ٌتغرِيدةً عَشـگ / مـگتملة

بارت (19)

#تغريدة_عشكك
للكاتبة: #العنـود

===============================

ورا فترة صارت السبعة مالتي وسوو عزيمة حيل جبيرة وعزمو الكل لأن العرس خلو بس للاقارب وعوضو بالسبعة
نايمين بأمان الله جان يدك فون حسين
حسين:الوو يي يي كايم هسة شوية وجاي حبيبتي يلا كومي راح يجون الخطار
حنين:بس شوية حياتي
راح حسين سبح واجة واني بعدني نايمة
حسين:هاي شنو بعدج نايمة
حنين:يي غير كلة من وراك ومن ورة سوالفك الفجر يلا نمت
:تردين اخذلي بعد شوط لو تكومين
:لا لا كايمة والرب كايمة صباح الخير يروحي وبستة بخدة
:صباحج عشكك يعشكك
رحت سبحت وكعدت اجفف شعري بالشسوار
حسين:اجازتي بعد 3 أيام وتخلص
انداريت علي متفاجئة
حنين:عفية حسون شنو هاي والله مشبعت منك
:هية غير الاجازة الماخذها 10 ايام
:زين انتة ليش متنقل للبصرة
:والله حبيبتي الوضع خطر بالانبار ماكو نقل
كمت كعدت بحضنة
:حبيبي ليش متتركك شغلك
:انة أترك العسكرية افاا لج العسكرية تمشي بدمي
:تحبهاا؟
:يي هواي
:أكثر مني؟
:يبعد العافية نتي والله احبنج أكثر من أي شي تقارنين العسكرية بيج
هسة كومي ينتظرونة بالبيت ولا تكثرين بالمكياج
حنين:حبيبي عروسة انيي
:عروسة اليي مو لغيري
:تمام يعمريي ححط خفيف
خليت مرطب وواقي ومسكارة وايلاينر وحمرة ولبست فستان بيجي
حنين:كملت حبيبي
جاب كلنس وخفف الحمرة
حسين:مطوختها شوية حياتي
اني هنا صدوك ضجت هاي مو حالة يغار من كولش
حنين:تمام هاهية يلا خل نروح
:ضجتي حنونة
:لا عادي
اجة حضني يولي والله احبج ونتي متعرفين عيونهم عليج شنو والله من تفوتين كلها تبقى تباوع عليج والله لو بيدي اضمج بقوطية حتى محد يشوفج انتي غالية عندي حيل
:تمام حبيبي بس خل اعدل الحمرة
رحنة هناك حتى شفت ناس ما اعرفهم اول مرة اشوفهم
ام حسين:تعاي سلمي على خواتي
:والله يا عمة اني العروس واليوم السبعة مالتي اعتقد لهل سبب جايين ف مو اني اروح اسلم همة يجيون يسلمون علية
فوزية:نتي على شنو شايفة نفسج
باوعتلها ودرت وجهي مجاوبتها
فوزية:خفت لهل عيون عيون البزون
:شبيهن عيون البزون ملونات وحلوات
غمتني وراحت بلا هاي شبيها بين النسوان هيج تسوي
ورا شوية انتبهت حسين وواكف بباب المطبخ وكبالة خالتة وسما ديحجون ويا وسما نطتة عصير سوالها حركة بايدة عود ما اريد بس خالتة اصرت ياخذة اني شفت هيج وكمت
حنين:حبيبي بس تعال شوية
سحبت حسين واخذت العصير منة ذبيتة بالحمام
حنين:ممنوع تأخذ منهن اي شي
باوعلي وضحك ليش بلة
:انتة شمدريك محاطات شي بالعصير يمكن سحر
ضحك بصوت عالي
:اموت على تفكيرج
سحبتة من ياختة وكفت على اطراف أصابعي حتى اصير بطولة وهمستلة بأذنة واني اعشكك
درت وجهي وشفت سما وفوزية واكفات يباوعن
فوزية:عيني يا معاريس مو هنا تتحاضنون
حسين سحبني جوة ايدة وكلي فوتي للغرفة واني رايح يم الزلم

حسين اجتي خالتي حاجتني
:يا خالة نتة وين وهية وين شني هاي الماخذهة شكدوتهة يمكك
:خالة ترة دتحجين على مرتي وانة ما اقبل عليها تحجين عل كل الا هاي وشبيها حنين أحلى وحدة بكرايبنة وانه رايدهة ناعمة احسن من ثور استرالي وباوعت على سما
:زين خالة ليش مترجع سما على ذمتك لليوم ترة هية تحن الكك
باوعتلها كتلها مرتي تارسة عيوني وسما حاليآ مثل اختي بالضبط رادت تنطيني العصير رفضتة بس اصرت استحيت واخذتة اجت حنين سحبتني من بينهن وخلصتني من ذني المغول