ٌتغرِيدةً عَشـگ / مـگتملة

بارت ( 7 )

#تغريدة-عشكك
الكاتبة: #العنـود

========================

فوزية:وين اخذتي ابني ورحتي تفرفرين ما تستحين خجل ماعندج انتيي وتصيح وتعيط
اني شفتها هيج تصيح وتعيط كمت ابجيي لا اراديي بس دموع تنزل وهية مستمرة اجة حسين:شبيج يمة شبيج
فوزية:حتى حجيك غيرتة هل زعطوطة كمت تحجي شبيج
حسين:ييممممةة رحمة للحمزة كافيي ككاااففيي شبيج شادة ووياها عوفيهاا عوفيهاا هاي ما متزوجين وسويتي بيها هيج لو نتزوج شلون
انوب شافني ابجي اجة حضنيي ويمسح دموعي
حسين:بس ابوية انتي بس يروحيي لتبجين يكلبيي والله كلبي يوجعني من تبجين
فوزية:والله عشنة وشفنة وعود هاي نتة الجبير وكاعد تسكت بيها
حسين باوع عليها شالني وبوسني كدامها وطلعنة أخذني لبيتة نزعني حجابي وحذائيي ونومني عالجرباية مالتة لزمتة من ردن التشيرت
حنين:حسين خليك يمي
حسين:يبعد حيليي جايج يروحي جايج
راح غير ملابسة وبدل واجة حطني بحضنة ويمسح على شعريي ويكلي لتبجين يبعد طوايفي اخخخخخ شسويتي بية شسويتيي
نمت شوية وكعدت لأن شبعانة نوم شفتة بعدة نايم ضليت صافنة عليي شكلة كولش حلو لحية خفيفة وشوارب سمارة ممللوح ضليت امشي باصبعي على وجهة على حواجبة على لحيتة وعيونة العسلية
جان باوعلي بطرف عينة ليش تتحارشين
حنين:زوجي وحرة بيي
ضل صافن على حجايتي حتى اني استغربت شلون حجيت هيج بس كلت لازم اجرء وياا لأن صدوك سند حسيتة اضافة اني بديت احبةة من صدوك
حنين:شبيك صافن زوجي انتة زوجيي ممجذبة انيي
حسين:اخخخخ بوية شنو هل حجي العسل
حنين:لزمتة من ياختة سحبتة اليي انتة العسل وهاا ترة انتة بس اليي ممنوع تزوج علية لو تباوع لغيري بستة بركبتة تمام حبيبي وكمت وهوة بعدة صافن بمكانة

ورة يومين رحنة نسوي تحليل دم شفت حسين يريد يرشي الممرض علمود يستعجل يطلع تحليل
حنين:حسين إلا هاي ما بيها رشاوي شوكت ما يطلع يطلع وادري احنة ولد عم يجوز الدم متطابق مابية حيل تعاي خلفي معوقين
حسين:هوة هذا الهامج عمي روح الله وياك ما لازم
نطيني فونج
حنين:لمازا؟
حسين:بلا تحشيش انطينيا وسكتي
حنين:هاك اصلا ما بي رمز بس لتدخل عل صور
حسين:ودام عندج صور فضيحة ليش ما حاطة رمز
حنين:والله اتعاجز اريد كون بس اشغلة يشتغل بعدين ليش اخذتة اسمع ترة إني ما احب الرجال الشكاك اتخبل منة فلا دور وراية
حسين:للصمي دكيت على فوني لأن أدري اذا انطيج رقمي مدكين
حنين:شعاجبك بية
شفتة غمزلي وابتسم
اني شفتة هيج ضحكت
حسين:اي اضحكي خل اشوف الطسات الحلوات
حنين؛يا طسات
حسين:هذول الغمازات اروحلهن فدوة
اجة ورانة أحمد وتقى وأم حسين  هم حللو كالو تعالو بعد يومين وتطلع التحاليل
رحنة ورة يومين الحمد الله طلع كولشي سليم
من طلعنة رحنة للمحكمة وعقدنة اني شيكلولي اسوي ما اعرف احبة اكرهة يجوز مجبورة ولو أعذار ابوية ما مقتنعة بيها بس كولش مرتاحتلة
ام حسين:امشي خل نجهز جهازكم
حنين:لا خليها غير مرة باجي تعبانة والله
ام حسين:شمالج خالة بعدج بت حديثة واحنة شسوينة وتعبتي
حسين:عوفيها يمة على راحتها
صدك رجعنة اني وية احمد وحسين وأمة واختة ويا
طبعآ  احنة شلنة بيت ورة بيت جدي صاير وبابا باع المعرض مالتة واشترة واحد هنا
نزلت...رحت لغرفتي ...بدلت...ردت انزل دك الفون
حنين:الو
حسين:الووو
حنين:انت حسين
حسين:يي بس ردت أسأل بيج شي
حنين:لا مابية شي
حسين:مو كلتي تعبانة ما بية حيل أجهز
حنين:لا مو ما متعودة عليك حتى استحي انت تدفع فلوس الملابس واني من اشتري شي اضل افتر وادوخ والله على راحتي بعدين اشتريي
حسين:شني تستحين جا غير انة زلمتج
حنين:والله استحي
حسين:جا اخليهم همة يشترون ويجيبولج
حنين:بكيفك يلة هسة أريد أنزل اتغدة
حسين:يلة الله وياج حبيبتي واكلي زين
حنين ضليت صافنة يمة صوتة بي هيبة حتى بلفون
يووو شبيج حنين مو هاي الحياة الترديها تردين واحد يطب ويطلع هذا كلشي ممنوع وصاحب غيرة قوية كلش بس يحبني ويريدني ضليت بصراع بداخلي
للعصر اجت أمة وخواتة
جايبات ملابس كالن هذا جهازج
شوية وراحن كعدنة اني ومرت ابوية نفتحة شفت بس تراكين واحد برتقالي واحد أخضر فاتح و4 قطع قماش بسسس
ما هتميت الهن بليل دك علية حسين
حسين:سلام عليكم 
حنين:دتحسسني انك طاب للمضيف
حسين:ههههههههه
حنين:كول هاي هلاو مرحبا
حسين:هسة حجي ما يعجبج ست حنين صار دلليي يلة مو هذا موضوعنا عجبج الجهاز
حنين:هذا هم تسمي جهاز بربك بس تراكات ثنين و4 قطع قماش
حسين:نعم لج اني منطيهن مليونين بس للملابس لحظة خل اشوف
طب لبيت اهلة يصيح يمة يمة
ام حسين:ها يمة خيرك
حسين:ليش ما مشترية شي انطيتج مليونين بس تراكات 2 و4 قطع قماش
ام حسين:لازم شكتلك بعدهي مجاية وسوت مشاكل
حسين:يمة انطيني الفلوس هية تشتري
ام حسين:بعدين شدعوة مليونين ما خذين حور العين قابل
بيبي:جب ما اسمحلج بت ابني هاي نطي الفلوس لا اكوملج بالعصا
ام حسين:طبعآ بت ابنج تدافعيلها من يوم يومج متحبيني
بيبي:مو لان بت ابني لان اعرف انت شنو يلا انطي الفلوس
حنيني:يمة كل هذا واني علخط واسمع بدي اركص جـ,ـۅۅبـ,ـيـ,ـ
شوية وحجة وياي حسين
حسين:ولا يهمج حياتي باجر اطيج فلوس وروحي جهزي
حنين:ترة بعد وكت عل تجهيز
حسين:لج يا بعد وكت ونوب بيبيتي متقبل نزوج بنفس اليوم يعني أحمد وتقى وياينة تكول واحد منكم ينجبس وميخلف فأحنة وراهم باسبووع
حنين:ياااااا
حسين:اي اشعلي ابوية شكد فاهية يااا وسد الفون
حنين:عززززة هذا سدة بوجهي حتى ما انتضر أرد علية
اووي شنو هذا
خليت ونمت كعدت ساعة بال10
حوراء:يلة حنوش كومي كافي نووم
حنين:البارحة نمت من وكت ما اعرف شعجب
حوراء:رجلج اجة وانطانة فلوس وكال جهزو
حنين:رجلج ضلت ترن بأذني بعدني ممتعودة على هل كلمة كمت....سبحت...وكعدت اتريك
خلصت اليوم للعصر ردنة نطلع
حوراء:دكي على رجلج كليلة راح نطلع
حنين:اهههووو هوة يعرف راح نطلع
حوراء:ميصير انتي لازم تكليلة
رحت على بابا كتلة يدك علية ويكلة راح نطلع
وكال خلي تروح
تونة طلعنة جان يدك ما جاوبت ضل يدك يدك ما اجاوب آخر شي غلقتة
اتسوكت بس مو كل الملابس ضمييت مليون وطلعت مليون لأن هواي بس عالملابس وبعدين ينزلن احلا
حوراء:اكلج هاي الفلوس الي نطانة ياهن تشتري الذهب وياهن لو لا
حنين:والله ما ادري
حوراء:خابري وشوفي
حنين:عشتتووو وبعدين اني وياه مزاعلين ما احجي ويا خل اصرف هل مليون بس عل ملابس اخلصهن وعل مكياجات والعطوور والملابس
اكلج اني اخذت من بابا فلوس هم اخذلة نيشان
حوراء:يلة امشي
اخذتني حوراء لسوك كولش حلو ومرتب
اشتريتلة 3 بناطير وتشيرتات وقمصان جاي امشي شفت دشداشة رجالية ملبسيها لمليكانة تقريبآ نفس ضخامة حسين اخذتها واخذتلة شماغ اسود بي تطريز ذهبي واخذتلة ساعتين. ومحابس وحلقة فضة ونضارات وسبح كرستال حتى معجوون اسنان وفرش
رجعنة للبيت بعد تعب رحت تعشيت
بابا:فد شوية نروح لبيت جدكم نطيهم فلوس علمود يحضرون الذهب بابا حنوش همة شكد نطوج فلوس تجهزين
حنين:من غير الذهب مليونين بس هدوم ومكياج
احمد:خوش يعني هم نطيهم ٥ ملايين هية ذهب وهية غراض للبنية
بس الي استغربتة احمد عندة عادي ولا مهتم
ورة العشا فتحت فوني لكيت تقريبآ فوك ٢٠ مكالمة من حسين وشوية ودك انطيتة رفض ورجعت قفلتة عبالة إني طفلة ويضحك علية ويسدة بوجهي
رحت بدلت لبست بنطرون اسود وفوكا قميص طويل ماروني وحطيت حمرة ماروني بس خففتها ومسكارا وايلاينر وسبحت بالعطر وطلعت لكيتهم ينتضروني رادو نروح بالسيارة اني كتلهم نمشي لأن الجو حلو
نتمشى وصلنا اول ما فتحنة الباب صار بوجهنة حسين يباوعلي مخنزر
يمممة هذا شبي كارصة عقرب يمكن ما اهتميت الة فتنة لبيت جدي واني وجهي كالبتة لان سدة بوجهي هسة تكولون عادي بس لا عيب هيج شغلة يسدة بوجهي ميصير هاي لو اني هيج سادتة بوجهة جان كام يعيط ويصيح وميقبل...

===========================