#أحببتك_حتى34
بالفعل انا عايز نرجع زي زمان بس م بالجبر ابدا لما انتي تحسي بالجد انو انتي عايزة نرجع ولغايه م تحسي بالحاجه دي انا حأكون جنبك ،عاينته ليهو قولته ليهو طيب وأروى؟ قال لي اروى مالهااا؟سكتته ،قال لي انا وهي اصحاب بس،قولته ليهو بس انا شايفه غير كدة،قال لي انتي شايفه حاجه والواقع بقول حاجه تانيه خالص،نمته وهو بتكلم معي ،الصباح صحيت لقيتو شايل تالي وبشربها في الحليب،طبعا انا من نوع الناس البعملو الحاجه في لحظه ضعف وبعدين بندمو عليها،اول م شافني قال لي صباح السرور،قولته ليهو صباح النور وطوالي لفيت مشيت غرفتي وانا متغااااظهه من العملتو امس وبقيت اعضي في اسناني بغض النظر عن الطريقه العاملني بيها هو،استحميت ومشيت المطبخ جا وقف قال لي اتحسنتي؟عاينته ليهو وهزيت ليهو راسي وقولته ليهو ايوة،قربن مني وخته يدو في خدي قال لي متأكدة؟شلته منو تالين قولته ليها حبيبه قلب مام،يوسف عاين لي مسااافه وطلع،هو اتضايق بس انا م قادرة ارجع اتعامل معاه بطبيعتي م عارفه ليه،اتصلت علي لدن ،قالت لي عايزاك تنزلي معي السوق عايزة اشتري لي حجات،قولته ليها حجات؟قالت لي لي عرس راجلي ياخ،قولته ليها ليه انتي حتمشي؟قالت لي م امشي الا انا ي بت اصلا هو عاملو هنا واتخيلي خاطب بت خالتو وامو الخطبتها ليهو ههههههه حأمشي اعزو،قولته ليها لدن بدل م تتهابلي حاولي حلي مشكلتك مع راجلك وخليهو يتراجع من قرار العرس دة،ي لدن اختي ليه م تعتزري وتقولي ليهو حأحاول اتغير وتعترفي بغلطك؟قالت لي ههههه منو دي الحتعتذر انااا؟دة بعدو وبعدين خليهو يعرس اول راجل ولا اخر راجل،قولته ليها لدن م تضيعي حقك وحق اولادك بكرة المرة دي تمسكو والله تاني تشوفيهو في الشاشه الغشاشه وزيو وحياة الخلقني م حتلقي وانتي شوفتي بعينك الحصل ليك بسبب طيشك دة،قالت لي انا واثقه انو م حيعرس دي عاملها حركه يخوفني بيها بس م بهمني،قولته ليها غاايتو انا نصحتك وانتي حرة،بعدها اتصلت علي وسن قالت لي انتي ي شهد؟قولته ليها ايوة،قالت لي شهد اللحقيني😭💔قولته ليها مالك ي بت؟قالت لي اخوك قال عايز يعمل العرس بعد اخلص رابعهه دي😭💔قولته ليها انت جااادة؟قالت لي مستعجل شديد وانا امتحانات الفاينل كلها فضل ليها اقل من شهر قولته ليهو خلي اخلص رابعه بس رفض😭😭😭قولته ليها طيب حتعملي شنوو ؟قالت لي م عارفه اسي ي شهد انا كان اتزوجته اخوك عارفه حيحصل شنو؟حتكون علي قرايه طب ومسؤليه بيت 😭😭😭😭قولته ليها طيب قولي ليهو انتظرني اخلص،قالت لي حيزعل ويجوط وبعدين انا كمان نفسي نتزوج بس خايفهه،ضحكته قولته ليها والله بعد العرس الخوف دة كلو حيروح اسأليني انا بالزات لما تكونو بتحبو بعض🙈قعدت تضحك قالت لي طيب احكي لي عنك انتي ويوسف علاقتكم ماشه كيف؟قولته ليها م عارفه لسسسه م مستقرة والله،قالت لي يوسف بحاااالو وانتي معاهو في بيت واحد وعلاقتك م مستقرة؟شهد😡قولته ليها وسن انا بقيت كل م اقرب منو بخاف م عارفه من شنو بس بخاف انو يرجع يخزلني للمرة التانيه،قالت لي والله لو م بطلتي امورك دي اسمو الخزلك جدجد،قولته ليها وبعدين صحبتك اروى دي انا بكرهه عامله صحبتو😡قالت لي بمناسبه اروى ي شهد حابه ابشرك اروى من زمان مكسرة في يوسف بس عامله صحبتو نظام عايزة تقرب منو وكدة،قولته ليها تخيلي خاته صورة يوسف وتالين وكاتبه عليهم حقي وبتو الله يخليهم ليااا،قالت لي اي شوفتها ورسلته ليها قولته ليها حقك بي وين رسلت لي ضحكه وقالت لي انتي م عارفه حاجه سااي،قولته ليها قالت ليك كدة؟قالت لي تخيلي؟قولته ليها هم الإتنين يولعو بي جاز م بهموني،المساء يوسف جا راجع وتالين دي كانت بتبكي بطريقه غريبه،يوسف استحمى وجا طالع لسسه لقاها بتبكي،شالها وضماها عليهو وقال ليها بتي السمحهه زهجانه انتي صح؟طيب اسي نطلع انا وبتي بالعربيه ونلف تمام يلا،وصل جنب الباب قولته ليهو وانا م حتسوقوني معاكم؟قال لي لو ماشه اطلعي،لبسته لي توب ولحقتو،فتحته الباب القدامي عاين لي مسافه،ركبته وقولته ليهو جيبها،قال لي لا خليها،قولته ليهو حتشيلها وانت سايق؟قال لي اي ،اتحركنا وفضلنا لافين بالعربيه لغاايه م نامت بعدها دخلنا مطعم كدة بدينا نتعشى فجأة توبي وقع من راسي وانا م رفعتو،قال لي ارفعي توبك دة،قولته ليهو لييييهه؟قال لي من غير ليه ارفعي التوب،رفعتو وكرفسته ليهو وشي،اتضايق وتاني م اتكلم معي،رجعنا البيت انا دخلته تالين غرفه يوسف وانا م منتبهه رقدتها جيت اطلع يوسف جا داخل،قولته ليهو بخلعه نسيت دخلتها غرفتك بالغلط،فضل يعاين لي مساااافه بعدها قرب مني وقال لي بالغلط؟طيب وانا كمان زي الإشتقته ليك بالغلط م ملاحظهه انت؟بقيت اعاين ليهو،مسكني من كتفي وقال لي م بتتخيلي صعبه علي كيف اشوفك قدامي وامسك نفسي وم اقرب منك ولا افرض على نفسي اتعامل معاك في حدودو...قولته ليهو يوسف الحدود دي انت الجبرتني عليها فما تعاتبني على الحاجه دي،خته يدو في خدي وقال لي حبيبي وأنا أسف على الحاجه دي،قبل م افتح خشمي باسني وكمل كلامو وقال أسف بجد "وضماني "قولته ليهو بصوت خاااافض يوسف انا كمان... م قدرته اكمل كلامي بس اكتفيت بأني ألف يدي حوالين رقبتو،قال لي من اول يوم رجعتك فيهو بيت اهلك كان نفسي اجي واسوقك حتى لو بالغصب ،م بتتخيلي الجحيم العشتو الفترة ديك لدرجه انو يومي بقى يعدي وانا م عارفو بعدي كيف،يعني لو م محمد جا وأصر علي انو اسافر معاهو قطر انا كان ممكن اموت،قولته ليهو وانا لو م اكتشفته اني حامل انا اللي كان ممكن موت،قال لي تعالي رقد ورقدني جنبو،قال لي انتي عارفه ي شهد انو انتي حاجه حلوة في حياتي؟يعني انا بلقى نفسي معاك في كل لحظهه ،قولته ليهو انا اكتر شي قرفني منك الإنت عملتو لا وكمان هي وصلت لغاايه بيتي الكبيرة الما محترمه سنها ،قال لي ممكن تقفلي الموضوع لأنو حتى انا بتضايق منو؟قولته ليهو يوم م جاني وجع الولادة بالرغم من انو اهلي كلهم كانو حوالي بس انا م حسيت غير بفراغك انت ،حضني اكتر وقال لي وانا م بكيت الا لي وجعكك،للحظه حسيتك حتموتي ي شهد م عرفته اعمل شنو لأنو م كان في يدي شي،قولته ليهو الحمدلله عدت على خير وتاني توبه،قال لي توبة دي منو؟قعدته اضحك قولته ليهو يعني تاني مافي ولادة،قال لي ومنو القال كدة؟قولته ليهو انا طبعا،قال لي لا ي شيخههه؟لأ نحن حنجيب لسسه 3 وأربعه وسته و....لسسه العمر قدامنا طويل،قولته حتشيلهم في بطنك انت😒قعد يضحك قال لي لا بس طالما انا معاك يبقى ماف شي حيجيك،قولته ليهو Nooوانت مش في غرفه الولادة قولته لي ماف عيال تاني؟قال لي دة في غرفه الولادة يعني اي حاجه قولتها ليك اعتبري نفسك م سمعتيها😂😂😂😂😂قولته ليهو كذاب والله عايزة اقوم من جنبو جراني ورجعني في حضنو وقال لي طيب خلاص اهدي،قولته ليهو اسكت مني ،قال لي طيب طيب ارفعي راسك عايني لي عايز اقول ليك حاجه،قولته ليهو لأ،قال لي بس دقيقه،قولته ليهو ابيت،قال لي بس شوفي قبيل الحادث العملتو دة عمل لي علامه في جبهتي ولا...رفعته راسي مخلوعه وقولته ليهو حاا...ع باسني مساافه قبل م اكمل كلامي وقال لي بحبك،قولته ليهو غياااظ وكذاب وثقيل كمان،قال لي وبحبك،قولته ليهو احيييييييين ي يوسف احييين،قال لي احييين انا من الأحيييين البتقوليها انتي م عارفه انو بتجهجه افكاري لما تقوليها بنرفزة كدة😂قولته ليهو احيييييييييييييييين يااااخي انت،قال لي كدة قوليها تاني وهو بضحك😂😂😂قولته ليهو تصبح على خير😡،مسح على شعري ولفه يديهو حوالي وقال لي وانتي من اهلي
