ٌتغرِيدةً عَشـگ / مـگتملة

بارت ( 30 )

#تغريدة_عشك
للكاتبة: #العنـود

=======================
طلعت امشي وفاقدة ما ادري شيصير حوالية طلعت للشارع ماكو سيارة واكفة
طبكت كبالي سيارة الدكتور سالار
:صعدي اني اوصلك للمكان الي تردي
صعدت وكتلة ع البيت
وصلنا للبيت وصعدت ركض كلبي يم بتي
فتحت الباب
:باجي ازل وينها بيها شيي بتيي
على صوتي اجتي تقى
:فوتي فوتي بغرفتج موجودة ما بيها شي
دخلت لغرفتي ولكيت مخليلها بخاخ ركضت،عليهة شلتهة
:شبيهاا ازل
بابا:بت احمد بابا طفلة و مادري مخلية مخدة عليها
سكتت محجيت شي لأن نور هم طفلة متفتهم

ورة شوية اذكرت استاذ سالار جوة كلت لبابا ونزل جوة يسلم علي
ورة شوية صعد بابا وكعد يمدح بدكتور سالار
تقى:حنين اعذريني حبيبتي ع الي سوتة نور
:عادي مصار شي طفلة متفتهم
اخذت أطفالي ودخلت للغرفة بدلت الهم وعطرتهم ونيمتهم ونمت وياهم
الي فهمتة نور بت احمد شامرة المخدة على ازل ومحد منتبه الها الا من يزن كايمة يبجي
كعدت العصر على صوت بالبيت ركزت زين هذا صوت حسين كمت لبست حجابي وطلعت سلمت وكعدت
حسين:بلا زحمة عليج بس الجهال اشوفهم
:قبل شوية نامو واذا اكعدهم هسة يبقون يبجون هسة فد نص ساعة ويكعدون
طلع احمد يجيب عشة جاهز وتقى كعدت اسولف وية اخوهة وبابا ورحت اني وباجي للمطبخ نشوف شنحظر
اجة احمد جاب العشة وكامو توضو حتى يصلون بقيت وحدي بالمطلخ اعزل جان حسين من الحمام صاح على تقى تجيبلة خاولي بس مسمعتة اخذت اني خاولي ووديتلة الة باوعلي كلي شكرآ يحلوة مجاوبتة عفتة ورجعت للمطبخ
بس كلبي ضل يدك من حجايتة ولحد الان ارجف بس اسمع اسم حسين
لحكني للمطبخ
حسين:هذا منو الدكتور الجابج؟
:دكتوري بالكلية
:ويوصلج لهنا؟
:وانتَ شيخصك؟
:حنين احجي عدل لا بالله اعدلة بطريقتي
:شتسوي يعني تمد ايدك علية مثل قبل؟
:افااا مو هاي طريقتي انه
كال هيج وبدة يتقدم آلية حاوطني بأيدة وجر راسي يريد يبوسني واني ادفع بي
:حسين وخر ليجي أحد عفية وخر متستحي حرام هذا
همس باذني:ما ووخر الا تكليلي منو هذا أبو اربع عيون
:ماشي ماشي بس وخر
باسني بحنكي ووخر
:استاذي بالجامعة وشافني انهاريت على ازل فوصلني بس وبعد ما مسموحلك تعيد هاي الحركات والسوالف تجي تشوف اطفالك فقط وتروح
كلت هذا الكلام ومشيت عنة دخلت للغرفة صليت بين مكعدو التوم اخذتهم ونطيتهم لحسين
حسين حيل يحبهم بشكل مو طبيعي بحيث من يكعد وياهم يفقد نفسة ويلعب وياهم
حسين:حنين يا ريت تعوفين الكلية وتنتبهين لجهالج
:شنو
:احجي صدك انه جهالج صغار يحتاجون رعاية وانتِ رايحة تفرفرين بالكلية واذا على تعين فتعينات ماكو وانه وابوج ما مقصرين بشي حتى تدورين شغل
:حسين رجاءآ هذا شي خاص بية ما مسموحلك تدخل واذا ضايج لأن اليوم ازل اختنكت فعادي كل الأطفال تصير وياهم هيج مواقف شنو قابل بس انتَ عندك أطفال وخايف عليهم هلكد
كلت هل كلام ورحت للمطبخ اساعدهم صبو العشة وكعدنة نتعشة
ورة العشة شفت حسين كعد يحجي وية بابا وحدهم
ثاني يوم الصبح راح حسين واني رحت للكلية وبدت الأسئلة سين وجيم ومنو بتج وليش تبجين حجيت كولشي وانصدمو خاصة دكتور سالار شفتة ضاج
من رجعت للبيت بابا كلي اريدج بموضوع
رحت بدلت وغسلت وشلت يزن ارضعة ممة واجيت يم بابا
:ها بابا
:كعدي بتي.. باعي بابا انتِ هسة عندج 2 جهال وأكيد اطفالج يحتاجون اب وحسين حجة وياية بخصوص رجوعج شنو رأيج توافقين
:بابا ما اكدر اعذرني
:بنتي فكري ورديلي خبر
سمعت ازل تبجي عفتة وكمت رحت رضعتهة ونامت نزلت العصر للشغل وتفكيري بكلام بابا معقولة تعاجزو من عندي لو شنو
رجعت للبيت المغرب صليت وكملت وصبينة عشة كعدنة ناكل ع العشة بابا فتح وياي الموضوع
:لا بابا ما ارجع
احمد:ليش مترجعين رجال غلط وعرف غلطتة
:بس مو يخونيي
تقى:الي يسمعج يكول لزمتي بالفراش وية وحدة
:تقى بليز لتدخلين ولا كأنو انتي تعرفين شنو سبب طلاقي الحقيقي
احمد:شنو بلا ست؟
:ماكو شي
بابا:احجي بابا تقى خل نعرف
تقى:عمو حنين معجبة من زمان بالدكتور مالتها وتطلكت منة علمودة
حنين:شنوووو
احمد:هل حجي صدك
بعدني محاجية شي وكام بابا واحمد يدفرون ويضربون بية وكأني مو بشر واباوع تقى نظرات الحقارة بعيونهة وتضحك وباجي تحاول توخرهم ميوخرون على صياحهم نزل رجل يقين وبالكوة وخرهم شالتني يقين دخلتني بالغرفة وبقت تعقم بجروحي واحمد وبابا بالصالة يصيحون
يقين عرفت السالفة وراحت لزمت تقى كدامهم كتلتها كتلة بحيث خلتهة تروح لغرفتها زحف
يقين:اكعد يا ابوية ويا خوية يا حزام ضهر لأختي كامت النسوان بحجاية منهن تمشيكم
اسمعوني زين حنين ما تطلكت من ذاك الشراني لأن خانها بس لأن جان يتراهن عليهة
احمد:شنوو
:ي جان متراهن على اختك يل نجر هوة ومحمد متراهنين منو ياخذها
احمد داخخ كلش كام بس يتشمى بالممر وبابا ضغطة صعد واني كاعدة بالغرفة ابجي من الوجع
احمد:زين هيةةة ليش مكالت ليش محجتت
يقين:شتحجيي شتحجي لكتك سند الها حتى تحجيلك لو ابوية نادرآ ما تشوفة بالبيت ومرتك بس تتعارك وياها
دخل عليه احمد للغرفة اجة حضنيي
احمد:اعذرينيي حنين اعذريني والله ما ادري شبية هاي الفترة وياج نسيت انتِ وصية اميي
شال موبايلة وطلع برة وخابر على سالم
احمد:سالم تجي تأخذ اختك للبيت وورقة طلاكهة توصلها
بقو يتصايحون آخر شي كلة سالم
:انتَ والله بطران حسين اخوي صارلة يومين مختفي وانتَ تعال اخذ اختك
وغلق الموبايل
راح صاح تقى اجتي اعتذرت مني وباستني
احمد:تقى ركضض ع المطبخ سوي عشةة
راحت تسوي عشة وهوة اجة شال يزن لأن بدة يبجي
ورة شوية دخل بابا
:والله بوية حتى خجلان اجي اكلج اعذريني
كمتلة اني وحضنتة
:تمون بابا تمون
سمعنا صوت ماعون وكع وانكسر وعياط تقى
:شلووون حسين مخطووفف اويلي عليك خوية وكعدت تبجي
احمد ما اهتم اخذ اطفالي وبتة وكيوني ونزل يمشيهم جوة
اني ما فهمت شكو وليش صاحت
شوية ودخلت يقين شايلة اكل تريدني اكل
حنين:يقين تقى شبيها
يقين:درت باخوهة مختفي
حنين:شنوووو؟؟!
:شكو شبيج فزيتي
حنين:بس لا حسين
يقين:اي حسين
انصدمت صدمة احس كلبي انفطر معقولة حسين مختفيي؟ زين وينة؟ وين راح؟ اخذو الدواعش؟ لو مقتول؟
ما تحملت كل هل تفكير كلت ليقين تطلع برة اريد انام
نمت واني دموعي تجري على خدي بعدني احبة لليوم..

==========================
🖤🖤