ٌتغرِيدةً عَشـگ / مـگتملة

بارت ( 12 )

#تغريدة-عشك
للكاتبة: #العنـود
====================
تقى:باعي محمد ابن عمي قاسم الله يرحمة جان رايدج عمي قاسم جان كاعد يباوع على التلفزيون وطب محمد سكران ويصيح على أبو
محمد:كلة من وراك كتلتك اخطبلياها ما قبلت
ام محمد:م اخطبلكياها لو تموت هاي العايزة الفي هيج شكول بيتي
محمد:ولكم احبها والله احبها اذا متشوفولي حل اكتل روحي والعباس
تقى:ومحمد رايح جايب سكينة يريد ينتحر وعمي من شايفة هيج صايرة بي جلطة
حنين:ومنو كلكم هيج صار
تقة: نرجس بالمكبرة كايمة على محمد تضرب بي وتصيح كلة من وراك مات ابوية من سالين ومسولفتلهم يكولون حسين كطعة تكطع حتى كسر ايدة شبعة كتل
حنين:اكول شو ما ههوة محمد بس هوة ما يستحي يعني اني على ذمة رجال وهيج يحجي

& حسين &
اعرفكم بنفسي اسمي حسين عمري 30 دخلت كلية عسكرية و حاليآ نقيب
الابن الجبير عندي 4 اخوان الي همة سالم وعباس ومصطفى وباقر وعندي 3 خوات متزوجات اكبر مني الي هية ام محمد وأم فاضل وتقى أصغر وحدة أخواني كلهم متزوجين بس باقر أصغر واحد ما متزوج حبيت عمري 20 سنة واتزوجتها جانت خوش بنية وخدوومة بس ما ملبية طلباتي كازوج يعني شكد اشتريلها سيتات نوم متلبسهن تكول استحي اضافة انو ممهتمة لمضهرها بس مع هذا جنت احبها ماتت الله يرحمها ضليت فترة ما أريد اتزوج بس من ورة حجي امي خطبتلي بت اختها هاي علة بوحدها وكاحة متنجرع ولأن هية من بغداد أقل كلمة تكول اوي انتو تغارون مني متخلفين همجين عبالك جاية من المريخ وامي مجانت تشغلها لان بت اختها وأكثر شي بس جيب جيب فلوس ونهار كلة بالسوك جانت بس تكعد وياي تسممني أختك هيج سوت أمك اني أدري بيها تجذب لان وكحة بس من حبلت وسقطت الطفل هنا طلكتها حسيت هم وانزاح ضليت حر امي شكد تحجي اتزوج بس اني ما اقبل بس من اجوي بيت عمي كاظم من بغداد وشفت حنين شلون متغيرة وكبرانة قبل من جنت اروحلهم جنت أخذها اروح اشتريلها من المحل بس اتوقعتها حالها حال سما تتعيقل بس لا مو مثلها جانت متحب الضلم والأهم تشبه المرحومة بس ثبتتلي بكلشي هية غير عنها يتشاركن بس بالشكل حبيت قوتها شخصيتها حتى نترتها حبيتها حبيت كلشي بيها قررت ها هية لازم اخطبها فديوم رحت الأبوية علمود أكلة وافق ورحب بالفكرة وكل لأمي امي ما رضت بس ما اهتميت رحت لعمي كاضم احجي ويا على انو جاينك جان اسمعة يحجي وية واحد
كاضم:من تجي تخطب تجيب اهلك وتجي كو وحيدك وانوب اهلك مقابلين
طبيت جان اشوف محمد ابن عمي
هوة شافني سلم وطلع
سلمت على عمي
حسين:عمي اليوم باليل جايينك اني واهلي
كال اهلآ وسهلآ رحنة باليل وخطبناها جان مثل المتردد وكال فرق العمر بس اشوف البنية واردلك خبر فسمع محمد واجة تعارك وصارت هوسة وصياح وتلازمنة اجتي حنين تشوف شكو وطردتها علمود لتعرف بالموضوع شفت عمي مثل القابل على محمد فإني كتلة اذا تنطيني بتك ارجعلك كل املاكك صدك هوة وافق اني رحت على شريك عمي وطلعت كل ماضية وخليتة يتنازل عن حصتة وحصة عمي وشوية شوية بدت حنين تلين وياي إلى أن خليتها تحبني واني عشقتها إلى أن تحدد عرسنا وصار الي صار عبالنة قضاء وقدر بس طلع من ورة محمد لمن سمعتة شلون يريد حنين تخبلت عقل ما ضل براسي ما احس الا اني مكطعة تكطع وكاسر ايدة بالكوة وخروني منة