ٌتغرِيدةً عَشـگ / مـگتملة

بارت ( 1 )

#تغريدة-عشگ
للكاتبة: #العنـود

أرجع لذاك اليوم الي انجبرت أخذ ابن شيوخ
-بابا اني بتك دلوعتك تخليني أخذ ابن شيخ عشيرة
-شسوي يا بوية انطيتة كلمة وهوة ابن عمج مو غريب
-بابا انوب هوة جبير اخوانة يجوز متخلفين اني ما اعرف عاداتهم ولا تقاليدهم
-بتي بيدج انتي تحينة او تموتينة ؟!

تحينة او تموتينة ؟ ضلت ترن باذني هاي الكلمة يعني لان رجع أملاك بابا لازم اخذة شنوو هااي اوووف وينج ماما
===========================
اسمي حنين من سكنة بغداد عمري 16 عندي اخوية أحمد 24 وأختي مزوجة اسمها يقين ماما ميتة من عمري 10 سنوات صار بيها هذا المرض المو زين من ورة قهر بابا لأن بابا شرب وبنات بابا عندة خير من الله بس يصرفهن عل موزين مع العلم اني ما اكرهة يحبنة كلنة ويطلعنة بس بي هاي الصفة المو زينة من ماتت امي تغير وبطل سوالفة حتى ما رضى يزوج لهنا كلشي عرفتو عن عائلتي اجي اوصفلكم شكلي 🍃
اني بيضة عيوني خضر طالعة عل بيبي ام بابا وصاحبة رموش كثيفة شعري يوصل لحد نهہآية ضهري يطول أكثر بس اكصة احب اسوي لهل حد

اني محجبة  ملابسي مستورة بس ما احب البس عباية اخوية شكد يلح يكلي لبسي عباية بس اني ما اقبل ما دام لبسي حلو ومستور ماكو داعي البس عباية

بابا عندة خير من الله عندة  معرض سيارات وبيوت مأجرهن بغير محافظة وبابا عندة شريك ويا بالمعرض
بيوم وليلة محد يعرف شريك بابا مسجل المعرض كلة بأسمة
اضطرينة نأجر بيتنة الكاعدين بي لأن جبير علينة هوااي وانتقلنة نعيش بمحافظة البصرة طبعآ الفكرة ابد ما اتقبلتها لأن بغداد وطلعنة وطبة وصديقاتي إضافة إلى انو عمامي كاعدين بهاي المحافظة بابا يسولف يكول محافظين بس شسوي ما باليد حيلة ودعت خوالي وصديقاتي بدموع وبجي اول ما رحنة

اشوف كل واحد لازم سلاح بس نزلنة صار الرمي بفلس اني شفت هيج ماعت روحي اتخربطت من وكعت عبالهم تصوبت كعدني أحمد شفت واحد شايل السلاح جاي يسلم على بابا اني شفتة هيج
:بابا وخر عنة يردون يكتلونة
كامو يضحكون بسس اني من صدوك خفت
استقبلونة رادو يذبحون الخروف اني جريت أحمد ردت ارجع للسيارة
:حرام هذا حيوان أليف ليش تذبحو يمة وخر اخاف
وذبحو خروف جوة رجلينة اني لازمة ايد اخوية سلمنة على العمام طبيت شايلة جنطتي صغيرة على جتفي ما اعرف ولا وحدة ما ملتقية بيهن ابد من قبل بس بيبي لان جانت تجينة امشي وأسلم مع العلم ما اعرفهن بيبي  حاجيت بنية كالتلها صعديها بالغرفة
جان يطب أحمد سلم
-ها حنونة بعدج واكفة
-لك تعبانة معوزة نووم اريد أرتاح
-امشي منا
طبينة لغرفة
حنين:انت شسمج
تقى:اسمي تقى
حنين:حلو عاشت الاسامي فدوة شوية وتعاليلي لأن ما اعرف أحد
تقى:تددللين
حنين:لبست فستان لونة بنفسجي اني طبعي ما أستغرب وبسرعة اذب ميانة هاي تأخرت خليت ونزلت
جاي انزل جان ولد شاب وراية ما اهتميت جان بيبتي تججي
:يمة شلون متوالمين حسين وحنين
حنين:شنو
حسين:شنو
حنين:اني حنين بس حسين منو
حسين:اني حسين بس حنين منو
كلها كامت تضحك لأن حجينا سوة
:يمة حسين هاي بت عمك الي اجة من بغداد وهذا ابن عمج الجبير
حنين:ما هذا بحق آمون العظيم
عفتة ونزلت ولا نفهتلة تقى وينج مو علي اساس شوية وتجيني
تقى:يا سودة علية والله نسيت
حنين:يلة مو مشكلة كعدت عل كرسي يي عرفونة عنكم أبدي اني
اسمي حنين عمري 16 رابع علمي لوني المفضل الاسود والسمائي حديقة سنكل الأسف ماعندي كبل عايشة حياتي ودلوعة بابا
تقى:طلعتي مو مثل ما اتوقعنة
حنين:ليش شتوقعتوني
تقى:البارحة احنة والبنات كاعدين نسولف نكول هسة تجي مغرورة وشايلة خشمها وكلة هيج تحجي اكوولج حووبي شولونج
حنين:كمت أضحك عادي الكتاب مينقرة من عنوانه بلعكس اني حيل محبوبة واذب ميانة بسرعة ما استغرب
سولفت شوية وطلعت يم ابوية
:ها بابا شسوين هنا
حنين:والله بابا هنا نفسهم طيبة واحسهم على نياتهم بس بغداد صديقاتي وخوالي
جان ابوية كال احنة يومين وطالعين اتحملي
آجة نفسة حسين يحجي وية بابا
ابوية:عرفتي بابا هذا منو
حنين:لا ولا صغرآ بي
بابا:هذا الي جان يجي يمنة مرات الي يداوم كلية بغداد
حنين:هذا الجان يشتريلي 
حسين:بشحمة ولحمة
حنين:قلبي الصغير لا يتحمل سلمت عليه شلونك شلون صحتك انشالله تمام??!
حسين:على كيفج اكلتيني اكل بخير آلحمـدآللهہ انتي شلونج
حنين:اني تمام سمعت من بابا تزوجت مرتين راح تصير الحجي متولي ههههه
حسين:الحجي متولي متزوج 3 مو 2
حنين:يي هوة انته بعدلك وحدة وتصير الحجي متولي يلا بااي
عفتة وطبيت جوة للبيت رحت كعدت يم بيبي صبو الغدة بسس حيل دسم بس عجبني الخبز المكسب وية اللبن شفت احمد ياكل منة واكلت مثلة يخبل ابو حنين:هاا بابا لازم عجبج الخبز المكسب
حنين:يي والله بابا طيب
ام حسين:جا انتو هناك منو يطبخلكم
ابو حنين:كلة جاهز ومرات خوالهم يطبخون اكل ويدزولنة
ام حسين:ياا خالة شمالج شكبرج شكدج غير انتي تطبخين
حنين:اني اعرف اطبخ بس دائمآ احركة وبابا ميقبل اطبخ
ابو حسين:ليش متخليها تطبخ باجر عكبة تزوجت منو يطبخ بيت رجلها
ابو حنين:اني ما اخليها ما اريد اميرتي تتعب
حنين:فووديتتك باباتي الكيووت ودزيتلة بوسة بالهوا
كلهم كاموو يضحكوون
مرت عمو قاسم (سناء):وملابسكم تنضيف البيت
حجيت بكلبي:هووف يربي تحقيق خوما تحقيق
حنين:الملابس اني اغسلهن والتنضيف هم عليه
احمد:متعبيهاا لحنونة احنة
حنين:لا يروحي تعبكم راحة هسة شمسوية اني بس تنضيف
كملنة غدة وشلنة المواعين وفتت وياهن اغسل المواعين اني وضحى
ضحى:والله علاقتج حلوووة بعمي واحمد
حنين:يي علاقتنة علاقة صداقة دائما من يشوفوني ضايجة  يطلعوني من ضوجتي و يونسوني ما مقصرين عليه بشي
ضحى:وانتي ما عندج حبيب
حنين:لا ما عندي لان ما احب اكسر ثقة بابا وحمودي بية لان همة منطيني حرية وبالتالي لازم اني احافظ على هاي الحرية وما اخونها
.......................................................

#تغريدة_عشگ
للكاتبة: فاطمة عماد