ٌتغرِيدةً عَشـگ / مـگتملة

البارت ( 20)

#تغريدة_عشكك
للكاتبة: #العنـود

============================

بهاي الفترة بيبي وعمو قررو يرحون للعمرة بس منتظرين حسين ينزل حتى يودعو ويرحون واني باجي حوراء شافتلي صديقاتها مدرسات ودخلت عدهن خصوصي لأن حسين ما قبل ادخل خصوصي الا مدرسات وبابا كال اني ادفعلج مال خصوصي عليه
تجادل هوة وحسين ع هل موضوع بس بابا كلة مدام الموضوع بي دراستها اني اتكفل بي
حاولت اوازن بين دراستي وحسين
وهوة الوضع خطير يمة داعش مههدة بدخول الانبار
بس كولش ارتاحيت من اجيت يم بابا بيتنة هدوء واخوية كيان الصغير هادئ ومو دائمآ يبجي فد يوم احمد كال حضرو روحكم عازمكم بالتايم
اتصلت بحسين كال روحي بس خلي لبسج مستور
والله رحت واشتريت وتونست هناك جان اشوف سما ووحدة ما اعرف شتصير منها هم بالتايم دغيت تقى
:تقى شوفي هاي ما سما
:يي ولج سما بس سوي روحج مشايفتها  ما بية حيل اسلم
انيهم غلست بس هية اجتي وسلمت
:شلونج يا عروس
باوعتلها كتلها تمام
:دومج انشالله
قبل لتروح همستلي باذني بس عن قريب محتكونين تمام
اني بقيت صافنة شتقصد غلست عنها ومشيت من رجعت للبيت اتصلت بحسين وبقينا نسولف وسولفتلة ع صار
كال ختولي والله اذا سوتلج شي افنيها هية واهلها لهل ساقطة
:زين يعمري ترة اكو وحدة مستاقتلك هواية ومنتظرة نزولك يوم يوم
:اروح فدوة لهاي الوحدة والله انه ميت عليها بس كوة مصبر نفسي ومشتعل جد جدي
شوية واسمع صوت ضربة كولش قوية
:حسين الوو الوو حسين تسمعني
اباوع انقفل الخط اتصل مغلق تهسترت ضليت اروح منا واجي منا نزلت جوة.. بابا فدوة بابا حسين بابا..
:شبيج بابا بس علكيفج بس خل افتهم
:بابا حسين حسين بابا
كولشي ما عرف احجي بس بابا حسين
أحمد ضربني راشدي
يلا شوية وعيت
كمت ابجي حيل واعيط
:بابا حسين انفجرت يمة عبوة جنت احجي ويا وانقفل الخط بابا وابجيي
ابوية كام ميعرف شيسوي اتصل بعمامي وكللهم شوية وبيتنة انترس ناس اني بس ابجي
عمي:حنين احجي بالضبط شصار بس عل كيفج لا تكلبيها بجي خل نفتهم
:عمو واشهك جنت احجي ويا بالفون وشوية وسمعت صوت كولش عالي وراها انقفل الخط وادك علي مغلق
سالم اخو حسين ملازم
سالم:هسة بس اتصل على جماعتي واشوف بس لتخبصوني
ضل يتصل على هذا وذاك شوية وكال مفجورة يم المقر مالتهم عبوة اني كال هيج ومحسيت على نفسي وكعت
كعدت ورا شوية وفوك راسي حوراء وتقى
:مابي شي مو احجو ما بي شي
تقى:زين مابي شي والله زين
كعدت كوة اجر النفس انتبهت على ملابسي باقية بالبرمودة والتشيرت كمت ركض صعدت فوك بدلت ملابسي ونزلت شوية ودك فوني شفتة رقم غريب فتحت الخط
:الوو
:ها حبيبتي
هذا حسين هذا حسين عمو حسين هذا كولشي مبي
:شلونك حبيبي شصارلك خوما صارلك شي
:لا حبيبتي جنت بعيد عنة الحمدالله
اخذ سالم الفون مني وبقة يحجي ويا
طلع الفون مالتة مشمور ومحافظ بس رقمي واتصل علية من صديقة هوة باجر موعد نزولة
حضرولة ذبيحة يذبحوها الة
صدوك اجة تقريبآ ب 10 الصبح ذبحو الخروف جوة رجلة
من أجة شفت ايدة مربوطة ويم حاجبة اكو بلاستر
الكل يحضن ويبوس بي بس اني واكفة وابجي
وهوة يكلهم ولكم مرتي اريد اروحلها خايبين مرتي ويضحك آخر شي بقيت اني رحت علي ركض هوة شالني ويمسح على راسي سكتت شوية
همسلي ليش لابسة بنطرون باوعتلة واضحك حتى هنا
:يي حتى هنا
طبينة جوة مخلوني اكعد يمة كلولي عيب
راحن النسوان جوة واني واكفة اسمع ورا الباب سألو على ايدة كال مجرد رض وحاجبة اتعور من الانفجار
حسين: من رخصتكم راح اروح ارتاح
:وين ابقى ع الغدة
:لا والله تعبان كلش
من طلع صرت كبالة سد الباب واجاني لزمني من خدودي
:يحلوة لبسي عباتج وخلي نروح
رحت جبت عباية وفاء
فوزية:وين انشالله
:عمة حنروح للبيت اني وحسين
:شنو ميبقى عل غدة
:لا عمة تعبان كولش
طلعت اني وحسين صارت بوجهة خالات حسين وسما خالاتة ذبن روحهن علي وهوة شلون يحبهن شوية وطلعو الزلم يشوفون الهوسة البرة وخرن خالاتة اجتي سما حضنتة
:والله لو صايرلك شي اموت
حنين:حسين هاي شنو
باوعت علية ودارت وجهة وحسين يوخر بيها وهية لاطشة
سما:شكو عيني ابن خالتي ودا اتحمدلة بالسلامة
دفعها حسين اجتي توكع الا شوية
حسين:خليلج كرامة شوية
اخذني بايدة وصل يمها وتفل بالكاع
دخلت للبيت رحت غسلت وجهي اجة حسين حضني من ورة
:ضجتي حبيبتي
:باوعلتة وحطيت ايدي ورا ركبتة لا مضايجة بس ضجت لأن حضنتك هذا المكان بس مالتي اني وحديي بي
:بعد هية عقليتها هيج شسويلها وانتِ حبيبتي لتهتمين تعرفين انه مطايقها زين يروحي رجلج عطشان يريدلة ماي
:هسة اجيبلك مي حبيبي
:لج تعاي قصدي عطشان اريدج انتي تريد ارتوي منج
فتحت دكم قميصة العسكري وادلع علي
:حبيبي مو انتة تعبان والعب بشعر صدرة
:لج دتعاي اني مسموط جد جدي من يوم الرحت اني ميت عليج وبعدين اني اريد اجرب بكل مكان بالبيت حتى متنسين وتبقالج ذكرى واخذني للغرفة الصغيرة

للعصر نايمين واندك الجرس
:يابة ميخلون الواحد ينام براحتة هسة غير يكولون تعبان اعوفة ينام نزل يفتح الباب وصعد
:ها حياتي منو
:جاين شيوخ وكم شخص ع الصار
راح هوة يسبح واني كعدت احضرلة ملابسة
طلع من الحمام كال شوية واجي اوديج للمدرسة
:تمام حياتي
كعدت سبحت حضرت روحي لبست بنطرون وتشيرت طويل ولفيت حجابي خليت بس واقي ومسكارة
ورة ربع ساعة اجة
:هاي ترحين هيج
:يي حبيبي
:شنو حبيبي رايحة درسين انتي لو تستعرضين
:ما استعرض بس يعني شلبس
:لبسي عباية
:هلووو شنو عباية ما حسين ما اريد لبسي مستور اني
:حنين لبسي عباية وجري عدل يلا اني انتظرج جوة
اني اخذت كتبي وجنطتي ورشيت عطر ونزلت ورا
شافني هوة انصدم
:اني شكتلج
:حسين عباية ما البس شنو وين رايحة اني
:تسمعين كلامي لا اسوي شي ميعجبج
:شتسوي مثلآ تضربني
:اجة جرني من ايدي وطببني جوة
:بعد روحة للمدرسة ماكو تنجبين وتكعدين بالبيت
عافني وطلع
اني بقيت ابجي اتصلت المدرسة كتلها اليوم ما اجي ونزعت حجاب آخر شي من البجي محسيت على روحي نمت عالتخم
كعدت على حسين يكعد بية 
:كومي حبيبتي ليش نايمة هنا صعدي فوك
:هسة صرت حبيبتك شوف حسين الدراسة ما أتركها لو اعرف اموت وعباية هم ما البس تريدلك وحدة تلبس عباية جان اخذتلك بنية تلبس عباية مو اني اخذتني سفور وهسة جاي تريد تلبسني عباية
عفتة وكمت صعدت فوك رحت غسلت وجهي وبدلت ملابسي لبست شورت وكيمونة وضفرت شعري ونزلت
طلعت همبركر كليتة واكلتة وهوة بس يباوع علية عفتلة اكل مكتلة تاكل او لا ولا سألتة كعدت اكلب بالفون ودردشت وية بنات خالي صديقاتي  وصعدت فوك سبحت ونسيت اخذ وياي ملابس لبست الروب وشديت بس الحزام بس مضبيتة وطلعت وكفت عالمرايا اجفف بشعري دخل حسين تمدد عالجرباية مهتميت بس كلت الا احرك كلبة نزعت الروب كلة وبديت ارطب بجسمي اباوعلة وجهة صار احمر  لبست الداخليات ولبست قميص حسين شكبرة علية رشيت عطر ورحت للفراش وكعدت اشوف انستا واتصفح
:حنوش
:نعم
:اني اسف عالصار اليوم والله تخبلت من شفتج هيج ما اتحمل غيري يشوفج والله
:بس اني جان لبسي مستور
:يي صح بس والله جان طالع ياكل ويشرب عليج
:جان كتلي بدلي ملابسج
:حتى لو كتلج هم يطلع حلو
:يي اوك هسة طفي الضوة بليز اريد انام
:حنين جاي احجي وياج
:اوكك بس اني كتلك اريد انام
كام طفة الضوة واني نزعت قميصة بقيت بس بالداخليات
درت وجهي ونمت
اجة هوة سحبني لحضنة
:ما مسموحلج تنامين ليلة بعيد عن حضني وانه يمج
وانيهم مشتاقة لحضنة بشكل بنص الليل حسيتة بدة يتجرأ بلمساتة وانيهم تجاوبت وياا متحملت وغركنةة بحبنة

ورا يومين حضرو بيبي وعمو غراضهم يرحون للعمرة وودعناهم وراحو

========================