ٌتغرِيدةً عَشـگ / مـگتملة

بارت ( 29 )

#تغريدة_عشكك
للكاتبة: #العنـود

========================
معدلي طلعي 89 كولش فرحو اهلي ويقين تريد تسوي حفلة
:للاسف خيبت ضنج وما طلعت دكتورة
:يمعودة اصلآ انتِ زين منج نجحتي على هذا الظيم
:يلا عود ادرس ماجستير واصير دكتورة جامعية ولا يهمج
قررت بهذا معدلي ادخل برمجيات حاسوب
رحت لبابا
:بابا ممكن احجي ووياك بموضوع
:ي بابا كولي
:بابا اريد اشتغل
احمد:شنوو
:اريد اشتغل واعتمد على نفسي
:ليش مقصرين عليج بشي
:لا بابا ابد ممقصرين بس اني ما اريد احس روحي ثكيلة عليكم وعندي 2 أطفال
:شهل كلام حنين
:بابا ارجوك تفهمني
تقى:وتعوفين الشغل عليه قبل جانت حجتج دراسة دراسة وكملتي كعدي ساعديني بالبيت
بابا:احمد سكت مرتك
احمد:تققى لغرفتججج بسرعةة
:بابا شفت بعينك داسمع حجي وأشياء واغلس واعبر واكول لباجي لتكولين لبابا لينقهر بابا ارجوك وافق اشتغل
:شتشتغلين؟
:سكرتيرة يم دكتورة صديقة يقين
:هاهية بابا الي تردي سوي زين واطفالج؟
:همة بليل يبقون كاعدين وبالنهار نايمين واخليهم يم يقين خاف يبجون
احمد عافنة وراح لغرفتة مبين من وجهة معندة اعتراض على الشغل
ثاني يوم كعدت على صوت دك الباب ب 9 تقريبآ
:يلا عيني تعالي ساعديني
:انتِ من كل عقلج مكعدتني ب 9 دروحي ماما روحي عود عوفي الشغل الي يبقى بالليل عليه
ردت أسد الباب جان تسحبني من شعري وتوكعني بالكاع واني مصارلي فترة طويلة من والدة بطني موتتني من  الوجع بس كمت ضربتها راشدي وجريتها من شعرها وية مجريتها من شعرها فات احمد
:تقى فوني بسرعة نسيت.. هايي شنو ولجن
هية رأسآ كامت تبجي وتون
تقى:حموديي حبيبي اختك موتتني من الكتل اني بعد ما اتحمل هيج
احمد:حنين شصاييييرر؟
على صوتة كعدت باجي من النوم
تقى:انه بس كتلها عادي اجيب نور واجي انام بغرفتج
شو هية سحلتني من شعري وتكولي شلون البارحة هيج تحجين كدام بابا واحمد يعني اني شسويت حتى اختك هيج كارهتني ومتريدني انه شني ذنبي بالسوا حسين
احمد:صحيح هذا الكلام حنين
:لا مو صحيح وكل الي كالتة كذب
:يعني انه جذابةة مو حنين جذابة
صار الشي الي بعمري متوقعتة انو ممكن يصير احمد مد ايدة عليه علمود مرتة
ضربني راشدي ولزمني من شعري ويودي  ويجيب بية بالممر باجي تحاول تفكني من ايدة متكدر
آخر شي فقدت بعد ما ادري شصار كعدت بالمستشفى مخليلي كانونة ومغذي ولصقات جروح على وجهي وايدي لافيها مرضوضة شوية ويمي بابا ويقين كعدت
بابا:الحمدالله على سلامتج باباتي
ابتسمت ولزمت ايدة :الله يسلمك بابا
يقين:اي عيني اي الضحكة بس لابوهة
:هههه
شوية ودخلو الشرطة يحققون ويحجون كردي اني اعرف احجي كردي بس مو حيل قوية
يقين:حنين يكولون تعرضتي لضرب
:كليلهم اي
بابا:حنين شهل حجي
:ي بابا هذا ابنك اشتكي علي مثل ما بهذلني وكتلني علمود مرتة خل يحبسو شكم ساعة وعود العصر طلعة
حاولو وياية شكد بس ما قبلت اتنازل
يقين حجت بالكردي انو محد تعرضلها وهية واكعة
بس اني فهمت وحاولت اوصللهم الفكرة شلون ما اكدر افتهمو انو اخوية ضاربني وراحو علي لشغلة ولزمو خلو بالسجن بابا شال بخاطرة مني حيل بس يقين بعدين ايدتني وكالتلي زين تسوين
من رجعنة بابا كللهم هيج وهيج صار وتقى كامت تصيح تحبسين اخوج واجتي تريد تهجم عليه تضربني يقين عاطت بيها
يقين:انجبي لج حية لتدخلين انتِ
حنين:بابا اندك الصبح ب 9 علية الباب فتحتة لكتهة تقى تكلي... وهذا كل الي صار بابا
بابا عيونة صارت حمر وحيل ضاج وكلمن طب لغرفتة ازل كامت تبجي رحت للمطبخ اسويلها ممة جان اشوف تقى كاعدة تاكل
حنين:اصبريلي تقى بس اصبريلي اذا ما اخليج تجين تبوسين قندرتي فلا يطلع اسمي حنين
:هه نشوف
للعصر راح بابا وطلع احمد ومن اجة احمد ميحجي وياية ولا اني
ثاني يوم خابرت خالتي منار وسولفتلها الصار واترجيتها تخابر هية بنفسها عمو أبو تقى وتكلة شسوت بتة بلكوة يلا قبلت
صدك خابرتة على اساس انو هية ممحصلة أحد من عدنة فخابرتة تطمن ومسولفتلة ع الصار
وراها عمو خابر تقى وهية جانت كدامي من خابرها وجها صار اصفر وكامت تمتمت
:بوية والل... بس اسمعني.... هاهية صار تدلل.... وداعتك بعد مالي غرض بيها
سدت الفون واخذت بتهة ودخلت لغرفتها بعد مطلعت
وصدوك بعد ما دخلت بية ولا تحجي
واني بديت اشتغل ومن ارجع اسوي عشا واغسل المواعين بس وبابا خلالي مصرف شهري من عندة 150 وراتبي 250 غير المصرف 300 الف الي يدزهن حسين كل شهر فيعني جنت الحمدالله مدبرة اموري وبين اسبوع والثاني يجي يشوف الجهال
بين فترة وفترة اسمع اخبارة وسمعت آخر شي انو الي ببطن سمية مو ابنة ما اعرف طلعت جذابة

طبعآ التوم جانو أحلى شي بحياتي حيل مونسيني صدوك متعبين بس هادئين واحمد علاقتي بي مو مثل قبل سطحية حيل وتقى جانت متدخل بية بس جانت تحب التوأم دائمآ تكعد يمهم تلعبهم
فتحتلي حساب بالبنك كل شهر اخلي 300 الف بالبنك يفيدني للزمن
ومن اضوج بالليل اخلي الأطفال بالعربانة وأخذ كيوني وزيوني ابن يقين وننزل نتمشى ونشتري أشياء من المحل ونلعب ونرجع للبيت

ما بقة على دوامي بس اسبوعين نزلت اشتريت ملابس وحضرت غراضي وجنت كولش متحمسة للكلية أطفالي جنت مقررة أخليهم بحضانة بس باجي مقبلت كالت شكو عليهم خليهم يمي

عيادة الدكتورة  قلصت الايام الي تداوم بيها بحيث صارت تفتح بس 3 مرات بالاسبوع فقللت من راتبي
طبعآ من داومت محجيت اي شي عن حياتي ولا كلت منفصلة ولا اي شي تعرفت على بنات ثنين صارن صديقاتي كولش بس هم مكتلهن على حياتي
مجنت هواي ادرس بس بليلة الامتحان ادرس
ورا فترة اجة معيد جديد مبين ببداية الثلاثينات كولش حلو شكلة طويل وعندة لحية خفيفة وشعرة يرفعة بنات القاعة كلهن ماتن عليي ويزحفن بس اني جنت ممهتمة بس هوة لاحظ هذا الشي وبدة يتقربلي حتى البنات لاحظن كالن دكتور سالار هواي يسأل بيج

ففديوم كاعدة بمحاظرة وجان نفسة هذا الدكتور جان يتصل عليه احمد نطيتة رفض فرجع دز رسالة
:حنين بتج اختنكت واحنا هسة رايحين للمستشفى اني كمت ما اعرف شسوي
كمت ردت اطلع ودموعي تجري
سالار:وين حنين؟
:دكتور بنتي ما ادرييي شبيها
عفت القاعة وطلعت ودموعي تجري

==========================