#أحببتك_حتى36
وعشان اكمل ليك فهمك الفي راسك دة اي بالفعل انا نسواني كتار وشديد كمان وزي م انتي شايفه اروى واحدة منهم وزي م انتي قولتي انا ابدا م راجل ي شهد م راجل ابدا ...😊طبعا كلامو حرقني شديييييد وانا م اتوقعته انو ينفعل بالطريقهه دي،قولته لزيتو وقولته ليهو بالفعل انت كدة م جديدة عليك الحاجه دي،قام ماشي قولته ليهو واروى الفرحان بيها دي ان شاءالله تضوي ليك،رجع قال لي حتضوي لي لغااايهه م انتي تبطلي نكد،قولته ليهو انا نكديهه؟مشى وم ردة لي دخل الغرفهه،قعدتهه مع نفسي وزعلتهه وبكيت وكرهتو كره،نمته في غرفه وخليتو مع تالين في غرفه،صحيت بالليل لقيت تالي نايمه جنبي شكلو جابها وطلع،الصباح لقيتو مافي في البيت،قعدته مع بتي وطبعا مغيوووظهه لأنو اتعامل مع الموقف بالإسلوب دة حتى ولو المفروض يبرر لي موقفو وم يفور بالطريقهه دي ،اثناء م انا شغاله في المطبخ حسيت بتأنيب الضمير شويه وفكرتهه في انو الغلط من البدايه غلطي انا يعني انا المفروض كنت اتكلم معاهو بإسلوووب افضل من كدة ،او برواقهه ،حسيت انو انا غلطتهه لما اتصرفته كدة...
في البيت جدو كان بتكلم مع مانا وبقول ليها "ي سوسن نحن من البدايه اتصرفنا غلط يعني البت دي طالما جاتنا بي مشكله نرجعها بيتها ونحل ليها المشكله ونقعدها في بيتها دة،لكن نحن مسكناها سنهه وحاجه ادينا الراجل فرصه كاافيه انو سفكر يتزوج،وبعدين ي سوسن ي بتي لدن بتك دي عنيدة ريدتك ليها حاجه وانك تخربي طبعها وتتسببي في خراب مستقبلها ومستقبل عيالها حاجه تانيه خالص ،انا بتكلم معاك بالواضح كويس معاك؟اسي الراجل دة عرس وانا لما اتكلمته معاهو قال لي "لدن دي بيها سنهه كامله كان فاضي لو دايراهو كان رجعت"معناها شنو ي سوسن ي بتي؟معناها الزول دة كان مستني خطوة من مرتو،ماما قالت ليهو هو مالو م كان شايفها يعني؟هو اصلا من البدايه كان عندو نيه العرس وقام خلق المشكله دي ونزلها السودان وعملها حجهه،جدو قال ليها ي سوسن ي بتي انا الضلال م بعرفو البت دي من ناحيه غلطت غلطت،كونو يقول ليها م تطلعي من البيت وتطلع غلط ولا م غلط؟لما يمنعها من بيت معين ويقول ليها م اللقاك دخلتيهو وم تسمع الكلام وتدخلو غلط ولا م غلط؟م هو راجل وعندو نظرة يعني كان بيت كويس م كان منعها والغربه دايرة السترة ي بتي انت قاعد في بلد م بلدك كان انسترتي وسترتي راجلك واولادكالله بحاسبك؟والخلاهو يقنع منها رسمي لما جا اتكلم معاها مشت شربت صبغهه ياااسوسن ي بتي الغلط دة عمرو م ببقى صاح ونحن الأولاد لما نجاريهم على الغلط بمشو فيهو ،بتك دي قعديها في الأرض وأهديها ختي ليها النقاط في الحروف ي سوسن ي بتي انتي امها على أي اساس؟انتي شايفه روحك كدة بتضاري ليها لكن م عارفه انو انتي كدة بتشجعيها على الغلط وبتضيعي مستقبل عيالهاا،على العموم انا اسي اتكلمته مع الراجل دة بعد يتم ايام عرسو وياخد فترتو،يجي نقعد ونشوف مشكلتهم شنو ونحلها ليهم دة البنقدر عليهو ي سوسن ي بتي البنات الواحدة من اتزوجت ومسكت بيتها تاني دايرة شنو من الدنيا دي؟والله ي سوسن ي بتي عندهم رجال يسدو عين الشمس بس هن كيف يقدرن يمسكن فيهم قوي،اسي شوفي اختها الصغيره دي،يااخ عاقله وبتسمع الكلام وبتعرف البصلحها والبضرها ،ماسكه راجلها وبتها وساتره حالهاا...
