ٌتغرِيدةً عَشـگ / مـگتملة

بارت ( 2 )

#تغريدة_تشكك
للكاتبة:#العنـود

===============================

كعدت اسولف وية البنات عرفت اسمائهن بس 3 بنات شابات الي هنة تقى 16 بت عمي الجبير كاظم
نرجس 15 سنة بت عمي قاسم الي اكبر من بابا بسنة
ضحى 20  أخت نرجس
گوثر 15 تصير بت اخو تقى
حنين:اكول تقى انت داومين
تقى:اداوم رابع علمي مثلج بس مو دووم يعني مرات اكعد الصبح حسين يكلي مترحين ومرات اداوم
حنين:منو هذا حسين بالله
تقى:اخوية الجبير يصير شيخ من بعد ابوية آلة طولت العمر
حنين:بس انتي عندج آب يتحكم بيج هوة شكو
تقى:لج اش لا يسمعج ميرضة يصير عصبي
حنين:والله عصبي على روحة مو علية شو من جان يجينة حباب حتى جان يشتريلي امشي امشي خل نطلع حركتي كلبي
طلعنة اني وتقى بالحديقة الخلفية
تقى:شكلج ما حبيتي اخوية
حنين:لا ابد احسة دكتاتوري يحب يمشي كلمتة يحب السيطرة
ترة باجر ترحين وياي للمدرسة داومين
تقى:بس حسين قبل يومين كلي اكعدي مداومين
حنين:معليج بهذا داومين يعني داومين عود هذا دارس وواصل
حسين:ولجن شتسون هنا مو اكو ولد
تقى:والله بس....
حنين:شبيج خايفة مسوين شي غلط مغلطانين
حسين:ولج لسانج يرادلة كص
حنين: كص دجاج لو لحم
حسين:بايخة
حنين:حط عليها ملح
حسين:خاف انتي هناك معلميج طلعين وطبين وعلى راحتج والولد يباوعون عليج هنا ماكو هيج شي هنا يحشون رجلج حش
حنين:خاف عبالك بهذا الشي تحافض على عرضك ترة انت غلطان
امشي خل نطب لعبت نفسي هية طبت اني رحت لأحمد جان يحجي وية ولد
حنين:حمودي تعال
احمد:ها حنوش
حنين:اختنكت عفية اريد اطلع دنيا عصر وحارة
احمد:بدلي يلة هسة اطلعج
رحت لبست بنطرون وقميص وشي طويل فوكاه نزلت
تقى:راح ترجعون لبيتكم
حنين:لا راح أتمشى لأن اخوج سوالي قرحة
جاي اطلع
حسين:هوب هوب وين رايحة هيج
حنين:معليك
حسين:مو اجيج امحيج والله
حنين:انتة ششايف نفسك
حسين:احترمي الأكبر منج
حنين:دكتاتوري متسلط
وجه صار احمر ناار عفتة وطلعت ادور على أحمد ما هوة
اجاني واحد من الولد
محمد:دورين على شي
حنين:اي أحمد
محمد:عرفتيني منو
حنين:لا
محمد:ابن عمج قاسم
حنين:ها اخو نرجس وضحى
محمد:اي
حنين:اهلآ وسهلآ تكدر توديني يم أحمد
راح صاحلة واجة
طلعنة اني وأحمد رحنة للمطعم واكلنة موطة رجعنة دنيا ليل صلينة المغرب
لكيتهم جاي يصبون عشة فارشين السفرة على طول الإستقبال حيل طويلة
جاي اشيل المواعين وية البنات اوديهن حطيت ماعون رجعت للمطبخ جان يجي حسين لتجين تجيبين المواعين ودنكين جسمج مبين
حنين:اسفة ما أدري
رحت وكعدت يم بيبي ما كمت بعد
بيبي:يمة بت العزيز ما طلعين الغريب ناخذج الواحد من ولدنا
حنين:بيبي اني ما اتزوج ابقة يم ابوية
بيبي:شلون هوة ابوج راح يزوج
حنين:شنو ابوية يزوج اباوع ابوية مدنك وساكت
احمد كلب الماعون الكدامة وكام
حنين:يي ويتزوج منو
بيبي:أخت مرت عمج قاسم عمرها 30
حنين:والله ثم والله ابوية ما يزوج خووش والله ارجع لبغداد واروح لمكان الجني الازرك ميندلة مو أمي ماتت ودفنوها جوة التراب بسبب أستغفر الله
حسين:لتعيطين افتهمتي لو لا صوتج ميعلة على الأكبر منج
صعدت فوك بالغرفة ضليت ابجي غفيت كعدت بنص اليل جعت نزلت مثل الحرامي للمطبخ على ضوة الفون جاي اصبلي جان واحد يكول صبيلي وياج
التفت جاان الكااه....

===========================
ادري قليل بس الجايات انشالله أطول
اعذروني عل تأخير امتحانات دور ثاني جانت عنديي ادعولي بالنجاح🙏