#أحببتك_حتى37
قال لي انا هنا ماف شي حتخافي منو،حضنتو وقولته ليهو يوسف الله يخليك م تتحرك خليك جنبي هنا 😭😭😭😭😭😭😭😭😭😭قعد واخدني في حضنو وقال لي عدت ي شهد والإنتو عايزنو حصل ،قولته ليهو يوسف انا م اتوقعته انو اقرب الناس لي بابا هم الحيعملو فيهو كدة،خليك من صحبو عمو الباسط اخوهو من لحمو ودمو جاهو قلب كيف يعمل كدة في اخوهو،قال لي شهد حبيبي نظرة الناس بتختلف وزي م بقولو الأم بتلدي الطفل لكن م بتلدي قلبو عشان كدة في الحياة دي انتي اتوقعي اي شي عارفه ليه؟لأنو نحن بشششر وقلوبنا ضعيفهه وتحت اي لحظهه ممكن الواحد فينا يقدر بأقرب زول ليهو وعشان حاجه تافهه جدا،قولته ليهو لكن ي يوسف هم...😔قال لي المهم هم اتعاقبو وبالنسبه لعمك ي شهد صدقيني ماف اسوأ من كدة عقاب،يعني احتقار الناس ليهو،وغضب امو وابوهو عليهو وعذاب الضمير الحيلازمو طووول حياتو عمرو محيعدي عليهو يوم يرفع فيهو راسو قدام الناس تاني،،،
في الجانب التاني بيت ناس جدو كان قايم فوقاني تحتاني ولدن كانت بتصرخ وبتقول "تعفو عنو ليه دة قتل ابوكم ،ليه عافين عنو م كان تخلوهو يتحكم زيو زي غيرو،مش دة الإنتو كنتو حابين تصلو ليهو؟ليهو عفيتوهو الطماع الوسخ التافهه،ماما بقت تهدي فيها لأنو جدو ضغطو كان مرتفع شديييييد ،وحبوبه بنفس الحالهه،عثمان قال ليها قولنا ليك القصهه انتهت لحدي هنا وبس تاني م تفتحي الموضوع دة في البيت فاهمهه ولا لأ؟قالت ليهو بفتح خشمي كيف يعني م افتح خشمي دة ابووووي زي م ابوكم،مجاهد على التوتر العليهو قام اداها كف طاخ قال ليها مش قولنا ليك م تفتحي الموضوع؟يبقى م تفتحيهو طيري يلا غرفتك سرعهه،عدت اسبوعين من المحكمه وطبعا الجرايد كلها بقت تتكلم في الموضوع،اكتر زول كان متضرر ومنهار نفسيا كان رامي لأنو في يوم من الأيام خته يدو في يد عمو عبالباسط واتفقو على مجاهد وحاولو انو يتحرمنو على الشركه مع بعض،وقبل كدة كان بملى ليهو راسو على اخوهو وبسببو اتشاكل مع مجاهد،عثمان ومجاهد ورامي كلهم قاعدين مع بعض في شقهه مجاهد،مجاهد قعد يتكلم مع رامي قال ليهو ي اخووي الحصل حصل نحن م حنقدر نرجع الزمن لورا عشان كدة خلينا نشوف لي قدام ،عثمان قال ليهو بعدين الانت عملتو دة اعتبرو لحظهه شيطانيهه وضعف بس م اكتر ،انت م زيو ابدا ي رامي عشان كدة اطلع من حاله تأنيب الضمير الإنت عايش فيها دي،وبعدين م كعب الزول البغلط كعب البتعمد يتطور اخطاؤ
في بيت ناس حبوبه حوالي المغرب كدة عمو عبدالباسط جا داخل البيت فتحت ليهو الشغاله،قال ليها محاسن قاعدة؟قالت ليهو ايوة،على طول طلع غرفه مرتو،طبعا كل زول كان في غرفتو وقافل عليها،،عمو عبالباسط اول م فتح غرفتو مرتو كانت قاعدة في السرير وحاضنه بناتها عليها،قالت ليهو عبدالباسط؟؟فتح الدولاب بقى يفتش نزل شنطه ونزل فيها ملابسو وقال ليها طلعي لي الشنطه الأنا ممسكك ليها،سكتت مساافه قالت ليهو شنطه شنو؟عاين ليها بي غضب وقال ليها شنطه شنو كيف يعني الشنطه الأنا ممسكك ليها قومي اديني ليها انا مستعجل قولته ليك،قالت ليهو م متزكرة انو انت اديتني شنطه،قال ليها انتي حيوانهه كيف م اديتك شنطه ؟جيبي الشنطه دي قولته ليك،قالت ليهو م عندك عندي اي شنطه،مسكها وضربها كف وعدلها بالتاني وبقو يتناقشو ويصرخو على بعض،قالت ليهو م بديك ليها ،عايشه معاك العمر دة كلو ومستحمله عفانتك اسمع هنا الفي الشنطه دة حقي وحق اولادي ،قال ليها حقك وحق اولادك؟انا قبل شهرين مديك م لا يقل عن 200مليون سويتي بيها شنو؟وانتي زاتك زول غيرك غيرك غطس حجري ماف ،قالت ليهو انا قولته ليك حرش صحبك عشان اقتل اخوك؟مش لما مختار ضرب ليك وقال ليك ياهو اخوك دمو جاري قدامي اعمل ليهو شنو قولته ليهو اقتلو ااي ؟مش دة الإنت جيت تتراجف وحكيتو لي ؟قال ليها م بسبب طمعك وغيرتك في الطالعه والنازلهه شابكاني اخوك عندو اخوك عندو ،قالت ليهو من يومك بتحقد عليهو اووعى تجي تخت الحق علي انا بسبب حقدك وقلبك الأسود دة قتلته اخوووك وبعد دة كلووو طلعته من المولد بلا حمص،قال ليها اسمعي هنا دة الشنطه دي انا محتاج ليها سلميني ليها قولته ليك وم ترطني فيني،قالت ليهو مااااااعارفه مكانها وم بديك ليها وبقى يتصارع معاها ويضربها وهي تصرخ لغاااايهه م لزاها رماها ضربت راسها في التسريحه ومع الضربه دي الدم غرقها ،وبناتو بقو يصرخو،قام طالع من الغرفه اتلاقى مع جدو وحبوبه في الباب،جدو قال ليهو الجابك هنا شنووو انت تااااني الدخلك بيتي شنووو ي كلب؟طلع مشى وخلى مرتو غرقانه دمها،حبوبه وجدو دخلو الفرفه،وفاطمه ومريم كان بصرخو وبقولو بابا قتل ماما،وبصرخو بأعلى صوتو ،جدو شالها مع حبوبه ركبوها العربيه ،حبوبه دي ماسكاها والدم جاري منها بطريقه غريبه وحبوبه دي بتقول"لا اله الا الله،لا الله الا الله،حسبي الله فيك ي عبدالباسط ،لغاايه م وصلوها المستشفى ودخلوها خيطو نص ليها راسها ،بعد م طلعوها الدكتور سألهم قال ليهم الحاصل شنو،حبوبه قالت ليهو والله وقعت بس،جدو قال ليهو هووووي ي فتحيهه بي نهرة كدة واقال للدكتور ضربها راجلها ي ولدي ورماها الرميه دي ،وهو زاتو ولدي انا لكن ولادة التابا ي ولدي عشان كدة م بضاري ليهو نهاااائي،الدكتور قال ليهو طيب،حنطلعها بعد كم يوووم كدة ولو هي عايزة تفتح بلاغ في راجلها بعد صحتها ترجع ليها حتلقى الأورنيك حقها جاهز،،،
