ٌتغرِيدةً عَشـگ / مـگتملة

بارت ( 25 )

#تغريدة_عشكك
للكاتبة: العنـود

=====================
فوزية:الله لا يوفقج انشالله يا سا.... ونزلت علية دك فشار
بس منحس غير عمي ووكع عليها دك كتل
:لججج ما كلتي ابني شيصير عليي ما كلتي الناس تاكل وجهناا ما خفتي يكتلون ابني
بلكوة فكو عمي من عدها وهية تصرخ
عمي بصراخ:هاي الحرمة بعد متصيرلي مرة انتِ طالكك
كال هيج وهية وكعت بالكاع
حسين راح على سما وكللها يلا اوديج لاهلج يا ساقطة
سما:اني اروح وحديي لتدخل انتَ
كالت هيج وحسين جابها براشدي
سما:تضربنيي تضربنيي يل مو رجال لو بيك خير هاي مو ثالث مرة الك ولحد الان ما عندك طفل
شالها حسين من شعرها
:انتِ طالق طالق طالق
خابر على اخوانها وعمامها واجوي
راووهم كولشي اخذو فوزية وسما وراحو
اني وحسين هم رحنة للبيت
دخلت سبحت وطلعت اجفف بشعري
حسين:حنين ليش لحد هسة محملتي
:حبيبي مو اني اخذ حبوب منع حمل
:شنووووو
:شبيك حياتي اخذ حبوب منع ح..
بعدني ممكلمة واجاني منة راشديي
:حبوب شنو ولجج حبوب شنو بت... ولج انه وحدة مثل هاي الدايحة تعيرني بالخلفة من وراج
بقيت مصدومة
دموعي ضلت تجري من وحدها سحبني وكعدني ع الجرباية
:هسة تكليلي ليش تاخذين حبوب هسة ولج الناس اكلت وجهي لأن لهسة ما عندي طفل احجي ليش احجييييي وعاط
:والله واشهك ردت اكمل السادس..ح..تى اتفرغ للطفل
:وانتي علمود دراستج تاخذين حبوب مو
:يي والله
:سمعيي لجج دراسة بعد ماكو وتنجبين وتكعدين بالبيت
اخذ فراشة وطلع من الغرفة
اني بقيت كاعدة ابجي شوية وكمت ورا
حنين:حسين حسين
:هاا شكو
:كوم نام بالغرفة
:روحي وعوفيني
:كوم نام بالغرفة لتنام هنا
اندارلي ووكف كبالي
:لعبانة نفسي منج والله
عافني ونزل جوة
اني ورا هاي الكلمة كلت ما ابقى والله
رحت لفراشي شوية واتصلت خالة منار
حجيت وياها
:شبيج خالة صوتج مبحوح
متحملت اسكت بجيتت وابجي وابجي
ضلت تسأل وتستفسر حجيتلها كولشي
كالتلي ماماتي اسكتي واني انشالله جاية باجر
وبقت تهدي بية
حيل ارتاحيت من حجيت وية خالة
صدوك كعدت الصبح ب 9 تقريبآ حسين يكعد بية
:كومي خالتج اجتي
:ي هسة كايمة
:اسمعي لج مو امي راحت تردين تعلكين خالتج ببابوي وحق الله افنيج
: اصلآ خالتي ما تدري بالصار كولة
رحت غسلت وجهي ونزلت سلمت عليهة جن شفت امي من شفتها بقيت ابجي بحضنها وانحب نزل حسين
ما اهتم لبجيي
حسين:حياج الله خالة شتأمرين حاضر
:تسلم وليدي
كال هيج وطلع حتى ما تريك
رحت اسوي ريوك وخالتي راحت تغير ملابسها
منار:ي يل خبلة شراح تسوين
:اروح يم بابا
:هذا الحل تشيلي من بالج لأن ميفيدج بشي تخسرين رجلج وتكبر السالفة اكثر
:خالة ضربني
:واحد اعرف زوجتة تأخذ حبوب منع حمل شتردينة يسوي يركصلج جوبي
:خالة بس مهما يكون ميمد ايدة عليه
:هوة هم غلطان بس بنيتي زوجج من النوع العصبي وتلكي أحد مسمعة كلام ع الاطفال وضايج يحبج والله لو شفتي شلون يباوعلج وانتِ تبجين كبري عقلج لتصيرين طفلة