#أحببتك_حتى24
بقيت اتخيل كل موقف ليهم مع بعض وانا ببكي و غير الضلام م شايفه حاجه وجسمي كلو برجف وبقيت م بين مصدقه وم مصدقه بس ابدا عقلي م كان قادر يكذب الموضوع دة،انا واقعه في الأرض وبقيت اقول استغفر الله العظيم ي رب استغفر الله وانا ببكي حتى فكرة انو انا م شايفه م كانت مأثرة علي على قدر تأثير الموضوع القالوهو لي ،قعدته بكيييت كداااا بعد م هديت رجعته اشوووف عاادي بس الموضوع اصلا م طلع من بالي وبقيت افكر فيهو كتير لدرجه غريبه ،يوسف جا راجع البيت حسه بي اني م طبيعيه سألني "مالك انتي اليوم؟قولته ليهو ماف واديتو ضهري ،قرب مني وخته يديهو حوالي ونام وهو سااكت،اليوم التاني الاء ابدا م جاتني ولا سلمت علي بالحيطه وانا صراحه تلقائيا لقيت نفسي بطني طامه منها وم قادرة اتعامل معاها ايوة صح يمكن تصرفي غلط بس انا م قدرته اتجاوز كلامهم ،وعدينا اسبووع على الحاله دي وانا م بكزب الشيطان لعب بعقلي كتييبر لدرجه انو شلته في قلبي منها اي نعم م شوفته منها شي غلط وهي م قصرت معي في حاجه وعاملتني تعامل ام مع بتها واكتر بس في موضوع زي دة الشيطان شاطر وبدخل بين النااس،في يوم يوسف سأل منها قال لي انتي الاء وين اليومين دي م شايفها بتجيك،قولته ليهو بي نبرة حادة وانت بتسأل منها ليييييه؟قال لي شهد بسم الله كيف م اسأل منها وهي طول الوقت معاك؟قولته ليهو م عارفه،قال لي في حاجه؟قولته ليهو لا ابدا،قال لي طيب،انا والاء فضلنا شهر متغيرين من بعض لا هي بتجيني ولا انا بسأل منها، حتى انا اتركزت في بالي فكرة انو هي عرفت انو هم حكو لي بالحقيقه علشان كدة وقفت مني علشان خافت ،في يوم باب بيتنا دقه مشيت فتحته اتفاجأ ليك بي محمد ومعاهو واحد تاني شايلين يوسف،طبعا انا اتجمدته في محلي ووقفته م عرفته اعمل شنو بعد مسااافه محمد قااال لي شهههد اتحركي من الباب،قولته ليهو يوسف يوسف مالو؟محمد قال لي كويس م عندو اي حاجه عمل حادث بسيط وعندو رضخ في رجلو،قولته ليهو حادث حادث وين ؟قال لي روقي ساقوهو دخلوهو جوة ورقدوهو وانا واقفه في محلي،محمد جا طالع قال لي كويس والله م عندو اي عوجه وبعدين حادث بسيط شديد بس دفي لي مويه بي ملح عايز اعمل ليهو مكمدات،قولته ليهو طيب دفيت ليهو المويه واديتها ليهو شالها دخل جوة عمل ليهو المكمدات وقامو طالعين قال لي يومين وحيبقى كويس بس استمري اعملي ليهو المكمدات حقت المويه الحارة دي واذا احتجتي لي اي حاجه اتصلي علي تمام؟ ،قولته ليهو كويس،بعد م طلع مشيت دخلته ليهو قولته ليهو يوسف انا مش قولته ليك خلي بالك من الشارع وانت سااايق شايف الحاصل عليك شنو انت مجنون ؟قال لي والله المرة دي الزول الضربني هو الداخل غلط خلاص بطلي بكى،قولته ليهو كيف ابطل بكى وانت بالحاله دي،قال لي انا كويس ي شهد الحمدلله جات سليمه،قولته ليهو م تقول لي جات سليمه لو حصلت ليك حاجه انت ليه عامل نفسك حقل تجارب مرة حادث بالعربيه ومرة بالركشهه😭قال لي بس الواقع بقول انو انا كويس خلاص ي شهد،سكتته وهو ناااام بالليل صحى عايز يمشي الحمام انا كنته صاحيه وم قادرة انوم مسكتو قولته ليهو خلي انا بوصلك،قال لي لا خلي بمشي براي،قولته ليهو يوسسف،زحاني بي قوة كدة وقال لي قولته ليك بمشي براي مالك انتي،خليتو مشى وانا وقفته لمن دموعي جرت ،جا راجع مغسل وشو وقف جنبي قال لي اسف،سكتته ومسحته دموعي قال لي المزعلك شنو اسي؟قولته ليهو زول كدة بقى م بحبني زي زمان،قال لي امممم وانتي عرفتي كيف؟قولته ليهو تصرفاتو واضحه وانا قلبي بقى بوجعني منو😿😔خته يدو في خدي وقال لي جربتي تسأليهو وتعرفي اذا الكلام دة صح ولا بتهيأ ليك ؟قولته ليهو م محتاجه اسألو،قال لي معناها كدة انتي حتكوني ظلمتيهو صح؟قولته ليهو وهو ليه م يفهم انو زولتو دي فاقداه؟باااسني وقال لي وانتي منو القال ليك انو م فاهم ؟وانو هو بطل يحبك؟ هو فاهم بس الحياة جايه عليهو شدييد مع انو عارف انو مقصر في حقك شدييد بس يعمل شنووو؟حضنتو وقولته ليهو يوسف انت م حاسي انو انت بقيت بعيد مني شديد،قال لي اخخخخ ،رفعته راسي قولته ليهو رجلك وجعتك؟قال لي انا م بعيد منك والله ي شهد انتي م بتطلعي من عقلي دة ولا لثانيه واحدة ،قولته ليهو تعال وديتو السرير ورقدته جنبو ،الصباح صحيت لقيتو بعاين لي سااي،قولته ليهو صباح الخير،باسني وقال لي يسعد صباحك،قولته ليهو كيف اصبحته ؟قال لي صباحي حيكون كيف وانتي معااي،عايز يبوسني تاني قولته ليهو انت الليله مالك حاسي بشنو؟قال لي حب زايد 😂💔قرب مني واخد نفس وقال لي انتي اصلا سمحه كدة لما تصحي من النوم؟قولته ليهو يوسف خلاص فكني خليني انزل،جراني عليهو قال لي واذا أبيت؟قولته ليهو اذا ابيت دي حاجه تانيه كمان ههههه،قال لي خليك م تنزلي يااخ ،قولته ليهو طيب ،هو بقى بعاين لي وانا بعاين ليهو وساكتين 😂🙈فجأة باب الغرفه دق،عايزة انزل مسكني وقفل خشمي،فجأة اسمع الاء بتقول لي شهد ،ي شهد صباح الخير بس يوسف م خلاني اتكلم لمن رجعت،قولته ليهو يوسسسسسف،قال لي هسسسس م عايزين ازعاج عامله عيونك الحلوات ديل،قعدته اضحك قولته ليهو مشكلتك شنو مع عيوني انت؟قال لي بس كدة بحبهم شديييييييييييييد،قولته ليهو وانا كمان بحب لحيتكگ 🙈قال لي اصلا الجكس كلو بحبها،قولته ليهو شنوو جكس منووو😡قال لي جكسيني يعني حيكون جكس منو وبقى يعاين لي ،قولته ليهو من بكرة تمشي تحلقها ،قال لي بس انا رجلي م بقدر امشي بيها😂😂😂😂😁💔قولته ليهو تمشي بيها زي دة ولا اقول ليك انا بحلقها ليك دقيقه عايزة اقوم جراني ورقدني في حضنو وهو بضحك قال لي بحبكك ياااخي 😂😂😂😂😂قولته ليهو غياظ دة،قال لي طيب روقي خلاص،قولته ليهو وكمان فاتح نفسك وبتقول لي جكسيني بس كويس خليني ألم فيهم بحرقهم واحدة ورا التانيهه😭😿😔ضماني عليهو اكتر وضحك زيادة وقال لي طيب واناا؟قولته ليهو انت حأخليك عشان بحبك وم بقدر اعمل ليك شي😔😿💔باسني في راسي وقال لي انا م بعمل كدة عشان قبل كل شي بعمل حساب لقلبكك انت تفتكري عيني حتقع على واحدة غيرك مثلا؟💜قولته ليه I don't Know قال لي لا حولااا تاااني رجعنا لي لغه الكفار دي انتي م عارفه اللغه دي بتأثر على نفسيتي كيف☹😏قعدته اضحك قولته ليهو طيب خلاص بطلته،بعدها طلعته مشيت لي الاء سلمته عليها وقولته ليها قبيل سامعاك بتنادي بس يوسف،هيي قصدي كنت نايمه و على بال م انزل وافتح الباب لقيتك مشيتي،ضحكت قالت لي اااي والله جيت اشووف يوسف قالو لي عمل حادث خير ان شاءالله،عاينته ليها كداا قولته ليها جيتي تشوفي يوسف؟قالت لي اي كلمتني مرت الجيران دي قالت شافتو مدخلنو البيت اصحابو مالو عمل حادث كيف؟قولته ليها بالركشه وانا ملامح وشي اتغيرت واتلونته خلاص،قالت لي لا حولااا اسي هو كيف؟قولته ليها تمام،قمته ماشه قالت لي شهد،قولته ليها ايوة،قالت لي تعالي كدة ساقتني دخلتني جوة البيت،قعدتني قالت لي انتي في شنو مالك؟قولته ليها ماف شي،قالت لي شهههد انا م بعرفك ؟عندك فترة متغيرة،قولته ليها وانتي كمان، قالت لي انا م بكذب عليك وحأسألك سؤال انتي ي شهد بالجد قولتي لي مها ورغدة وتوسل انو انا بفرض عليك نفسي وفطوري وغداي وعشاي في بيتك وباكل من تحتك وبوفر قرووشي ؟قولته ليها انااااااا؟قالت لي شهد انا حصل بالغلط قولته ليك عايزة ولا عايزة او قولته ليك انا محتاجه؟؟قولته ليها هم قالو ليك كدة؟قالت لي دقيقه اخلص كلامي لأنو الاتقال اكتر من كدة،قولته ليها تعالي وطلعته مشيت لي مها لقيتهم التلاته ومعاهم عمتهم بشربو في الشاي ،الاء جات وقفت،قولته ليهم عاينو انتو التلاته 1+1=2 عاينو لي في وشي دة كويس شايفني من مستواكم؟اذا عندكم ذرة عقل فكركم انا عقليتي وطريقه تفكيري زيكم كدة؟انا م حأقول ليكم انتو قولتو شنو وعملتو شنو لأنكم عارفين نفسكم وممكن الحاجه دي تجيب مشاكل و خراب بيوت بس انا الحجات التافه البتحصل بينكم لغايه م بتضربو بعض بسببها دي م بتمشي معاي وانا شخصيا م قاعدة اتعامل مع واحدة فيكم لأني م شايفاكم ناس مفروض اتعامل معاهم ،مها قامت على حيلها قالت لي اسمعي هنا،قولته ليها نزلي صباعك اووعى فهمتي صباعك دة مديهو للمعاك ديل اما بالنسبه لي انتي راس مالك ورقه واحدة من اقرب قسم شرطه وحتعفني في التائبات وم تقولي م بعملها ،علشان كدة خليكم في حالكم علاقتي انا بي الاء خطين حمر م ليكم دخل بيها تمام؟عمتهم قامت وقالت لي هااا المقطعه دي الواحدة اهل م عندها وجايه تتكلم مع نسوان اولادي ،كدة امشي شوفي حاله لنفسك اول انتي بعدين تعالي اتكلمي جايب ليهو واحدة لافه م معروف لاقطها من اي شارع وجايه تتنفخ فينا ي بت هوووي ارجعي علبك نحن الزيك ديل بنوديهم البحر وبنرجعهم عطشانين ،ربعته ليها يديني وقولته ليها ههه كان بودي احترمك وم ارد ليك بس م خليتي لي مجال عشان كدة حأرد ليك ،وم حأرد عليك في موضوع لافه دة لأنو كل يرى الناس بعين طبعه وفسريها زي م انتي عايزة،قالت لي قاصدة انا لافهه زيك ؟قولته ليها حسب فهمك لكلمه لافه طبعا😊 ومشيت خليتهاا رجعته البيت،انا الشي الفهمتو انو هم كانو عايزين يفتنو بيني وبين الاء ويخربو علاقتنا والحمدلله اني م اتحامقته وحكيت لي الاء لأنها كانت حتاخد موقف مني بجد الشيطان شاطر استصغرته نفسي شدييد ،والخلاني ارد لي عمه يوسف طريقه كلامها المستفزة ، جات لاحقاني وبقت تنادي ي يوسف ي ولد،يوسف قال لي في شنو م رديت ليهو،قال ليها ايوة،قالت ليهو اسمع هنا انا لف ودوران وقلهه ادب م بتنفع معي انا لغايه اليوم ساكته وبعاين لكن اللافه حقتك دي،قال ليها دقيقه اعدلي كلامك اول ،قالت ليهو م بعدلو ااي لافه نحن شن عرفنا انو انت متزوجها وعندك قسيمتها ؟لا وجايه تتعالى علي انا وتقول لي كل يرى الناس بعين طبعه قصدها انا زيها؟اطلعو لي سرعه من البيت ولا ثانيه م اللقاكم هنا،طلعته ليها قولته ليها انتي ليه كلامي دة جاي مقاسك كدة لمن مخليك معلقه فيهو للدرجه دي؟ وبعدين تعالي فهميني مين دة الحيطلع من البيت؟يوسف؟؟انتي لو عقلك دة مركب بالمقلوب شوفي ليهو حل البيت دة بيت ورثه ولو جينا للجد يوسف عندو نص فيهو يعني لو في زول بطلع من البيت دة تبقي انتي والشي الوحيد البخليك تقعدي في البيت دة هو نصيب اولادك فيهو ،يوسف قال لي شهد هسس،قولته ليهو م هسس ولا اي شي ،قالت لي تطلعي ولا غصبن عنك،قولته ليها انتي عايزانا نطلع صح؟اوكيه نحن حنطلع بس لما تمشي المحكمه وتقولي ليهم البيت دة بيت ورثه وانا عايزة اطلع ولد راجلي منو اذا القاضي حكم ليك واداك امر اخلاء يطلعنا من البيت دة تعالي نحن بنطلع ليك،يوسف دخلني جوة تاني جيت طالعه قولته ليها بالمناسبه م انسى جد يوسف وحبوبتو اتبرعو ليهو بي حصصهم من الورثه قبل م يموتو يعني لو جينا للحق يوسف عندو نص البيت دة تقدري تنكري؟وبعدين اصلا كدة كدة ابو يوسف كان مطلقكك قبل م يموت انا م عارفه انتي بتتكلمي بصفتك شنو علشان كدة افضل تبلعي لسانك وم تتفرعني فينا اوكيييببه لأنو يوسف عاارف دة كلو وسااكت عشان بقول انتي الربيتيهو بس انتي م ربيتيهو ولا اي شي بالعكس انتي استغليتيهو ودمرتي مستقبلو ،المره بقت واقفه ومخلوعه وساكته شكلها كانت بتسأل روحها انا عرفته الحجات دي كلها من وين ،قولته ليها م ممكن تعيشينا تحت اوامرك مرة كهربه ومرة مويه ومرة كلام فارغ فاكرة نفسك شنو انتي اساسا؟انتي لو عامله روحك بتستعبدي نسوان اولادك في بيتك احب ابشركك انا مولودة في امريكا وماخدة الجنسيه الأمريكيه يعني انتي بتتعاملي مع واحدة مولودة في بلد الحريه الشخصيه في حد زاتها اوووكييييه؟وأزيدك من الشعر بيت تاني الكهربه دي حتشتغل في البيت دة 24ساعه وانتي جربي افتحي خشمك بلاغ واحد وحتلقي نفسك بره البيت لأنو اصلا م عندك فيهو شي ،ومن اسي لو حاسه بروحك م بتقدري تمسكي لسانك جهزي شنطك وخليهم جنب باب الشارع اوكيييه ،يوسف دخلني في الغرفه وقفل علي الباب،شويه كدة الجو هدأ،وانا زاتي بعد اتكلمته اعصابي استرخت ،يوسف فتح الباب وجا داخل طبعا انا واقفه وبهز في رجلي،وهو بقى يعاااين لي عين كدة غريبه وانا لسسه بهز في رجلي،عاينته ليهو قولته ليهو يوسف عاين انا لو م اتكلمته كنت حأنفجر من الزعل لأنو مرت ابوك دي انا من ما رجلي دخلت البيت دة بلعته ليها كتييير وخلاص صراحه فااض بي م لاقيه زول يقعدها في كراسي ادبها ونحن م مجبورين عليها معقوله بس المهم انا اتفششتته فيها لو عايز تزعل مني وتشاكلني تعال شاكلني وخلاص،قرب مني وابتسم وقال لي من بلد الحريه الشخصيه قولتي لي ي ود ي خطيير انت😂💔عاينته ليهو وانا مخلوعه من ردة فعلو افتكرتو حيجوط ويصرخ علي،قال لي شهد انتي العلمك الردحي منو؟ قولته ليهو ردحي شنوو؟قال لي الأسي دة،قولته ليهو م عارفه بس هي وترتني وانا م قدرته امسك نفسي وبس،حضني و قال لي حتى انا م قدرته امسكك😂قولته ليهو يعني انت م زعلان مني؟قال لي ابدا دامك م غلطتي عليهااا صراحه انا خوفته منكك،قولته ليهو انا زاتي م اتعرفته على نفسي😂🙈قال لي بس تاني م تكرريها فهمتي انا اصلا مانعك تدخلي على الناس ديل عشاان عاارف دة البيحصل،قولته ليهو حااضر،اليوم التاني الاء جاتني وهي ميتته من الضحك قالت لي اقسم بالله الحله كلها عرفت بي ردحتك لي عمتي وانبسطو منك بسطه الناس دي كلها كانت مفروسه منها،قولته ليها انا م عارفه يعني شنو ردحه بس صراحه هي بوظت اعصااابي وم قدرته امسك نفسي اكتر وخلاص،قالت لي ياااخي المره لما جاها هبووط.من كلامكك،قولته ليها البركه في حكاويك الحكيتيها لي عنها استفدته منها😂✊بعدها يوسف بقى كويس وبقى بمشي الشغل عاادي ،في يوم يوسف جا راجع البيت وانا اساسا راسي كان واجعني شديد،هو دخل استحمى وجا طالع جهزته ليهو الغداء،اثناء م هو بتغداء انا دخلته الحمام،لقيتو خاتي في الحوض الساعه ومعاها شريط حبوب ناقص حبتين ،قولته معناها دي حبوب مسكن شلتها بلعته منها حبتين وشلتهم ختيتهم ليهو تحت مخدتو ورقدته في السرير انا نمته نووم لدرجه انو م حاسه بي نفسي ابدا،وعيت لقيت يوسف موقفني تحت المويه بي ملابسي،طبعا لسسه م واعيه بي أي شي ،بعد م فتحته شالني رجعني الغرفه وغير لي ملابسي وغطاني وبقى يتكلم معي وبقول لي شهد انتي كويسه ي شهد وبضربني في وشي انا لي نص الليل بعداك وعيت،لقيتو قاعد وحارسني،نزلته من السرير قال لي ماشه وين؟قولته ليهو الحمام مشى وراي لغايه م دخلته الحمام وجيت طالعه طبعا انا م متزكرة اااي شي،دخلته الغرفه قال لي انتي امس اخدتي شنوو؟قولته ليهو امس كيف يعني م الليله؟قال لي بتكلم معاك انا،قولته ليهو م اخدته شي ،دخل يدو في جيبو وطلع حبوب قال لي اخدتي من ديل انتي؟قولته ليهو ايواااا اي راسي كان واجعني ولقيتهم في الحمام وبلعته منهم حبتين،قال لي بي غضب ونبره حادة تاني لأي سبب من الأسباب م تبلعي حبوب م حبوبك فاهمه ولا لأ،قولته ليهو يوسف بسم الله لو م كانت حبوب مسكن حتحاسبني عليها يعني؟قال لي حتى ولو مش حقتي انا م تهبشيها من غير إذني فاهمه ولا لأ؟وطلع مشى،يعني اتكلم معي بطريقه كدة Very angryطبعا زعلته واتنفخته نفخه قعدته افرش في السرير رفعته تحت مخدتو لقيت شريط فااضي خاتيهو تحت المخدة،نضفته البيت ورتبتو بعدها شلته الشريط وطلعته مشيت الصيدليه،كانت شغاله فيها بت،قولته ليها السلام عليكم،قالت لي وعليكم السلام،قولته ليها عايني عليك الله عايزة لي مسكن ويكون زي الشريط دة بالظبط ،شالت الشريط وعاينت ليهو مسااافه وعاينت لي قالت لي دة مسكن شنو دة لكن،قولته ليها م عارفه المهم بس مسكن م عندك؟عاينت لي كدااااااا واتلفتت يمين وشمال وقالت لي تعالي ي بت الناس انتي شكلك بت ناس ومحترمه مالك ومال الحجات الما نافعه دي عاارفه انتي ممكن تروحي فيها بسبب الحبوب دي؟قولته ليها م فهمتكك؟قالت لي التعاطي دة والله بضرك اكتر م بفيدك م تتعاطي يااخي لو عندك مشكله امشي قابلي ليك طبيب نفسي وفضفضي ليها بس ابدا م تحاولي تحليها بالتعاطي لأنو م بحل ليك مشكله،طبعا انا ي دووب استوعبته كلامها يعني الشريط دة م حق مسكن ولا اي حاجه،بقيت اقول لنفسي معقوله يوسف بتعاطى ،معقوله؟رجعته البيت وانا راسي بودي وبجيب وم قادرة اعمل شي وم قادرة اكلم الاء قعدته منتظراه لمن يجي،من ضمن الأيام يوسف اتأخر جا داخل البيت تقريبا الساعه 12 بالليل،وابدا م كان طبيعي كان ماشي وبرجع لي ورا ،على طوول دخل الغرفه وقلع ملابسو،دخلته وراهو ،قولته ليهو يوسف؟طبعا هو اصلا عيونو واسعه وفيها نعاس حبه ،قال لي اهلييييين مرتي ي سمحه دقيقه جاااييك طلع بره ،عاينته لي قميصو في السرير لقيت جنبو زي كيس اسود كدة،مشيت رفعته الكيس الأسود لقيتو ليك فيهو كميه بتاعه حبوب كدة غريبه يعني ولا شريط ولا شريطين،فتحتو لقيتهم نوعين واحد ابيض والتاني أحمر ياااخي انا لمن رجفته قبل م يوسف يجي راجع شلته الكيس دسيتو،جا راجع رفع قميصو واتلفت علي،قال لي كان في كيس هنا مشى وين؟قولته ليهو كيس شنوو؟دخل يدينو جوة جيبو وطلعهم قال لي كيس لونو اسود كدة اسي انا جيت بيهو،قولته ليهو يوسف انت مالك؟قال لي مالي ؟وانا طبعا بعد م شوفتو بالحاله دي دموعي جات جاريه،قولته ليهو يوسف انت بتتعاطى؟قال لي شهد طلعي لي كيس الحبوب،قولته ليهو يوسف جاوبني انت من متين بتتعاطى ؟مسح راسو ووشو بي يديهو وقال لي اااي بتعاطى ي شهد بتعاااطى دخل يدو جوة جيبو وطلع شريط حبوب وبلع منو حبه وقال لي شايفه؟ااي بتعاطى وبتاجر فيها كمان طلعي لي كيس الحبوب ي شهد،طبعا انا رجعته منو خطوتين لي ورا وقولته ليهو م شلته اي حبوب انا،قال لي ياااخي انا اسي جيت داخل بيهم م تقولي لي م شلتهم فاهمه ولا لأ ومسكني من يدي شديد،قولته ليهو يوسف قولته ليك م شلتها انا م بتفهم انت؟قال لي شلتيهم ي شهد اسي انا جبتهم معي انتي عارفه الكيس دة بي 15الف ،الكيس دة انا ي شهد لو م وصلتو لي اسيادو م حيسكتو افهمي ي شهد اديني الكيس ،ربعته ليهو يديني قولته ليهو م عندي،ضرب لي الدرج بي يدو قال لي انا مش بتكلم معاك قولته ليك اديني زفت كيس الحبوب دة ي شهد،سكتته سااي وبقيت اعاين ليهو ودموعي جاريه وهو م قادر يقيف على حيلو حتى عيونو دي شكلها م بتوصف ،قال لي شهد انا م داير منك شي بس اديني كيس الحبوب اوصلو لي اسيادو باخد عمولتي وبجي راجع لأنو اسياد الكيس ديل انتي م بتعرفيهم ي شهد انا بتعامل معاهم وعارفهم كويس هم شنو دي ناس م بتتفاهم ولا بترحم و لو علي انا م مشكله انا خايف عليك انتي ....💜
#نتلاقى®♡
