ٌتغرِيدةً عَشـگ / مـگتملة

بارت ( 5 )

#تغريدة-عشكك
للكاتبة: #العنـود

صعدنة بالسيارة
حسين:ليش ما لابسات عباية و شنو هل مكياج
حنين:باوع بالحنة البس عباية لأن مالتي قصير والمكياج بس هسة لأن نيشان بعدك مشايف شي
حسين:هاي بالنسبة الج مو لتقى ما تحجين
تقى:موو شسمة أاا
بيبي:خلي البنات فرحانات يمة كلها متعجبة بيهن وعلى جمالهن خطبنهن مني ثنين نسوان
حسين:شنو
بيبي:يي وحدة تكول ولد عم ثنيناتهم والثانية تكول اخوان
حسين:وشكتيلهن
بيبي:كتلهن لولد عمهن
حنين:شنو اني أخذ واحد من ولد عمي
بيبي:يي لحسين وتقى لأحمد
حنين:هذا حسين يمةة هااي العايزة مثل اخوية والله مثل أحمد
وكفت السيارة فجأة وضرب عل ستيرن مو اخوج اني مو اخوج
حنين:لو آخر يوم بعمري ما آخذك
حسين:ليش شبية هاي إلا اذا شايفتلج شوفة ست حنين
حنين:شوف يلزمني من أيدي التوجعني ما عندي أحد ولا اريد ازوجك اسكت الحجي ضايع وياك بس لو شيصير ما اخذك اكلج بيبي عدنة مدرسة هناك أرملة ما ناخذها لابوية والله كولش حبابة
بيبي:يمة اكيف بس احنة نريد بت عمة أخت مرت عمج قاسم
حنبن:بيبي اني مرت عمي هاي ما هضمتهة انوب اهضم اختها
بيبي:شسمها وشكد عمرها ومن يا ديرة؟
حنين:اسمها حوراء وعمرها 35 ما اعرف منين بس اسألج
بيبي:بيها الخير باجر نروح نشوفها
تقى:يمة أفتك من المادة مالتها أنجح ببلاش مرت عمي بعد
حنين:بالعكس احب الدرس مالتها بس اذا صارت مرت ابوية ما اقرة 😹
وصلنا للبيت أحمد يضحك
حنين:ضحكني وياك حمودي
احمد:شريك ابوية صاير بي سرطان مرجع فلوس ابوية وحصتة يعني المعرض كلة صار لابوية يريد يكفر عن ذنبة😉
حنين:يمة يراد اركص بجفية كولش فرحت لبابا
طبيت جوة بدلت ونمت اجة علية ابن اخو تقى كلي جدو يريدج بالمضيف
نزلت رحت جوة
حنين:عمو كالو تريدني
عمي:يي تعاي كعدي نريد نشوف رايج بشي نريد نزووجج لحسين تقبلين بي عميي وهوة ابن عمج موش غريب وشاريج
حنين:هههه طبعآ وبدون تفكير لااا 😒
حسين:ما عدنة بنية ترفض واصلآ لو ما عمي مناخذ رأيج بس عمي كال اشوف بتي بالاول
حنين:عمو اني شكد عمري كلي عمري 16 سنة بابا ما تحجي
بابا:ابن عمج متكدرين ترفضين
احمد:اذا هية مقابلة متاخذة لو شصاير حنونة معليج بيهم اني اخذج لبغداد ونعيش اني ووياج
حسين:ليش متقبلين بية البنات تركض ركض وراية
حنين:البنات مو إني اني أكرهك من اول لقاء نوب تريد تزوجني عشتوو
حسين:أنهي عليج والتاخذي اكتلج انت ويا فاهمة لو لا
:بابا احجي وبعدين تعال نهوة شنوو عيني ترة اكو قانون بخصوص هل شيي وانلغت النهوة اذا متعرف.....
بابا:ابن عمج م يصير ترفضي وهوة متمسك بيج اني اذا ما شايف بهل موضوع مصلحتج ما ازوجج الة
حنين:شنو هل تفكير الرجعي ما أريدك هية كوة أحمد احجي بابا شبيك كالب علية☹
احمد:اذا متردي لتاخذي بابا متريدة هية كووة
بابا:انت لتدخل اذا حطيت خشمك بشي أغضب عليك ليوم الدين وروح أمكك
اني اعرف مصلحة بتي
حنين:مصلحة بتك تزوجها واحد ما تعرفة وتفكيرة رجعي وميحترم المرة وميقدرها
عفتهم وطلعت صعدت لغرفتي ضليت ابجي ثاني يوم مداومت ضليت ابجي اجتي تقي اسمعي تقى هسة تحجيلي عن اخوج كلشي كلشي اريد اعرف كولشي عنة هل متسلط الدكتاتوريي
تقى:اسمعي بس على كيفج ياعيني وبعدين هوة والله حباب وكلبة طيب اخوية أبو عليي من عمرة 20 حب وحدة حد الجنون زوجناهيا بس هية جانت اخلاقها وية امي مو شي أبد تنتر وتصيح ورة فترة جاي تغسل الساحة وانتلت بالماطوور وماتت هية جان شعرها احمر وبيضة هوايي حلوة  أنتي تنطيها شبه هوايي ورة موتها اخوية تكأب صاير ميضحك وبس منعزل بغرفتة امي ضلت تلح إلا ازوجك واشوف جهالك يلة قبل زوجنا بت خالتي الي بغداد وحدة مايعة وشايفة روحها حبلت وطرحت عبالنة متدري ووكع بس هية موكعتة تخاف على جسمها يخرب
حنين:وتريدوني آخذة
تقى:والله كلبة طيب وحباب
حنين:زين شنو اسم نسوانة للباشة؟؟
تقى:الأولى بنين والثانية سما
حنين:بيها الخير انشالله
نزلت سويتلي ريوك جان يطب شافني
حسين:شو ممداومة
حنين:تعبانة ترة على فكرة خاف آخذك مدرستي ما اعوفها لو اعرف اسوي بنفسي شي علمودها
عافني وطب جوة
سمعت اليوم يرحون يخطبون لابوية راحو ورحت وياهم
يعني تقريبآ بضرف أسبوع ابوية تزوج بس بدون عرس
ما همني ابد كالو هذا الأسبوع عرس ابن عمي همزين عندي ملابس ما يحتاج اشتري بالحنة لبست فستان قصير نيلي بدون أكمام  وسويت شعري بفف ومكياج صارخ بس شنو طلعت إلا بشدة لبست عباية صعدنة بالسيارة رحنة لبيت العروس هناك ركصت ركص مصاير كلها تعجبت بركصي بس اني من ضيمي اسوي هيج واطلع حركتي بالركص....
للمغرب رجعنة رحت لغرفة بيبي شغلت اغاني هم ضلينة نركص اني وعماتي طب علينة حسين يصيح طفو الDj
شافني ضل صافن لبست عباية عمتي وهوة كلي ستري روحج يابة ليشوفج احد وعماتي شووف شلون يحبج ويغار عليج دقبلي بي بنات العشيرة كلها تريدة ونتي تتفيكين عليي...
تعشينة وكملنا اني رحت نمت متأخرة الصبح كعدنة بال6
حنين:ادريتجنيد الزامي شنو السالفة كاعدين ب ٦ شكو اريد افتهم شكوو
نزلت واني ما أدري شنو جني زومبي شفت بيبي كاعدة حطيت راسي على رجلها ونمت هم كعدوني كمت غسلت وجهي بس الوكت يركض ركض

لبست فستان طويل ولفيت الحجاب طلعت كولش حلوة احلا وحدة بالعرس
صعدت وية أحمد اباوع أحمد يباوع لتقى وهية تضحك
حنين:أحمد عيونك عل طريق
احمد:ها اي اي
بس احمد نظراتة لتقى مو اعجاب ولا محبة معرفت افسرها شنوو
الشباب وكفو بنص الشارع يركصون  اني كوة لازمة نفسي ما اركص وصلنا لبيت العروس
جابوها وهم بالطريق نزلو يركصون آخر شي رجعنا للبيت هلكانين تعب
ساعة بال8 اني نايمة كعدت الساعة بال6 لكيتهم طاشين لهلهم سويتلي ريوك وكعدت اكل بالحديقة رحت للمدرسة ووبعد باجر امتحانات نهاية الكورس رحت اني وتقى مشي محد اخذنة من جاي نرجع لكيت حسين صعدنة ويا
حسين:ورة امتحانات نعقد
حنين:هوة شنو شنوو تعقد شنو مو بكيفك فاهم مو بكيفك واني ما اريدك تهسترت كمت اصيح وصلنا للبيت كال لتقى نزليي لاف السيارة وطلع كبل واني بس ابجي آخر شي وصلنا لمكان بس زرع وخضار والجو كولش حلو كلي نزلي اني كلت خلاص هاي نهايتي راح اموت هنا نزلت واني ارجف
كعد وكلي تعاي كعدي
حنين:ما اريد
حسين: تعاي كعدي اكلج
رحت كعدت يمة حضني وحطني جوة ايدة ريحتة سطرتنيي تجنن بمعنى الكلمة انتبهت لبنية جسمة شلون مبنية واكتاف عريضة ولحية خليجية
حسين:حنين انة احبج
حنين:من شوكت؟؟!
حسين:قبل سنة يي قبل سنة لتسغربين تذكرين من تخربطتي بالمدرسة واتصلو على عمي اني بوكتهة جنت يمة واجيت انة وعمي بس اني فاقدة وعيج ممنتبهة عاد من كالو مبيج شي اني ترخصت من عمي ومن يومها انتي مرايحة من بالي وداعت اميي حنش انة احبج وحك الله لو تصيرين الي لو ماكوو وما جنت اجيج واحجي ووياج لأن ما اريد اتعلق بيج وفرق العمر بس من اجيتو وشفتج حليانة وكبرانة كلت لا والله لو الي لو متصير وقبل لتجون باسبوع اني طشيت الخبر انو اريدج وحتى لو متحبيني بمرور الوكت حتعشكيني متأكد اني يبعد حيليي انتيي وحضني بكل قوتة انمردت بيدة
من رجعت شفت بابا واكف بالباب منتضرني هوة واحمد احمد شيخ على حسين كلة وين اخذتهة وينن
حسين: اششششش حسك ما اسمعة
وراح دخل جوة اجو يحجون وياية بيج شي سوالج شي كتلهم لا مسوالي شي بس فررني بالسيارة
  ضليت افكر بكلامة وشلون يحجي وغمازاتة وسمارة نوعآ ما بديت انعجب بي بس شلت اي فكرة من بالي بخصوص هل موضوع لأن اريد اركز بدارستي
بدت الامتحانات وبدأ الضيم والقهر اقرة وكلشي ما افهم ابد خلصت الامتحانات على خير
واجة آخر يوم امتحان....

===========================
للكاتبة :فاطمة عماد