#أحببتك_حتى33
طلع وقفل الباب وجراني بي كل قوتو ودخلني غرفه كدة كلها مضلمه وقفل الباب،قولته ليهو بي خلعهه وخوووفهه هي هي انت في شنووو؟وبعدين دي شنو الغرفه المضلمه دي،قال لي مفروض نتكلم صح؟قولته ليهو م عايزة اتكلم معاك يوسف فكني وبقيت اصارع فيهو،وكل م اصارعو بشد علي زيادة وبقربني منو،قولته ليهو انت م قدرته تتراجل علي قدام اهلي قولته تتراجل هنا صح؟عضيتو في كتفو ولا كأنو عضيتو ي دوب مسكني من خصري وقربني منو اكتر،قولته ليهو بصوت خافض ومبحوح انت عااارف انو انا بخاف من الضلام صح؟الله يخليك ي يوسف خليني اطلع،قال لي مش عايزة تطلعي انا حأخليك تطلعي بس اسمعي العايز اقولو،قولته ليهو بصرخه وانا م عايزة اسمعك فاهم ولا لأ؟م تفتكر انو انا رجعته ليك علشان خاطر عيونك لأ ابدا انا رجعته ليك عشان اهلي م حبيت اكسر كلمتهم وبس،غير كدة م تتوقع مني حاجه،قال لي شهد انا ،قولته ليهو انت شنو ؟م بهمني اوكييه،ضماني عليهو بكل قوتو قال لي اشتقته ليك ليه م عايزة تفهمي انو كلنا بششر وبنغلط،وانا من الخوفه حقت الضلام والخلعه جسمي بقى تلج بس،م قدرته ابعدو مني ولا حتى اتحكم في نفسي،جاتني لحظه ضعف كدة غريبه،فضل حاضني مساااافهه بعدها قال لي انا عايز اصلح البينا ونرجع زي أول بس انتي كمان ساعديني ،قبل كدة كنت بقول ليك انو م عايز اخسرك ،بس حاليا انا م عايز اخسركم انتي وبتي لأنو م عندي غيركم ،شهد م تحرميني منك خلي البينا يرجع عامر زي م كان،عارفه انا بتكلم معاك في الغرفه المضلمه دي لييه؟لأنو دة شكل حياتي بدونك،قولته ليهو بصوت طفولي وانا ببكي يوسف،قال لي ايوة،قولته ليهو الله يخليك الله يخليك ي يوسف خليني اطلع من هنا،قال لي حبيبي،باسني ومسح على وشي بي يديهو ورجع ضماني ،قولته ليهو انا عايزة اطلع من هنا ممكن تخليني اطلع ي يوسف؟وحياة غلاوتي عندك خليني اطلع،فكاني وسكت،فتح الباب انا فضلته واقفه مسااافه حتى م عارفه الموقفني شنو بس رجولي م كانت شايلاني،وهو واقف وبعاين لي،طلعته الخطوة الأولى والخطوة التانيه جمعته بيها اعصابي واتحركته جري على غرفتي وم وقفته تاني،بعد م دخلته لقيت نفسي قايم وضربات قلبي زايدة وانا بحاول اني اهدأ ،غيرته ملابسي ورقدتهه نمته،الصباح صحيت لقيت تالين ماف جنبي نزلته مخلوعه طلعته بره الغرفه سامعه صوتها في غرفه يوسف،فتحته الباب لقيتو مطلعها من الحمام ومرقدها في السرير وجسمها كلو لين وهي راقدة ومدخله يديها في خشمي،دخلته شلتها بسرعه قولته ليهو عايزها تموت بالبرد وجسمها لين وفاتح فيها المروحه صح؟لو م بتعرف تهتم بالشفع م تشيلها اووكييه؟طلعته من الغرفه وانا شايله بتي،مشيت المطبخ عندها سيريلاك حليتو ليها وقعدتها في الكنبه جيت اقعد اتزكرته اني خليت تلفوني في المطبخ ،مشيت اجيبو جيت راجعه لقيت يوسف بأكل تالين في السيريلاك،وكل م يأكلها ملعقه بديها بوسه وبضحك،جيت ووقفته وانا سرحانه وبعاين لي يوسف ياااخي هو شكلو م اتغير شديد بس صحتو زادت شويه واللحيه وحلاقه الشعر وكل شي فيهو بقى مميز ويخلي الواحدة تايهه في تفاصيلو ولا ضحكتو يااخي تهبل،لما شافني عاين لي وقام على حيلو وطلع وهو ساكت،مسكته بتي وبوستها في نفس الخد الكان ابوها ببوسها فيهو🙈 ،فجأة اشوفو واقف قدامي وبقول لي"انا طالع الشغل عايزة حاجه قبل م اطلع ليك او لي تالين؟قولته ليهو لا شكرا،قال لي طيب ،طلع مشى وانا فضلته طول اليوم م بين نايمه وم بين اني بتكلم مع بتي تالين ،المساء اتزكرته انو تالين م عندها بامبرز ،وم بقدر انزل بيها او انزل بدونها،شلته تلفوني رسلتع ليهو رساله بتقول"جيب معاك بامبرز وانت جاااي"،فضلته منتظرااه يجي علشان أغير لي تالين لغااايه الساعه 10،جا راجع لقاني قاعدة في الهول قال لي السلام عليكم ودخل المطبخ لأنو كان شايل اكياس في يدو،جا راجع مشى غرفتو استحمه وجا طالع مشى فتح غرفتي يشوف تالين ،انا على طول مشيت المطبخ علشان اشيل البامبرز،فتشته الأكياس م لقيتو ،زعلته واتغظته غييظ طلعته من المطبخ ولا سألتو مشيت شلته لي توب وشلته قروشي وجيت مارة بي قدامو،قال لي ماشه وين؟م رديت عليهو نزلته،جا لاحقني وهو بتكلم معي وانا نازله لغاايه م طلعته من العمارة قربته على البقاله مسكني قال لي انا مش بتكلم معاك انت؟قولته ليهو م عندك شغله ماشه جهنم انت مالك؟قال لي شهد لا إله الا الله؟جاوبي عايزة شنو من البقاله انا بجيبو ليك،قولته ليهو حتجيبو لي؟م انا من الصباح قولته ليك جيب معاك بامبرز واستلمته الرساله وعملته مطنش ، على فكرة لو كنت جبتو انا كنت حأحاسبك لما تجي البيت هنا واديك حقك،مسكني من يدي وساقني لغاايه م وصلني الشقه شال مفتاح عربيتو وطلع،فضلته واقفه جنب الباب ،جا راجع شايل ليهو كيس في يدو،قال لي قبل م تستعجلي للكلام الشين كان تجي وتسأليني إذا جبتو ولا لأ،هاك امسكي كنت ناسيهو في العربيه وبالمناسبه هي بتي قبل م تكون بتك وزي م انا زمان م كنت بتوصى على خوفي ومسؤلياتي تجاهك،انا حاليا م بتوصى على خوفي ومسؤلياتي تجاه بتي ،فضلته واقفه وبعاين ليهو،رجع غرفتو وقفل الباب عليهو،حسيت بروحي استعجلته وانا بتكلم معاهو كدة،رجعته اتكلمته مع ماذن كدااا لي نص الليل بعداك قفلته،عدت الأيام على النمط دة يوسف بمشي الشغل بخليني براي انا بقضي يومي ي اما بتكلم مع ماذن ي اما ماسكه بتي لغايه في يوم كنت بتكلم مع ماذن في المطبخ وبجهز في الغداء وبوصف ليهو سلطه الروب بعملوها كيف وتالين نايمه في الغرفه،فجأة واثناء م انا مركبه السماعه كدة احس ليك بي زول بجر مني التلفون وبمرميهو بكل قوتو في الأرض وبقول لي م سامعه البت دي بتبكي كيف؟عاينته لي يوسف وانا مخلوعه وهو شايل تالين في يدو وغضبان لمن وشو شاحب،قال لي طول الوقت ساكت ليك وم عندي مشكله تتكلمي بالتلفون او لا م يهمني بس البت دي ابقي ام جد وخلي بالك منها،وتالين دي بتصرخ وجبهتها وارمه،قولته ليهو وقعت؟قال لي انتي م فاضيه عشان تعرفيها وقعت ولا لأ،شلتها منو وحضنتها وبقيت اقول ليها بيبي هسسس خلاص حيييي ي قلب ماما انا اسفهه ،طلعته بيها بره وبقيت احنس فيها ،يوسف جا شالها مني قال لي خلي انا بسكتها وبقى لافي بيها البيت كلو لغااايه م نامت وهو حاضنها بعداك جابها لي وطلع مشى،م عارفاهو مشى وين المهم طلع من البيت،اكتر شي كان بقهرني انو هو م بهمو اذا انا بتكلم مع ماذن ولا غيرو م فارقه معاهو ابدا كأنو نحن منفصلين بجد ،حتى لو منفصلين معقوله م يغير علي،كان بتعامل معي ببرود غريب لدرجه انو اتصلته على وسن وتلقائيا لقيت نفسي بحكي ليها وبضحك وفجأة دموعي بقت جاريه اي نعم م فارقه معي بس م اتعودته انو يوسف يعاملني بالبرود دة ،في يوووم جمعه اثناء م نحن بنفطر،جرس الباب دق ،يوسف مشى فتح ،شويه كدة اسمع صوت بت بتقول"سبراااايز "يوسف قال ليها ي سلاااااااااااااام اقسم بالله احلى سبرايز في الدنيا مشتاقين ياخ ،جيت على الباب لقيتها ماسكاهو من يدو وبتقول ليهو ياااخي انا المشتاقه ليك شووق،قال ليها والله ي اروى أنا المشتاق ليك اكتر يااااخ شنو المفاجأة الحلوة دي؟قالت ليهو كيف ليك؟قال ليها لالا بعد كدة انا يومي حيبقى كلو حلاوة اتفضلي،قالت ليهو اااهم شي وين تالين نفسسسي اشوفهاا ياخي قااعه كل المسافات دي ونازله السودان علشان اشوفها وربي اموووووووووت واشوفها وينها ؟قال ليها اتفضلي اول ،شافتني واقفه قالت لي شهوووودة ازيوووووو،قولته ليها اهلييين اروى ي مراحب،جات ضمتني وباستني في خدودي قالت لي امو البنوته خبراتك؟قولته ليها تمام وانتي؟قالت لي بخيير الحمدلله اتفضلي،بعد م قعدت ضربت يوسف في كتفو وقالت ليهو وينها تالين وااااي ياااخ اموت واشوفها وربي،يوسف قال ليها تدفعي كم ونجيبها ليك،حمرت ليهو عيونها ،قال ليها الغالي بي غلاتو ،قالت ليهو خلاص انت قول السعر وانا تحت امرك م خسارة علشان خاطرها،قعدو يضحكو انا دخلته المطبخ جبته ليها مويه بعدها خلطته العصير جيت طالعه لقيتها شايله تالين وبتعضي يوسف في يدو وبتقول ليهم م تدخل بيني وبينها صح ي تالي حبيبي؟اي نحن حرييين م تدخل بين الفوله وقشرتها يختشي يختي احوووووووبها انا وباستها شديد،جبته ليهم العصير وقعدته معاهم،قالت ليهو لكن ي يوسف طبعا ماشاءالله كلبووووظهه م زي الصور الكنت بترسلها لي،في قلبي قولته "وكمان برسل ليها صور بتي من غير اذني😡"قال ليها فعلا صحتها اتصلحت شديد الفترة دي،قالت ليهو واااي نفسي اكلها اكل من جضومها دي يااخي يوسف انت لييه من زمان م قولته لي انو بتك احلى منك،قال ليها لا ي شيخهه وقعد يضحكك،قالت ليهو ي ربي بتشبه منو اكيد الجينات دي م تابعه ليك،عاين لي مساااافه بعدها قال ليها فعلا م تابعه لي ههههه،وفضلت تتونس وتضحك معاه لغايه م تالين نامت وهي لسسه بتهظر معاه وانا دخلته المطبخ اجهز الغداء واتحمقته حماقه م بعدها حماقه لا وكمان هي قاعدة جنبو في الكنبه ومرة تمسكو من يدو ومرة من كتو ومرة تجرو من اضانو،اثناء م نحن بنتغدأ اروى قالت ليهو يوسف بالمناسبه جبته ليك العطر البتحبو،قال ليها لا ياااااخ م جااادة؟قالت ليهو حصل انا كزبته عليك في حاجه؟قال ليها م اعدمك ي اروتي يااخ،طبعا لما قال اروتي دي عاينته ليهو بي تكشيرة،قالت لي شهد بالمناسبه انا رقمك م معي دقيقه قامت جابت تلفونها قالت لي سجلي لي رقمك هنا،قولته ليها اووكييه،سجلتو ليها بعد م عملت ليهوSeav قالت لي دقيقه ارسل ليك في الواتساب ،بعدها قعدت كدااا لما قامت طالعه يوسف قال ليها دقيقه خليني اوصلك،قالت ليهو طبعا حتوصلني عندك خيار غير كدة؟قعد يضحك قال ليها مجنونه،وهم في الباب قالت لي شهودة يلا بااي بينا تواصل اووكيه ي بيبي،قولته ليها تسلمي حبيبتي،بعد طلعو انا كان نفسي اكسسر البيت دة كلو مرة ،دخلته المطبخ قعدته اغسل في العدة زعله بس غسلتها كلها ومسحته البيت ومع اني كنت تعبانه ومرهقه ونعساااانه بس م قدرته انوم ابدا،،جيت لقيت كيس الهديه بتاع يوسف وتالين قاعدين مع بعض اول كيس فتحو لقيتو حق يوسف فيهو العطر،طوالي رميتو لمن اتكسر ،بعد م ريمتو ي دوب قلبي برد ،لميت القزاز لميت القزاز والبيت اتملى بي ريحه العطر احييين عايزة اموت بالغيظ،فضلته مسااهره في التلفزيون وبحضر لي في فيلم وهمي كدة،وكل شويه اعاين للساعه واقول حيجي كيف مع المايعه حقتو دي بلا يبلاهم،اثناء م انا قاعدة ومتنرفزة كدة فجأة سامعه صوت يوسف داخل البيت وبصفر سااي ،على طول عملته روحي نايمه نظام يجي يصحيني او يشيلني وكدة،او يتكلم معي ويبرر لي حركات اروى او يفتح لي اي موضوع بس جا وقف عاين لي كداا وانا حاسه بحركتو واتحرك مشى،فتحته طرف عيني شايفاه دخل غرفتي شال تالين وطلع مشى بيها غرفتو وخلاني انا نايمه في محلي حتى م فكر انو يصحيني 😡لا والأحلى من كدة جاتو مكالمه اظنها اروى وفضل يتكلم معاها،الصباح صحيت جسمي كلو معسم وواجعني ،مشيت غرفتو لقيتو ناايم وحاضن بتو ،رجعته غرفتي رقدته وشلته تلفوني فتحته الواتساب لقيت اروى مرسله لي Hiلفتت انتباهي صورة بروفايلها ،فتحتها لقيتها خاته صورة يوسف ومعاهو تالين وكاتبه عليها "حقي وبتو الله يحفظكم لي ياااخي حلوين حلاااا"😻😘قولته لنفسي حقي دي قاصدة بيها شنوو؟؟صورة يوسف الأنا م ختيتها خاتاها هي لا وكمان فاتحه نفسها وبتقول حقي يحقنوها بي مويه نار ان شاءالله 😒طلعته مشيت شغلته التلفزيون وقعدته احضر ،يوسف جا طالع من الحمام جا ماري بالهول لقى كيس الهديه بتاع تالين قاعد،رفعو عاين يمين وشمال وقال لي شهد انا امس اروى جابت لي عطر وين مشى؟قولته ليهو وقع اتكسر😊قال لي اتكسر كيف يعني؟قولته ليهو مطلوب مني اشرح ليك اتكسر كيف؟عاين لي بي ابتسامه خبيثه كدة ومشى،فجأة جاتني مكالمه من رامي قال لي م اكون صحيتك؟قولته ليهو اصلا صاحيهه هههه،قال لي شهد وصاحيه بدري لا م بصدق ي ربي مالك؟قولته ليهو سااي بس هههههههه،قال لي اتصلته عليك عايز اخد رايك في موضوع،قولته ليهو اها،قال لي انتي عارفه ي شهد علاقتي بي صحبتك دي طولت شديد وانا صراحه عايز اخطي خطوة لي قدام عشان كدة فكرته اخطبها رسمي وبعد فترة نتزوج،قولته ليهو ودة موضوع بتشاورني فيهو انت اهبل؟قال لي يعني اتقدم؟قولته ليهو والله احسن من وسن م بتلقى ي رامي ،قال لي بتمهدي الطريق لي صحبتك صح؟قولته ليهو وانت اخوي يعني انا لو م شايفاها مناسبه ليك م حأشجعك عليها،قال لي طيب هي عيد ميلادها بقع يوم السبت الجاي مفكر اعمل ليها مفاجأة ظاابطه كدة واتقدم ليها في نفس اليوم دة،قولته ليهو ظاااابط طيب انا اديك الزبدة،حتقوم تحجز ليك مطعم كدة يكون رومانتك،وحتشتري ليها هديه تكون كيووووت بالإضافه للتورته الحتكون عليها صورتها واسمها وحجات بالشكل دة يعني،قال لي والله فكرتك م كعبه معي انتي عارفه احيانا بتفكري سبحان الله،قولته ليهو بلا يااخدك ي متخلف😂💔وبالفعل يوم الأحد وسن اتصلت من الصباح قالت لي شهد م وريتك اخوك امس خطبني واااي كان شوفتي عمل شنووو 🙈قولته ليها بالجد اها احكي الحصل،قالت لي اول شي كزب علي قال لي عايزك تمشي تختاري معي جلابيه هديه لصحبي وبعداك مشينا و......بعدها جهزنا حجات الخطوبه ورامي مشى اتقدم ليها رسمي،يوم الخطوبه انا ومجاهد قعدنا نتونس مع بعض بعيد من الناس قال لي شهد عايز اقول ليك حاجه،قولته ليهو اها؟قال لي بالنسبه لقضيه ابوي انا شايف انو افضل نقفلها،قولته ليهو ليه نقفلها مجاهد انت م جادي طبعا؟قال لي جادي ي شهد ياخي قضيه عندها تلاته سنه وبعدين حتفتح موال،قولته ليهو انت ليه عايز تقفلها؟سكت،قولته ليهو مجاهد جاوبني،قال لي عثمان جاااي من قطر عشان الموضوع دة ،والعربيه اللقو فيها ابوي وهو ميت كانو مشترنها جديدة من الخرطوم هنا ومن معرض اسمو....عندي صحبي ضابط ساعدني في الموضوع دة،قولته ليهو معناها اكيد عرفو الإشتراها منو صح؟قال لي عايزين نتأكد بس،قولته ليهو طيب منو؟قال لي شهد واحدة واحدة حتعرفي كل شي،قولته ليهو يعني الزول دة كان مخطط صح؟ودموعي جات جاريه،قال لي عشان كدة م عايز افتح ليك الموضوع دة شايفه م تبكي ياخ،وفي حاجه تانيه ،قولته ليهو مصيبه جديدة؟قال لي راجل لدن اتصل علي قبل كم يوم وقال انو خطب وعايز يتزوج،قولته ليهو انت م جادي طبعا؟ولدن وأولادهاا؟ليه عايز يتزوج؟قال لي والله ي شهد م عارف بس انا في حاله زي دي م بقدر اقول ليهو م تتزوج في النهايه دي حياتو هو صح بغض النظر عن انو راجل اختي،قولته ليهو هو عرف من وين بموضو...سكتته ،قال لي موضوع شنو؟قولته ليهو ولا شي المهم ولدن حيعمل معاها شنو؟قال لي قال انو لسسه لدن راسها قوي وم بتسمع الكلام و..المهم انا قولته ليهو لو م عايزها طلقها وسلمني قسيمتها،لكن رفض وقال انو م قنعان منها ومتمسك بيها عشان اولادو لكن مشكلتو معاها دي م بتتحل م لم اتزوج ،قولته ليهو والله دي مصيبه جديدة كمان ،قال لي لدن حقارة ي شهد وامها بترافع وبتضاري ليها عشان كدة انا رافع يدي منها ومن مشاكلها،فجأة يوسف جا قال لي شهد نمشي خلاص لأنو الزمن اتأخر،مسحته دموعي قولته ليهو طيب،ونحن راجعين طول الطريق امسح في دموعي لغايه م وصلنا البيت دخلته غرفتي غيرته ملابسي ورقدته ،تالين كانت مع ابوها،وانا راقدة سمعتها بتبكي،طلعته مشيت فتحته غرفه يوسف لقيتو مرقدها وبطبطب عليها،عاين لي لقاني واقفه ووشي متورم نزل قال لي شهد عايزة حاجه؟هزيت ليهو راسي بمعنى لأ وقولته ليهو سمعتها بتبكي جيت اشوفها،قال لي اي كانت بتبكي بس رجعت نامت،عايزة اطلع مسكني قال لي مالك انتي من جينا راجعين م تمام،واسي صوتك مبحوح ،قولته ليهو ماف شي،قال لي متأكدة؟قولته ليهو ايوة وخليتو واقف ومشيت غرفتي رقدته في سريري،
بابا،كيفك؟انا م كويسه والله،فاقداك بجد ،انت قاعد تحت الشجرة المشمسه دي ليه تعال ادخل الضل، العقرب تحتك ي بابا قوم اتحرك ،ي بابا انت م سامعني العقرب دي حتعضيك قوم ي بابا م شايفها كبيرة كيف ؟والنار الجايه عليك دي انت م شايفها؟
وفجأة احس ليك بي مويه بتترش في وشي وانا بقوول بابااااا،سمعته صوت يوسف بقول لي شهد في شنو مالك انتي ؟قولي في شنو بتبكي كدة مالك بسم الله،وانا بقول ليهو بابا ،بابا قوم من مكانك دة م شايف العقرب دي انت😭مع رشه المويه الأخيرة حسيت بي روحي وصحصحته وبقيت ارجف يوسف قال لي انتي كويسه؟قولته ليهو لا😭💔قال لي م صليتي العشاء؟هزيت ليهو راسي بمعنى لا،قال لي طيب هاك اشربي المويه دي،شربني المويه مسكتو ورقدته في حضنو ،قال لي جسمك حاار قومي نمشي المستشفى؟قولته ليهو لأ،قال لي طيب دقيقه عمل لي مكمدات بالمويه الباردة وقعد معي مسااافه وطلع،جاتني صحيه كدة لقيتو ماف وانا اساسا نمته مطمنه على اساس انو هو جنبي نزلته سريع وطلعته من الغرفه فتحته باب غرفتو لقيتو ماسك تلفونو،قال لي م قدرتي تنومي؟هزيت ليهو راسي بمعنى لا،نزل من السرير وجا وقف جنبي قال لي تعالي نصلي ركعتين حتقدري تنومي انا متأكد اسمعي الكلام ،قولته ليهو طيب،اتوضيت وصليت لي ركعتين وهو زاتو صلى معاي طلعته خليتو بصلي وجيت راجعه غرفتو تاني وقولته ليهو صليت😿قال لي طيب بعد كدة حاولي تنومي، قعدته اعاين ليهو مسااافه،قال لي عايزة حاجه؟قولته ليهو انوم برااي في الغرفهه ديك 😿ا؟قال لي تعالي،هو راقد بي جنبه وتالين في النص وانا بالإتجاه التاني،رقدني وغطاني قال لي كدة تمام؟قولته ليهو ايوة،بقيت راقدة واتقلب ،هو راقد وخاتي يدو في جبهتو ،نزلته من محلي واتحركته برااحه مشيت رقدته جنبو،هو حسه بي رفع راسو وهو مخلوع قال لي شهههد مالك؟؟قعدته اعاين ليهو وانا منعسه ليهو عيونو قولته ليهو بهناك م قادرة انوم ممكن انوم جنبك هنا؟قعد يعاين لي مستغرب طبعا،قال لي طيب رجع رقد جنبي وخته يدو في خدي قال لي مالك انتي اليوم م طبيعيه؟قولته ليهو ماف شي بس خايفهه،قال لي من شنو بس؟قولته ليهو م عارفه بس خايفهه شديد ي يوسف،قال لي تعالي رقدني في حضنو وباسني في راسي وقال لي حتخافي وانا معاك؟قولته ليهو انت فعلا معي ؟علشان م حاسه بالحاجه دي انا،ضماني عليهو اكتر وضغط علي بي يديهو قال لي انتي الماعايزة تحسي بوجودي معاك وبتحفري المسااافه البينا عشان تطووول لو م كدة انا ياتو يوم قدرته ابعد او ااتخلى عنك ولو لثانيه واحدة؟حتفهمي متين انو انا لما ابعد منك معناها انا حسيت بروحي تقيل عليك ،م مجبورة علي انتي عشان تستحمليني وبأي حق انا أفرض عليك انك تستحملي كل نمط حياتي ومزاجي المتقلب؟بالفعل انا عايز نرجع زي زمان بس م بالجبر ابدا لما انتي تحسي بالجد انو انتي عايزة نرجع ولغايه م تحسي بالحاجه دي انا حأكون جنبك ،رفعته راسي عاينته ليهو قولته ليهو طيب وأروى😿؟ ...
#نتلاقى®♡
