل مهدود ،كانت في لحظه صمت كدة غريبه خلاص ،وقلبي دة بقى يدق بصورة م طبيعيه لدرجه انو دقات قلبي بقت مسموعه،قال لي حنقيف هنا كتير؟؟هزيت ليهو راسي بمعنى لا،انا رجعته لي ورا هو دخل وقفل الباب،ونحن لسسه واقفين وبنعاين لبعض،قرب مني وخته يدو في خدي وقال لي حبيبي انتي بتبكي؟ قرب مني وباسني في راسي وضماني عليهو وقال لي اسي انا محتار اقول ليك حلالي وانبسط ولا اتحسر على نفسي وأواسيها لأني اتدبسته واتزوجته لي طفلهه...😁😷💜
#نتلاقى®♡
