#أحببتك_حتى21
،قعدته اتلفت يمين وشمال،مسكني وقربني منو مسح لي دموعي قال لي كفايه حبيبي الله يخليك كفاايه لو عايزة اسي نرجع بس الله يخليك بطلي بكى وضماني عليهو ...💜لما اتصرف كدة انا زدته في البكى زيادة طبعا حكايه الزول قاعد على الهبشه ومستني مين يحنسو علشان يزيد في البكى،فضل ضاميني وواقف في محلو تلت ساعه تقريبا بعدها مسح لي دموعي قال لي خلاص روقتي ؟قولته ليهو ايوة،قال لي طيب تعالي اقعدي,اول م قال لي اقعدي عاينته ليهو ،قال لي عايزة تغسلي وشكك؟قولته ليهو ااايوة،قال لي طيب الحمام برة تعالي اوصفو ليك، مشيت الحمام غسلته وشي جيت راجعه شلته لي ملابس غيرته ورجعته الغرفه لقيتو جهز العشاء،قال لي يلا تعالي نتعشى،قولته ليهو م نفسي أكل،قال لي اهااااا؟وانا نفسي اكل بس اذا انتي م عايزة تاكلي انا نفسي حتتقفل وحأبطل أكل،قولته ليهو طيب ،قعدته اكلته معاه شويه كدة وطلعته غسلته وجيت رقدته في السرير واتغطيت،هو بعد م خلص اكل شال ملابسو وطلع الحمام،طبعا انا مااااا فكرته انتظرو لمن يطلع حتى على طووول اتغطيت وعملته روحي غمرانه،صحيت الصباح لقيتو نايم جنبي ومرقدني في حضنو ،حصل كدة كيف ومتين م عارفه😂م حبيت اصحيهو لأنو شكلو وهو نايم زي البيبي بجد🙈اتغطيت كويس ورقدته وقربته منو شدييد واخدته لي نومه ،صحيت على حركتو هو كان داخل الغرفه وخاتي البشكير في راسو ولابس ليهو شورت قصير وفنيله اول م شوفتو اتلفته بالاتجاه المعاكس ليهو،ضحك ضحكه خفيفه كدة وجا قعد جنبي قال لي صباح الخير ،قولته ليهو صباح النور،قال لي في زول بصبح على زول ووشو مقبل بالاتجاه التاني؟لفه لي راسي بإتجاهو وباااسني في خدي قال لي صباحي انتي،قولته ليهو انت صحيت متين انا لما صحيت انت كنت نايم،قال لي صحيت قبل شويه و...قبل م يكمل كلامو باب الغرفه دق،قال لي دقيقه،مشى فتح الباب وقال "بالسرعه دي اتفضلي طيب واقفه بره ليه؟سامعه صوت واحدة بتقول ليهو لالا والله بجي عليكم مرة التانيه وبعدين عندي حله في النار هههه،قال ليها شكرا ي الاء ياخ م نعدمك ي رب💜بقيت اتكلم مع نفسي واقول الاء منو وانا بعاين ليهو بي فضول غريب كدة،جا داخل وشايل صينيه شاي ومعاها حفاظتها،قال لي والشاي جاااهز،قولته ليهو دي منو الجابتو ليك دي،حكه راسو مساافه وقال لي والله م متزكر اذا دي مرتي التانيه ولا التالته ولا الأولى المهم واحدة من نسواني😂😁حمرته ليهو عيوني،جا مسكني وقال لي غيره لكن😂قولته ليهو من يومي م رايقه م تتظارف ي يوسف ياااخي😿قال لي عاارف انو انتي م رايقه عشان كدة تعالي نشرب الشااي وبعدهاااااا،"قال كدة وهو مقرب مني شدييد'قولته ليهو بعدها شنوو😿قال لي ولا حاجه😂😂مالك انت خايفه من شنو😂؟قولته ليهو اخااف من شنو مثلا؟قال لي طيب تعالي نشرب الشاي،قولته ليهو انا حأدخل الحمام اول بعدها حأجي اشرب الشاي،قال لي طيب،مشيت استحميت وجيت طالعه لقيتو راقد في الكنبه،وم شرب الشاي،قولته ليهو ليه م شربته الشاي حقك؟قال اشربو وانت مااف؟عاينته ليهو مسااافه وجيت قعدته جنبو،بعد م خلصنا شراب شااي هو شال تلفونو وطلع بره،وانا قعدته اشاهد في التلفزيون،بعد مسااااافه جا راجع وقعد جنبي في الكنبه ،اول م قعد جنبي انا بطلته اعاين للتلفزيون وركزته معاهو ،خته يدو في خدي وقال لي شهد انتي بجد مبسوطه بالعرس دة ولا بتكابري؟،على طول رقدته في حضنو وقولته ليهو كيف م حأكون مبسوطه وانا معااااك ي يوسسسسسسف ليه السؤال دة،ضغط علي اكتر وقال لا ماف شي بس كدة ،فضلنا نعاين لبعض مسااافه بعدها قال لي عارفه ي شهد مش انتي معاي انا تاني م عايز اي شي من الدنيا دي لأني بعد اليوم م عندي غيرك في الدنيا ،قولته ليهو حبيبي وانا حأفضل معاك على الدوام وربي،باسني وقربني منو اكككتر وفضل يعاين لي مساااافهه وقال لي انا حاسي انو انتي متوترة وانا كمان ي شهد وكل حاجه حصلت بسرعه يعني جوانا م في فرحه العرسان البحسوها ديك وكمان زعل امك منك و...،قولته ليهو يوسف،قاطعني قال لي شههد انا بفهمك حتى لو م اتكلمتي عشان كدة نحن أفضل ندي نفسنا مسااااحه وم نستعجل في اي خطوة تانيه خلينا ناخد زمنا وانا م مستعجل على اي حاجه على فكرة مش انتي معاي ونحن متفاهمين الاحساس دة بكفيني،،قولته ليهو طيب اساسا كدة أفضل لي وليك،قال لي اتفقنا وباسني في راسي،قولته ليهو يوسف،قال لي روحو،قولته ليهو انا بحبكك💜اخد نفس عمييق وقال لي انا اكتر ي سجومتي،قولته ليهو سجومتي في عينكك😂💔اثناء م نحنا قاعدين كدة فجأة باب الغرفه دق ،يوسف مشى فتح الباب قال ليها الفطوور ،قالت ليهو افتح لي الباب كويس عشان ادخلهاا،مسكها منها وقال ليها اتفضلي ،قالت ليهو العروس م تكون نايمه بس واكون ازعجتكم،قال ليها لالا اتفضلي،جات داخله طبعا انا لابسه لي بجامه قصيرة وشعري م كان ملموم فهي لما جات داخله قالت لي السلام عليكم وشافتني بالمنظر دة حسيتها خجلت،بس واصلت سلامها وسلمت علي بالحضن وقالت لي مبرووك كمان ربنا يهنيكم ي رب، والبيت نور بيك قولته ليها امييين منور بأسيادو والله ،ماشاءالله كانت سمحه سماحه مبالغه ونضيفه ومتحننه،يوسف قال ليها طبعا ي الاء دي شهد،شهد دي الاء مرت اخووي الكبير،قولته ليها اهلييين اتشرفنا،قالت لي تسلمي ي رب،قالت لينا استأذنكم انا ،قولته ليها اتفضلي ليه ماشه على طول كدة،عاين لي وابتسم ،قالت لي لي بدري من عمرك حبيبتي بس ماشه والله،ومعليش ياخي أخرته ليكم الفطور،قولته ليها لالا والله ماف تأخير ولا اي شي وبعدين نحن ي دوب شربنا الشاي،بعد م طلعت،يوسف قعد يعاين ويضحك،قولته ليهو مالك بتضحك وربعته ليهو يديني،قربني مني شديد وعاين لي من فوق لي نحت بي نظرة خبيثه كدة وقال لي فكرك يعني وهي شايفاك بالمنظر دة حتقعد؟ لا والأحلى فاتحه نفسك وبتقولي ليها اقعدي،😂💔عاينته لنفسي ولنكشتي قولته ليهو تكون فهمتنا غلط😿قال لي دة الطبيعي طبعااا😂💔😷قولته ليهو يووسف انت عندك اخوان؟قال لي ايوة وسكت،قولته ليهو ومرت اخوك دي ساكنه وين؟قال لي في اتجاه البيت التاني،قولته ليهو يعني الجزء دة حقك،قال لي اساسا الصالون دة حقي انا بقعد فيهو والحوش الصغير دة انا بقرش فيهو العربيه ،قولته ليهو اهااا بس على فكرة الصالون دة فارشو انت براك؟قال لي اايوة ههه وبقى يوصف لي عمل شنو وشنو وانا واقفه متنحه وبعاين ليهو فچأة بوستو في خدو من غير اي مقدمات ،عاين لي وقال لي دي ضريبه على الإنجاز دة مثلا؟😂😂قولته ليهو م عارفه بس جات كدة🙈جراني عليهو وباسني بعدها قال لي انا كمان جات كدة فاكرة انو بتجي عندك كدة براااك عامله عيونك الحلوات ديل😂😁طبعا بقيت واقفه وم قادرة اضحك ولا قادرة اتحرك حسيت نفسي هبلااا،قولته ليهو نظام واحدة بواحدة صح؟قال لي لا نظام البادي اظلم ،قولته ليهو بس انا اديتك ليها في خدك م في...سكته م قدرته اكمل كلامي لأنو هو بقى يعاين عين كدة م بتبشر بالخير،لما شافني سكته وبلعته لساني قعد يضحك قال لي ونحن البغلط علينا بنجازيهو بالضعف كيف معاك م كعب صح؟قولته ليهو والله كعب شدييييد 😂😿💔يوسف يااااااخي بس ملاااك من الحنيه واللطافه،بعد عدينا اسبووع ونحن مع بعض هو نزب الشغل ،قبل م يطلع قال لي حبيبي،قولته ليهو ايوة،قال لي م تطلعي من البيت تمام؟لو احتجتي اااي حاجه اتصلي علي انا حأخلي الاء تجيب ليك العايزاهو تمام؟قولته ليهو اهاا حتحبسني؟قال لي لا بس خايف عليك وطووول اليوم حأكون مقلق عشان كدة،قولته ليهو طيب حاضر ،قال لي يلا في أمان الله،حضنتو قولته ليهو خلي بالك من نفسك وم تتأخر ،قال لي حاضر يلا سلام💜بعد م طلع فرشته الصالون وشغلته المكيف والتلفزيون ورقدته،شويه كدة فجأة الكهربه قطعت،ومع قطعه الكربه دي امانه انا م اموري جاطت والجو سخخن م سخن بس دة كتم عدييل ،وبره الحوش مع السيراميك وضربه الشمس دي الواحد لو عايز يشوي حاجه بتتشوي ليهو،قضيت اليوم كلو داخله الحمام مستحميه وجايه طالعه،اول م اسخن وجسمي ينشف تاني برجع الحمام ،لغااايه م المساء جا الكهربه م جات وانا السخانه م بتنفع معي عملت لي صداع غريب، وتلفوني كان مقغول لأنو م كان مشحون،يوسف جا راجع العصر،لقاني راقدة في الكنبه وجسمي كلو جاري مويه والبيت مضلم،قال لي شههد،قمته على حيلي قولته ليهو جيت متين شالتني نومه م حسيت بيك والله،قال لي جيت قبل شويه بتصل عليك تلفونك مقفول ليه؟قولته ليهو والله ي يوسف الكهربه من ما انت طلعته قاطعه،قال لي قاااطعه من الصباح يعني؟وانتي قيلتي في البيت دة كيييف؟قولته ليهو كنت بستحمه وبطلع انشف شويه وتاني برجع بستحمه يومي مان كدة،طبعا صوتي كان متغير،قال لي بتبالغي في زول بعمل في نفسو كدة ي شهد؟كدة دقيقه،طلع مشى بعد مسااافه شال محفظتو وطلع ،شويه كدة جا راجع وجات الاء وراهو وكانت بتقول ليهو"والله م كنت عارفه حاجه زي دي ي يوسف لو كنت عارفه كان جيت سوقتها قيلت معاي وانتظرتك لمن انت تجي،قال ليها م مشكله حصل خير،طلعته من الغرفه قولته ليهو يوسف؟سلام الاء كيفك تمام؟قالت لي اهلين مساء النور ليه لما الكهربه دي قطعت م جيتي دقيتي لي الباب والله كان تجي تقعدي معي،قولته ليها صح والله بس علشان انا م بعرف بيتك وكذاا،قالت لي م بتعرفيعو كيف نحن في الحوش التاني دة وكان مسافه الشارع بعيدة افتحي باب النص دة وادخلي علي اول حوش بلقاك بجاي دة حوشي انا،قولته ليها تسلمي ي رب ان شاءالله المره الجايه لو حصلت نفس المشكله حأجي عليك هههههههههه،قالت لي طيب عن اذنكم ي جماعه بعد م طلعت يوسف جا مسكني قال لي شوفي عيونك دي وقعت كيف لمن لونها اتغير،فجأو الكهربه جات ونحت ونحن واقفين،قال لي تعالي دخلني جوة،قال لي حالتي قولته ليك لو حصلت معاك اي حاجه اتصلي علي،طبعا كان بتكلم وهو زعلان زعل،قولته ليهو حبيبي خلاص والله تلفوني كان مقفول وبعدين هي الكهربه كانت قاطعه عامه كنت حتعمل شنو مثلا؟قال لي حتى ولو اتصلي علي وانا حأوريك تعملي شنو لغايه م انا أجي،قولته ليهو طيب حاضر رووق ،جبته ليهو مويه من تلاجه المويه شرب بعدها قال لي انا جايب الغداء جاهز انتي ارتاحي انا حأدخل الحمام وحأجي راجع اجهزو،قولته ليهو طيب تمام،طبعا مع المكيف الغرفه بقت بااااردة جيت ختيت راسي في السرير كدة وتاني م حسيت بنفسي ابدا،صحيت على صوت يوسف وهو بصحي فيني،طبعا م حاسه بحاجه اساسا كنت مصدعه ،يوسف قال لي هاك ابلعي الحبه دي خته لي الحبه في خشمي وشربني المويه ،قولته ليهو حاسه بجسمي مسخخن شدييد ليه ؟قال لي دة من الإلتهاب الحيجيك،قولته ليهو طيب ارفع درجه التكيف دي،قال لي اكتر من كدة حتموتي انتي بس جسمك مسخن م اكتر غطاني وجا رقد جنبي،اليوم التاني صحيت لقيتو هو ماف،وجنبي في كيس بتاع حبوب ودواء كدة،نزلته مشيت استحميت وجيت راجعه لقيت يوسف فرش لي سريري ،قولته ليهو يوسف!!!قال لي صباح الخير حبيبي،قولته ليهو حبيبي انت اليوم م مشيت الشغل؟؟قال لي امشي الشغل واخليك وانتي بالحاله دي؟وبعدين انتي محمومه الطلعك شنوو م كان تمشي تستحمي!!!قولته ليهو يوسف انت م جادي يعني م مشيت الشغل عشاني؟ قال لي والشغل اهم منك مثلا "هو بقول كدة وبيني وبيني سنتمترات"قولته ليهو انا اساسا متعودة لما الجو يسخن كدة بعمل لي احتقان وبعمل لي اللتهاب ،قال لي ومعاهم حمه وصداع والليل كلو تتقلبي وجسمك راشح مويه،قولته ليهو يعني انت قضيت الليل مراقبني ؟😿قال لي وانوم اخليك لمنو مثلا ،وبعدين هو انا حيجيني نوم اساسا وانتي بالحاله دي؟ابتسمته وبقيت اعاين ليهو،قال لي تعالي اول شي اشربي عصير البرتقال بالليمون دة كويس معاك،وم تقولي لي انا م عايزة وبتاع فاهمه؟قولته ليهو حااضر،بعد م شربته العصير قال لي الحبوبه دي حتاخدي بعد الفطور واحدة وبعد العشاء واحدة تمام؟قولته ليهو طيب،جاب الفطور جهزو قال لي عارفه ي شهد لو كان في طريقه كان اجرنا لينا بيت فيهو مطبخ لأنو المطبخ دة أهم من كل شي وبعدين الاء م بنقدر نقيدها على الدوام في انها تجهز لينا الأكل وتجيبو لينا،قولته ليهو صح والله فعلا الموضوع مقيد شديد،قال لي طيب رايك شنو نعمل لينا مظله زنكي صغيرة جنب الركن البرة داك للطبيخ؟قولته ليهو ونجيب عدة من وين؟قال لي نشتريهااا ،قولته ليهو طيب تمام فكرة برضو،اليوم التاني وهو طالع ماشي الشغل قال لي لو حصلت اي حاجه اتصلي علي فاهمه وانتي عيانه م تتحركي وتطلعي في الشمس م بتنفع معاك،قولته ليهو حاضر،لما وصل جنب الباب قال لي شهد،قولته ليهو ايوة،قال لي الباب الفي النص البينا وبين ناس الاء دة م تفتحيعو تمام؟قولته ليهو لييه؟قال لي من غير ليه ممكن تسمعي الكلام؟قولته ليهو طيب حااااضر يلا امشي شغلك،قال لي استني امشي من غير م اسمعها؟قولته ليهو اللي هي شنوو؟بقى متنح فيني،قولته ليهو طيب بحبك🙈💜ضحك قال لي يلا خلي بالك من نفسك،رجعته غرفتي ورقدته كدااااا ،بعد صلاة الضهر وقريب للعصر كدة طلعته ماشه على الحمام سمعته جوطه،وقفته سمعته نسوان بتشاكلو وبتنابذو واحدة بتقول للتانيه انتي قولتي الكلام دة،والتانيه بتقول واعدم اولادي م قولتو،وتاني في واحدة بتقول م تكذبي ي رجاء الكلام دة م قولتيهو لي في جبنه ناس حجه زهرهه اجي اجي احلفي بالتقطعك كدة م تحلفي بي اولادك،والأصوات كانت عاليه شديد وفجأة قلبوهو نبذ ي وسخانه ي عفنه وي المابتشبهي النسوان،وواحدة بتقول للتانيه م حاسداني وغيرانه مني في دهبي اللابساهو دة عشان م قادرة تجيبي زيو،ردت ليها قالت ليها الحمدلله مشبعه عيالي وراجلي وم بقطع من مصاريفي ولحم جسمي واجوع عيالي عشان دهب م اظن يدفنوني بيهو ي وسخاااااهه،وكل شويه نبذهم لبعض بزيد وكل دة وانا واقغه والشكله كانت تقريبا في بيت الاء اللي انا عمري م شوفتو بعيني،فجأة سمعته صوت كركبه وناس بتضارب واثناء الكركبه دي كلها سمعته صوت الاء بتقول ليهم "انا م دايرة معاكم فتن ومشاكل كتيرة في بيتي يلا اطلعو من بيتي واتشاكلو شكلكم بعيد بعيد،وبقت تحجز فيهم وبتقول ليهم عقلو اموركم دة شنو البتعملو فيهو دة ي عمتي اللحقي نسوان اولادك وفجأة صرخت انا مع الصرخه دي على طوول فتحته باب النص المقفول داك وجريت عليهم،لقيتهم واقعات فوق بعض وبتضاربو بطريقه م طبيعيه،قولته ليها الاء ديل مالهم؟قالت لي م عارفه انا زاتي،ياخي اتضاربو بطريقه م طبيعيه ،الاء مسكت واحدة دخلتها جوة بيتها كمان الاتنين التانيات وقعو في بعض ضرب،ياخي واحدة خربشت التانيه في وشها لمن وشها جاب دم،انا بعدشوفته المنظر دة م قدرته اقيف واعاين ليهم حاولته احجزهم رفعته واحدة من التانيه بعد محاولات ومحاولات قدرته أقلها،بعد دةكلو بقو يتنابذو انتي ي صفتك وانت صفتك وانتي اهلك صفتهم وانتي اهلك فعلتهم وتركتهم،وانا في نصهم م حسيت بي شي الا والدم جاري من رجلي،واحدة فيهم رمت التانيه بالمكوة وجات في رجلي،وانا بقيت ابكي ياخي اتوجعته وجعه ،والدم حالف كان يقيف الاء جابت رقشهه ودتني في المستشفى ربطو لي الجرح وجينا راجعين،رقدتني في البيت قالت لي انا ماشه اشوف البيت الحاصل عليهو شتو وكدة،قولته ليها طيب،طلعت بجاي يوسف جا داخل بي جاي،الغضب والزعل كان باين في وشو،لما شوفتو حاولته اقوم على حيلي م قدرته،جا رقدني في محلي قال لي م تتحركي ولا حركه انتي كويسه؟هزيت ليهو راسي بمعنى ايوة،قال لي ليه م بتسمعي الكلام انتي ؟انا مش قولته ليك م تطلعي من هنا؟مش قولته ليك م تفتحي الباب دة؟قولته ليهو يوسف انا بس سمعتهم،قاطعني قال لي سمعتيهم بتشاكلو صح؟مالك مالهم انتي بتعرفيهم؟في علاقه بتربطك بيهم؟لأ طبعا ،اصلا الناس دي انتي م بتعرفيهم شكلهم دة العادي حقهم!!!بقيت اعاين ليهو ودموعي جاريه ،قال لي انتي اسي بتبكي مالك؟قولته ليهو انت ليه بتجوط فيني كدة انا غلطته في شنو اسي😭😭قال لي غلطتك انك م بتسمعي الكلام انا كلمتك م تطلعي من البيت دة ولا شببر صح ولا لأ؟زدته في البكاء زيادة لأنو كان متنرفز شدييد وزهجااان عايزة انزل من السرير مسكني قال لي ماشه وين؟سكتته م رديت عليهو وانا ببكي لمن بتنهد،قمته ماشه تاني مسكني قال لي بتكلم معاك انا ماشه وين؟قولته ليهو بصوت مبحوح عايزة مويه،قام على حيلو قال لي خليك ،مشى جاب لي مويه وشربني ليها وقعد جنبي بعد م خلصته مسك يدي ومسح لي دموعي قال لي حبيبي انا اسف م قصدي اجوط فيك وأبكيك بس من خوووفي عليك لأنو انتي الناس ديل انتي م بتعرفيهم اكتر مني وانا م عايزك تدخلي نفسك في متاهات زي دي عايزك بعيدة كل البعد عنهم،مسح على راسي وباسني في خدي واخد نفس عمييق وبعدها قال لي خلاص بطلي بكى اسي رجلك بتوجعك؟هزيت ليهو راسي بمعنى لا،قال لي طيب اخدتي حبوب الإلتهاب حقتك؟سكتته سااي وبقيت اعااين ليهو،قال لي اصلا عااارف انك م حتتزكريهم اساسا عشان كدة اتصلته عليك اربعه مكالمات،قولته ليهو حتشاكلني تاااني☹😿😭قال لي تاني وتالت كمان مش على حساب صحتك يبقى عندي صلاحيه اشاكلك،عاينته ليهو مساافه قولته ليهو طيب واذا قولته ليك انو انا بحبك ومشتاقه ليك من الصبااح كمان وحضنتو🙈قال لي م عاارف اذا دة كذب ولا حقيقه بس لو بي يدي اسوقك معي الشغل كل يوم واخليك قدام عيوني واراقبك عشان اكون متطمن انو انتي بخييير وحيااة الخلقني ي شهد لما. اكون في الشغل روحي بتكون مشحتفهه عليك وم بتطمن الا لما اشوفك قدامي وبدون مبالغه احيانا م بكون متمطن عليك الا وانا حاضنك...
#نتلاقى®♡
